ⵜⵙⵜⴻⵏⵢⴰ ⵍⴻⵣⵣⴰⵢⴻⵔ ⴷ ⵎⴰⵚⴻⵔ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵍⵇⴰⵀⵉⵔⴰ, ⵢⵉⵡⴻⵜ ⵏ ⵜⵓⴽⴽⵉⵙⵜ ⵏ ⵡⴻⴼⵀⴰⵎ (mémorandum d'entente) ⵉ ⵢⴻⴱⵖⴰⵏ ⴰⴷ ⵜⴻⵙⵙⴻⴶⵀⴻⴷ ⵓ ⴰⴷ ⵜⴻⵙⵙⴻⴼⴰⵍⵉ ⴰⵎⵢⴻⵛⵛⴻⵔ ⴰⵎⴰⵙⵙⴰⵏ ⴷ ⵓⵜⵉⴽⵏⵓⵍⵓⵊⵉ ⴷⴻⴳ ⵢⵉⵏⵏⴰⵔⴻⵏ ⵏ ⵢⵉⵙⴰⴼⴰⵔⴻⵏ ⴷ ⵡⴰⵍⵍⴰⵍⴻⵏ ⵏ ⵜⵓⵊⵊⵢⴰ (moyens médicaux), ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵜⴻⵎⴳⵓⵔⵉ ⵜⴰⵙⴰⴼⴰⵔⴰⵏⵜ.
ⵓⵙⵜⴻⵏⵢⵉ ⵏ ⵓⵎⵜⴰⵡⴰ-ⴰⴳⵉ ⵢⴻⵍⵍⴰ-ⴷ ⴷⴻⴳ ⵓⵣⴻⵏⵣⵉⵖ ⵏ ⵓⵙⴰⵢⴻⵙ ⴷ ⵡⴰⵎⵓⵔⴰⵢ ⵏ ⵜⴰⵣⵣⵉⵜ ⵏ ⵜⴻⴼⵔⵉⵇⵜ (Africa Health ExCon 2026) ⴷⴻⴳ ⵜⴻⴳⴷⵓⴷⴰ ⵏ ⵎⴰⵚⴻⵔ. ⵜⴻⴽⴽⵉ ⴷⴻⴳ-ⵙ ⵍⴻⵣⵣⴰⵢⴻⵔ ⵙ ⵢⵉⵡⴻⵜ ⵏ ⵜⴰⵔⴱⴰⵄⵜ ⵉ ⵢⴻⵙⵙⴻⵍⵡⴰⵢ ⵓⵎⴰⵏⴰⵢ ⴰⵎⴰⵜⵓ ⵏ ⵜⵏⴻⵖⵍⴰⴼⵜ ⵏ ⵜⴻⵎⴳⵓⵔⵉ ⵜⴰⵙⴰⴼⴰⵔⴰⵏⵜ, ⵎⴰⵙⵙ ⵏⴰⵛⴻⵔ ⵃⴰⵎⴰⵏⵉ, ⵙ ⵢⵉⵙⴻⵎ ⵏ ⵓⵏⴻⵖⵍⴰⴼ ⵏ ⵓⵏⵏⴰⵔ, ⵎⴰⵙⵙ ⵡⴰⵙⵙⵉⵎ ⵇⵓⵓⵉⴷⵔⵉ.
ⵙⵜⴻⵏⵢⴰⵏ ⵜⵓⴽⴽⵉⵙⵜ-ⴰⴳⵉ ⵏ ⵡⴻⴼⵀⴰⵎ ⵙ ⵜⴰⵎⴰ ⵏ ⵍⴻⵣⵣⴰⵢⴻⵔ ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⵜⴰⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵉ ⵡⴰⵍⵍⴰⵍⴻⵏ ⵉⵙⴰⴼⴰⵔⴰⵏⴻⵏ, ⵎⴰⵙⵙ ⴷⴻⵍⵉⵀ ⵛⵀⴻⵔⵉⴼ, ⵎⴰ ⴷ ⵜⴰⵎⴰ ⵏ ⵎⴰⵚⴻⵔ ⴰⵙⴻⵍⵡⴰⵢ ⵏ ⵜⵓⴷⴷⵙⴰ ⵏ ⵢⵉⵙⴰⴼⴰⵔⴻⵏ ⵏ ⵎⴰⵚⴻⵔ, ⵎⴰⵙⵙ ⵄⴰⵍⵉ ⴻⵍ-ⴳⵀⴰⵎⵔⴰⵡⵉ, ⵙ ⵜⵉⵍⵉⵜ ⵏ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏ ⵎⴰⵚⴻⵔ, ⵎⴰⵙⵙ ⵎⵓⵙⵜⴰⴼⴰ ⵎⴻⴷⴱⵓⵓⵍⵉ.
ⵜⵓⴽⴽⵉⵙⵜ-ⴰⴳⵉ ⵜⴻⵙⵙⴻⵃⵔⴻⵙ ⵍⴰⴷⵖⴰ ⵖⴻⴼ ⵜⵓⵛⵛⵉⵜ ⵏ ⵙⵏⴰⵜ ⵏ ⵜⴰⵎⵉⵡⵉⵏ ⵉ ⵓⵟⵎⴰⵏ ⵏ ⵜⴰⵍⵍⴻⵍⵜ ⵜⴰⵜⵉⴽⵏⵉⴽⵜ ⴳⴰⵔ-ⴰⵙⴻⵏⵜ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏⵜ ⵜⵣⴻⵎⵎⴰⵔ ⵏ ⵓⵙⵓⴷⴷⴻⵙ ⴷ ⵓⵣⴻⵟⵟⴻⴹ (régulation) ⴷⴻⴳ ⵍⴻⵣⵣⴰⵢⴻⵔ ⴷ ⵎⴰⵚⴻⵔ, ⴷ ⵓⵇⴱⴻⵍ (reconnaissance) ⴰⵎⴻⵣⴷⴰⵢ ⴳⴰⵔ ⵙⵏⴰⵜ ⵏ ⵜⵎⵓⵙⵏⵉⵡⵉⵏ-ⴰⴳⵉ.
ⴰⵔⵏⵓ ⵖⴻⵔ
