ⵉⵙⵍⴻⵎ-ⴷ ⵍⵅⴰⵍⵉⴼⴰ ⴰⵎⴰⵜⴰ ⵏ ⵜⵜⴰⵔⵔⵉⵇⴰ ⵜⵜⵉⴶⴰⵏⵢⴰ ⴷⴻⴳ ⵙⵉⵏⵉⴳⴰⵍ, ⵛⵛⵉⵅ ⵎⵓⵀⴰⵎⴻⴷ ⴻⵍ ⵎⴰⵀⵉ ⵉⴱⵔⴰⵀⵉⵎ ⵏⵉⴰⵙⵙ, ⴰⵙⵙ-ⴰ ⵏ ⵜⵜⵍⴰⵜⴰ, ⵙ ⵓⵎⴰⵀⵉⵍ ⵉⵕⴻⵙⵙⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⴷⴻⴳⴳⴻⵔ ⵏ ⵜⴻⵎⵙⴰⵍ ⵏ ⵜⵜⴰⴳⴷⴰ ⵏ ⵢⵉⵏⵙⴻⵍⵎⴻⵏ ⴷⴻⴳ ⵓⵎⴰⴹⴰⵍ ⵎⴻⵕⵕⴰ, ⵓ ⴷⴻⴳ ⵡⴰⴼⵙⴰ ⵏ ⵓⵙⴻⵍⵎⴻⴷ ⵏ ⴷⴷⵉⵏ ⴷⴻⴳ ⵜⵎⴻⵏⵏⴰⵟ ⵏ ⵜⴻⴼⵔⵉⵇⵜ.
ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵉ ⵢⴻⵅⴷⴻⵎ ⵉ ⵜⵏⴻⵖⵎⴰⵙⵜ ⵙⴻⵍⴷ ⵎⵉ ⵜ-ⵉⵙⴻⵍⵍⴻⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵛⵛⵉⵅ ⵎⵓⵀⴰⵎⴻⴷ ⴻⵍ ⵎⴰⵀⵉ ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ "ⴷ ⵜⴰⵎⵓⵔⵜ ⵉⴶⴻⵀⴷⴻⵏ ⵢⴻⵔⵏⴰ ⵎⴻⵇⵇⵔⴻⵜ, ⵜⴻⵜⵜⵡⴰⵃⵙⴻⴱ ⴷ ⴰⴽⴰⵍ ⴷ ⵓⴼⵓⵙ ⵏ ⵜⴰⵍⵍⴻⵍⵜ ⵉ ⵢⵉⵏⵙⴻⵍⵎⴻⵏ ⴷⴻⴳ ⵢⴰⵍ ⴰⵎⴽⴰⵏ", ⵉⵙⵙⴻⴽⵜⵉ-ⴷ ⴱⴻⵍⵍⵉ ⵜⵉⵔⵣⵉ-ⵉⵙ ⵜⵓⵙⴰ-ⴷ ⵉⵡⴰⴽⴽⴻⵏ ⴰⴷ "ⵜⴻⵙⵙⴻⵏⵏⴻⵔⵏⵉ ⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴳⴰⵔ ⵓⵖⵔⴻⴼ ⴰⵣⵣⴰⵢⵔⵉ ⴷ ⵢⵉⴳⵓⵔⴻⴼ ⵏ ⵜⴻⴼⵔⵉⵇⵜ ⵏⵏⵉⴹⴻⵏ".
ⵉⵙⵔⴻⵚ-ⴷ ⴷⴻⴳ ⵓⵏⵏⴰⵔ-ⴰⴳⵉ ⴰⵣⴰⵍ ⵉⵕⴻⵙⵙⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⴼⵙⴰ ⵏ ⵢⵉⵍⵓⴳⴰⵏ ⵏ ⴷⴷⵉⵏ ⴷⴻⴳ ⵜⴻⴼⵔⵉⵇⵜ ⵙ ⵓⴷⴻⴳⴳⴻⵔ ⵏ ⵍⵎⴻⴶⵀⵓⴷⴰⵜ ⵏ ⵓⵙⴻⵍⵎⴻⴷ ⵏ ⵍⴻⵇⵔⴰⵏ ⴰⵄⵣⵉⵣ ⴷ ⵜⵓⵙⵙⵏⵉⵡⵉⵏ ⵏ ⴷⴷⵉⵏ.
ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⵜⴰⵔⵔⵉⵇⴰ ⵜⵜⵉⴶⴰⵏⵢⴰ, ⵉ ⴷ-ⵉⵍⵓⵍⴻⵏ ⴷⴻⴳ ⵍⴻⵣⵣⴰⵢⴻⵔ, "ⵜⵇⴻⴷⴷⴻⵛ ⴷⴷⵉⵏ ⵏ ⵢⵉⵙⵍⴻⵎ ⵙ ⵍⵇⴻⴷⴷ ⴰⵎⴻⵇⵇⵔⴰⵏ", ⵢⴻⵔⵏⴰ ⵓⴳⴰⵔ ⵏ 400 ⵏ ⵢⵉⵎⴻⵍⵢⴰⵢⴻⵏ ⵏ ⵢⵉⵏⵙⴻⵍⵎⴻⵏ ⴹⴼⴻⵔⴻⵏ ⵜⵜⴰⵔⵔⵉⵇⴰ-ⴰⴳⵉ, ⵉ ⵉⵙⴻⵎⵎⴰ "ⴷ ⵜⵜⴰⵔⵔⵉⵇⴰ ⵏ ⵜⵓⵙⵙⵏⴰ ⴷ ⵓⵙⴻⴷⵔⴻⵡ ⵙⴻⴳ ⵕⴻⴱⴱⵉ".
ⴷⴻⴳ ⵜⴰⵍⵍⵉⵜ-ⴰⴳⵉ, ⵍⵅⴰⵍⵉⴼⴰ ⴰⵎⴰⵜⴰ ⵉⵙⵍⴻⵎ-ⴷ ⵙ "ⵓⵙⴷⴻⴳⴳⴻⵔ ⵏ ⵍⴻⵣⵣⴰⵢⴻⵔ ⵉ ⵜⴻⵎⵙⴰⵍ ⵏ ⵢⵉⵏⵙⴻⵍⵎⴻⵏ ⴷⴻⴳ ⵓⵎⴰⴹⴰⵍ", ⵉⵎⵉ ⵜⵓⵔⴰ ⴷ "ⵜⴰⵎⵓⵔⵜ ⵏ ⵓⵎⴻⵏⵏⵓⵖ ⴷ ⵓⵙⵍⴻⵍⵍⵉ, ⵉ ⴷ-ⵢⴻⴼⴽⴰⵏ ⴰⵎⴻⴷⵢⴰ ⵉ ⵓⵎⴰⴹⴰⵍ ⴷⴻⴳ ⵓⵃⵔⴰⵣ ⵏ ⵡⴰⴽⴰⵍ, ⵏ ⴷⴷⵉⵏ ⴷ ⵜⵉⵍⴻⵍⵍⵉ".
ⴰⵔⵏⵓ ⵖⴻⵔ
