ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴷⵔⴻⵡ ⵓⵙⴻⵍⵡⴰⵢ ⵏ ⵜⴷⵓⴽⵍⵉ ⵜⴰⴷⵣⴰⵢⵔⵉⵜ ⵏ ⵜⵛⵉⵔⴹⴰⵔⵜ, ⵎⴰⵙⵙ ⵡⴰⵍⵉⴷ ⵙⴰⴷⵉ, ⴰⵙⵙ ⵏ ⴰⵙⴰⵎⴰⵙ (ⵍⵃⴻⴷⴷ) ⴷⴻⴳ ⵜⴻⵎⵍⵉⵍⵉⵜ ⵜⵓⵣⵣⵉⴳⵜ ⵏ ⵜⴻⵎⵏⴰⴹⵜ ⵏ ⵜⴷⵓⴽⵍⵉ ⵏ ⵜⴻⴼⵔⵉⵇⵜ ⵓⴳⴰⴼⴰ ⵏ ⵜⴻⴼⵔⵉⵇⵜ ⵏ ⵜⵛⵉⵔⴹⴰⵔⵜ, ⴷⴻⴳ ⵢⵉⵊⵉⴼⴻⵕ ⵏ ⵢⵉⵎⴰⵀⵉⵍⴻⵏ ⵏ ⵓⴳⵔⴰⵡ ⴰⵎⴰⵜⵓ ⵓⵏⵏⵉⵎ ⵡⵉⵙ 47 ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵛⵉⵔⴹⴰⵔⵜ (ⵛⴰⴼ), ⴰⵔⴰ ⴰⴷ ⴷ-ⵜⵉⵍⵉ ⴰⵙⵙ ⵏ ⴰⵢⵏⴰⵙ (ⵍⴻⵜⵏⵉⵢⴻⵏ) ⴷⴻⴳ ⵜⵎⴰⵏⴻⵖⵜ ⵜⴰⴽⵓⵏⴳⵓⵍⵉⵜ, ⴽⵉⵏⵛⴰⵙⴰ.
ⴰⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⴹⴰⵔⵜ ⵢⴻⴷⴷⴰ ⵢⵉⴷ-ⵙ ⵓⵡⵏⴻⵜⵍⴰⵢ ⴰⵎⴰⵜⵓ, ⵎⴰⵙⵙ ⵏⴰⴷⵉⵔ ⴱoⵓⵣⵏⴰⴷ, ⵙ ⵜⵉⵀⴰⵡⵜ ⵏ ⵢⵉⵎⴰⵙⴰⵢⴻⵏ ⵉⴳⴻⵊⴷⴰⵏⴻⵏ ⵏ ⵜⵉⴷⴷⵓⴽⵍⵉⵡⵉⵏ ⵜⵉⵎⴰⵙⵍⴰⴹⵉⵏ, ⴷⴻⴳ ⵜⵉⵎⵍⵉⵍⵉⵜ-ⴰ ⴰⴷ ⴷ-ⵓⵜⵍⴰⵏ ⵖⴻⴼ ⵓⵙⵉⵀⴻⵍ ⵏ ⵜⴻⵍⵖⵓⵖⵉⵡⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⴻⵎⵏⴰⴹⵜ-ⴰ, ⵍⴰⴷⵖⴰ ⵜⴰⴱⴻⵔⵣⴰ ⵏ ⴷⴷⴰⵡ 18 ⵏ ⵢⵉⵙⴻⴳⴳⴰⵙⴻⵏ ⵉ ⵖⴻⵜⵙⴻⵏ ⴰⴷ ⵜⴻⵙⵙⵓⴷⴷⵙⴻⵏ ⴷⴻⴳ ⴷⵣⴰⵢⴻⵔ ⴷⴻⴳ ⴷⵓⵊⴻⵎⴱⴻⵕ ⵉ ⴷ-ⵢⴻⵜⵜⴻⴷⴷⵓⵏ.
ⵜⴰⵎⴰⵏⴻⵖⵜ ⵏ ⵜⴰⴽⵓⵏⴳⵓⵍⵉⵜ, ⴽⵉⵏⵙⵀⴰⵙⴰ, ⴰⴷ ⵜⴻⵙⵙⵏⵉⵊⴻⵡ ⴰⵙⵙ ⵏ ⴰⵢⵏⴰⵙ (ⵍⴻⵜⵏⵉⵢⴻⵏ), ⵉⵎⴰⵀⵉⵍⴻⵏ ⵏ ⵓⴳⵔⴰⵡ ⴰⵎⴰⵜⵓ ⵓⵏⵏⵉⵎ ⵡⵉⵙ 47 ⵏ ⵛⴰⴼ ⴷⴷⴰⵡ ⵜⵙⴻⵍⵡⵉⵜ ⵏ ⵒⴰⵜⵔⵉⵛⴻ ⵎoⵜⵙⴻⵒⴻ, ⵙ ⵜⵉⵀⴰⵡⵜ ⵏ ⵢⵉⵙⴻⵍⵡⴰⵢⴻⵏ ⴷ ⵢⵉⵎⴰⵙⴰⵢⴻⵏ ⵏ 54 ⵏ ⵜⵉⴷⴷⵓⴽⵍⵉⵡⵉⵏ ⵜⵉⵖⴻⵍⵏⴰⵡⵉⵏ ⵉ ⵢⴻⵍⵍⴰⵏ ⴷ ⵜⵉⵎⴰⵙⵍⴰⴹⵉⵏ.
ⴷⴻⴼⴼⵉⵔ ⵏ ⵜⵖⵉⵎⵉⵜ ⵜⴰⵎⴰⵜⵓⵜ, ⵢⴻⴱⴷⴰ-ⴷ ⵓⵙⴻⵍⵡⴰⵢ ⵏ ⵛⴰⴼⵏ ⵢⵉⵡⴻⵏ ⵏ ⵓⵎⴰⵣⵔⴰⵔ ⵏ ⵜⴻⵎⵍⵉⵍⵉⵢⵉⵏ ⴷ ⵜⵉⴷⴷⵓⴽⵍⵉⵡⵉⵏ ⵜⵉⵎⵏⴰⴹⴰⵏⵉⵏ, ⵎⴰⵏⵉ ⵢⴻⴷⵔⴻⵡ ⴷⴻⴳ ⵜⴻⵎⵍⵉⵍⵉⵢⵉⵏ ⵏ ⵜⴷⵓⴽⵍⵉ ⵏ ⵜⴻⴼⵔⵉⵇⵜ ⵜⴰⵍⴻⵎⵎⴰⵙⵜ ⴷ ⵓⵙⴻⵇⵇⴰⵎⵓ ⵏ ⵜⴻⴼⵔⵉⵇⵜ ⵏ ⵡⴻⵏⵥⵓⵍ, ⴷⴻⴼⴼⵉⵔ ⵎⴰ ⵢⴻⵙⵙⴻⵍⵡⵉ ⵜⵉⵎⵍⵉⵍⵉⵢⵉⵏ ⵏ ⵜⵉⴷⴷⵓⴽⵍⵉⵡⵉⵏ ⵏ ⵜⴻⴼⵔⵉⵇⵜ ⵏ ⵓⵜⴰⵔⴰⵎ, ⵏ ⵜⴻⴼⵔⵉⵇⵜ ⵏ ⵓⴳⵎⵓⴹ, ⴷ ⵜⴷⵓⴽⵍⵉ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ.
