ⵜⴻⵙⵙⴻⵍⵡⴰⵢ ⵜⵏⴻⵖⵍⴰⴼⵜ ⵏ ⵓⵎⴹⴰⵎⴰⵏ ⴰⵖⴻⵍⵏⴰⵡ, ⵜⴰⵡⴰⵛⵓⵍⵜ ⴷ ⵜⴻⵎⵙⴰⵍ ⵏ ⵜⵎⴻⵟⵟⵓⵜ, ⵎⴰⵙⵙⴰ ⵙⵓⵔⴰⵢⴰ ⵎⵓⵓⵍⵓⵓⴷⵊⵉ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵓⵖⴻⵔⴱⴰⵣ ⵓⵏⵉⴳ ⵏ ⵢⵉⵙⴻⵍⵎⴰⴷⴻⵏ ⵏ ⵢⵉⵏⴰⵙⵍⵉⵢⴻⵏ ⴷ ⵢⵉⴳⵓⴳⴰⵎⴻⵏ ⴷⴻⴳ ⴱⵏⵉ ⵎⴻⵙⵙⵓⵙ (ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ), ⵉⵎⴰⵀⵉⵍⴻⵏ ⵏ ⵓⵙⴼⴻⴳⴳⴻⵔ ⵏ ⵜⵙⴻⵎⵎⵓⵏⵜ ⵜⵉⵙ 51 ⵏ ⵢⵉⵎⴰⵍⴰⵙ ⴰⵄⵔⴰⴱ ⵏ ⵡⵉⵏ ⵓⵔ ⵏⴻⵙⵙⵍⵉ ⴰⵔⴰ.
ⴷⴻⴳ ⵓⵏⵏⴰⵔ-ⴰⴳⵉ, ⵎⵓⵓⵍⵓⵓⴷⵊⵉ ⵜⴻⵙⵙⴻⴽⵏⴻⴷ-ⴷ ⴰⵣⴰⵍ ⵏ ⵓⵃⵔⴰⵣ ⴷ ⵓⵙⵏⴻⵔⵏⵉ ⵏ ⵢⵉⵎⴷⴰⵏⴻⵏ ⵢⴻⵙⵄⴰⵏ ⵜⵓⴽⴽⵉⵙⵉⵡⵉⵏ ⵉⵕⴻⵙⵙⴰⵏ (ⴱⴻⵙⵓⵉⵏⵙ ⵙⵒéⵛⵉⴼⵉⵇⵓⴻⵙ) ⴷⴻⴳ ⵍⴻⵣⵣⴰⵢⴻⵔ. ⴰⵙⴼⴻⴳⴳⴻⵔ ⵏ ⵡⴰⵙⵙ-ⴰⴳⵉ ⴷ ⵜⴰⴳⵏⵉⵜ ⵉ ⵓⵎⵓⴱⴱⴰⴷⴷⴻⵍ ⵏ ⵢⵉⵔⵎⵉⵜⴻⵏ ⴳⴰⵔ ⵜⵎⵓⵔⴰ ⵜⴰⵄⵔⴰⴱⵉⵏ ⵉ ⵓⵙⴷⴻⴳⴳⴻⵔ ⵏ ⵜⴻⴳⵔⵓⵎⵎⴰ-ⴰⴳⵉ ⴷ ⵓⵙⵉⴷⵔⴻⵡ-ⵉⵙ ⵏ ⵜⵉⴷⴻⵜ ⴷⴻⴳ ⵢⴰⴽⴽ ⵢⵉⵏⵏⴰⵔⴻⵏ ⵏ ⵜⵓⴷⴻⵔⵜ, ⵙ ⵓⵇⴰⴷⴻⵔ ⵏ ⵢⵉⵎⵜⴰⵡⴰⵏ ⴰⵖⴻⵍⵏⴰⵡⴻⵏ ⴷ ⵢⵉⴳⵔⴰⵖⵍⴰⵏⴻⵏ.
ⵜⴻⵙⵙⴻⴽⵏⴻⴷ ⴷⴰⵖⴻⵏ ⵍⵎⴻⴶⵀⵓⴷⴰⵜ ⵏ ⵓⵏⵏⴰⵔ ⵏ ⵓⵎⴹⴰⵎⴰⵏ ⴰⵖⴻⵍⵏⴰⵡ ⵉ ⵓⵟⵎⴰⵏ ⵏ ⵓⵣⵔⴻⴼ ⵏ ⵡⵉⴷ ⵢⴻⵙⵄⴰⵏ ⵓⴳⵓⵔ ⴷⴻⴳ ⵓⵙⵍⵉ (handicap auditif) ⴷⴻⴳ ⵓⵙⴻⴳⵎⵉ ⴷ ⵓⵙⴻⵍⵎⴻⴷ. ⵜⴻⴱⴷⴻⵔ-ⴷ ⵜⴰⵔⵔⴰⵢⵉⵏ ⵉ ⴷ-ⵜⵜⵓⵙⵜⴻⵏⵢⴰⵏ ⵉⵡⴰⴽⴽⴻⵏ ⴰⴷ ⵜⴻⵏ-ⵄⵉⵡⵏⴻⵏ ⴰⴷ ⴽⴻⵛⵎⴻⵏ ⵖⴻⵔ ⵜⵎⵓⵙⵏⵉⵡⵉⵏ ⵏ ⵓⵙⴻⴳⵎⵉ ⵙ ⵓⵎⵙⴰⵙⴻⵢ ⴳⴰⵔ ⵢⵉⵢⴻⵙⴽⵉⵔⴻⵏ ⵏ ⵢⵉⵏⴻⵖⵍⴰⴼⴻⵏ.
ⴳⴰⵔ ⵡⴰⵢⴻⵏ ⵉⵕⴻⵙⵙⴰⵏⴻⵏ ⵉ ⴷ-ⵜⴻⵡⵡⵉ ⵍⴻⵣⵣⴰⵢⴻⵔ ⵉ ⵜⴻⴳⵔⵓⵎⵎⴰ-ⴰⴳⵉ, ⴰⵙⴱⴻⴷⴷⵉ ⵏ ⵓⵖⴻⵔⴱⴰⵣ ⵓⵏⵉⴳ ⵏ ⵢⵉⵙⴻⵍⵎⴰⴷⴻⵏ ⵏ ⵢⵉⵏⴰⵙⵍⵉⵢⴻⵏ ⴷ ⵢⵉⴳⵓⴳⴰⵎⴻⵏ, ⵉ ⵉⵡⴰⵍⴰ ⵎⴰⵙⵙⴰ ⵎⵓⵓⵍⵓⵓⴷⵊⵉ ⴰⵎ "ⵜⵎⴻⵔⵏⴰ ⵓⴼⵔⵉⵏⴻⵏ" ⵉ ⵓⵎⴰⵀⵉⵍ ⵏ ⵓⵙⴻⴳⵎⵉ, ⵉⵎⵉ ⵉ ⴷ-ⵉⵟⵟⴰⴽ ⵉⵙⴻⵍⵎⴰⴷⴻⵏ ⵉⵎⴰⵣⵣⴰⴳⴻⵏ ⴷⴻⴳ ⵓⵙⵡⵉⵔ ⵏ ⵜⵉⵙⵉⵏⴰⵡⵉⵜ (secondaire) ⴷⴻⴳ ⵢⴰⴽⴽ ⵜⵉⵎⵙⵉⵔⵉⵏ.
ⵉⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵜⵖⴰⵔⴰ ⵏ ⵢⵉⵎⴻⵥⵍⴰ ⵉ ⴷ-ⵉⵜⵜⵓⵏⴻⴼⴽⴻⵏ ⵉ ⵢⵉⵏⴰⵙⵍⵉⵢⴻⵏ ⴷⴻⴳ ⵜⴻⵢⵡⴰⵍⵜ, ⵎⵓⵓⵍⵓⵓⴷⵊⵉ ⵜⴻⵙⵙⴻⴽⵏⴻⴷ ⴱⴻⵍⵍⵉ ⵓⵏⵏⴰⵔ ⵏ ⵓⵎⴹⴰⵎⴰⵏ ⵉ⵿ⵎⴻⵏ ⴰⵙⵉⵍⴻⵖ ⴷⴻⴳ ⵜⵓⵜⵍⴰⵢⵜ ⵏ ⵜⵉⵛⵔⴰⴹ (ⵍⴰⵏⴳⵓⴻ ⴷⴻⵙ ⵙⵉⴳⵏⴻⵙ) ⵉ ⵢⵉⵎⴰⵀⵍⴰⵏⴻⵏ ⵏ ⵜⵏⴻⵖⵍⴰⴼⵉⵏ ⴷ ⵜⵎⵓⵙⵏⵉⵡⵉⵏ ⵜⵉⴳⴷⵓⴷⴰⵏⵉⵏ. ⵜⴻⵔⵏⴰ-ⴷ ⴱⴻⵍⵍⵉ ⴰⵃⵔⴰⵣ ⵏ ⵢⵉⵎⴷⴰⵏⴻⵏ ⵢⴻⵙⵄⴰⵏ ⵜⵓⴽⴽⵉⵙⵉⵡⵉⵏ ⵉⵕⴻⵙⵙⴰⵏ ⵢⵓⵖⴰⵍ ⴷ "ⴰⴽⴰⵢⴰⴷ ⵉⵕⴻⵙⵙⴰⵏ" ⵉ ⵉⵙⵙⵓⵜⵜⵓⵔⴻⵏ ⴰⵙⵏⴻⵔⵏⵉ ⵏ ⵍⵎⴻⴶⵀⵓⴷⴰⵜ ⵉ ⵓⵙⵉⴷⵔⴻⵡ-ⵏⵙⴻⵏ ⵏ ⵜⵉⴷⴻⵜ.
ⵙⴻⴳ ⵜⴰⵎⴰ-ⵙ, ⴰⵏⴻⵖⵍⴰⴼ ⵏ ⵓⵙⴻⵍⵎⴻⴷ ⵓⵏⵉⴳ ⴷ ⵓⵏⴰⴷⵉ ⴰⵎⴰⵙⵙⴰⵏ, ⵎⴰⵙⵙ ⴽⴰⵎⴻⵍ ⴱⴰⴷⴷⴰⵔⵉ, ⴷⴻⴳ ⵜⵎⴻⵙⵍⴰⵢⵜ ⵉ ⴷ-ⵢⴻⵖⵔⴰ ⵓⵎⴰⵏⴰⵢ ⴰⵎⴰⵜⵓ ⵏ ⵜⵏⴻⵖⵍⴰⴼⵜ, ⵎⴰⵙⵙ ⵜⵓⵓⴼⵉⵇ ⴳⵀⴻⵏⴷⵓⵓⵣⵉ, ⵉⵙⵙⴻⴽⵜⵉ-ⴷ ⴰⵣⴰⵍ ⵏ ⵡⴰⵙⵙ-ⴰⴳⵉ ⵉ "ⵓⵣⴻⴶⴶⴻⴷ ⵏ ⵜⵓⵛⵛⵉⵜ ⵏ ⵜⴻⴳⵔⵓⵎⵎⴰ ⵉ ⵓⵙⵏⴻⵔⵏⵉ ⵏ ⵢⵉⵣⴻⵔⴼⴰⵏ ⵏ ⵢⵉⵏⴰⵙⵍⵉⵢⴻⵏ ⴷ ⵓⵟⵎⴰⵏ ⵏ ⵓⵙⵉⴷⵔⴻⵡ-ⵏⵙⴻⵏ ⴷⴻⴳ ⵜⵎⴻⵜⵜⵉ".
ⴷⴻⴳ ⵢⵉⵎⴰⵀⵉⵍⴻⵏ ⵏ ⵜⵙⴻⵎⵎⵓⵏⵜ-ⴰⴳⵉ, ⵓⵖⴻⵔⴱⴰⵣ ⵓⵏⵉⴳ ⵏ ⴱⵏⵉ ⵎⴻⵙⵙⵓⵙ ⵢⴻⵙⵙⵓⴷⴷⴻⵙ ⴰⴳⵔⴰⵡ ⴰⵖⴻⵍⵏⴰⵡ ⵡⵉⵙ ⵙⴰ ⵖⴻⴼ "ⵜⵙⵔⴻⵜⵉⵏ ⴷ ⵜⴰⵔⵔⴰⵢⵉⵏ ⵏ ⵓⵙⴻⵍⵎⴻⴷ ⵏ ⵢⵉⵏⴰⵙⵍⵉⵢⴻⵏ ⵙ ⵜⵎⵓⵖⵍⵉ ⵏ ⵓⵙⵏⴻⴼⵍⵉ ⴰⵜⵉⴽⵏⵓⵍⵓⵊⵉ ⴰⵇⵎⵉ", ⴰⵏⵉⴷⴰ ⵎⵎⴻⵙⵍⴰⵢⴻⵏ ⵖⴻⴼ ⵡⴰⵍⵍⴰⵍⴻⵏ ⵉⵇⵎⵉⵢⴻⵏ ⴷⴻⴳ ⵓⵙⴻⵍⵎⴻⴷ ⵏ ⵢⵉⵏⴻⵍⵎⴰⴷⴻⵏ-ⴰⴳⵉ.
ⴷⴻⴳ ⵓⵏⵏⴰⵔ-ⴰⴳⵉ, ⴰⵎⴹⴻⴱⴱⴻⵔ ⵏ ⵓⵖⴻⵔⴱⴰⵣ, ⵎⴰⵙⵙ ⵣⴻⴳⴰⴰⵔ ⴼⴻⵜⵀⵉ, ⵢⴻⵍⴷⴰ ⵢⵉⵡⴻⵜ ⵏ ⵜⴻⵎⴽⴰⵔⴹⵉⵜ ⵜⴰⵙⴷⴰⵡⵉⵜⴰⵏⵜ ⵜⴰⵇⵎⵉⵜ (digitale) ⴷⴻⴳ-ⵙ ⵢⴰⴽⴽ ⵜⵉⵜⵉⴽⵏⵓⵍⵓⴶⵉⵢⵉⵏ ⵏ ⵓⵏⵏⴰⵔ-ⴰⴳⵉ, ⵙ ⵜⴰⵎⴰ ⵏ ⵓⵍⴷⴰⵢ ⵏ ⵜⵣⴻⵖⵡⴰ ⵏ ⵓⵙⴻⵍⵎⴻⴷ ⵏ ⵍⴶⵉⵍ ⵡⵉⵙ ⴽⵓⵣ (4G), ⵉⵡⴰⴽⴽⴻⵏ ⴰⴷ ⴷ-ⵉⵍⵉⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵏⵓⵍⴼⵓ ⴷ ⵓⵙⵏⵓⵍⴼⵓ ⵏ ⵢⵉⵏⴻⵍⵎⴰⴷⴻ
ⴰⵔⵏⵓ ⵖⴻⵔ
