ⵜⴻⵜⵜⴻⴽⴽⵉ ⵜⵙⴻⵍⵡⴰⵢⵜ ⵏ ⵜⴰⴷⴱⴻⵍⵜ ⵜⵓⵏⵉⴳⴻⵏ ⵏ ⵜⴼⴻⴼⴻⴼⴼⵉⵜ ⴷ ⵓⵙⴻⵃⴷⴻⵔ ⵏ ⵓⵛⴻⴼⴼⵓ ⴷ ⵓⵎⴻⵏⵏⵓⵖ ⵎⴳⴰⵍ-ⵉⵙ, ⵎⴰⵙⵙⴰ ⵙⴰⵍⵉⵎⴰ ⵎⵓⵙⵙⴻⵔⴰⵜⵉ, ⵙⴻⴳ ⴰⵣⴻⴽⴽⴰ ⵏ ⵍⴻⵜⵏⵉⵢⴻⵏ, ⴷⴻⴳ ⵓⴱⵉⵕⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ONU) ⵢⴻⵄⵏⴰⵏ ⵙⵙⴻⵎ ⴷ ⵜⴽⴻⵔⵔⵉⵛⵜ ⴷⴻⴳ ⵜⴰⵎⴰⵏⴰⵖⵜ ⵏ ⵏⵏⵉⵎⵙⴰ, ⵠⵉⴻⵏⵏⴰ, ⴷⴻⴳ ⵢⵉⵎⴰⵀⵉⵍⴻⵏ ⵏ ⵙⵏⴰⵜ ⵏ ⵜⵙⴻⵎⵎⵓⵢⵉⵏ ⵖⴻⴼ ⵓⵎⴻⵏⵏⵓⵖ ⵎⴳⴰⵍ ⵓⵛⴻⴼⴼⵓ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⴰⴷⴱⴻⵍⵜ ⴰⵙⵙ-ⴰ ⵏ ⵍⵀⴻⴷ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⵎⴰⵙⵙⴰ ⵎⵓⵙⵙⴻⵔⴰⵜⵉ ⴰⴷ ⵜⴻⵙⵙⴻⵍⵡⴰⵢ ⵢⵉⵡⴻⵜ ⵏ ⵜⴰⵔⴱⴰⵄⵜ ⵏ ⵢⵉⵎⴹⴻⴱⴱⵔⴻⵏ ⵏ ⵜⴰⴷⴱⴻⵍⵜ ⵜⵓⵏⵉⴳⴻⵏ ⴷ ⵢⵉⵎⴰⵣⴰⵏ ⵏ ⵜⵏⴻⵖⵍⴰⴼⵜ ⵏ ⵜⵉⵏⴻⴼⵔⵓⵜ, ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⵉⵏ ⴷⴻⴳ ⵢⵉⵎⴰⵀⵉⵍⴻⵏ ⵏ ⵜⵙⴻⵎⵎⵓⵏⵜ ⵜⵉⵙ 17 ⵏ ⵜⴻⵔⴱⴰⵄⵜ ⵏ ⵓⵙⴼⵓⵍⴻⵍ (review) ⵏ ⵓⵙⴻⵍⴽⴻⵎ ⵏ ⵓⵎⵜⴰⵡⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵎⴳⴰⵍ ⵓⵛⴻⴼⴼⵓ, ⴷ ⵜⵙⴻⵎⵎⵓⵏⵜ ⵜⵉⵙ 17 ⵏ ⵜⴻⵔⴱⴰⵄⵜ ⵏ ⵓⵎⴰⵀⵉⵍ ⴳⴰⵔ ⵢⵉⵏⴰⴱⴰⴹⴻⵏ ⵢⴻⵄⵏⴰⵏ ⴰⵙⴻⵃⴷⴻⵔ ⵏ ⵓⵛⴻⴼⴼⵓ.
ⵙⵏⴰⵜ ⵏ ⵜⵙⴻⵎⵎⵓⵢⵉⵏ-ⴰⴳⵉ ⴰⴷ ⴷ-ⵉⵍⵍⵉⵏⵜ ⵙⴻⴳ 18 ⵖⴻⵔ 22 ⵎⴰⵢⵓ ⴷⴻⴳ ⵠⵉⴻⵏⵏⴰ. ⵓⵜⴻⴽⴽⵉ-ⴰⴳⵉ ⵢⵓⵙⴰ-ⴷ ⵉⵡⴰⴽⴽⴻⵏ ⴰⴷ "ⵉⵙⵙⴻⴽⵏⴻⴷ ⵜⵓⵛⵛⵉⵜ ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴰⴳⵔⴻⵖⵍⴰⵏ ⴷ ⵓⵎⵓⴱⴱⴰⴷⴷⴻⵍ ⵏ ⵢⵉⵔⵎⵉⵜⴻⵏ ⴷⴻⴳ ⵓⵏⵏⴰⵔ ⵏ ⵓⵙⴻⵃⴷⴻⵔ ⵏ ⵓⵛⴻⴼⴼⵓ ⴷ ⵓⵎⴻⵏⵏⵓⵖ ⵎⴳⴰⵍ-ⵉⵙ, ⴷ ⵓⴽⴻⵎⵎⴻⵍ ⴷⴻⴳ ⵓⵏⴻⴽⵛⵓⵎ ⴷⴻⴳ ⵡⴰⵍⵍⴰⵍⴻⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵄⵏⴰⵏ ⴰⵙⴻⵍⴽⴻⵎ ⵏ ⵓⵙⴰⴷⵓⴼ ⵎⴳⴰⵍ ⵓⵛⴻⴼⴼⵓ", ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ.
ⵉⵎⴰⵀⵉⵍⴻⵏ ⴰⴷ ⴷ-ⵣⵣⵉⵏ ⵖⴻⴼ ⵡⴰⵟⴰⵙ ⵏ ⵢⵉⵙⵓⴽⴰ ⵉ ⴷ-ⵉⵣⴻⵡⵡⵉⵔⴻⵏ, ⴳⴰⵔ-ⴰⵙⴻⵏ "ⵓⵏⴻⴽⵛⵓⵎ ⵖⴻⵔ ⵢⵉⵙⴰⵍⴰⵏ (access to information), ⴰⵙⴻⴶⵀⴻⴷ ⵏ ⵓⵙⴻⴳⵎⵉ ⵖⴻⴼ ⵜⴰⵏⴻⵣⵣⵉⵜ ⴷ ⵓⵎⴻⵏⵏⵓⵖ ⵎⴳⴰⵍ ⵓⵛⴻⴼⴼⵓ ⵉ ⵏⴼⴰⵄ ⵏ ⵢⵉⴳⴻⵔⴷⴰⵏ ⴷ ⵢⵉⵍⴻⵎⵣⵢⴻⵏ, ⵔⵏⵉ-ⴷ ⴼⴻⵍⵍ-ⴰⵙⴻⵏⵜ ⵜⴰⵍⵓⴼⵜ ⵏ ⵓⵛⴻⴼⴼⵓ ⴷⴻⴳ ⵓⵏⵏⴰⵔ ⵏ ⵡⴰⴷⴷⴰⵍ, ⵙ ⵜⵎⵓⵖⵍⵉ ⵏ ⵡⴰⵀⵉⵍ ⵏ ⵓⵎⴰⵀⵉⵍ ⵏ ⵡⴰⵍⵍⴰⵍⴻⵏ ⵓⴼⴼⵉⵔ ⵏ ⵓⴳⵔⴰⵡ ⵏ ⵜⵎⵓⵔⴰ ⵉⵕⴻⵙⵙⴰⵏⴻⵏ ⵏ ⵜⴰⵍⵍⵉⵜ 2026-2027".
ⵜⴰⴷⴱⴻⵍⵜ ⵜⴻⵙⵙⴻⵏⴽⴰⴷ ⵙ ⵓⵜⴻⴽⴽⵉ-ⴰⴳⵉ "ⵜⵓⵛⵛⵉⵜ-ⵉⵙ ⵉⵕⴻⵙⵙⴰⵏ ⵉ ⵓⵙⵏⴻⴼⵍⵉ ⵏ ⵡⴰⵣⴰⵍⴻⵏ ⵏ ⵜⴰⵏⴻⵣⵣⵉⵜ ⴷ ⵜⴼⴻⴼⴻⴼⴼⵉⵜ ⴷ ⵓⵙⴻⴷⵔⴻⵡ ⵙⴻⴳ ⵢⵉⵔⵎⵉⵜⴻⵏ ⵏ ⵏⴼⴰⵄ ⴳⴰⵔ ⵜⵎⵓⵔⴰ, ⵓ ⴰⴷ ⴷ-ⵜⴻⵙⵙⵉⵙⵀⴻⵍ ⴰⵙⴼⵓⵍⴻⵍ ⵏ ⵢⵉⴽⴰⵢⴰⴷⴻⵏ ⵢⴻⵄⵏⴰⵏ ⴰⵙⴻⵍⴽⴻⵎ ⵏ ⵜⴰⵔⵔⴰⵢⵉⵏ ⵏ ⵓⵃⵔⴰⵣ ⵉ ⴷ-ⵢⵉⵍⵍⴰⵏ ⴷⴻⴳ ⵓⵎⵜⴰⵡⴰ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ.
ⴰⵔⵏⵓ ⵖⴻⵔ
