ⵢⴻⵙⵙⴻⴼⵀⴻⵎ-ⴷ ⵓⵎⴻⵙⵍⴰⴹ ⵏ ⵜⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⵏ ⵓⵎⴻⵣⵔⵓⵢ ⴷ ⵜⴻⴽⵜⵉⵜ, ⵎⵓⵃⴰⵎⵎⴻⴷ ⵍⴰⵃⵙⴻⵏ ⵣⴻⵖⵉⴷⵉ, ⴰⵙⵙ ⵏ ⵓⵙⵉⵏⴰⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴰⵣⴰⵍ ⵏ ⵍⵇⴰⵏⵓⵏ ⵏ ⵓⵙⴻⵊⵔⴻⵎ ⵏ ⵓⵙⴻⵅⵅⴻⵔ ⴰⴼⵔⴰⵏⵙⵉⵙ ⴷⴻⴳ ⵍⴻⵣⵣⴰⵢⴻⵔ, ⵉ ⵢⴻⵙⵙⵉⵊⵀⵉⴷⴻⵏ ⴰⵃⵔⴰⵣ ⵏ ⵜⴻⴽⵜⵉⵜ ⵜⴰⵖⴻⵍⵏⴰⵡⵜ ⵉ ⵢⴻⵔⵔⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⴷ ⴰⵎⴻⵣⵡⴰⵔⵓ ⴷⴻⴳ ⵢⵉⵙⵡⵉⵢⴻⵏ-ⵉⵙ.
ⴷⴻⴳ ⵢⵉⵡⴻⵜ ⵏ ⵜⴷⵉⵡⴻⵏⵏⵉⵜ ⵏ ⵓⵎⴻⵣⵔⵓⵢ ⵉ ⵜⴻⵙⵙⵓⴷⴷⴻⵙ ⵜⴷⵓⴽⴽⵍⴰ "ⵎⴻⵛⵄⴰⵍ ⴻⵛⵛⴰⵀⵉⴷ" (Mechaâl Echahid) ⴷⴻⴳ ⵡⴰⵎⵎⴰⵙ ⵏ ⵓⵖⵎⵉⵙ "ⴻⵍ ⵎⵓⴷⵊⴰⵀⵉⴷ" (El Moudjahid) ⵖⴻⴼ ⵜⴻⵎⵙⴰⵍ ⵏ "ⵜⵎⴻⵏⵏⵓⵖⵜ ⴷ ⵜⴳⵔⴰⵡⵍⴰ ⵏ ⵜⵍⴻⵍⵍⵉ ⴷⴻⴳ ⵡⵓⵏⵥⵓⵍ ⴰⵎⴻⵇⵇⵔⴰⵏ ⵏ ⵍⴻⵣⵣⴰⵢⴻⵔ", ⵢⴻⵏⵏⴰ-ⴷ ⵣⴻⵖⵉⴷⵉ ⴱⴻⵍⵍⵉ ⵍⵇⴰⵏⵓⵏ-ⴰⴳⵉ ⴷ "ⴰⵙⵓⵜⵜⴻⵔ ⵏ ⵓⵖⵍⴰⵏ" ⵢⴻⵔⵏⵓ ⴷ "ⴰⵢⴻⵏ ⵢⴻⴼⴰⵣⴻⵏ ⴷⴻⴳ ⵓⵎⴻⵣⵔⵓⵢ" ⵉ ⴷ-ⵢⴻⵍⵍⴰⵏ ⵙ ⵍⴱⵖⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ. ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⵔⵓⵣⵣⴻⵖ ⵏ ⵢⵉⵎⴻⵜⵜⵍⴻⵏ ⵏ ⵓⵖⵍⴰⵏ ⵖⴻⴼ ⵡⴰⴹⵔⵉⵙ-ⴰⴳⵉ ⴷ ⵍⵡⴻⴼⴰ ⵉ ⵢⵉⵎⴻⵖⵔⴰⵙⴻⵏ ⴷ ⵢⵉⵎⵊⴰⵀⴷⴻⵏ ⵉ ⵢⴻⵄⵜⴻⴱⵏ ⵣⴷⴰⵜ ⵏ ⵓⵏⴻⴽⵛⵓⵎ ⴰⵡⴻⵄⵔⴰⵏ, ⵢⴻⵔⵏⵓ ⴷ "ⵜⴰⴱⵔⴰⵜ ⵉⵊⴻⵀⴷⴻⵏ" ⵉ ⴼⵔⴰⵏⵙⴰ ⵏ ⵓⵏⴻⴽⵛⵓⵎ ⴱⴻⵍⵍⵉ "ⵜⴰⴽⵜⵉⵜ ⵏ ⵓⴳⴷⵓⴷ ⴰⴷⵣⴰⵢⵔⵉ ⵓⵔ ⵜⴻⵜⵜⵡⴰⵜⵜⵓ ⴰⵔⴰ ⵢⴻⵔⵏⵓ ⵓⵔ ⵜⴻⵜⵜⵡⴰⵣⴻⵏⵣ ⴰⵔⴰ".
ⵢⴻⴼⴽⴰ-ⴷ ⵣⴻⵖⵉⴷⵉ ⴷⴰⵖⴻⵏ ⵜⴰⴳⵣⵓⵍⵜ ⵖⴻⴼ ⵢⵉⵣⵎⴰⵣ ⵏ ⵜⵎⴻⵏⵏⵓⵖⵜ ⵜⴰⵎⴻⵖⵔⴰⴷⴰⵏⵜ ⴷ ⵜⴳⵔⴰⵡⵍⴰ ⵏ ⵜⵍⴻⵍⵍⵉ ⴷⴻⴳ ⵡⵓⵏⵥⵓⵍ ⵏ ⵜⵎⵓⵔⵜ, ⴷ ⵢⵉⵣⵎⴰⵡⴻⵏ ⵉ ⴷ-ⵢⴻⵏⴽⵔⴻⵏ ⵣⴷⴰⵜ ⵏ ⵓⴱⴹⴰ ⵏ ⵍⴻⵣⵣⴰⵢⴻⵔ ⵉ ⵜⴻⴱⵖⴰ ⴼⵔⴰⵏⵙⴰ. ⵙⴻⴳ ⵜⴰⵎⴰ-ⵏⵏⵉⴹⴻⵏ, ⵢⴻⴼⴽⴰ-ⴷ ⴱⴻⵏ ⵄⴰⴱⴷⴻⵍⵔⴰⵃⵎⴰⵏ ⵉⴱⵔⴰⵀⵉⵎ, ⴰⵔⵔⴰⵡ ⵏ ⵓⵎⴻⵖⵔⴰⵙ ⵛⵛⵉⵅ ⵄⴰⵎⵓⴷ ⴱⴻⵏ ⵎⵓⵅⵜⴰⵔ, ⵜⴰⵢⵎⵎⴰⵜ-ⵉⵙ ⵖⴻⴼ ⵜⴻⵎⵍⵉⵍⵉⵜ-ⴰ, ⵎⴰ ⴷ ⵎⵓⵃⴰⵎⵎⴻⴷ ⴰⵇ ⴰⵅⴰⵎⵓⴽ, ⵎⵎⵉ-ⵙ ⵏ ⵓⵎⵊⴰⵀⴻⴷ ⴱⴻⵏ ⵍⵃⴰⵊⵊ ⵎⵓⵙⴰ ⴰⵇ ⴰⵅⴰⵎⵓⴽ, ⵢⴻⴼⴽⴰ-ⴷ ⵜⴰⴳⴰⴳⴰⵍⵜ ⵜⴻⴷⴷⴻⵔ ⵖⴻⴼ ⵓⴱⵔⵉⴷ ⵏ ⵓⵎⴻⵏⵏⵓⵖ ⵏ ⴱⴰⴱⴰ-ⵙ.
ⴰⵔⵏⵓ ⵖⴻⵔ
