ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵙ ⵢⵉⴻⴹⴰⴼ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⴰⵣⵣⴰⵢⵔⵉⵜ ⵜⴰⵎⴰⴳⴷⴰⵢⵜ ⵜⴰⵖⴻⵔⴼⴰⵏⵜ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ, ⵢⴻⴳⴳⴰ ⵓⵙⴻⵍⵡⴰⵢ ⵏ ⵜⴳⴷⵓⴷⴰ ⵏ ⵏⵏⵉⵊⵉⵔ, ⵍⴼⵔⵉⵇ ⵄⴻⴱⴷⵓⵍⵔⵔⴰⵃⵎⴰⵏ ⵜⵢⴰⵏⵉ, ⵜⵓⵣⵣⵢⴰ ⵏ ⵜⴳⵎⴰⵜ ⴷ ⵓⵎⴰⵀⵉⵍ ⵖⴻⵔ ⵍⵣⵣⴰⵢⴻⵔ ⴰⵙⵙ ⵏ 15 ⴷ 16 ⴼⵓⵔⴰⵔ 2026. ⵜⵓⵣⵣⵢⴰ-ⴰⴳⵉ ⵜⴻⵙⴽⴰⵏⴰⵢ-ⴷ ⵍⴻⴱⵖⵉ ⵏ ⵢⵉⵎⵙⴻⵍⵡⴰⵢⴻⵏ ⵏ ⵙⵏⴰⵜ ⵏ ⵜⵎⵓⵔⴰ ⵉ ⵡⴰⴽⴽⴻⵏ ⴰⴷ ⵄⴻⴷⴷⴻⵏ ⵉⵖⵉⵍⵉⴼⴻⵏ ⵢⴻⵔⵏⴰ ⴰⴷ ⵃⴰⴷⵔⴻⵏ ⵜⵉⵎⴷⵓⴽⴽⵍⵉⵡⵉⵏ-ⵏⵙⴻⵏ ⵜⵉⵎⴻⵣⵔⵓⵢⴰⵏⵉⵏ.
ⴷⴻⴳ ⵡⴰⵍⵖⵓ-ⴰⴳⵉ ⵢⴻⴷⴷⵓⴽⴽⵍⴻⵏ, ⵢⵉⵎⵙⴻⵍⵡⴰⵢⴻⵏ ⵙⵙⴻⵊⴷⴻⴷⴻⵏ ⴱⴻⵍⵍⵉ ⵇⵇⴻⵏⵏ ⵖⴻⵔ ⵓⵇⴰⴷⴻⵔ ⵏ ⵜⴰⴷⵓⴳⴰⵎⵜ ⵏ ⴽⵓⵍ ⵜⴰⵎⵓⵔⵜ ⴷ ⵡⴰⴽⴰⵍ-ⵉⵙ, ⵢⴻⵔⵏⴰ ⵓⵔ ⵇⴱⵉⵍⴻⵏ ⴰⵔⴰ ⴰⵙⴻⴽⵛⴻⵎ ⵏ ⵜⵎⵓⵔⴰ ⵏ ⴱⴻⵔⵔⴰ ⴷⴻⴳ ⵜⵎⵉⵙⴰⵍ ⵏ ⵜⴼⵔⵉⵇⵜ. ⵡⴰⵍⴰⵏ ⴱⴻⵍⵍⵉ ⵉⵎⴻⵣⴷⴰⵖ ⵏ ⵜⴻⵎⵏⴰⵟ ⵏ ⵙⵙⴰⵃⴻⵍ ⴷ ⵏⵉⵜⵏⵉ ⴰⵔⴰ ⵢⴻⴱⵏⵓⵏ ⵢⵉⵎⴰⵍ-ⵏⵙⴻⵏ ⵙ ⵜⵉⴼⵔⴰⵜⵉⵏ ⵜⵉⴷⵉⴳⴰⵏⵉⵏ.
ⵖⴻⴼ ⵡⴰⵢⴻⵏ ⵢⴻⵔⵣⴰⵏ ⵍⴰⵎⴰⵏ, ⵎⵙⴰⴼⴰⵏ ⴰⴽⴽⴻⵏ ⴰⴷ ⵙⵊⴻⵀⴷⴻⵏ ⴰⵎⵢⴻⵍⵍⴻⵍ ⴳⴰⵔ-ⴰⵙⴻⵏ ⵉ ⵡⴰⴽⴽⴻⵏ ⴰⴷ ⵏⵏⴰⵖⴻⵏ ⵎⴳⴰⵍ ⵔⵔⵀⵉⴱ ⴷ ⵜⴰⴽⴻⵔⴹⴰ ⵢⴻⵙⵙⴻⴳⵎⴻⵏ ⵢⴻⵣⴳⴰⵔⴻⵏ ⵜⵉⵍⵉⵙⵜ. ⴹⴻⵎⵎⵏ-ⴷ ⴱⴻⵍⵍⵉ ⵍⴰⵎⴰⵏ ⵏ ⵢⵉⵡⴻⵜ ⵏ ⵜⴰⵎⵓⵔⵜ ⵢⴻⵇⵇⴻⵏ ⵖⴻⵔ ⵍⴰⵎⴰⵏ ⵏ ⵜⴰⵢⴻⴹ. ⴰⵢⴰ ⴰⴷ ⵢⴻⴳ ⴰⵙⵊⴻⵀⴻⴷ ⵏ ⵓⵄⴰⵙⵙ ⵏ ⵢⵉⵔⵉ ⵏ ⵜⵎⵓⵔⵜ ⴷ ⵓⵙⴷⵓⴽⴽⴻⵍ ⵏ ⵜⵖⴻⵔⵜ ⵏ ⵓⵃⴰⴷⴰⵔ.
ⵢⵉⵎⵙⴻⵍⵡⴰⵢⴻⵏ ⴼⵔⴰⵏ ⴷⴰⵖⴻⵏ ⴰⴷ ⵃⴰⴷⵔⴻⵏ ⵜⵉⵎⴷⵓⴽⴽⵍⵉ ⴷⴻⴳ ⵓⵙⵡⵉⵔ ⵓⵏⵏⵉⴳ. ⴰⴷ ⵜⴻⵎⵍⵉⵍ ⵜⵙⴻⵇⵇⴰⵎⵓⵜ ⵜⵓⵏⵏⵉⴳⵜ ⵢⴻⴷⴷⵓⴽⴽⵍⴻⵏ ⴷⴻⴳ ⵜⵖⵉⵡⴰⵏⵜ ⵏ ⵏⵏⵢⴰⵎⵉ ⵓⵇⴱⴻⵍ ⵜⴰⴳⴳⴰⵔⴰ ⵏ ⵜⵣⴻⴳⵏⵉⵜ ⵜⴰⵎⴻⵣⵡⴰⵔⵓⵜ ⵏ ⵓⵙⴻⴳⴳⴰⵙ 2026. ⴰⴷ ⵣⵣⴻⵔⴱⴻⵏ ⴷⴰⵖⴻⵏ ⴷⴻⴳ ⵓⵊⴻⵔⵔⴻⴷ ⵏ ⵜⵎⴰⵖⵓⵏⵉⵏ ⵢⴻⵔⵣⴰⵏ ⵓⵥⴰⵔⵓ, ⵜⵉⵎⴻⵔⵙⴻⵍⵉⵏ ⵜⵉⵎⴻⵥⵢⴰⵏⵉⵏ, ⵜⵉⵎⴻⵔⵙⴻⵍⵉⵏ ⵜⵉⵎⴰⵢⵏⵓⵜⵉⵏ (startups), ⵜⴻⵢⵡⴰⵍⵉⵏ, ⵜⵢⴻⵙⵙⴰ, ⴷ ⵓⵙⵉⵍⴻⵯ.
ⴷⴻⴳ ⵓⵃⵔⵉⵛ ⵏ ⵜⴷⴰⵎⵙⴰ, ⵎⵙⴰⴼⴰⵏ ⴰⴽⴽⴻⵏ ⴰⴷ ⴼⴰⴽⴻⵏ ⵙ ⵜⵖⴰⵡⵍⴰ ⴰⵙⴻⵏⴼⴰⵔ ⵏ ⵓⴱⵔⵉⴷ ⵉ ⵢⴻⵣⴳⴻⵔⵏ ⵜⵚⴻⵃⵔⴰ, ⴰⴱⴻⵍⵍⵉⵄ ⵏ ⵓⴳⴰⵣ, ⴷ ⵓⵥⴻⵟⵟⴰ ⵏ ⵜⴻⵢⵡⴰⵍⵜ (ⴰⵍⵢⴰⴼ ⴱⴰⵚⴰⵔⵉⵢⴰ). ⴰⴷ ⵢⵉⵍⵉ ⴷⴰⵖⴻⵏ ⵓⵎⵢⴻⵍⵍⴻⵍ ⴷⴻⴳ ⵓⵃⵔⵉⵛ ⵏ ⵜⵣⵎⴻⵔⵜ ⵜⵉⵎⴰⵢⵏⵓⵜ ⴷ ⵓⵙⴻⴽⵛⴻⵎ ⵏ ⵜⵔⵉⴽⵉⵜ ⵖⴻⵔ ⵜⴻⵎⵏⴰⴹⵉⵏ ⵏ ⵢⵉⵔⵉ ⵏ ⵜⵎⵓⵔⵜ. ⴰⴷ ⵙⵙⵉⵙⵀⴻⵍⴻⵏ ⴰⴱⴻⴷⴷⴻⵍ ⵏ ⵜⵏⴻⵣⵣⵓⵜ ⵙ ⵓⵙⴱⴻⴷⴷ ⵏ ⵢⵉⵙⵡⴰⵇⴻⵏ ⴷ ⵢⵉⵡⴻⵏ ⵓⴱⵔⵉⴷ ⵓⵥⵍⴰⵢ ⵉ ⵜⵏⴻⵣⵣⵓⵜ ⴳⴰⵔ-ⴰⵙⴻⵏⵜ.
ⵖⴻⴼ ⵜⵎⵉⵙⴰⵍ ⵏ ⵓⵎⴰⴹⴰⵍ, ⵍⵣⵣⴰⵢⴻⵔ ⴷ ⵏⵏⵉⵊⵉⵔ ⵙⵄⴰⵏⵜ ⵢⵉⵡⴻⵜ ⵏ ⵜⵎⵓⵖⵍⵉ. ⵙⵙⵓⵜⵔⴻⵏⵜ ⵜⵉⴼⵔⴰⵜⵉⵏ ⵜⵉⴼⵔⵉⵇⵉⵢⵉⵏ ⵉ ⵢⵉⵖⵉⵍⵉⴼⴻⵏ ⵏ ⵜⵎⴻⵏⵣⵓⵜ ⵢⴻⵔⵏⴰ ⵙⵙⵓⵜⵔⴻⵏⵜ ⴰⵙⴻⴳⴳⴻⵎ ⵏ ⵡⴰⵏⴰⴳⵔⴰⵡ ⵏ ⵡⴻⴷⵔⵉⵎ ⴰⴳⵔⴰⵖⵍⴰⵏ ⵉ ⵡⴰⴽⴽⴻⵏ ⴰⴷ ⵢⵉⵍⵉ ⵍⵃⴻⵇⵇ ⵉ ⵜⵎⵓⵔⴰ ⵏ ⵜⴼⵔⵉⵇⵜ. ⴱⴻⵢⵢⴻⵏⴻⵏ-ⴷ ⴰⵎⵢⴰⵡⴰⵙ-ⵏⵙⴻⵏ ⴷ ⵜⵎⵉⵙⴰⵍ ⵏ ⵍⵃⴻⵇⵇ ⴷ ⵜⵍⴻⵡⵡⵉⵜ ⴷⴻⴳ ⵙⵙⴰⵃⴻⵍ.
ⵜⴰⴳⴳⴰⵔⴰ, ⴰⵙⴻⵍⵡⴰⵢ ⵜⵢⴰⵏⵉ ⵢⴻⴼⴽⴰ ⵜⴰⵏⴻⵎⵎⵉⵔⵜ ⵜⴰⵎⴻⵇⵇⵔⴰⵏⵜ ⵉ ⵓⵙⴻⵍⵡⴰⵢ ⵜⴻⴱⴱⵓⵏ ⴷ ⵓⴳⴷⵓⴷ ⴰⵣⵣⴰⵢⵔⵉ ⵖⴻⴼ ⵓⵙⵜⴻⵇⴱⴻⵍ ⵢⴻⵛⵛⵓⵔⴻⵏ ⴷ ⵜⴳⵎⴰⵜ. ⵢⴻⴼⴽⴰ-ⵢⴰⵙ ⵜⴰⵢⵏⵉⵜ ⵉ ⵓⵙⴻⵍⵡⴰⵢ ⵜⴻⴱⴱⵓⵏ ⴰⴽⴽⴻⵏ ⴰⴷ ⵢⴻⵔⵣⵓ ⵓⵍⴰ ⴷ ⵏⴻⵜⵜⴰ ⵖⴻⵔ ⵜⴳⴷⵓⴷⴰ ⵏ ⵏⵏⵉⵊⵉⵔ. ⴰⵙⴻⵍⵡⴰⵢ ⵜⴻⴱⴱⵓⵏ ⵢⴻⵇⴱⴻⵍ ⵜⴰⵢⵏⵉⵜ-ⴰⴳⵉ ⵙ ⵓⴼⵔⴰⵃ.
ⴰⵔⵏⵓ ⵖⴻⵔ
