ⴰⵏⴻⵖⵍⴰⴼ ⵏ ⵓⵙⴻⵍⵎⴻⴷ ⵓⵏⵏⵉⴳ ⴷ ⵓⵏⴰⴷⵉ ⵓⵙⵙⵏⴰⵏ, ⴽⴰⵎⴻⵍ ⴱⴻⴷⴷⴰⵔⵉ, ⵉⵃⴷⴻⵔ ⴰⵙⵙ-ⴰⴳⵉ ⵏ ⵍⵃⴻⴷ ⴷⴻⴳ ⵜⵡⵉⵍⴰⵢⵜ ⵏ ⵏⴰⵄⵎⴰ ⵖⴻⵔ ⵜⴼⴰⵙⴽⴰ ⵏ ⵓⵔⴼⴻⴷ ⵏ ⵡⴰⵎⵎⴰⵙ ⴰⵙⴷⴰⵡⵉⵜ "ⵙⴰⵍⵃⵉ ⴰⵃⵎⴻⴷ" ⵉⵡⴰⴽⴽⴻⵏ ⴰⴷ ⵢⵓⵖⴰⵍ ⴷ ⵜⴰⵙⴷⴰⵡⵉⵜ ⵉⵄⴻⵎⵔⴻⵏ.
ⴷⴻⴳ ⵓⵔⵣⵓ-ⵉⵙ ⵖⴻⵔ ⵜⵎⴻⵙⵙⴻⵍⵓⵜ-ⴰⴳⵉ ⵉ ⵢⵓⵖⴰⵍⴻⵏ ⴷ ⵜⴰⵙⴷⴰⵡⵉⵜ ⵙ ⵍⴰⵎⴻⵔ ⵏ ⵓⵏⴻⴱⴱⵉⵜ ⵡⵓⵟⵟⵓⵏ 25-265 ⵏ ⵡⴰⵙⵙ ⵏ 7 ⵏ ⵜⵓⴱⴻⵔ 2025, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵙⴷⴰⵡⵉⵜ-ⴰⴳⵉ ⴷⴻⴳ-ⵙ ⵙⴰ (07) ⵏ ⵜⵣⴻⵎⵏⵉⵡⵉⵏ ⴷ ⵓⵎⴻⵣⵍⵓ ⵏ ⵜⴽⴻⵔⵣⴰ ⵏ ⵙⵙⴻⵃⵔⴰ. ⵉⵙⵙⴻⴳⵣⴰ-ⴷ ⴱⴻⵍⵍⵉ ⴰⵔⴼⴻⴷ-ⴰⴳⵉ ⴷ ⵡⵉⵏ ⵉ ⴷ-ⵢⴻⵙⵙⴻⵏⵡⴰⵢⴻⵏ ⵜⵉⴽⵍⵉ ⵏ ⴷⴷⴻⵡⵍⴰ ⵉⵡⴰⴽⴽⴻⵏ ⴰⴷ ⵜⴻⵔⵔ ⵙ ⵜⴰⵙⴷⴰⵡⵉⵜ ⴷ ⴰⵇⴰⵜⵉⵔⴰ ⵏ ⵓⵏⵏⴻⵔⵏⵉ ⴷ ⵜⴷⴰⵎⵙⴰ.
ⴱⴻⴷⴷⴰⵔⵉ ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⵙ ⵍⵎⴻⵏⴷⴰⴷ ⵏ ⵜⵏⴻⴽⵎⴰⵔ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⵊⵉⴷ ⵜⴻⴱⴱⵓⵏ, ⵉⵡⴰⴽⴽⴻⵏ ⴰⴷ ⵉⵙⵏⴻⵔⵏⵉ ⵓⵙⵉⵍⴻⵖ ⴰⵙⴷⴰⵡⵉⵜ ⵉⵡⴰⴽⴽⴻⵏ ⴰⴷ ⵢⵓⵖⴰⵍ ⴷ ⵍⵙⴰⵙ ⵉ ⵓⵏⴻⴱⵏⵉ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵉⴱⴻⴷⴷⴻⵏ ⵖⴻⴼ ⵜⵎⵓⵙⵏⵉ.
ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⴰⴱⵔⵉⴷ ⴰⵎⴰⵢⵏⵓⵜ ⵏ ⵜⴷⴰⵎⵙⴰ ⵢⵓⵖⴰⵍ ⴷ ⵍⵃⴻⵇⵇ ⴷⴻⴳ ⵓⵅⵅⴰⵎ-ⴰⴳⵉ ⵏ ⵜⵓⵙⵙⵏⴰ, ⵙ ⵍⵎⴻⵏⴷⴰⴷ ⵏ ⴷⴷⴻⵡⵍⴰ ⵉ ⵢⵉⵙⵓⴼⴰ ⵏ ⵓⵏⴰⴷⵉ ⴷ ⵓⵙⵏⵓⵍⴼⵓ, ⴰⵢⴰ ⴰⴷ ⵢⴻǧǧ ⵉⵏⴻⵍⵎⴰⴷⴻⵏ ⴰⴷ ⵔⵔⴻⵏ ⵜⵎⵓⵙⵏⵉ-ⵏⵙⴻⵏ ⴷ ⵉⵙⴻⵏⴼⴰⵔⴻⵏ ⵏ ⵍⵇⴰⵄⴰ.
ⴷⴻⴳ ⵓⵔⵣⵓ-ⵉⵙ, ⴰⵏⴻⵖⵍⴰⴼ ⵉⵡⴰⵍⴰ ⴰⵣⴷⴰⵢ ⵏ ⵢⵉⵙⴻⵏⴼⴰⵔⴻⵏ ⵏ ⵓⵏⴰⴷⵉ ⵏ ⵢⵉⵏⴻⵍⵎⴰⴷⴻⵏ, ⵉ ⴷⴻⴳ ⵍⵍⴰⵏ ⵜⵜⴰⵡⵉⵍⴰⵜ ⵏ ⵓⵔⵇⴻⵎ, ⴰⵙⴻⵍⴽⴻⵎ ⵏ ⵍⴻⴱⵄⵉⴷ, ⴷ ⵜⵎⵓⵙⵏⵉ ⵜⴰⵙⵎⵉⵙⵔⴻⵖⵜ (ⵉⴰ), ⵍⴰⴷⵖⴰ ⴷⴻⴳ ⵓⵃⵔⵉⵛ ⵏ ⵜⴷⴰⵡⵙⴰ, ⵜⴽⴻⵔⵣⴰ, ⴷ ⵔⵔⵙⵉⴽⵍⴰⴶ ⵏ ⵢⵉⴹⵓⵎⵎⴰⵏ.
ⴰⵏⴻⵖⵍⴰⴼ ⵏ ⵓⵙⴻⵍⵎⴻⴷ ⵓⵏⵏⵉⴳ ⵉⴽⴻⵎⵎⴻⵍ ⵓⵔⵣⵓ-ⵉⵙ ⵙ ⵓⴱⴰⵇⴻⵔ ⵏ ⵓⵙⴻⵏⴼⴰⵔ ⵏ ⵓⴷⴻⴳ ⴰⵙⴷⴰⵡⵉⵜ ⴰⵎⴰⵢⵏⵓⵜ ⵏ 2000 ⵏ ⵢⵉⵎⵓⴽⴰⵏ, ⴷ ⵓⵅⵅⴰⵎ ⵏ ⵜⵏⴻⵣⴷⵉⵜ ⵏ 1000 ⵏ ⵢⵉⵙⵓⵏⴰ, ⴷ ⵜⴰⵣⴻⵖⵡⴰ ⵏ ⵢⵉⵙⴰⵔⴰⴳⴻⵏ ⵏ 600 ⵏ ⵢⵉⵎⵓⴽⴰⵏ.
ⴰⵔⵏⵓ ⵖⴻⵔ
