ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵜⵏⴻⵣⵣⵓⵜ ⵏ ⴱⴻⵕⵕⴰ ⴷ ⵓⵙⵏⴻⵔⵏⵉ ⵏ ⵢⵉⵎⵓⴼⴼⴻⵖⴻⵏ, ⵎⴰⵙⵙ ⴽⴰⵎⴰⵍ ⵔⴻⵣⵉⴳ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉ ⵓⵎⵙⵉⵡⴻⵍ ⵏ ⵓⵙⴻⵍⵡⴰⵢ ⵏ ⵔⵓⵙⵢⴰ ⵢⴻⵄⵏⴰⵏ ⴰⵎⵢⴻⵛⵛⴻⵔ ⴰⴳⵔⴻⵖⵍⴰⵏ ⴷⴻⴳ ⵓⵏⵏⴰⵔ ⵏ ⵓⵣⵓⵏⴻⵢ, ⵎⴰⵙⵙ ⵉⴳⵓⵔ ⵍⴻⵠⵉⵜⵉⵏ, ⴷ ⵜⴰⵔⴱⴰⵄⵜ ⵉ ⵜ-ⵉⴷ-ⵉⵎⵓⵏⵏⴻⵏ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⵏⵏⴰⵔ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⵉ ⵢⴻⵅⴷⴻⵎ ⵓⵎⴹⴻⴱⴱⴻⵔ ⵏ ⵔⵓⵙⵢⴰ ⵖⴻⵔ ⵍⴻⵣⵣⴰⵢⴻⵔ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⵣⴻⵟⵟⴻⴹ ⵏ ⵡⴰⴷⴷⴰⴷ ⴷ ⵢⵉⵙⴰⵔⴰⵎⴻⵏ ⵏ ⵡⴰⵙⵙⴰⵖⴻⵏ ⵏ ⵓⵎⵢⴻⵛⵛⴻⵔ ⴰⴷⴰⵎⵙⴰⵏ ⴷ ⵡⵉⵏ ⵏ ⵜⵏⴻⵣⵣⵓⵜ ⴳⴰⵔ ⵍⴻⵣⵣⴰⵢⴻⵔ ⴷ ⵔⵓⵙⵢⴰ, ⴰⵏⵉⴷⴰ ⵙⵉⵏ ⵏ ⵢⵉⴽⵓⴱⴰⵔ ⵙⴻⵃⵔⴻⵙⴻⵏ ⵖⴻⴼ ⵡⴰⵣⴰⵍ ⵏ ⵓⵙⴻⴶⵀⴻⴷ ⵏ ⵜⴷⵓⴽⵍⵉ ⵏ ⵙⵉⵏ.
ⴷⴻⴳ ⵜⴰⵍⵍⵉⵜ-ⴰⴳⵉ ⴷⴰⵖⴻⵏ, ⵇⴻⵔⴷⵛⴻⵏ ⵜⴰⵔⵔⴰⵢⵉⵏ ⵉ ⵓⵙⵏⴻⴼⵍⵉ ⵏ ⵓⵎⵢⴻⵛⵛⴻⵔ ⴷⴻⴳ ⵓⵏⵏⴰⵔ ⵏ ⵓⵣⵓⵏⴻⵢ ⴷ ⵢⵉⵎⴻⵥⵍⴰ ⵏ ⵓⵍⵓⵊⵉⵢⵙⵜⵉⴽ, ⵍⴰⴷⵖⴰ ⴰⵢⴻⵏ ⵢⴻⵄⵏⴰⵏ ⵜⵎⵓⵀⴰⵍ ⵏ ⵓⵙⵓⴼⴼⴻⵖ (export), ⵉⵡⴰⴽⴽⴻⵏ ⴰⴷ ⴷ-ⵍⴹⵉⵏⵜ ⵜⴻⵡⵡⵓⵔⴰ ⵜⵉⵎⴰⵢⵏⵓⵜⴻⵏ ⵉ ⵢⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ.
ⴰⵔⵏⵓ ⵖⴻⵔ
