ⵎⵎⵓⵜⴻⵏ 5 ⵏ ⵢⵉⵎⴷⴰⵏⴻⵏ ⵢⴻⵔⵏⴰ ⵜⵜⵡⴰⵊⴻⵔⵃⴻⵏ 243 ⵏⵏⵉⴹⴻⵏ ⵙ ⵜⵉⴷⴷⵉ ⵢⴻⵎⴳⴰⵔⴰⴷⴻⵏ ⴷⴻⴳ ⵜⵡⴰⵙⵉⵢⵉⵏ ⵏ ⵓⴱⵔⵉⴷ ⵉ ⴷ-ⵢⴻⵍⵍⴰⵏ ⴷⴻⴳ 24 ⵏ ⵙⵙⵡⴰⵢⴻⵄ ⵉⵏⴻⴳⴳⵓⵔⴰ ⴷⴻⴳ ⵡⴰⵟⴰⵙ ⵏ ⵜⴰⵎⵉⵡⵉⵏ ⵏ ⵜⵎⵓⵔⵜ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵡⴰⵙⵙ-ⴰ ⵏ ⵜⵜⵍⴰⵜⴰ ⵙ ⵓⴼⵓⵙ ⵏ ⵜⴰⵏⵉⵎⴻⵣⴷⴰⴳⵜ ⵜⴰⵎⴰⵜⵓⵜ ⵏ ⵜⴻⵃⵔⴰⵣⵜ ⵜⴰⵎⴰⴷⴰⵏⵜ.
ⵉⵍⵎⴻⵏⴷ ⵏ ⵡⵓⵏⴰⴱⴰⵖ-ⴰⴳⵉ, ⵍⵎⵓⵜ ⵜⴰⵎⴻⵇⵇⵔⴰⵏⵜ ⵜⴻⵍⵍⴰ-ⴷ ⴷⴻⴳ ⵜⵡⵉⵍⴰⵢⵜ ⵏ ⴱⵓⵔⵞ ⴱⴰⵞⵉ ⵎⵓⵅⵜⴰⵔ ⵙⴷⴻⴼⴼⵉⵔ ⵏ ⵓⵎⵢⴻⵏⵟⴰⴳ ⴳⴰⵔ ⵙⵏⴰⵜ ⵏ ⵜⴽⴰⵔⵔⵉⵢⵉⵏ ⴷⴻⴳ ⵓⴱⵔⵉⴷ ⴰⵖⴻⵍⵏⴰⵡ ⵡⵉⵙ 06, ⴷⴻⴳ ⵜⵖⵉⵡⴰⵏⵜ ⵏ ⴱⵓⵔⵞ ⴱⴰⵞⵉ ⵎⵓⵅⵜⴰⵔ. ⵜⴰⵎⵙⴰⵍⵜ-ⴰⴳⵉ ⵜⴻⴳⵍⴰ-ⴷ ⵙ ⵍⵎⵓⵜ ⵏ 04 ⵏ ⵢⵉⵎⴷⴰⵏⴻⵏ ⵉ ⵢⴻⵜⵜⵡⴰⵡⵡⵉⵏ ⵖⴻⵔ ⵍⴻⵎⵛⵓⵔ, ⵢⴻⵔⵏⴰ ⵜⵜⵡⴰⵊⴻⵔⵃⴻⵏ ⵙⵉⵏ (02) ⵏⵏⵉⴹⴻⵏ ⵉ ⵢⴻⵜⵜⵡⴰⴷⴷⴰⵡⴻⵏ ⴷⴻⴳ ⵙⴱⵉⵜⴰⵔ ⵏ ⵜⵎⵏⴰⴹⵜ.
ⵖⴻⴼ ⵡⴰⵏⵏⴰⵔ ⵏ ⵓⵖⵔⴰⵇⵇ, ⵉⵎⴻⵥⵍⴰ ⵏ ⵜⴻⵃⵔⴰⵣⵜ ⵜⴰⵎⴰⴷⴰⵏⵜ ⵅⴻⴷⵎⴻⵏ 94 ⵏ ⵢⵉⵎⴻⵀⵍⴰⵏⴻⵏ ⵏ ⵓⴼⵔⴰⵇ, ⵉ ⴷⴻⴳ ⴷ-ⵙⴻⵍⵍⴽⴻⵏ 42 ⵏ ⵢⵉⵎⴷⴰⵏⴻⵏ ⵎⴱⵍⴰ ⵎⴰ ⵜⴻⵍⵍⴰ-ⴷ ⵢⴰⵍ ⵍⵎⵓⵜ.
ⴰⵔⵏⵓ ⵖⴻⵔ
