ⴰⵢⴻⵏ ⵉ ⴷ-ⵏⵏⴰⵏ ⵎⵉ ⵢⴻⵡⵡⵉ ⵓⵎⵣⵉⵣⵣⴻⵍ ⴰⵍⴻⵣⵣⴰⵢⵔⵉ ⵊⴰⵎⴰⵍ ⵙⴻⵊⴰⵜⵉ ⵜⴰⵎⵉⴷⴰⵢⵜ ⵏ ⵡⵓⵔⴰⵖ ⴷⴻⴳ ⵓⵔⴰⵔⴻⵏ ⵏ ⵜⴰⵔⴰⵏⵜⵓ-2026, ⵎⵉ ⵢⴻⵔⵔⵏⴰ ⴷⴻⴳ ⵓⵣⵉⵣⵣⴻⵍ ⵏ 800 ⵎⵉⵜⵔⵓ ⴰⵙⵙ-ⴰ ⵏ ⵓⵢⵏⴰⵙ ⵜⴰⵎⴻⴷⴷⵉⵜ.
ⵊⴰⵎⴰⵍ ⵙⴻⵊⴰⵜⵉ: "ⵍⵃⴻⵎⴷⵓⵍⵍⴰⵀ ⵖⴻⴼ ⵜⵎⵉⴷⴰⵢⵜ-ⴰⴳⵉ, ⵢⴻⵔⵏⴰ ⵙ ⵍⴻⴱⵖⵉ ⵏ ⵔⴻⴱⴱⵉ ⴰⴷ ⴽⴻⵎⵍⴻⵖ ⴰⵎⴰⵀⵉⵍ ⵉⵡⴰⴽⴽⴻⵏ ⴰⴷ ⵙⵙⴰⵍⵉⵖ ⴰⵛⴻⵏⵢⴰⵍ ⵏ ⵜⵎⵓⵔⵜ ⴷⴻⴳ ⵢⵉⵙⴻⴳⴳⴰⵙⴻⵏ ⵉ ⴷ-ⵉⵜⴻⴷⴷⵓⵏ. ⵜⵓⵔⴰ, ⵎⵉ ⵢⴻⵡⵡⵉⵖ ⵡⵓⵔⴰⵖ-ⴰⴳⵉ, ⴰⴷ ⵀⴻⴳⴳⵉⵖ ⵎⵍⵉⵃ ⵉ ⵜⴳⴰⵔⴰ ⵏ ⴷⴷⵓⵔⵉ ⵍⵎⴰⵙⵉ ⴷⴻⴳ ⵜⵎⴰⴷⵉⵏⵜ ⵏ ⴱⵔⵓⴽⵙⴻⵍ ⴷⴻⴳ ⵢⵓⵙⵙⴰⵏ ⵉ ⴷ-ⵉⵜⴻⴷⴷⵓⵏ. ⴱⵖⵉⵖ ⴷⴰⵖⴻⵏ ⴰⴷ ⴷ-ⴼⴽⴻⵖ ⴰⵚⴱⴻⵔ ⵉ ⵜⵡⴰⵛⵓⵍⵉⵏ ⵏ ⵡⵉⴷ ⵉⵎⵎⵓⵜⴻⵏ ⴷⴻⴳ ⵜⵎⴻⵙ ⵉ ⵢⴻⵡⵡⴻⵜⴻⵏ ⴽⵔⴰ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⵓⵙⵙⴰⵏ-ⴰⴳⵉ."
ⴼⴻⵔⵉⴷ ⴱⵓⵇⴰⵢⴻⵙ (ⴰⵙⴻⵍⵡⴰⵢ ⵏ ⵜⴰⴷⴷⵓⴽⴽⵍⵉ ⵏ ⵡⴰⴷⴷⴰⵍ ⵏ ⵜⵣⵣⵍⴰ): "ⵙⴻⵊⴰⵜⵉ ⵜⵓⵔⴰ ⴷ ⵢⵉⵡⴻⵏ ⵙⴻⴳ ⵢⵉⵎⵣⵉⵣⵣⵍⴻⵏ ⵉⴼⴻⵣⵣⴻⵏ ⴷⴻⴳ ⴷⴷⵓⵏⵉⵜ ⴷⴻⴳ 800 ⵎⵉⵜⵔⵓ, ⵢⴻⵔⵏⴰ ⵏⴻⵥⵔⴰ ⴰⴷ ⵢⴻⵔⵔⵏⵓ. ⵏⴻⵏⵡⴰ ⴷⴰⵖⴻⵏ ⵙⵍⵉⵎⴰⵏ ⵎⵓⵍⴰ ⴰⴷ ⵢⵉⵍⵉ ⴳⴰⵔ ⵜⵍⴰⵜⴰ ⵉⵎⴻⵣⵡⵓⵔⴰ, ⵍⴰⵎⴻⵄⵏⴰ ⵢⴻⵄⵜⴻⴱ ⵎⵍⵉⵃ ⵢⴻⵔⵏⴰ ⵢⴻⴼⴼⴻⵖ-ⴷ ⵡⵉⵙ 5. ⵎⴰⵄⵏⴰ ⵡⴰⴷⴷⴰⵍ ⵏ ⵜⵣⵣⵍⴰ ⵏ ⵍⴻⵣⵣⴰⵢⴻⵔ ⵢⴻⴱⴷⴰ ⵎⵍⵉⵃ ⵓⵔⴰⵔⴻⵏ-ⴰⴳⵉ, ⵍⴰⴷⵖⴰ ⵎⵉ ⵢⴻⵡⵡⵉ ⵟⴰⵔⴻⵇ ⵃⵓⵙⵉⵏ ⵜⴰⵎⵉⴷⴰⵢⵜ ⵏ ⵍⴱⵔⵓⵏⵣ ⴷⴻⴳ ⵓⵏⵟⴻⴳ ⴰⵖⴻⵣⴼⴰⵏ, ⵢⴻⵔⵏⴰ ⵢⴻⵙⵙⴻⴼⵍⴻⵍ ⴰⵔⴻⵇⵎ-ⵉⵙ (8.02 ⵎⵉⵜⵔⵓ). ⴰⵣⴻⴽⴽⴰ, ⴰⴷ ⴽⴻⵎⵍⴻⵏ ⵡⵉⵢⴰⴹ ⴷⴻⴳ 1500 ⵎⵉⵜⵔⵓ. ⴷⴻⴳ ⵜⴰⴳⴰⵔⴰ, ⴰⴷ ⴼⴽⴻⵖ ⴰⵚⴱⴻⵔ ⵉ ⵢⵉⵎⴻⵣⴷⴰⵖ ⵏ ⵡⴻⵙⵟ ⴷ ⵓⵛⴻⵔⵇ ⵏ ⵜⵎⵓⵔⵜ ⵉ ⵢⴻⵡⵡⴻⵜ ⵍⵎⵓⵚⵉⴱⴰ ⵏ ⵜⵎⴻⵙ. ⵏⴻⵍⵍⴰ ⴰⴽⴽⴻⴷ-ⴰⵙⴻⵏ ⵙ ⵡⵓⵍⴰⵡⴻⵏ-ⵏⵏⴻⵖ."
ⴰⵔⵏⵓ ⵖⴻⵔ
