ⵉⵙⵙⴻⴽⵏⴻⴷ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⵔⵉⴱ, ⴷ ⵓⵏⵉⵍⵖⴰⴼ-ⵉⵙ ⴰⵎⵓⵔⵉⵟⴰⵏⵉ, ⵎⴰⵙⵙ ⵎⵓⴽⵀⵜⴰⵔ ⵓⵓⵍⴷ ⴷⵊⴰⵢ, ⴰⵙⵙ-ⴰ ⵏ ⵜⵜⵍⴰⵜⴰ, ⵍⴻⴱⵖⵉ ⵏ ⵙⵏⴰⵜ ⵏ ⵜⵎⵓⵔⴰ ⵉ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴷ ⵓⵙⵏⴻⴼⵍⵉ ⵏ ⵜⴷⵓⴽⵍⵉ ⵏ ⵙⵉⵏ, ⵙ ⵓⵎⴰⵀⵉⵍ ⵉ ⵓⵙⴰⵍⵉ-ⵏⵙⴻⵏ ⵖⴻⵔ ⵓⵙⵡⵉⵔ ⵏ ⵢⵉⵙⴰⵔⴰⵎⴻⵏ ⵏ ⵢⵉⴳⵓⵔⴻⴼ ⵏ ⵙⵏⴰⵜ ⵏ ⵜⵎⵓⵔⴰ ⵜⵉⵙⵏⵉⵡⵉⵏ.
ⴷⴻⴳ ⵜⵎⴻⵙⵍⴰⵢⵜ-ⵉⵙ ⴷⴻⴳ ⵓⵍⴷⴰⵢ ⵏ ⵢⵉⵎⴰⵀⵉⵍⴻⵏ ⵏ ⵜⵙⴻⵎⵎⵓⵏⵜ ⵜⵉⵙ 20 ⵏ ⵜⴻⵙⵇⴰⵎⵓⵜ ⵜⴰⵎⴻⵣⴷⴰⵢⵜ ⵜⴰⵎⴻⵇⵇⵔⴰⵏⵜ ⵏ ⵍⴻⵣⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ ⵉ ⵓⵎⵢⴻⵛⵛⴻⵔ, ⵎⴰⵙⵙ ⵖⵔⵉⴱ ⵉⵙⵙⴻⴽⵏⴻⴷ ⴱⴻⵍⵍⵉ ⵡⴰⵙⵙⴰⵖⴻⵏ ⵏ ⵓⵎⵢⴻⵛⵛⴻⵔ ⴷ ⵜⴷⵓⴽⵍⵉ ⵓⵡⵢⴻⵏ "ⵉⵙⵡⵉⵔⴻⵏ ⵓⴼⵔⵉⵏⴻⵏ, ⵉⵎⵉ ⵜⵜⵡⴰⵍⵉⵏ ⵢⵉⴳⴻⵎⵎⴰⴹ ⵉⵎⴰⵢⵏⵓⵜⴻⵏ ⴷ ⵜⴻⵢⵡⴰⵍⵜ ⵉⴶⴻⵀⴷⴻⵏ, ⵙ ⵜⵎⵓⵖ ⵏ ⵜⵓⵔⴰⴹ ⵉⵄⵍⴰⵢⴻⵏ ⵏ ⵢⵉⵎⴹⴻⴱⴱⵔⴻⵏ ⵏ ⵙⵏⴰⵜ ⵏ ⵜⵎⵓⵔⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ ⴷ ⴳⵎⴰ-ⵙ ⵎⴰⵙⵙ ⵎⵓⵀⴰⵎⴻⴷ ⵓⵓⵍⴷ ⵛⵀⴻⵉⴽⵀ ⴻⵍ ⴳⵀⴰⵣⵡⴰⵏⵉ".
ⵉⵙⴼⵓⵍⴻⵍ ⵖⵔⵉⴱ ⴱⴻⵍⵍⵉ ⵜⵙⴻⵎⵎⵓⵏⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵜⴻⴳⵏⴰⵜⵉⵏ ⵏ ⵜⵎⴻⵏⵏⴰⵟ ⴷ ⵓⵎⴰⴹⴰⵍ "ⵉⵡⴻⵄⵔⴻⵏ ⵙ ⵍⴶⴻⵀⴷ", ⵉ ⴷⴻⴳ ⵍⵍⴰⵏ ⵢⵉⴽⴰⵢⴰⴷⴻⵏ ⵏ ⵜⵎⴰⵏⴻⴳⵜ ⵉ ⵉⵙⵙⵓⵜⵜⵓⵔⴻⵏ ⵓⴳⴰⵔ ⵏ ⵢⴰⵍ ⵜⵉⴽⴽⴻⵍⵜ ⴰⵙⴻⴶⵀⴻⴷ ⵏ ⵓⵎⵙⴰⵙⴻⵢ ⴷ ⵓⵎⵢⴻⵛⵛⴻⵔ ⵙ ⵜⵎⵓⵖⵍⵉ ⵢⴻⴷⴷⵓⴽⴽⵍⴻⵏ ⵉⵕⴻⵙⵙⴰⵏ ⵖⴻⴼ ⵓⴷⵉⵡⴻⵏⵏⵉ ⴷ ⵓⵎⵓⴱⴱⴰⴷⴷⴻⵍ ⵏ ⵢⵉⵔⵎⵉⵜⴻⵏ, ⵍⴰⴷⵖⴰ ⴳⴰⵔ ⵢⵉⵎⴻⵥⵍⴰ ⵏ ⵜⵎⴰⵏⴻⴳⵜ (ⵙⴻⵔⵠⵉⵛⴻⵙ ⴷⴻ ⵙéⵛⵓⵔⵉⵜé).
ⵉⵙⵎⴻⴽⵜⵉ-ⴷ ⵖⵔⵉⴱ ⵢⴰⴽⴽ ⵉⵎⵜⴰⵡⴰⵏ ⵏ ⵓⵎⵢⴻⵛⵛⴻⵔ ⵉ ⵙⵜⴻⵏⵢⴰⵏ ⵢⴰⴽⴰⵏ ⵍⴻⵣⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ, ⵉⵙⵙⴻⴽⵏⴻⴷ ⴱⴻⵍⵍⵉ ⵜⵉⴷⴷⵢ ⵏ ⵡⴰⵙⵙⴰⵖⴻⵏ ⵓⵔ ⵜⴻⵃⵔⵉⵙ ⴰⵔⴰ ⴽⴰⵏ ⴷⴻⴳ ⵓⵏⵏⴰⵔ ⴰⵙⴻⵔⴷⴰⵙ ⴷ ⵡⵉⵏ ⵏ ⵜⵎⴰⵏⴻⴳⵜ, ⵍⴰⵎⴻⵄⵏⴰ ⵜⴻⵙⵙⴰⵡⴻⴹ ⵓⵍⴰ ⵖⴻⵔ ⵢⵉⵏⵏⴰⵔⴻⵏ ⵏⵏⵉⴹⴻⵏ ⵉⵕⴻⵙⵙⴰⵏⴻⵏ.
ⵉⵙⵍⴻⵎ-ⴷ ⴷⴰⵖⴻⵏ ⵙ ⵢⵉⵙⵓⵔⵉⴼⴻⵏ ⵏ ⵡⴰⵏⵏⴰⵔ ⵉ ⵢⵉⵙⴻⵏⴼⴰⵔⴻⵏ ⵏ ⵓⵙⵉⴷⵔⴻⵡ (ⵉⵏⵜéⴳⵔⴰⵜⵉⵓⵏ) ⵉ ⴼⴻⵍⵍ-ⴰⵙⴻⵏⵜ ⵉ ⵎⵜⴰⵡⴰⵏ ⵢⵉⵙⴻⵍⵡⴰⵢⴻⵏ ⵏ ⵙⵏⴰⵜ ⵏ ⵜⵎⵓⵔⴰ, ⴷ ⴰⵢⴻⵏ ⵉ ⵢⴻⵔⵔⴰⵏ ⵜⵉⵍⵉⵙⴰ ⴳⴰⵔ ⵍⴻⵣⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ ⴷ "ⴰⵎⴽⴰⵏ ⵏ ⵓⵙⵉⴷⵔⴻⵡ ⴰⴷⴰⵎⵙⴰⵏ ⵉ ⵢⴻⵣⵔⴰⵏ ⴰⵙⵏⴻⴼⵍⵉ ⵏ ⵜⵉⴷⴻⵜ ⵙⴻⵍⴷ ⵓⵍⴷⴰⵢ ⵏ ⵙⵏⴰⵜ ⵏ ⵜⴻⵡⵡⵓⵔⴰ ⵏ ⵜⵉⵍⵉⵙⵜ ⴷⴻⴳ ⴼⵓⵔⴰⵔ 2024".
ⴷⴻⴳ ⵓⵇⴻⵔⵔⵓ ⵏ ⵢⵉⵙⴻⵏⴼⴰⵔⴻⵏ-ⴰⴳⵉ, ⵢⵓⵙⴰ-ⴷ ⵓⵙⴻⵏⴼⴰⵔ ⴰⵙⵔⴰⵜⵉⴷⵊⵉ ⵏ ⵓⴱⵔⵉⴷ ⵏ ⵍⵇⴰⵄⴰ ⵜⵉⵏⴷⵓⴼ-ⵣⵡⵉⵔⴰⵜ ⴷ ⵓⵙⴻⵏⴼⴰⵔ ⵏ ⵜⴻⵎⵏⴰⵟ ⵏ ⵜⵏⴻⵣⵣⵓⵜ ⵜⵉⵍⴻⵍⵍⵉⵜ "ⵉ ⵉⵣⴻⴳⵔⴻⵏ 50 ⴷⴻⴳ ⵜⵎⵉⴹⵉ ⵏ ⵓⵎⴰⵀⵉⵍ-ⵉⵙ", ⵔⵏⵉ-ⴷ ⴼⴻⵍⵍ-ⴰⵙⴻⵏ ⵉⵙⴻⵏⴼⴰⵔⴻⵏ ⵏⵏⵉⴹⴻⵏ ⵏ ⵜⴰⵍⵙⴰ ⴷ ⵜⵎⴻⵜⵜⵉ ⵉ ⴷⴻⴳ ⴼⵓⴽⴽⴻⵏ ⵢⴰⴽⴽ ⵜⴻⵣⵔⴰⵡⵉⵏ ⵜⴰⵜⵉⴽⵏⵉⴽⵉⵏ, ⴰⵔⴰ ⴷ-ⵢⵉⵍⵉⵏ ⴷⴻⴳ ⵡⴰⵏⵏⴰⵔ ⴷⴻⴳ ⵡⴰⴽⵓⴷ ⴰⵎⵉⵣⵢⴰⵏ.
ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵉⵙⵙⴻⴽⵏⴻⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵡⵊⴻⴷ ⵉⵡⴰⴽⴽⴻⵏ ⴰⴷ ⵜⴻⵜⵜⴻⴽⴽⵉ ⵙ ⵜⵎⵓⵖⵍⵉ-ⵉⵙ ⵜⴰⵜⵉⴽⵏⵉⴽⵜ ⴷ ⵜⴻⵎⴳⵓⵔⵉⵢⴰⵏⵜ ⵓ ⴰⴷ ⵜⴼⵓⵍⴻⵍ ⴰⵜⵎⴰⵜⴻⵏ ⴷⴻⴳ ⵎⵓⵔⵉⵟⴰⵏⵢⴰ ⵉ ⵓⵙⴻⴶⵀⴻⴷ ⵏ ⵜⵣⴻⵎⵎⴰⵔ-ⵏⵙⴻⵏ ⴷⴻⴳ ⵓⵏⵏⴰⵔ ⵏ ⵓⵏⴰⴷⵉ ⴷ ⵓⴼⴰⵔⵉⵙ ⵏ ⵢⵉⵎⴻⵔⵢⴰⵏ ⴷ ⵓⵙⵏⴻⴼⵍⵉ ⵏ ⵢⵉⵙⴻⵏⴼⴰⵔⴻⵏ ⵏ ⵍⴳⴰⵣ. ⴷⴻⴳ ⵓⵏⵏⴰⵔ ⵏ ⵢⵉⵖⴰⵍⴰⴷⴻⵏ (ⵎⵉⵏⴻⵙ), ⵢⴻⵏⵏⴰ-ⴷ ⴱⴻⵍⵍⵉ "ⵢⵓⵙⴰ-ⴷ ⵍⵡⴻⵇⵜ ⵉⵡⴰⴽⴽⴻⵏ ⵙⵏⴰⵜ ⵏ ⵜⵎⵓⵔⴰ ⴰⴷ ⴷ-ⵙⴻⵔⵙⴻⵏⵜ ⵢⵉⵡⴻⵜ ⵏ ⵜⵎⵓⵖⵍⵉ ⵜⴰⵎⴻⵣⴷⴰⵢⵜ ⵉ ⵓⵎⵢⴻⵛⵛⴻⵔ ⵉ ⵏⴼⴰⵄ ⵏ ⵢⵉⴷ-ⵙⴻⵏ".
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵜⴰⵏⴻⵣⵣⵓⵜ, ⵎⴰⵙⵙ ⵖⵔⵉⴱ ⵉⵙⵎⴻⴽⵜⵉ-ⴷ ⴱⴻⵍⵍⵉ ⴰⵎⵓⴱⴱⴰⴷⴷⴻⵍ ⵏ ⵙⵉⵏ "ⵢⴰⵡⴻⴹ ⴰⵣⴰⵍ ⵏ 352 ⵏ ⵢⵉⵎⴻⵍⵢⴰⵢⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ ⵓⵙⴻⴳⴳⴰⵙ ⵏ 2025", ⵉⵙⵙⴻⵃⵔⴻⵙ ⵖⴻⴼ ⵡⴰⵣⴰⵍ ⵏ ⵓⴽⴻⵎⵎⴻⵍ ⵏ ⵓⵎⴰⵀⵉⵍ ⵉ ⵓⵙⴰⵍⵉ ⵏ ⵢⵉⵎⵓⴱⴱⴰⴷⴷⴻⵍⴻⵏ ⵏ ⵜⵏⴻⵣⵣⵓⵜ ⵙ ⵙⴻⴱⴱⴰ ⵏ ⵍⴻⴱⵖⵉ ⴰⵙⴻⵔⵜⵉ ⴷ ⵜⵣⴻⵎⵎⴰⵔ ⵉ ⵙⵄⴰⵏⵜ ⵙⵏⴰⵜ ⵏ ⵜⵎⵓⵔⴰ ⴰⵎ ⵓⴱⵔⵉⴷ ⵏ ⵢⵉⵍⵍⴻⵍ.
ⵙⴻⴳ ⵜⴰⵎⴰ-ⵙ, ⵓⵓⵍⴷ ⴷⵊⴰⵢ ⵉⵙⵙⴻⴽⵏⴻⴷ ⴱⴻⵍⵍⵉ ⵜⵙⴻⵎⵎⵓⵏⵜ-ⴰⴳⵉ ⵜⵓⵙⴰ-ⴷ ⴷⴻⴳ "ⵜⴻⴳⵏⵉⵜ ⵏ ⵜⵉⴷⴷⵢ ⵢⴻⵍⵀⴰⵏ ⵉ ⵢⴻⵣⵔⴰⵏ ⵢⴰⴽⴽ ⵢⵉⵏⵏⴰⵔⴻⵏ ⵉⵕⴻⵙⵙⴰⵏⴻⵏ", ⴰⵢⴰⴳⵉ ⵉ ⵢⴻⵔⵔⴰⵏ ⵜⵙⴻⵎⵎⵓⵏⵜ-ⴰⴳⵉ ⴷ "ⵜⴰⵍⵍⵉⵜ ⵉⵕⴻⵙⵙⴰⵏ ⵉ ⵓⵙⴻⴶⵀⴻⴷ ⵏ ⵜⵓⵛⵛⵉⵜ ⵜⴰⵎⴻⵣⴷⴰⵢⵜ ⵉ ⵓⵡⴻⵣⵣⵉ ⵏ ⵢⵉⴳⴻⵎⵎⴰⴹ ⵏ ⵜⵉⴷⴻⵜ ⵉ ⵏⴼⴰⵄ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ".
ⵉⴽⴻⵎⵎⴻⵍ ⵢⴻⵏⵏⴰ-ⴷ ⴱⴻⵍⵍⵉ "ⵜⴰⵎⵓⵖⵍⵉ ⵍⵇⴰⵢⴻⵏ ⴷ ⵜⵎⵓⵙⵏⵉ ⵏ ⵢⵉⵎⴹⴻⴱⴱⵔⴻⵏ ⵏ ⵙⵏⴰⵜ ⵏ ⵜⵎⵓⵔⴰ ⴷ ⵜⵉⵏ ⵉ ⴷ ⵍⵍⵙⴰⵙ ⵏ ⵜⵎⴰⵏⴻⴳⵜ ⵉ ⴰⵖ-ⵢⴻⴶⴶⴰⵏ ⴰⴷ ⵏⴻⵏⵣⴻⴳ ⵜⵉⵍⵓⴼⴰ ⵉ ⵉⵃⴻⵚⵔⴻⵏ ⵜⴰⵎⴻⵏⵏⴰⵟ", ⴷ ⴰⵢⴻⵏ ⵉ ⴷ-ⵢⴻⴼⴽⴰⵏ ⵜⵉⴳⵏⴰⵜⵉⵏ ⵢⴻⵍⵀⴰⵏ ⵉ ⵓⴱⵔⵉⴷ ⵏ ⵓⵙⵏⴻⴼⵍي ⵉⵕⴻⵙⵙⴰⵏ.
ⴰⵔⵏⵓ ⵖⴻⵔ
