ⵉⵜⴻⴷⴷⵓ ⵡⴰⵎⵎⵓⵙⵓ (ⴰⵏⵜⵉⴼⴰⴹⴰ) ⵏ ⵢⵉⵎⴻⵣⴷⴰⵖ ⴷⴻⴳ ⵡⴰⵟⴰⵙ ⵏ ⵜⴻⵎⴷⵉⵏⵉⵏ ⴷ ⵜⴰⴷⴷⴰⵔⵜⵉⵏ ⵏ ⵍⵎⴻⵔⵔⵓⴽ ⵎⴳⴰⵍ ⵜⵉⴳⴳⴰⵡⵜ ⵏ ⵍⵎⴻⵅⵣⴻⵏ ⵉ ⵢⴻⴱⵖⴰⵏ ⴰⴷ ⴷ-ⵢⴰⵡⵉ ⵙ ⴷⴷⵔⴻⵄ ⴰⵢⴻⵏ ⵙⵄⴰⵏ ⴷ ⵡⴰⴽⴰⵍ-ⵏⵙⴻⵏ. ⴰⵢⴰⴳⵉ ⵢⴻⵙⵙⴰⴷⴻⵔ-ⴷ ⵉⴳⴻⵎⵎⴰⴹ ⵉⵅⴻⵚⵔⴻⵏ ⴷⴻⴳ ⵍⴶⴻⵜ ⴷ ⵓⴽⵎⴰⵣ ⵏ ⵡⴰⵟⴰⵙ ⵏ ⵍⵖⴰⵛⵉ.
ⵜⴰⵎⵉⴷⵉⵏⵜ ⵏ ⵄⵉⵏ ⵍⴱⵓⵔⴶⴰ ⴷⴻⴳ ⵡⴻⴹⴹⴰⵔ ⴰⵎⴻⵍⵍⴰⵍ (Casablanca) ⵜⵣⴻⵔ, ⴰⵙⵙ-ⴰ ⵏ ⵜⵜⵍⴰⵜⴰ, ⵉⵎⴻⵏⵏⵓⵖⴻⵏ ⴳⴰⵔ ⵢⵉⵎⵉⵢⴰⵏ ⵏ ⵢⵉⵎⴻⵣⴷⴰⵖ ⴷ ⵜⵎⴻⵔⵡⵉⵏ ⵏ ⵢⵉⵎⵓⵀⴻⵍⵍⴻⵏ ⵏ ⵜⵎⴰⵏⴻⴳⵜ, ⵙⴻⵍⴷ ⵎⵉ ⵓⴳⵉⵏ ⵢⵉⵎⴻⵣⴷⴰⵖ ⴰⴷ ⴼⴼⵖⴻⵏ ⵙⴻⴳ ⵢⵉⵅⵅⴰⵎⵎⴻⵏ-ⵏⵙⴻⵏ, ⵉⵎⵉ ⵓⵍⴰⵛ ⵜⵉⵏⴻⵖⵜⴰⵙⵉⵏ (decisions) ⵏ ⵓⵣⴻⵔⴼ ⵉ ⵓⵀⵓⴷⴷⵓ ⵢⴻⵔⵏⴰ ⵓⵍⴰⵛ ⴰⵔⵔⴰ (ⵜⴰⵄⵡⵉⴹ) ⵏⴻⵖ ⴰⵎⴽⴰⵏ ⵏⵏⵉⴹⴻⵏ ⵉ ⵓⵃⵔⴰⵣ-ⵏⵙⴻⵏ.
ⵉⵎⵓⵀⴻⵍⵍⴻⵏ ⵏ ⵜⵎⴰⵏⴻⴳⵜ ⵏ ⵍⵎⴻⵅⵣⴻⵏ, ⵙ ⵢⵉⵙⴻⵍⵙⴰ ⵏ ⴷⴰⵅⴻⵍ ⵏⴻⵖ ⵡⵉⴷ ⵓⵏⵚⵉⴱⴻⵏ, ⵣⴻⴷⵎⴻⵏ ⵖⴻⴼ ⵢⵉⵎⴻⵣⴷⴰⵖ ⵉⵡⴰⴽⴽⴻⵏ ⴰⴷ ⵜⴻⵏ-ⵃⴻⵔⵙⴻⵏ ⴰⴷ ⴼⴼⵖⴻⵏ ⵓ ⴰⴷ ⵙⵙⴻⵔⵔⴻⵃⴻⵏ ⵉ ⵜⵎⴻⴽⵍⵉⵡⵉⵏ (bulldozers) ⵉⵡⴰⴽⴽⴻⵏ ⴰⴷ ⵜⴻⵏ-ⵀⵓⴷⴷⴻⵏ. ⴰⵢⴰⴳⵉ ⵢⴻⵙⵙⴰⴷⴻⵔ-ⴷ ⵍⵖⴻⵛ ⵏ ⵢⵉⵎⴻⵣⴷⴰⵖ ⵉ ⵉⵙⵙⵓⵜⵜⵓⵔⴻⵏ ⵜⵉⵏⴻⵖⵜⴰⵙⵉⵏ ⵏ ⵓⵣⴻⵔⴼ, ⵓⴳⵉⵏ ⴰⴷ ⴷ-ⴳⵍⵓⵏ ⵙ ⵢⵉⵎⴰⵏ-ⵏⵙⴻⵏ ⵖⴻⵔ ⵡⴻⴱⵔⵉⴷ ⵎⴻⴱⵍⴰ ⵎⴰ ⵢⴻⵍⵍⴰ ⵡⴻⵎⴽⴰⵏ ⴰⵔⴰ ⵜⴻⵏ-ⵉⵃⵔⴻⵣⴻⵏ. ⵡⴰⵟⴰⵙ ⵏ ⵢⵉⵙⵎⴰⵍ ⵏ ⵓⵙⴰⵍⴰⵏ ⵙⵏⴻⴽⴷⴻⵏ-ⴷ ⵉⵙⴻⴽⵍⴰⵙⴻⵏ ⵏ ⵜⵎⵓⵖⵍⵉ (ⵠⵉⴷéⵓⵙ) ⵉ ⴷ-ⵢⴻⵎⵎⴰⵍⴻⵏ ⵜⵉⵍⵉⵜ ⵉⴶⴻⵀⴷⴻⵏ ⵏ ⵜⵎⴰⵏⴻⴳⵜ ⴷⴻⴳ ⵜⴻⵎⴷⵉⵏⵜ ⴷ ⵍⵖⴻⵛ ⵏ ⵢⵉⵎⴻⵣⴷⴰⵖ ⵉ ⵓⴳⵉⵏ ⴰⴷ ⴼⴼⵖⴻⵏ ⵙⴻⴳ ⵢⵉⵅⵅⴰⵎⵎⴻⵏ ⵏ ⵍⴻⵊⴷⵓⴷ-ⵏⵙⴻⵏ.
ⵉⵙⴻⴽⵍⴰⵙⴻⵏ-ⴰⴳⵉ ⵎⵍⴻⵏ-ⴷ ⵜⵓⵎⴰⵏⵉⵏ ⵉⵅⴻⵚⵔⴻⵏ ⵏ ⵢⵉⴳⴻⵔⴷⴰⵏ ⴷ ⵜⵍⴰⵡⵉⵏ ⵉ ⵉⵟⵄⴻⴳⴳⵉⴹⴻⵏ ⴷ ⵡⵉⴷ ⵉ ⵢⴻⵖⵍⵉⵏ ⵙ ⴷⴷⵉⵇ. ⵉⵖⵔⵉⵎⴻⵏ ⵙⵏⴻⴽⴷⴻⵏ, ⴷⴻⴳ ⵜⵎⴻⵙⵍⴰⵢⵜⵉⵏ ⵉ ⵓⵙⴰⵍⴰⵢ ⴰⴷⵉⴳⴰⵏ, ⵜⵙⴻⵔⵜⵉⵢⵉⵏ ⵏ ⵍⵎⴻⵅⵣⴻⵏ ⵉ ⵉⵅⴻⴷⴷⵎⴻⵏ ⵉ ⵏⴼⴰⵄ ⵏ ⵜⴻⴳⵔⵓⵎⵎⴰ ⵜⴰⵎⴻⵥⵢⴰⵏⵜ ⵏ ⵡⵉⴷ ⵉⴶⴻⵀⴷⴻⵏ ⵖⴻⴼ ⵍⵃⵉⵙ ⵏ ⵓⵖⵔⵉⵎ ⴰⴹⵄⵉⴼ ⵉ ⴷ-ⵢⴻⵍⵍⴰⵏ ⵙ ⴷⴷⴰⵡ ⵏ ⵜⵓⴽⴻⵔⴹⴰ ⵙ ⵜⴰⵎⴰ ⵏ ⵡⵉⴷ ⵉ ⵉⵍⴰⵇⴻⵏ ⴰⴷ ⵜ-ⵃⴻⵔⵣⴻⵏ. ⵏⵏⴰⵏ-ⴷ ⴱⴻⵍⵍⵉ ⵍⵎⴻⵔⵔⵓⴽ ⴷ "ⵜⴰⵎⵓⵔⵜ ⵢⵉⵡⴻⵏ ⵉ ⵉⵜⴻⵀⵓⴷⴷⴻⵏ ⵉⵅⵅⴰⵎⵎⴻⵏ ⵏ ⵢⵉⵎⴻⵣⴷⴰⵖ ⵓⵍⴰ ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⴳⵔⴻⵙⵜ (ⵀⵉⵠⴻⵔ) ⴷ ⵜⴰⵍⵍⵉⵜ ⵏ ⵓⵍⵎⵓⴹ ⵏ ⵢⵉⵏⴻⵍⵎⴰⴷⴻⵏ".
ⴷⴷⵓⵕⵜ ⵉⵄⴻⴷⴷⴰⵏ, ⴶⴻⵔⵃⴻⵏ ⴰⵟⴰⵙ ⵏ ⵢⵉⵎⴻⵣⴷⴰⵖ ⴷⴻⴳ ⵢⵉⵡⴻⵜ ⵏ ⵜⵉⴳⴳⴰⵡⵜ ⵏ ⵍⵎⴻⵅⵣⴻⵏ ⵉ ⵓⵙⵓⴼⴼⴻⵖ ⵏ ⵜⵡⴰⵛⵓⵍⵉⵏ ⵙⴻⴳ ⵢⵉⵅⵅⴰⵎⵎⴻⵏ-ⵏⵙⴻⵏ ⴷⴻⴳ Casablanca ⵎⴻⴱⵍⴰ ⴰⵣⵔⴻⴼ. ⵇⴻⴷⵄⴻⵏ ⵜⵔⵉⵙⵉⵜⵉ ⵖⴻⴼ ⵜⵎⴻⵔⵡⵉⵏ ⵏ ⵜⵡⴰⵛⵓⵍⵉⵏ ⴷⴻⴳ ⵜⴻⵎⵏⴰⵟ ⵏ ⵙⵉⴷⵉ ⵎⴰⵄⵔⵓⴼ ⵉⵡⴰⴽⴽⴻⵏ ⴰⴷ ⵜⴻⵏ-ⵃⴻⵔⵙⴻⵏ ⴰⴷ ⴼⴼⵖⴻⵏ ⵙ ⴷⴷⵔⴻⵄ. ⴰⵎ ⴰⴽⴽⴻⵏ ⵉ ⵜⵣⴻⵔ ⵜⴻⵎⵏⴰⵟ ⵏ ⴻⵙ-ⵙⴰⵔⵖⵏⴰ, ⴷⴻⴳ ⵜⴰⴳⴳⴰⵔⴰ ⵏ ⵡⴰⴳⴳⵓⵔ ⵉⵄⴻⴷⴷⴰⵏ, ⵉⵎⴻⵏⵏⵓⵖⴻⵏ ⵏ ⵉⴷⴰⵎⵎⴻⵏ ⴳⴰⵔ ⵢⵉⵎⴻⵣⴷⴰⵖ ⵏ ⵙⵉⴷⵉ ⵄⵉⵙⴰ ⴷ ⵢⵉⵎⵓⵀⴻⵍⵍⴻⵏ ⵏ ⵍⵎⴻⵅⵣⴻⵏ ⵙ ⵙⴻⴱⴱⴰ ⵏ ⵜⵓⴽⴻⵔⴹⴰ ⵏ ⵡⴰⴽⴰⵍ.
ⴰⵔⵏⵓ ⵖⴻⵔ
