ⵔⵉⵢⴰⴹ ⵎⴰⵃⵔⴻⵣ ⴷ ⴰⵎⴻⵣⵡⴰⵔⵓ ⵏ ⵢⵉⵎⴻⵙⵙⵉⵙⵡⵍⴰ ⴷⴻⴼⴼⵉⵔ ⵙⵏⴰⵜ ⵏ ⵜⵓⴽⴽⴰⵍⵉⵏ ⵢⴻⵔⵏⴰ ⵏⵉⵊⵉⵔⵢⴰ ⴷ ⵜⵉⵏ ⵉⵍⴰⵏ ⵜⴰⵡⵉⵜ ⵉⴼⴰⵣⴻⵏ ⴰⴽⴽ

ⵢⴻⵜⵜⵎⴰⴳⴰⵔ-ⴷ ⵢⵉⵜⵔⵉ ⴰⵖⴻⵍⵏⴰⵡ ⴰⴷⵣⴰⵢⵔⵉ ⵔⵉⵢⴰⴹ ⵎⴰⵃⵔⴻⵣ, ⴷ ⴰⵎⴻⵣⵡⴰⵔⵓ ⴷⴻⴳ ⵜⴻⵍⴳⴰⵎⵜ ⵏ ⵢⵉⵎⴻⵙⵙⵉⵙⵡⵍⴰ ⴷⴻⴳ ⵜⴰⴽⵓⵙⵜ ⵏ ⵜⴼⵔⵉⵇⵜ ⵏ ⵢⴻⵖⵍⴰⵏⴻⵏ (CAN) 2025, ⵎⴰ ⴷ ⵜⴰⵔⴱⴰⵄⵜ ⵏ ⵏⵉⵊⵉⵔⵢⴰ ⵜⴻⵙⵙⴻⴽⵏⴻⵢ ⴱⴻⵍⵍⵉ ⵜⴻⵡⵡⴻⴹ ⴰⴷ ⵜⴻⵎⵃⵉⵣⵡⴻⵔ ⵖⴻⴼ ⵓⵣⵡⴻⵍ, ⴷⴻⴼⴼⵉⵔ ⵎⵉ ⵜⴻⵔⵔⴰ ⵜⴰⵡⵉⵜ-ⵉⵙ ⴷ ⵜⵉⵏ ⵉⵊⴻⵀⴷⴻⵏ ⴰⴽⴽ ⴷⴻⴳ ⵜⴰⴱⵓⵖⵓⵔⵜ ⴷⴻⴼⴼⵉⵔ ⵙⵏⴰⵜ ⵏ ⵜⵓⴽⴽⴰⵍⵉⵏ ⵏ ⵜⴳⵔⵓⵎⵎⵉⵡⵉⵏ.

ⴰⵏⴻⴼⵍⵓⵙ ⵏ ⵜⴰⵔⴱⴰⵄⵜ ⴰⴷⵣⴰⵢⵔⵉ ⵎⴰⵃⵔⴻⵣ, ⵢⴻⵣⵡⴰⵔ ⵜⴻⵍⴳⴰⵎⵜ ⵏ ⵢⵉⵎⴻⵙⵙⵉⵙⵡⵍⴰ ⵙ 3 ⵏ ⵜⵉⵙⵡⵉⵜⵉⵏ, ⵢⴻⵔⵏⴰ ⵢⴻⵙⵙⴻⴽⵏⴻⵢ ⴰⵣⴰⵍ-ⵉⵙ ⴰⵎⴻⵇⵇⵔⴰⵏ ⴷⴻⴳ ⵜⵎⴻⵏⵏⴰⴹⵜ. ⵜⵉⴼⴰⵣⵉⵏ-ⵉⵙ ⵣⴷⴰⵜ ⵏ ⵜⵡⴻⵏⵏⴰⵔⵜ ⴼⴽⴰⵏⵜ ⵜⴰⴳⵏⵉⵜ ⵉ ⵍⴻⵣⵣⴰⵢⴻⵔ ⴰⴷ ⵜⴻⵔⴱⴻⵃ ⵙⵏⴰⵜ ⵏ ⵜⵓⵔⴰⵔⵉⵏ-ⵉⵙ ⵜⵉⵎⴻⵣⵡⵓⵔⴰ, ⴰⵢⴻⵏ ⵉ ⵜ-ⵢⴻⵔⵔⴰⵏ ⴷ ⵢⵉⵡⴻⵜ ⵙⴻⴳ ⵜⴰⵔⴱⴰⵄⵉⵏ ⵜⵉⵎⴻⵣⵡⵓⵔⴰ ⵉ ⵢⴻⵣⴳⴻⵔⵏ ⵖⴻⵔ ⵓⴷⵓⵔ ⵡⵉⵙ 16. ⵢⵉⵜⵔⵉ ⵏ "Al-Ahli" ⴰⵙⴰⵄⵓⴷⵉ ⵢⴻⵙⵙⴻⴽⵛⴻⵎ ⵙⵏⴰⵜ ⵏ ⵜⵉⵙⵡⵉⵜⵉⵏ ⵣⴷⴰⵜ ⵏ ⵙⵓⴷⴰⵏ ⴷ ⵢⵉⵡⴻⵜ ⵣⴷⴰⵜ ⵏ ⴱⵓⵔⴽⵉⵏⴰ ⴼⴰⵙⵓ. ⴹⴻⴼⴼⵉⵔ-ⵙ ⵍⵍⴰⵏ ⵡⵉⵢⴰⴹ ⵙ 2 ⵏ ⵜⵉⵙⵡⵉⵜⵉⵏ, ⴰⵎ: ⴰⴷⴻⵎⵓⵍⴰ ⵍⵓⴽⵎⴰⵏ (ⵏⵉⵊⵉⵔⵢⴰ), ⵎⵓⵃⴰⵎⵎⴻⴷ ⵚⴰⵍⴰⵃ (ⵎⵉⵚⵔⴰ), ⵉⵍⵢⴰⵙ ⵄⴰⵛⵓⵔⵉ (ⵜⵓⵏⴻⵙ), ⵍⴰⵙⵉⵏ ⵙⵉⵏⴰⵢⵓⴽⵓ (ⵎⴰⵍⵉ) ⴷ ⴰⵎⴰⴷ ⴷⵢⴰⵍⵍⵓ (ⴽⵓⵜ ⴷ'ⵉⴼⵡⴰⵔ).

ⵙ ⵓⵎⴰⵜⴰ, ⵜⴰⴱⵓⵖⵓⵔⵜ-ⴰ ⵜⴻⵥⵔⴰ ⴰⵙⴻⴽⵛⴻⵎ ⵏ 53 ⵏ ⵜⵉⵙⵡⵉⵜⵉⵏ ⴷⴻⴳ 24 ⵏ ⵜⵓⵔⴰⵔⵉⵏ, ⵙ ⵓⵏⵏⴻⵛⵜ ⵏ 2.21 ⵏ ⵜⵉⵙⵡⵉⵜⵉⵏ ⵉ ⵜⵓⵔⴰⵔⵜ, ⴰⵢⴰ ⵢⴻⵙⴽⴰⵏⴰⵢ-ⴷ ⴰⵙⴻⴳⴷⴻⵙ ⴳⴰⵔ ⵜⴰⵡⵉⵜ ⴷ ⵜⴻⴽⵜⵉⴽⵜ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⴽⴰⴼ (CAF). ⴰⵙⴻⴳⴷⴻⵙ-ⴰ ⵢⴻⴱⵢⴻⵏ-ⴷ ⴰⵟⴰⵙ ⴷⴻⴳ ⵜⴰⵔⴱⴰⵄⵜ ⵏ ⵏⵉⵊⵉⵔⵢⴰ, ⵉ ⵢⴻⵣⵡⴰⵔⴻⵏ ⵙ 5 ⵏ ⵜⵉⵙⵡⵉⵜⵉⵏ ⴷ 12 ⵏ ⵜⴻⵔⵢⴰⵍⵉⵏ ⵖⴻⵔ ⵜⵡⴻⵏⵏⴰⵔⵜ, ⴰⴽⴽⴻⴷ ⵓⵃⵔⴰⵣ ⵏ ⴷⴷⴰⴱⴻⵅ ⵢⴻⵡⵡⴹⴻⵏ 61%.

ⵜⵉⴼⴰⵣⵉⵏ-ⴰ ⵏ ⵜⴰⵡⵉⵜ ⴼⴽⴰⵏⵜ-ⴷ ⵢⴰⴽⴰ ⵉⴳⴻⵎⵎⴰⵏ, ⴰⵏⴷⴰ ⵏⵉⵊⵉⵔⵢⴰ ⵜⴻⴷⴷⵓⴽⴽⴻⵍ ⴷ ⵎⵉⵚⵔⴰ ⴷ ⵍⴻⵣⵣⴰⵢⴻⵔ ⴷ ⵜⴰⵔⴱⴰⵄⵉⵏ ⵜⵉⵎⴻⵣⵡⵓⵔⴰ ⵉ ⵢⴻⵣⴳⴻⵔⵏ ⵖⴻⵔ ⵓⴷⵓⵔ ⵡⵉⵙ 16 ⴷⴻⴼⴼⵉⵔ ⵙⵏⴰⵜ ⵏ ⵜⵓⵔⴰⵔⵉⵏ ⴽⴰⵏ. ⵙⴻⴳ ⵜⴰⵎⴰ-ⵏⵏⵉⴹⴻⵏ, ⵜⴰⵔⴱⴰⵄⵜ ⵏ ⴱⵓⵜⵙⵡⴰⵏⴰ ⵜⴻⵄⵜⴻⴱ ⴰⵟⴰⵙ, ⴰⵏⴷⴰ ⵜⴻⵇⴱⴻⵍ 4 ⵏ ⵜⵉⵙⵡⵉⵜⵉⵏ ⵢⴻⵔⵏⴰ ⵓⵔ ⵜⴻⵙⵙⴻⴽⵛⴻⵎ ⵓⵍⴰ ⴷ ⵢⵉⵡⴻⵜ, ⵙ ⵓⵃⵔⴰⵣ ⵏ ⴷⴷⴰⴱⴻⵅ ⵏ 32% ⴽⴰⵏ.

ⴷⴰⵖⴻⵏ, ⴰⵇⴰⴷⴻⵔ ⵏ ⵢⵉⵍⵓⴳⴰⵏ ⵢⴻⵍⵍⴰ-ⴷ ⴷ ⴰⵢⴻⵏ ⵢⴻⴱⵢⴻⵏ ⴰⵟⴰⵙ, ⴰⵏⴷⴰ ⵢⵉⵎⵙⴻⵍⵎⴻⵏ ⵙⴼⴻⴼⵖⴻⵏ-ⴷ 83 ⵏ ⵜⴽⴰⵔⴹⵉⵡⵉⵏ ⵜⵉⵡⵔⴰⵖⵉⵏ ⴷ ⴽⵔⴰⴹ (3) ⵜⵉⵣⴻⴳⴳⴰⵖⵉⵏ. ⴰⵢⴰ ⵢⴻⵙⴽⴰⵏⴰⵢ-ⴷ ⵍⵊⴻⵀⴷ ⵏ ⵢⵉⴼⴻⴽⴽⴰⵏ ⴷ ⵓⵖⵉⵍⵉⴼ ⵉ ⵢⴻⵜⵜⴻⵔⵏⵉⵏ ⵎⵉ ⴷ-ⵜⴻⵇⵔⴻⴱ ⵜⴰⴳⴰⵔⴰ ⵏ ⵓⴷⵓⵔ ⵏ ⵜⴳⵔⵓⵎⵎⵉⵡⵉⵏ.

ⵎⵉ ⵜⴽⴻⵛⵛⴻⵎ ⵜⴰⴱⵓⵖⵓⵔⵜ ⵖⴻⵔ ⵜⵓⴽⴽⴰⵍⵜ-ⵉⵙ ⵜⴰⵏⴻⴳⴳⴰⵔⵓⵜ ⵏ ⵜⴳⵔⵓⵎⵎⵉⵡⵉⵏ, ⵉⴹⴰⵏⴻⵏ-ⴰ ⵎⴰⵣⴰⵍ-ⵉⵜⴻⵏ ⴷ ⵜⴰⵣⵡⴰⵔⴰ ⴽⴰⵏ. ⵎⴰ ⵢⴻⵍⵍⴰ ⴽⵔⴰ ⵏ ⵜⵎⵓⵔⴰ ⵣⴳⴻⵔⵏⵜ ⵢⴰⴽⴰ, ⵜⵉⵢⵉⴹ ⵎⴰⵣⴰⵍ-ⵉⵜⴻⵏⵜ ⴷⴻⴳ ⵓⵎⴻⵏⵏⵓⵖ ⴰⴽⴽⴻⵏ ⴰⴷ ⴷ-ⵡⵉⵏⵜ ⴰⵎⴽⴰⵏ-ⵏⵙⴻⵏⵜ ⴷⴻⴳ ⵓⴷⵓⵔ ⵉ ⴷ-ⵢⴻⵜⵜⴻⴷⴷⵓⵏ.