ⴷⵣⴰⵢⴻⵔ ⵜⴰⵎⴰⵏⴻⵖⵜ – ⴰⴷ ⵉⵍⵉⵏ ⵓⵊⴰⵔ ⵏ 24 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵣⴰⵢⵔⵉⵢⴻⵏ ⴰⴷⴻⵞⵞⴰ ⴰⴽⵡⴰⵙ ⴰⵙⵉⵀⴰⵔ ⵜⴳⴰⵔⴰ ⵏ ⵢⵉⵙⴻⵏⴷⴰⵔ ⵏ ⵜⴻⴼⵔⴰⵏⵉⵏ ⵉⵍⵎⴻⵏⴷ ⵏ ⵓⴼⵔⴰⵏ ⵏ ⵢⵉⵎⴰⵙⵍⴰⴹⴻⵏ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⵖⴻⴼ ⵜⴰⵍⵍⵉⵜ ⵜⴰⵡⴰⵎⵏⵉⵜ ⵜⴰⵎⴰⵢⵏⵓⵜ, ⵉⵍⵎⴻⵏⴷ ⵏ ⵜⵉⵙⵉⴹⴼⴰⵏⵉⵏ ⴰⴷ ⵢⴻⴹⵔⴰⵏ ⴷⴷⵡⵉ ⵜⵥⵓⴳⴰⵢⵜ ⵏ : « ⵉⵍⵉ ⴷⴰⵏⴻⴱⵍⴰⴳ ⴷⴻⴳ ⵜⴻⵎⴳⵓⵔⵉ ⵏ ⵜⵏⴻⵖⵙⵓⵜ… ⴰⴷⵔⴻⵡ ⵙ ⵜⴰⵖⴻⵛⵜ-ⵏⵏⴻⵙ ».
ⵜⵉⵙⵉⴹⴼⴰⵏⵉⵏ-ⴰⵢⴰ ⴳⵉⵏ ⵜⴰⵖⵙⴻⵔⵜ ⵜⴰⵅⴰⵜⴰⵔⵜ ⴷⴻⴳ ⵓⴽⴰⵍⴰ ⵏ ⵜⵎⴻⵚⴽⵉⵡⵜ ⵏ ⵜⵙⵓⴷⴰ ⵏ ⵓⵡⴰⵏⴰⴽ ⴷ ⵓⵙⴻⴳⴷⴻⵔ ⵏ ⵜⵉⴳⴰⵡⵜ ⵜⴰⵎⴻⴳⴷⴰⵢⵜ, ⴷⴻⴳ ⵉ ⵜⴻⴹⵔⴰ ⴷⴻⴳ ⴽⴰⵜⴰⵔ ⵏ ⵢⵉⵙⵎⴻⵙⴽⴰⵍ ⵓⵙⴹⵉⴼⴻⵏ ⴷ ⵢⵉⵙⵏⵓⴷⴷⵙⴰⵏⴻⵏ ⵢⴻⵙⵄⴰⵏ ⵉⵙⵡⵉ ⵏ ⵓⵙⵏⴰⵎ ⵏ ⵜⴻⵎⵀⴻⵍⵜ ⵜⴰⴼⵔⴰⵏⴰⵏⵜ, ⴷ ⵓⴹⵎⴰⵏ ⵏ ⵜⵉⴷⴻⵜ-ⵏⵏⴻⵙ, ⵢⴻⵔⵏⵉ ⵜⴻⵙⵄⴰ ⵉⵙⵡⵉ ⵏ ⵓⵙⴻⵔⵎⴻⴷ ⵏ ⵜⴰⵎⵍⵉⵍⵜ ⵏ ⵢⵉⵍⴻⵎⵥⵉⵢⴻⵏ ⴷ ⵜⵙⴻⴷⵏⴰⵏ ⴷ ⵓⵙⴻⴳⴷⴻⵔ ⵏ ⵜⵓⴳⴷⵓⵜ ⵜⴰⵏⵎⴰⵍⴰⵢⵜ.
ⵢⴻⵙⵙⴻⵎⵔⴻⵙ ⵓⴷⴰⴱⵓ ⴰⵖⴻⵍⵏⴰⵡ ⴰⵎⵣⴰⵔⵓⴳ ⵏ ⵜⴻⴼⵔⴰⵏⵉⵏ ⵉ ⴷ-ⵢⴻⵙⵙⵉⴳⴳⴻⵏ ⵖⴻⴼ ⵓⴽⴽ ⵜⴰⴽⴽⴰⵢⵉⵏ ⵏ ⵜⴻⵎⵀⴻⵍⵜ ⵜⴰⴼⵔⴰⵏⴰⵏⵜ, ⵜⴰⵙⵏⵓⴷⴷⴻⵙⵜ ⵏ ⵓⵎⴰⵀⵉⵍ ⵉⴱⴻⴷⴷⴻⵏ ⵖⴻⴼ ⵓⵙⴳⴻⵄⵎⴻⵔ ⵏ ⵓⵙⴻⵎⵔⴻⵙ ⵏ ⵓⵙⴻⵎⴹⴻⵏ, ⵉⵍⵎⴻⵏⴷ ⵏ ⵓⵙⴻⵎⵀⴻⵣ ⵏ ⵜⴻⵎⵀⴻⵍⵜ-ⴰⵢⴰ ⴷ ⵓⵙⴻⴳⴷⴻⵔ ⵏ ⵜⴼⴻⵔⵡⴰ ⴷ ⵓⵙⴻⴼⵔⴻⴽ ⵏ ⵜⵙⴻⴽⴽⵉⵔⵉⵏ ⵖⴻⴼ ⵢⵉⵎⴻⵣⴷⴰⵖ, ⴷⴻⴳ ⵉ ⵜⴻⵙⵙⵏⵓⵍⴼⵓ ⵍⴰⴱⴰⵙ ⵏ ⵢⵉⵏⴻⴱⴷⵉⴷⴻⵏ ⵓⵎⴹⵉⵏⴻⵏ ⵉⵍⵎⴻⵏⴷ ⵏ ⵓⵙⵓⴷⴷⴻⵙ ⴷ ⵓⵔⴰⵇⴻⴱ ⵏ ⵜⵙⵉⴹⴼⴰⵏⵉⵏ-ⴰⵢⴰ.
ⵉⵍⵎⴻⵏⴷ ⵏ ⵓⴽⵙⴰⴱ ⵏ 407 ⵏ ⵜⴻⵙⵖⵉⵎⵉⵏ ⴷⴻⴳ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⵉ ⵜⴰⵍⵍⵉⵜ ⵜⴰⵡⴰⵎⵏⵉⵜ ⴰⴷ ⵢⴻⵇⵇⵉⵎⴻⵏ ⵙⴻⵎⵎⵓⵙ ⵏ ⵢⵉⵙⴻⴳⴳⴰⵙⴻⵏ, ⵎⵙⵉⵣⴳⵉⵏ 793 ⵏ ⵡⵓⵎⵎⵓⵖⴻⵏ ⵉⴼⵔⴰⵏⴻⵏ ⴷⴻⴳ ⵓⵙⵉⵀⴰⵔ-ⴰⵢⴰ ⴰⵖⴻⵍⵏⴰⵡ, ⵢⴻⵙⵄⴰⵏ 9854 ⵏ ⵢⵉⵎⵙⴰⵣⵡⴰⵔⴻⵏ ⴷⴻⴳ ⵓⴽⴽ ⵡⴰⵙⵓⵏⴻⵏ ⵉⴼⵔⴰⵏⴻⵏ ⴷⴻⴳ ⵜⵎⵢⵓⵔⵜ, ⵙⴻⴳ-ⵙⴻⵏ 613 ⵏ ⵡⵓⵎⵎⵓⵖⴻⵏ ⴷⴷⵡⵉ ⵍⴻⵄⵏⴰⵢⴰ ⵏ 32 ⵏ ⵢⵉⴽⴰⴱⴰⵔⴻⵏ ⵉⵙⴻⵔⵜⴰⵏⴻⵏ, ⴷ ⵢⵉⵛⵜ ⵏ ⵡⵓⵎⵎⵓⵖ ⴷⴷⵡⵉ ⵍⴻⵄⵏⴰⵢⴰ ⵏ ⵓⵊⴰⵔ ⵏ ⵓⴽⴰⴱⴰⵔ ⴰⵙⴻⵔⵜⴰⵏ (ⴰⵎⵙⵉⵙⵉ), ⴷ 125 ⵏ ⵡⵓⵎⵎⵓⵖⴻⵏ ⵉⵍⴻⵍⵍⵉⵢⴻⵏ.
ⵎⴰ ⵖⴻⴼ ⵡⴰⵙⵓⵏ ⴰⴼⵔⴰⵏⴰⵏ ⴷⴻⴳ ⵓⵣⵖⴰⵔ ⵏ ⵜⵎⵓⵔⵜ, ⴰⵢⴰⴽⴰ ⵢⴻⵍⵍⴰ ⵊⴰⵔ 54 ⵏ ⵡⵓⵎⵎⵓⵖⴻⵏ ⵢⴻⵙⵄⴰⵏ 432 ⵏ ⵢⵉⵎⵙⴰⵣⵡⴰⵔⴻⵏ, ⵙⴻⴳ-ⵙⴻⵏ 47 ⵏ ⵡⵓⵎⵎⵓⵖⴻⵏ ⴷⴷⵡⵉ ⵍⴻⵄⵏⴰⵢⴰ ⵏ 16 ⵏ ⵢⵉⴽⴰⴱⴰⵔⴻⵏ ⵉⵙⴻⵔⵜⴰⵏⴻⵏ ⴷ ⵢⵉⵛⵜ ⵏ ⵡⵓⵎⵎⵓⵖ ⵢⴻⵜⵜⵓⵙⵎⴰⵀⵉⵏ ⴷⴻⴳ ⵓⴽⴰⵜⴰⵔ ⵏ ⵓⵎⵙⵉⵙⵉ ⴰⴽⴰⴱⴰⵔⴰⵏ, ⵜⴳⴰⵔⴰ ⵏ 6 ⵏ ⵡⵓⵎⵎⵓⵖⴻⵏ ⵉⵍⴻⵍⵍⵉⵢⴻⵏ.
ⴰⵎⴹⴰⵏ ⵏ ⵜⵙⴻⴷⵏⴰⵏ ⵉ ⴷ-ⵢⵓⴷⴼⴻⵏ ⴷⴻⴳ ⵓⵙⵉⵀⴰⵔ-ⴰⵢⴰ ⵏⴻⵜⵜⴰ 2032, ⵙ ⵓⴽⵜⴰⵎⵓⵔ ⵏ 21% ⵏ ⵓⵎⴹⴰⵏ ⵏ ⵢⵉⵎⵙⴰⵣⵡⴰⵔⴻⵏ, ⵎⴰ ⴷ ⵢⵉⵍⴻⵎⵥⵉⵢⴻⵏ ⵢⴻⵍⵍⴰⵏ ⴷⴷⵡⵉ 40 ⵏ ⵢⵉⵙⴻⴳⴳⴰⵙⴻⵏ ⵅⴻⵍⴹⴻⵏ ⵖⴻⵔ 5304, ⵙ ⵓⴽⵜⴰⵎⵓⵔ ⵏ 54%, ⴷ 4673 ⵏ ⵢⵉⵎⵙⴰⵣⵡⴰⵔⴻⵏ ⵢⴻⵙⵄⴰⵏ ⴰⵙⵡⵉⵔ ⴰⵙⴷⴰⵡⴰⵏ.
ⴷⴻⴳ ⵓⴽⴰⵜⴰⵔ ⵏ ⵓⵙⵏⴰⵙ ⵏ ⵜⴰⵏⵏⴰⴹⵉⵏ ⵏ ⵓⵙⴰⴹⵓⴼ ⴰⴳⴰⵎⴰⵏ ⵢⴻⵄⵏⴰⵏ ⴰⵏⴰⴳⵔⴰⵡ ⵏ ⵜⴻⴼⵔⴰⵏⵉⵏ, ⵢⴻⵇⵇⴰⵔⴻⵏ ⵖⴻⴼ ⵓⵛⵉⵔⵉ ⵏ ⵓⴼⵔⴰⵏ ⴷⴻⴳ ⵜⵏⴰⵔⵉⵢⵉⵏ ⵢⴻⴳⴳⵓⵔⴻⵏ ⵙⴷⴰⵜ ⵏ 72 ⵏ ⵜⴻⵙⵔⴰⴳⵉⵏ ⵙⴻⴳ ⵡⴰⴽⵓⴷ ⵏ ⵓⴼⵔⴰⵏ, ⵉ ⴷ-ⵢⴻⴱⴷⵓⵏ ⴷⴻⴳ ⵡⴰⵙⵙ ⵏ ⵓⵢⵏⴰⵙ ⵉⵄⴻⴷⴷⴰⵏ ⴷⴻⴳ ⵡⴰⴽⵓⴷⴻⵏ ⵉⴱⴻⵄⴷⴻⵏ.
ⴰⴽⴽⴻⴷ ⵉⵎⴰⵙⵍⴰⴹⴻⵏ ⵏⵓⵎⵖⵉⵡⴰⵏ ⴰⵖⴻⵍⵏⴰⵡ ⵢⴻⵜⵜⵉⵍⵉⵏ ⴷⴻⴳ ⵓⵣⵖⴰⵔ, ⴱⴷⵓⵏ ⵙⴻⴳ ⵡⴰⵙⵙ ⵏ ⵓⵙⵉⴹⵢⴰⵙ ⵉⵄⴻⴷⴷⴰⵏ ⴷⴻⴳ ⵜⴰⵎⵀⴻⵍⵜ ⵏ ⵓⴼⵔⴰⵏ ⵢⴻⵄⵏⴰⵏ ⵜⵉⵙⵉⴹⴼⴰⵏⵉⵏ.
ⵜⴰⵙⴻⴼⵍⴰⵡⵜ ⵜⴰⴼⵔⴰⵏⴰⵏⵜ ⵢⴻⵄⴰⵏⴰⵏ ⵜⵉⵙⵉⴹⴼⴰⵏⵉⵏ ⵜⴻⵎⵎⵉⵔ ⴷⴻⴳ ⵡⴰⵙⵙ ⵏ ⵓⵙⴰⵎⴰⵙ ⵉⵄⴻⴷⴷⴰⵏ, ⴷⴻⴼⴼⵉⵔ ⵏ 20 ⵏ ⵡⵓⵙⵙⴰⵏ ⵏ ⵓⵢⴰⴽⴰ ⵊⴰⵔ ⵢⵉⵎⴰⵙⴰⵢⴻⵏ ⴷ ⵢⵉⴳⴻⵏⵙⴰⵙⴻⵏ ⵏ ⵢⵉⴽⴰⴱⴰⵔⴻⵏ ⴷ ⵡⵓⵎⵎⵓⵖⴻⵏ ⴷⴻⴳ ⵓⵙⵉⵀⴰⵔ-ⴰⵢⴰ ⴰⵖⴻⵍⵏⴰⵡ, ⴷⴻⴳ ⵉ ⵜⴻⴹⵔⴰ ⵜⵙⴻⴼⵍⴰⵡⵜ-ⴰⵢⴰ ⴷⴻⴳ ⵜⵓⴳⵏⴰ ⵢⵓⴷⴷⵙⴻⵏ ⵎⵍⵉⵃ, ⴷⴷⵡⵉ ⴰⵙⵉⴳⴳⵉ ⴷ ⵓⵙⴻⴼⵔⴻⵏ ⵏ ⵓⴷⴰⴱⵓ ⴰⵖⴻⵍⵏⴰⵡ ⴰⵎⵣⴰⵔⵓⴳ ⵏ ⵜⴻⴼⵔⴰⵏⵉⵏ, ⴷ ⵓⵎⵉⵔⵔⴻⵡ ⵏ ⵜⴻⴷⴱⴻⵍⵜ ⵙ ⵜⴻⵎⵍⵉⵍⵜ-ⵏⵏⴻⵙ ⴷⴻⴳ ⵓⵙⴻⴳⴼⴻⵔ ⵏ ⵓⴷⵀⴰⵍ ⴰⴷⵔⵉⵎⴰⵏ ⴷ ⵓⵎⴷⴰⵏⴰⵏ ⴷ ⵓⵍⵓⵊⵉⵙⵜⵉ ⵖⴻⴼ ⵓⵎⵓⵔⴻⵙ ⵏ ⵜⴻⴷⵢⴰⵏⵜ-ⴰⵢⴰ ⵜⴰⵅⴰⵜⴰⵔⵜ.
ⵜⴰⵎⴰⵡⵜ ⴱⴻⵍⵉ ⴰⵎⴹⴰⵏ ⵏ ⵜⵙⵓⴷⵓⵜ ⵜⴰⴼⵔⴰⵏⴰⵏⵜ ⵢⴻⵡⵡⴻⴹ ⵖⴻⵔ 24.727.041 ⵏ ⵢⵉⴼⴻⵔⵔⴰⵏⴻⵏ ⵙⴻⴳ-ⵙⴻⵏ 23.872.756 ⴷⴰⵅⴻⵍ ⵏ ⵜⵎⵓⵔⵜ ⴷ 854.285 ⵏ ⵢⵉⴼⴻⵔⵔⴰⵏⴻⵏ ⵙⴻⴳ ⵓⵎⵖⵉⵡⴰⵏ ⴰⵖⴻⵍⵏⴰⵡ ⵢⴻⵜⵜⵉⵍⵉⵏ ⴷⴻⴳ ⵓⵣⵖⴰⵔ, ⵉⵍⵎⴻⵏⴷ ⵏ ⵢⵉⴳⵎⴰⴹ ⵏ ⵓⵛⴻⴳⴳⴻⵔ ⴰⵙⵓⵔⴼⴰⵏ ⴰⵏⴻⴳⴳⴰⵔⵓ ⵏ ⵡⵓⵎⵎⵓⵖⴻⵏ ⵉⴼⵔⴰⵏⴻⵏ.
ⴰⵔⵏⵓ ⵖⴻⵔ
