ⵉⵜⵜⵔⴰⵊⵓ ⴰⴷ ⴷ-ⵢⵉⵍⵉ ⵡⴰⴹⵓ ⵉⵊⴻⵀⴷⴻⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⴰⵣⴻⴽⴽⴰ ⵏ ⵍⴻⵜⵏⵉⵢⵏ. ⴰⴹⵓ-ⴰⴳⵉ ⵢⴻⵣⵎⴻⵔ ⴰⴷ ⴷ-ⵢⴰⵙ ⴷ ⵜⵉⵡⵡⵉⵜ ⵉⵊⴻⵀⴷⴻⵏ (ⵀⴰⴱⴱⴰⵜ), ⵢⴻⵔⵏⴰ ⵜⴰⵎⵓⵖⵍⵉ ⴰⴷ ⵜⴻⵏⵇⴻⵙ ⵙⵙⴻⴱⴱⴰ ⵏ ⵓⵖⴻⴱⴱⴰⵔ ⴷ ⵔⵔⵎⴻⵍ (ⴰⵣⵡⴰⵡⴻⵔ), ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵣⴻⵟⵟⴰ ⴰⵖⴻⵍⵏⴰⵡ ⵏ ⵍⵎⴻⵜⴻⵓ (ONM) ⴷⴻⴳ ⵢⵉⵡⴻⵜ ⵏ ⵏⵛⵓⵔⵉⵢⴰ ⵜⵓⵙⵍⵉⵖⵜ ⴰⵙⵙ-ⴰ ⵏ ⵍⴻⴷ.
ⵏⵛⵓⵔⵉⵢⴰ-ⴰⴳⵉ, ⵉ ⵢⴻⵍⵍⴰⵏ ⴷⴻⴳ ⵓⴱⴻⴷⴷⴰⴷ ⵏ ⵜⵖⴰⵏⵜ "ⴰⵛⵉⵏⴰⵢ" (Orange), ⵢⴻⵔⵣⴰ ⵜⵉⵡⵉⵍⴰⵢⵉⵏ ⵏ: ⵜⵍⴻⵎⵙⴰⵏ, ⵙⵉⴷⵉ ⴱⴻⵍⵄⴻⴱⴱⴰⵙ, ⵙⵄⵉⴷⴰ, ⵜⵢⴰⵔⴻⵜ, ⵍⵊⴻⵍⴱⴰ, ⵍⴻⵖⵡⴰⵟ, ⵏⴰⵄⴰⵎⴰ ⴷ ⵍⴱⴻⵢⵢⴻⴹ. ⴰⴹⵓ ⴰⴷ ⴷ-ⵢⴻⴽⴽ ⵙⴻⴳ ⵓⵜⴰⵔⴰⵎ (ⵍⵖⴻⵔⴱ) ⵖⴻⵔ ⵓⵏⵥⵓⵍ-ⵓⵜⴰⵔⴰⵎ (ⵊⴰⵏⵓⴱ-ⵍⵖⴻⵔⴱⵉ), ⵙ ⵍⵊⵀⴻⴷ ⵏ 60 ⴰⵍⴰⵎⵎⴰ ⴷ 70 ⴽⵎ/ⵙⴰ, ⵓ ⵢⴻⵣⵎⴻⵔ ⴰⴷ ⵉⵄⴻⴷⴷⵉ 80 ⴽⵎ/ⵙⴰ ⴷ ⵜⵉⵡⵡⵉⵜ ⵉⵊⴻⵀⴷⴻen. ⵍⴰⵡⴰⵏ ⵏ ⵏⵛⵓⵢⴰ-ⴰⴳⵉ ⴰⴷ ⵢⴻⴱⴷⵓ ⵙⴻⴳ ⵍⴻⵜⵏⵉⵢⵏ ⴷⴻⴳ ⵜⵜⵎⴰⵏⵢⴰ ⵏ ⵚⵚⴱⴻⵃ (10:00) ⴰⵍⴰⵎⵎⴰ ⴷ ⵜⵜⴻⵙⵄⴰ ⵏ ⵢⵉⴹ (23:00).
ⴷⴰⵖⴻⵏ, ⵜⵉⵡⵉⵍⴰⵢⵉⵏ ⵏ ⴱⴻⵛⵛⴰⵔ, ⴱⵏⵉ ⵄⴻⴱⴱⴰⵙ, ⵜⵉⵏⴷⵓⴼ ⴷ ⵜⵉⵎⵉⵎⵓⵏ, ⴰⴷ ⵡⴰⵍⵉⵏⵜ ⴰⴹⵓ ⵙⴻⴳ ⵓⵜⴰⵔⴰⵎ ⵖⴻⵔ ⵓⵏⵥⵓⵍ-ⵓⵜⴰⵔⴰⵎ, ⵙ ⵍⵊⵀⴻⴷ ⵉ ⴳⴻⵍⵍⴰⵏ ⴳⴰⵔ 60 ⴷ 70 ⴽⵎ/ⵙⴰ, ⵓ ⵢⴻⵣⵎⴻⵔ ⴰⴷ ⵢⴰⵡⴰⴹ 80 ⴽⵎ/ⵙⴰ ⵙ ⵜⵉⵡⵡⵉⵜ ⵉⵊⴻⵀⴷⴻⵏ. ⴰⵢⴰⴳⵉ ⵙⴻⴳ ⵜⵏⴰⵛ ⵏ ⵡⴰⵙⵙ (12:00) ⴰⵍⴰⵎⵎⴰ ⴷ ⵜⵙⴻⴱⵄⴰ ⵏ ⵢⵉⴹ (22:00), ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵣⴻⵟⵟⴰ ⵏ ⵍⵎⴻⵜⴻⵓ.
ⴰⵔⵏⵓ ⵖⴻⵔ
