ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵓⵎⴰⵀⵉⵍ, ⵓⵙⴻⵍⵍⴻⴽ ⴷ ⵓⵎⴹⴰⵎⴰⵏ ⵏ ⵜⵎⴻⵜⵜⵉ, ⵎⴰⵙⵙ ⴰⴱⴷⴻⵍⵀⴰⴽ ⵙⴰⵉⵀⵉ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉⵎⴰⵀⵉⵍⴻⵏ ⵏ ⵓⵙⵜⴻⵏⵢⵉ ⵏ ⵓⴱⵓⵕⵓⵜⵓⴽⵓⵍ ⵏ ⵓⵎⵜⴰⵡⴰ ⴳⴰⵔ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵓⵎⴹⴰⵎⴰⵏ ⵏ ⵜⵎⴻⵜⵜⵉ ⵉ ⵡⵉⴷ ⵓⵔ ⵏⴻⵍⵍⵉ ⴷ ⵉⵚⴰⵍⴰⵔⵉⵢⴻⵏ (ⵛⴰⵙⵏⵓⵙ) ⴷ ⵍⴱⴰⵏⴽⴰ ⵏ ⵓⵙⵏⴻⴼⵍⵉ ⴰⴷⵉⴳⴰⵏ (ⴱⴷⵍ), ⵢⴻⵄⵏⴰⵏ ⴰⵙⴻⵔⵔⴻⵙ ⵏ ⵓⵎⴻⵥⵍⵓ ⵏ ⵓⴽⵜⴰⵙ ⴰⵡⵓⵔⵎⴰⵏ ⵏ ⵜⵎⵓⵔⵏⵉⵡⵉⵏ ⵏ ⵓⵎⴹⴰⵎⴰⵏ ⵏ ⵜⵎⴻⵜⵜⵉ.
ⵙⵜⴻⵏⵢⴰⵏ ⴰⵎⵜⴰⵡⴰ-ⴰⴳⵉ ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⵛⴰⵙⵏⵓⵙ, ⵎⴰⵙⵙ ⵛⵀⴰⵎⵙⴻⴷⴷⵉⵏⴻ ⴱⵓⵓⴰⵙⵙⴻⵍ, ⴷ ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⴱⴷⵍ, ⵎⴰⵙⵙ ⵎⵓⵀⴰⵎⴻⴷ ⵎⴱⴰⵔⴻⴽ.
ⴰⴱⵓⵕⵓⵜⵓⴽⵓⵍ-ⴰⴳⵉ ⵢⵓⵙⴰ-ⴷ ⵉ ⵓⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵏⴻⵖⵍⴰⴼ ⵉ ⵓⴱⵔⵉⴷ ⵏ ⵓⵙⵎⴰⵢⵏⵓⵜ ⵏ ⵢⵉⵎⴻⵥⵍⴰ ⵏ ⵓⵎⴹⴰⵎⴰⵏ ⴷ ⵓⵙⵏⴻⴼⵍⵉ ⵏ ⵡⴰⵍⵍⴰⵍⴻⵏ ⵏ ⵓⴳⴻⵎⵎⴻⵔ ⵏ ⵜⵎⵓⵔⵏⵉⵡⵉⵏ, ⴷⴻⴳ ⵢⵉⵡⴻⵜ ⵏ ⵜⵎⵓⵖⵍⵉ ⵉⵕⴻⵙⵙⴰⵏ ⵖⴻⴼ ⵜⴰⵔⵇⵎⵉⵜ ⴷ ⵓⵙⵉⵣⴷⴻⴳ ⵏ ⵜⵖⴰⵔⴰ ⵏ ⵓⵎⴻⵥⵍⵓ ⴰⴳⴷⵓⴷⴰⵏ ⴷ ⵓⴼⵙⵉⵙ ⵏ ⵜⵉⴳⴳⴰⵜⵉⵏ ⵜⵓⴷⴱⴻⵍⵉⵏ.
ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵉ ⵢⴻⵅⴷⴻⵎ ⵉ ⵜⵏⴻⵖⵎⴰⵙⵜ ⵙⴻⵍⴷ ⵓⵙⵜⴻⵏⵢⵉ, ⵎⴰⵙⵙ ⴱⵓⵓⴰⵙⵙⴻⵍ ⵉⵙⵙⴻⴽⵏⴻⴷ ⴱⴻⵍⵍⵉ "ⵓⵎⴻⵥⵍⵓ-ⴰⴳⵉ ⴰⵎⴰⵢⵏⵓⵜ ⵢⴻⵙⵄⴰ ⴰⵟⴰⵙ ⵏ ⵏⴼⴰⵄⴰⵜ, ⴳⴰⵔ-ⴰⵙⴻⵏⵜ ⴰⵙⴰⴷⴻⵔ ⵏ ⵓⵙⴻⵎⵔⴻⵙ ⵏ ⵏⵏⴰⵇⴷ ⴷ ⵓⵙⵙⴻⵎⵖⴻⵔ ⵏ ⵢⵉⴱⴻⵔⴷⴰⵏ ⵏ ⵓⵅⴻⵍⵍⴻⵚ ⴰⵇⵎⵉ ⵙ ⵓⴷⴻⴳⴳⴻⵔ ⵏ ⵓⵍⴷⴰⵢ ⵏ ⵢⵉⴳⵓⵍⴰⴼ ⵏ ⵍⴱⴰⵏⴽⴰ . ⴷⴰⵖⴻⵏ, ⵉⵙⵙⴻⴽⵏⴻⴷ-ⴷ ⴱⴻⵍⵍⵉ ⴰⴷ ⴷ-ⵉⵍⵍⵉⵏⵜ ⵜⴰⵔⵔⴰⵢⵉⵏ ⵏ ⵓⴼⵙⵉⵙ ⵉ ⵢⵉⵎⵜⴻⴽⴽⵉⵢⴻⵏ ⵏ ⵛⴰⵙⵏⵓⵙ ⵉⵡⴰⴽⴽⴻⵏ ⴰⴷ ⴷ-ⵢⴰⵡⴻⴹ ⵉ ⵡⴰⴷⴷⴰⴷ-ⵏⵙⴻⵏ ⴰⵎⴻⵣⵣⵓⵍⴰⵏ ⴷ ⵜⵣⴻⵎⵎⴰⵔ-ⵏⵙⴻⵏ ⵏ ⵜⴻⴷⵔⵉⵎⵜ.
ⵙⴻⴳ ⵜⴰⵎⴰ-ⵙ, ⵎⴰⵙⵙ ⵎⵓⵀⴰⵎⴻⴷ ⵎⴱⴰⵔⴻⴽ ⵢⴻⵏⵏⴰ-ⴷ ⴱⴻⵍⵍⵉ ⴰⴱⵓⵕⵓⵜⵓⴽⵓⵍ-ⴰⴳⵉ ⴷ "ⴰⵙⵓⵔⵉⴼ ⵓⴼⵔⵉⵏ ⴷⴻⴳ ⵓⴱⵔⵉⴷ ⵏ ⵓⵙⵎⴰⵢⵏⵓⵜ ⵏ ⵡⴰⵍⵍⴰⵍⴻⵏ ⵏ ⵓⴳⴻⵎⵎⴻⵔ ⵙ ⵓⵟⵎⴰⵏ ⵏ ⵢⵉⵡⴻⵜ ⵏ ⵡⴰⵍⵍⴰⵍ ⵏ ⵓⵅⴻⵍⵍⴻⵚ ⵓⴼⵔⵉⵏ ⵓ ⵉⵃⴻⵔⵣⴻⵏ". ⴰⵢⴰⴳⵉ ⵉⵜⴻⴷⴷⵓ ⴷⴻⴳ ⵜⵙⵔⴻⵟ ⵏ ⴱⴷⵍ ⵉ ⵓⵙⵙⴻⵎⵖⴻⵔ ⵏ ⵓⵙⴻⵎⵔⴻⵙ ⵏ ⵡⴰⵍⵍⴰⵍⴻⵏ ⵏ ⵓⵅⴻⵍⵍⴻⵚ ⵉⵎⴰⵢⵏⵓⵜⴻⵏ ⴷ ⵓⵙⴻⴶⵀⴻⴷ ⵏ ⵓⴱⴻⴷⴷⴻⵍ ⴰⵇⵎⵉ (transformation numérique).
ⴰⵎⴰⵏⴰⵢ ⴰⵎⴰⵜⵓ ⵏ ⵜⴷⵓⴽⵍⴰ ⵜⴰⵎⴰⵜⵓⵜ ⵏ ⵢⵉⵎⵣⴻⵏⵣⴰⵢⴻⵏ ⴷ ⵢⵉⴱⵓⵃⵔⵉⵢⴻⵏ ⵎⴰⵙⵙ ⵄⵉⵙⵙⴰⵎ ⴱⴻⴷⵔⵉⵙⵙⵉ, ⵉⵙⵍⴻⵎ-ⴷ ⵙ ⵡⴰⵍⵍⴰⵍ-ⴰⴳⵉ ⴰⵎⴰⵢⵏⵓⵜ ⴰⵔⴰ ⵢⴻⵙⵙⴻⵏⴼⵉⵙⴻⵏ ⵜⵉⴳⴳⴰⵜⵉⵏ ⵜⵓⴷⴱⴻⵍⵉⵏ ⵖⴻⴼ ⵢⵉⵎⵣⴻⵏⵣⴰⵢⴻⵏ ⴷ ⵢⵉⴱⵓⵃⵔⵉⵢⴻⵏ ⴷ ⵢⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ.
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⵙⴻⵍⴷ ⵢⵉⵡⴻⵜ ⵏ ⵜⵎⵓⵖⵍⵉ ⵏ ⵓⵄⴰⵡⴻⴷ ⵏ ⵓⵙⵓⴷⴷⴻⵙ ⵉ ⵢⴻⵣⵔⴰ ⵓⵏⵏⴰⵔ, ⵙⴻⵍⴷ ⵜⵉⵔⵎⵉⵜ ⵉ ⴷ-ⵢⵉⵍⵍⴰⵏ ⵓⵇⴱⴻⵍ ⴳⴰⵔ ⵓⵙⴻⵏⴷⵓⵇ ⵏ ⵢⵉⵎⴰⵀⵍⴰⵏⴻⵏ ⵉⵚⴰⵍⴰⵔⵉⵢⴻⵏ (CNAS), ⴰⵙⴻⵏⴷⵓⵇ ⵏ ⵉⵎⵓⵔⴰⵙ ⵢⴻⵜⵜⵡⴰⵅⴻⵍⵍⵚⴻⵏ (CACOBATPH) ⴷ ⵍⴱⴰⵏⴽⴰ ⵏ ⴱⴷⵍ.
ⴰⵔⵏⵓ ⵖⴻⵔ
