ⵜⴻⵎⵎⵓⴳⴻⵔ ⵜⵏⴻⵖⵍⴰⴼⵜ ⵏ ⵓⵙⵉⵍⴻⵖ ⴷ ⵓⵙⵙⴻⵍⵎⴻⴷ ⵏ ⵓⵣⵣⵉⴳ, ⵎⴰⵙⵙⴰ ⵏⴰⵙⵙⵉⵎⴰ ⴰⵔⵀⴰⴱ, ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵏⴻⵖⵍⴰⴼ ⵏ ⵓⵙⵙⴻⵍⵎⴻⴷ ⵓⵏⵏⵉⴳ ⴷ ⵓⵙⵉⵍⴻⵖ ⵏ ⵓⵣⵣⵉⴳ ⵏ ⵜⵛⴰⴷ, ⵎⴰⵙⵙ ⵙⵉⵜⴰⵛⴽ ⵢⵓⵎⴱⴰⵜⵉⵏⴰ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ.
ⴷⴻⴳ ⵜⴻⵎⵍⵉⵍⵉⵜ-ⴰⴳⵉ —ⵉ ⴷ-ⵢⴻⵍⵍⴰⵏ ⵙ ⴷⴷⴰⵡ ⵏ ⵜⵎⴻⵔⵏⵉⵡⵜ ⵜⵉⵙ ⴽⵓⵥ (4) ⵏ ⵜⵙⴻⵇⵇⵓⵎⴰ ⵏ ⵓⵏⴰⴱⴰⵖ ⵢⴻⴷⴷⵓⴽⵍⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⵛⴰⴷ— "ⵙⵇⴻⵔⴷⵛⴻⵏ ⵜⴰⵎⵓⵙⵏⵉ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵏⵏⴰⵔ ⵏ ⵓⵙⴻⵍⴽⵓⵎ (ⵏⵓⵎéⵔⵉⵙⴰⵜⵉⵓⵏ) ⵏ ⵓⵃⵔⵉⵛ ⵏ ⵓⵙⵉⵍⴻⵖ, ⵙ ⵓⴼⵓⵙ ⵏ ⵓⵙⴰⵍⵉ ⵏ ⵜⵉⴼⴻⴳⴳⴰⴳⵉⵏ ⵜⵉⵏⵓⵎⵉⵔⵉⴽⵉⵏ ⴷ ⵓⵙⴻⵎⵔⴻⵙ ⵏ ⵡⴰⵍⵍⴰⵍⴻⵏ ⵏ ⵜⵉⴽⵜⵓⵍⵓⵞⵉⵜ ⴷ ⵓⵜⵔⴰⵔ ⵏ ⵓⵙⵓⴷⴷⴻⵙ ⵏ ⴷⴰⵅⴻⵍ ⵏ ⵢⵉⵙⵡⵉⵔⴻⵏ ⵏ ⵓⵙⵉⵍⴻⵖ".
ⴷⴰⵖⴻⵏ —ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⴷⵢⴰⵏ-ⵏⵏⵉ— ⴼⴽⴰⵏ-ⴷ ⵉⵙⴰⵍⵉ ⵖⴻⴼ "ⵓⵎⵏⵉⵔ ⴰⵖⴻⵍⵏⴰⵡ ⵏ ⵓⵙⵉⵍⴻⵖ ⴷ ⵜⵣⴻⵎⵎⴰⵔ (ⵔⵏⴼⵛ)" ⵉ ⵢⴻⵍⵍⴰⵏ ⴷ ⴰⵍⵍⴰⵍ ⵉ ⵓⵙⴱⴻⴷⴷⵉ ⵏ ⵢⵉⴱⴻⵔⴷⴰⵏ ⵏ ⵓⵙⵉⵍⴻⵖ ⴷ ⵓⵇⵇⴻⵏ-ⵏⵙⴻⵏ ⵖⴻⵔ ⵡⴰⵢⴻⵏ ⵢⴻⵙⵔⴰ ⵙⵙⵓⵇ ⵏ ⵓⵎⴰⵀⵉⵍ, ⴰⴽⴽⴻⴷ ⵓⵏⴰⴷⵉ ⵏ ⵢⵉⴱⴻⵔⴷⴰⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵏⴻⵔⵏⵉ ⵏ ⵓⵏⵢⵓⴷⴷⵓ ⴷⴻⴳ ⵡⴰⵏⵏⴰⵔ ⵏ ⵜⴰⵀⴰⵏⴷⴻⵙ ⵏ ⵓⵙⴻⵍⵎⴻⴷ ⴷ ⵓⵎⵢⴻⴱⴷⴻⵍ ⵏ ⵢⵉⵎⵉⵙⵙⵍⵉⵢⴻⵏ (ⴼⵓⵔⵎⴰⵜⴻⵓⵔⵙ) ⴷ ⵢⵉⵅⴻⴱⵉⵔⴻⵏ.
ⴷⴻⴳ ⵜⴰⴳⵏⵉⵜ-ⴰⴳⵉ, ⵎⴰⵙⵙⴰ ⴰⵔⵀⴰⴱ ⵜⴻⵏⵏⴰ-ⴷ "ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵡⵊⴻⴷ ⵉⵡⴰⴽⴽⴻⵏ ⴰⴷ ⵜⴹⴰⴼⴼⴻⵔ ⵜⴰⵎⵓⵔⵜ ⵏ ⵜⵛⴰⴷ ⴷⴻⴳ ⵓⵙⴻⵍⴽⵓⵎ ⴷ ⵓⵙⵏⴻⴼⵍⵉ ⵏ ⵓⵃⵔⵉⵛ ⵏ ⵓⵙⵉⵍⴻⵖ, ⵙ ⵓⴼⵓⵙ ⵏ ⵓⵎⵢⴻⵣⵣⵡⴻⵔ ⵏ ⵜⵎⵓⵙⵏⵉ ⴷ ⵓⵙⵉⵍⴻⵖ ⵏ ⵜⵣⴻⵎⵎⴰⵔ ⵏ ⵜⴰⵍⵙⴰ".
ⵙⴻⴳ ⵜⴰⵎⴰ-ⵙ, ⴰⵏⴻⵖⵍⴰⴼ ⵏ ⵜⵛⴰⴷ ⵢⴻⵙⴱⴻⴳⴳⴻⵏ-ⴷ "ⵍⴻⴱⵖⵉ ⵏ ⵜⵎⵓⵔⵜ-ⵉⵙ ⵉⵡⴰⴽⴽⴻⵏ ⴰⴷ ⴷ-ⵜⴰⵡⵉ ⵜⴰⵎⵓⵙⵏⵉ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵏⵏⴰⵔ ⵏ ⵓⵜⵔⴰⵔ ⵏ ⵓⵙⵉⵍⴻⵖ ⵏ ⵓⵣⵣⵉⴳ ⴷ ⵓⵙⵏⴻⴼⵍⵉ ⵏ ⵓⵙⵙⴻⵍⵎⴻⴷ ⴰⵏⵓⵎⵉⵔⵉⴽ ⴷ ⵜⴰⵀⴰⵏⴷⴻⵙ ⵏ ⵓⵙⴻⵍⵎⴻⴷ, ⴷ ⵓⵙⵜⴻⵀⵣⵉ ⵙⴻⴳ ⵓⵎⵏⵉⵔ ⴰⵖⴻⵍⵏⴰⵡ ⵏ ⵓⵙⵉⵍⴻⵖ ⴷ ⵜⵣⴻⵎⵎⴰⵔ (ⵔⵏⴼⵛ)".
ⴷⴻⴳ ⵜⴰⴳⴳⴰⵔⴰ, ⵓⴷⵢⴰⵏ-ⵏⵏⵉ ⵢⴻⵏⵏⴰ-ⴷ ⴱⴻⵍⵍⵉ ⵜⴻⵎⵍⵉⵍⵉⵜ-ⴰⴳⵉ ⵜⵓⵙⴰ-ⴷ ⵉⵡⴰⴽⴽⴻⵏ "ⴰⴷ ⴷ-ⵢⵉⵍⵉ ⵓⵙⵏⴻⵔⵏⵉ ⵏ ⵓⵏⵢⵓⴷⴷⵓ ⴰⴼⵔⵉⵇⵉ ⴷ ⵓⵙⴻⵏⵜⴻⵎ ⵏ ⵓⵎⵢⴻⴽⵛⴻⵎ ⴳⴰⵔ ⵙⵏⴰⵜ ⵏ ⵜⵎⵓⵔⴰ".
ⴰⵔⵏⵓ ⵖⴻⵔ
