ⵜⴻⵄⵍⴻⵏ-ⴷ ⵉⵖⴱⵓⵍⴰ ⵏ ⵜⴰⵣⵣⵉⵜ ⴷⴻⴳ ⵖⴰⵣⴰ, ⴰⵙⵙ-ⴰ ⵏ ⵜⵜⵍⴰⵜⴰ, ⴱⴻⵍⵍⵉ ⴰⵎⴹⴰⵏ ⵏ ⵢⵉⵎⴻⵖⵔⴰⵙⴻⵏ ⵏ ⵓⵣⴷⴻⵎ ⵏ ⵓⵏⴻⴽⵛⵓⵎ ⵓⴷⴰⵢ (ⵚⵚⴰⵀⵢⵓⵏⵉ) ⵖⴻⴼ ⵜⵙⴳⴰ-ⴰⴳⵉ ⵢⴰⵡⴻⴹ 72.312 ⵏ ⵢⵉⵎⴻⵖⵔⴰⵙⴻⵏ ⴷ 172.134 ⵏ ⵢⵉⵎⴻⵊⵔⴰⵃ, ⵙⴻⴳ ⵡⴰⵙⵎⵉ ⵉ ⵢⴻⴱⴷⴰ ⵓⵣⴷⴻⵎ ⴷⴻⴳ 7 ⵜⵓⴱⴻⵔ 2023, ⴰⴽⴽⴻⵏ ⵉ ⴷ-ⵜⴻⵡⵡⵉ ⵜⵙⴻⵏⵏⴰⴼⵜ ⵏ ⵢⵉⵙⴰⵍⴰⵏ ⵜⴰⴼⴰⵍⴻⵙⵟⵉⵏⵉⵜ (ⵡⴰⴼⴰ).
ⵉⵙⵙⴻⴽⵏⴻⴷ-ⴷ ⵓⵖⴱⴰⵍⵓ ⴱⴻⵍⵍⵉ ⵙⴱⵉⵜⴰⵔⴰⵜ ⵏ ⵜⵙⴳⴰ ⵏ ⵖⴰⵣⴰ ⵎⵎⴰⴳⵔⴻⵏ-ⴷ ⴷⴻⴳ 24 ⵏ ⵜⵙⴰⵄⵜⵉⵏ ⵜⵉⵢⵉⴷⵔⵉⵏ 10 ⵏ ⵢⵉⵎⴻⵖⵔⴰⵙⴻⵏ ⴷ 44 ⵏ ⵢⵉⵎⴻⵊⵔⴰⵃ.
ⵔⵏⴰⵏ-ⴷ ⴱⴻⵍⵍⵉ ⴰⵎⴹⴰⵏ ⵏ ⵢⵉⵎⴻⵖⵔⴰⵙⴻⵏ ⵙⴻⴳ ⵡⴰⵙⵎⵉ ⵉ ⵢⴻⵃⴱⴻⵙ ⵔⵚⴰⵙ ⴷⴻⴳ 11 ⵜⵓⴱⴻⵔ ⵢⴻⵣⵔⵉⵏ ⵢⴰⵡⴻⴹ 733 ⵏ ⵢⵉⵎⴻⵖⵔⴰⵙⴻن, ⴷ 2.034 ⵏ ⵢⵉⵎⴻⵊⵔⴰⵃ, ⵎⴰ ⴷ ⵍⵎⴻⴳⵜⵉⵏ ⵉ ⴷ-ⵙⵓⴼⴼⵖⴻⵏ (ⵊⴻⴱⴷⴻⵏ-ⴷ) ⵓⵡⵢⴻⵏⵜ ⴰⵣⴰⵍ ⵏ 759.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⵎⴰⵣⴰⵍ ⴰⵟⴰⵙ ⵏ ⵢⵉⵎⴻⵖⵔⴰⵙⴻⵏ ⴷⴻⴳ ⴷⴷⴰⵡ ⵏ ⵉⵀⴻⴷⴷⵉⵎⴻⵏ ⴷ ⵢⵉⴱⴻⵔⴷⴰⵏ, ⵉⵎⵉ ⵜⵉⵙⴻⴷⴷⴰⵔⵉⵏ ⵏ ⵓⵙⴻⵍⵍⴻⴽ ⴷ ⵜⴰⵍⵍⴰⵍⵜ ⵓⵔ ⵙⵙⵉⵡⵉⴹⴻⵏⵜ ⴰⵔⴰ ⴰⴷ ⴷ-ⴰⵡⴹⴻⵏⵜ ⵖⵓⵔ-ⵙⴻⵏ.
ⴰⵔⵏⵓ ⵖⴻⵔ
