ⴰⵣⴰ ⴷ 38 ⵏ ⵢⵉⵙⴻⴳⴳⴰⵙⴻⵏ, ⴰⵙⵙ ⵏ 5 ⵢⴻⵏⵏⴰⵢⴻⵔ 1988, ⵢⴻⵎⵎⵓⵜ ⵓⵇⴻⵔⵔⵓ ⵏ ⵍⵄⴻⵙⴽⴻⵔ ⵏ ⵓⵙⴻⵍⵍⴻⴽ ⴰⵖⴻⵍⵏⴰⵡ ⵎⵓⵃⴰⵏⴷ ⴰⵎⵣⵢⴰⵏ ⵢⴰⵣⵓⵔⴻⵏ, ⵢⴻⵜⵜⵡⴰⵙⵙⴻⵏⴻⵏ ⵙ ⵢⵉⵙⴻⵎ "ⴼⵔⵉⵔⵓⵛ". ⵢⴻⵍⵍⴰ ⴷ ⵢⵉⵡⴻⵏ ⵙⴻⴳ ⵢⵉⵇⴻⵔⵔⴰⵢ ⵉⵎⴻⵇⵇⵔⴰⵏⴻⵏ ⵏ ⵜⵡⵉⵍⴰⵢⵜ ⵜⴰⵎⴻⵣⵔⵓⵢⵜ ⵜⵉⵙⵙ ⵜⵍⴰⵜⴰ ⴷⴳ ⵜⵉⵣⵉ ⵏ ⵜⴳⵔⴰⵡⵍⴰ ⵏ ⵓⵙⴻⵍⵍⴻⴽ.
ⵢⴻⵍⵓⵍ ⵢⴰⵣⵓⵔⴻⵏ ⴰⵙⵙ ⵏ 18 ⵎⴰⵖⵔⴻⵙ 1912 ⴷⴳ ⵜⵉⵎⵉⵣⴰⵔⵜ ⵏ ⵜⵉⵣⵉ ⵡⴻⵣⵣⵓ. ⵢⴻⴽⵛⴻⵎ ⴰⵔ ⵓⵎⵓⵙⵙⵓ ⴰⵖⴻⵍⵏⴰⵡ ⴷⴳ ⵓⵙⴻⴳⴳⴰⵙ ⵏ 1942 ⵎⵉ ⵢⴻⴽⵛⴻⵎ ⴰⵔ ⵜⵓⴷⴷⵙⴰ ⵜⵓⵥⵍⴰⵢⵜ. ⵢⴻⴽⴽⵉ ⴷⴳ ⵓⵀⴻⵢⵢⵉ ⵏ ⵜⴳⵔⴰⵡⵍⴰ ⵢⴻⵔⵏⴰ ⵢⴻⵙⵙⴻⵡⵡⴻⴹ ⵜⵉⵎⴻⵖⵡⵉⵏ ⵏ ⵡⴰⵎⵎⵓ ⴰⵎⴻⵣⵡⴰⵔⵓ (1 ⵡⴰⵎⴱⴻⵔ) 1954 ⵎⴳⴰⵍ ⵉⵎⵙⴻⴷⵔⴰⵔⴻⵏ ⴷⴳ ⵜⵎⵏⴰⴹⵜ ⵏ ⵄⴻⵣⴰⵣⴳⴰ.
ⴰⵙⵙ ⵏ 3 ⵡⴰⵎⴱⴻⵔ 1954, ⵢⴻⴳⴳⴰ ⵜⴰⵙⴻⴳⵏⴻⵜ ⵉ ⵍⵄⴻⵙⴽⴻⵔ ⵏ ⵓⵎⵙⴻⴷⵔⴰⵔ ⵢⴻⵔⵏⴰ ⵏⵖⴰⵏ ⴽⵓⵣ (4) ⵏ ⵢⵉⵄⴻⵙⴽⵡⴻⵏ. ⵖⴻⴼ ⵡⴰⵢⴰ, ⵍⵄⴻⵙⴽⴻⵔ ⵏ ⴼⵔⴰⵏⵙⴰ ⵔⵖⴰⵏ ⴰⵅⵝⴰⵎ ⵏ ⵜⴼⴰⵎⵉⵍⵜ-ⵉⵙ ⵢⴻⵔⵏⴰ ⵡⵡⵉⵏ ⵜⴰⵎⴻⵟⵟⵓⵜ-ⵉⵙ ⴷ ⵎⵎⵉ-ⵙ.
ⴷⴻⴼⴼⵉⵔ ⵓⴳⵔⴰⵡ ⵏ ⵚⵚⵓⵎⵎⴰⵎ ⴷⴳ 20 ⵖⵓⵛⵜ 1956, ⵢⴻⵜⵜⵡⴰⵔⴼⴻⴷ ⵓⵎⵓⵊⴰⵀⴻⴷ-ⴰⴳⵉ ⴷⴳ ⵜⵡⵉⵍⴰⵢⵜ ⵜⵉⵙⵙ ⵜⵍⴰⵜⴰ ⵢⴻⵔⵏⴰ ⵢⴻⵜⵜⵓⵏⴻⴼⴽ-ⴰⵙ ⵓⵇⴻⴷⴷⵉⵛ ⵏ ⵓⵙⵉⵡⴻⴹ ⵏ ⵙⵙⵍⴰⵃ ⴷ ⵜⵛⴻⵇⴼⵉⵏ ⵉ ⵢⵉⵎⵓⵊⴰⵀⵉⴷⴻⵏ.
ⵢⴻⵜⵜⵡⴰⵙⵙⴻⵏ ⵓⵎⵓⵊⴰⵀⴻⴷ-ⴰ ⵙ ⵜⵎⵓⵙⵏⵉ-ⵙ ⴷ ⵓⵙⴻⴼⵔⴻⴷ-ⵉⵙ. ⵢⴻⵙⵙⴻⴼⵛⴻⵍ ⵜⴰⴳⵜ ⵏ "ⵓⴳⴹⵉⴹ ⴰⵣⴻⴳⵣⴰⵡ" ⴷⴳ 1956 ⵉ ⵜⴻⴳⴳⴰ ⵜⵉⵍⵉⵍⵍⵉ ⵏ ⴼⵔⴰⵏⵙⴰ ⵉⵡⴰⴽⴽⵏ ⴰⴷ ⵜⵀⵓⴷⴷ ⵜⴰⴳⵔⴰⵡⵍⴰ. ⵜⴰⴳⵜ-ⴰ ⵜⴻⵅⵚⴻⵔ ⵢⴻⵔⵏⴰ ⵜⵓⵖⴰⵍ ⴷ ⵍⴼⴰⵢⴷⴰ ⵉ ⵜⴳⵔⴰⵡⵍⴰ ⵉⵎⵉ ⵉⵎⵓⵊⴰⵀⵉⴷⴻⵏ ⵡⵡⵉⵏ-ⴷ ⵙⵉⵙ ⵙⵙⵍⴰⵃ ⴷ ⵢⵉⴷⵎⴻⵏ.
ⵢⵉⵡⴻⵜ ⵏ ⵜⴼⴻⴳⴳⴰ ⵙⴻⴳ ⵓⵙⴰⵍⴰⵢ ⵏ ⵓⵎⵓⵊⴰⵀⴻⴷ ⵏ ⵜⵉⵣⵉ ⵡⴻⵣⵣⵓ ⵜⴻⵙⴽⴻⵏ-ⴷ ⴰⵣⴰⵍ ⴰⵎⴻⵇⵇⵔⴰⵏ ⵉ ⵢⴻⵍⵄⴻⴱ "ⴼⵔⵉⵔⵓⵛ" ⴷⴳ ⵡⵓⴼⵓⵖ ⵙⴻⴳ ⵡⵓⴳⵓⵔ-ⴰ.
ⵢⴻⴽⴽⴰ ⵢⴰⵣⵓⵔⴻⵏ ⴷⴷⴰⵡ ⵜⵍⴰⵡⵉⵜ ⵏ ⴽⵔⵉⵎ ⴱⴻⵍⵇⴰⵙⴻⵎ. ⴷⴳ ⵓⵙⴻⴳⴳⴰⵙ ⵏ 1959, ⵢⴻⵜⵜⵡⴰⵔⴼⴻⴷ ⴰⵔ ⵔⵔⴻⵜⴱⴰ ⵏ ⵍⴽⵓⵍⵓⵏⵉⵍ (ⴰⵇⴻⵔⵔⵓ ⴰⵎⴻⵇⵇⵔⴰⵏ), ⵢⴻⵟⵟⴻⴼ ⵜⴰⵎⵏⴰⴹⵜ ⵜⴰⴼⴻⵍⵍⴰⵢⵜ ⵏ ⵜⵡⵉⵍⴰⵢⵜ ⵜⴰⵎⴻⵣⵔⵓⵢⵜ ⵜⵉⵙⵙ ⵜⵍⴰⵜⴰ.
ⴷⴻⴼⴼⵉⵔ ⵓⵣⴰⵔⵓⴳ, ⵢⴻⵟⵟⴻⴼ ⴰⵟⴰⵙ ⵏ ⵜⵎⴰⵙⵉⵜⵉⵏ. ⴷⴳ ⵓⵙⴻⴳⴳⴰⵙ ⵏ 2022, ⵢⴻⵜⵜⵡⴰⵙⵎⴻⴽⵜⴰ ⴷⴳ ⵜⴰⴷⴷⴰⵔⵜ-ⵉⵙ "ⵉⵊⵎⴰⴹ" ⴷⴻⴳ ⵢⵉⵡⴻⵏ ⵓⵙⵍⴰⵍⵍⵓ ⵢⴻⵟⵟⴼⴻⵏ ⵉⵙⵎⴰⵡⴻⵏ ⵏ 37 ⵏ ⵢⵉⵎⴻⵖⵔⴰⵙⴻⵏ ⵉⵡⴰⴽⴽⵏ ⵜⴰⵙⵓⵜⵉⵏ ⵉ ⴷ-ⵢⴻⵜⵜⴻⴽⴽⴻⵏ ⴰⴷ ⵥⵔⴻⵏⵜ ⴰⵛⵓ ⵉ ⴼⴽⴰⵏ ⵢⵉⵎⴻⵣⵡⵓⵔⴰ ⵖⴻⴼ ⵜⵍⴻⵍⵍⵉ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
