ⵢⴻⵜⵜⴻⴽⴽⵉ ⵓⵏⴻⵖⵍⴰⴼ ⵏ ⵓⵎⴰⵀⵉⵍ, ⵓⵙⴻⵍⵍⴻⴽ ⴷ ⵓⵎⴹⴰⵎⴰⵏ ⵏ ⵜⵎⴻⵜⵜⵉ, ⵎⴰⵙⵙ ⴰⴱⴷⴻⵍⵀⴰⴽ ⵙⴰⵉⵀⵉ ⴷⴻⴳ ⵢⵉⵎⴰⵀⵉⵍⴻⵏ ⵏ ⵜⵙⴻⵎⵎⵓⵏⵜ ⵜⵉⵙ ⵎⵔⴰⵡ ⴷ ⵎⵔⴰⵡ ⴷ ⴽⵓⵣ ⵏ ⵜⵎⴻⵔⵡⵉⵏ (114) ⵏ ⵡⴰⵎⵓⵔⴰⵢ (ⵛⵓⵏⴳⵔèⵙ) ⴰⴳⵔⴻⵖⵍⴰⵏ ⵏ ⵓⵎⴰⵀⵉⵍ, ⴰⵔⴰ ⴷ-ⵢⵉⵍⵉⵏ ⴷⴻⴳ ⵊⴻⵏⴻⵠⴰ (ⵙⵙⵡⵉⵙ), ⴷⴻⴳ ⵜⴰⵍⵍⵉⵜ ⴳⴰⵔ 1 ⴰⵔⵎⵉ ⴷ 12 ⵢⵓⵏⵢⵓ 2026. ⵢⵓⵙⴰ-ⴷ ⵙ ⵓⵇⴻⵔⵔⵓ ⵏ ⵢⵉⵡⴻⵜ ⵏ ⵜⴰⵔⴱⴰⵄⵜ ⵉ ⴷⴻⴳ ⵍⵍⴰⵏ ⵢⵉⵎⴰⵣⴰⵏ ⵏ ⵓⵏⴰⴱⴰⴹ, ⵢⵉⵎⴰⵀⵍⴰⵏⴻⵏ ⴷ ⵢⵉⵎⴰⵡⵍⴰⵏ ⵏ ⵓⵎⴰⵀⵉⵍ .
ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ, ⵜⴰⵙⴻⵎⵎⵓⵏⵜ-ⴰⴳⵉ, ⵉ ⴷ-ⵜⴻⵙⵙⵓⴷⴷⴻⵙ ⵜⵓⴷⴷⵙⴰ ⵜⴰⴳⵔⴰⵖⵍⴰⵏⵜ ⵏ ⵓⵎⴰⵀⵉⵍ (OIT), ⵜⵓⵙⴰ-ⴷ ⵙ ⵓⵣⴻⵏⵣⵉⵖ: "ⵜⴰⵍⵍⵉⵜ ⵉⵕⴻⵙⵙⴰⵏ: ⴰⵙⴻⵎⵔⴻⵙ ⵏ ⵜⵎⵓⵙⵏⵉ ⵜⴰⵡⵓⵔⵎⴰⵏⵜ ⵉ ⵓⵡⴻⵣⵣⵉ ⵏ ⵓⵎⴰⵀⵉⵍ ⵉⴼⴰⵣⴻⵏ".
ⵡⵉⴷ ⵉ ⴷ-ⵢⴻⵔⵣⴰⵏ ⴰⴷ ⵇⴻⵔⴷⵛⴻⵏ ⴰⵟⴰⵙ ⵏ ⵜⴻⵎⵙⴰⵍ ⵉⵙⵔⴰⵜⵉⴷⵊⵉⵢⴻⵏ ⵢⴻⵄⵏⴰⵏ ⵉⵎⴰⵍ ⵏ ⵓⴳⴻⴷⴻⵣ ⵏ ⵓⵎⴰⵀⵉⵍ ⴷⴻⴳ ⵓⵎⴰⴹⴰⵍ. ⴰⵀⵉⵍ ⵏ ⵓⵎⴰⵀⵉⵍ ⴷⴻⴳ-ⵙ ⴰⵇⴻⵔⴷⴻⵛ ⵏ ⵢⵉⵙⵉⵡⴹⴻⵏ ⵏ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵙⴻⴷⴱⴻⵔ ⵏ OIT ⴷ ⵓⵎⴹⴻⴱⴱⴻⵔ-ⵉⵙ ⴰⵎⴰⵜⵓ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⵜⴻⵎⵙⴰⵍ ⵏ ⵜⵎⵓⵣⵉⵏⵜ ⴷ ⵓⵙⴻⵍⴽⴻⵎ ⵏ ⵢⵉⵎⵜⴰⵡⴰⵏ ⵉⴳⵔⴰⵖⵍⴰⵏⴻⵏ ⴷ ⵜⵉⵡⴰⵍⵍⵉⵣⵉⵏ ⵉⵛⵓⴷⴷⴻⵏ ⵖⴻⵔ ⵓⵎⴰⴹⴰⵍ ⵏ ⵓⵎⴰⵀⵉⵍ.
ⵉⵎⴰⵀⵉⵍⴻⵏ ⵏ ⵡⴰⵎⵓⵔⴰⵢ-ⴰⴳⵉ ⴰⴷ ⴷ-ⵣⵣⵉⵏ ⴷⴰⵖⴻⵏ ⵖⴻⴼ ⵓⵣⴻⴶⴶⴻⴷ ⵏ ⵓⵎⴰⵀⵉⵍ ⵉⴼⴰⵣⴻⵏ ⴷⴻⴳ ⵜⴷⴰⵎⵙⴰ ⵏ ⵜⵙⴰⵍⴰⵜ ⵜⵓⵔⴰⵇⵎⵉⵢⵉⵏ (digital platforms), ⴰⵙⵏⴻⵔⵏⵉ ⵏ ⵓⴷⵉⵡⴻⵏⵏⵉ ⵏ ⵜⵎⴻⵜⵜⵉ, ⴷ ⵓⵃⴱⴰⵙ ⵏ ⵓⵎⴰⵀⵉⵍ ⵏ ⵢⵉⴳⴻⵔⴷⴰⵏ. ⴷⴰⵖⴻⵏ ⴰⴷ ⵡⴰⵍⵉⵏ ⴰⵎⴻⴽ ⴰⵔⴰ ⵙⵙⵎⴰⵢⵏⵓⵏ ⵉⵎⵜⴰⵡⴰⵏ ⵏ ⵣⵉⴽ ⵉⵡⴰⴽⴽⴻⵏ ⴰⴷ ⴷ-ⵢⴰⵡⴻⴹ ⵉ ⵢⵉⴱⴻⴷⴷⵉⵍⴻⵏ ⵉⴷⴰⵎⵙⴰⵏⴻⵏ ⴷ ⵢⵉⵎⴻⵜⵜⵉⵢⴻⵏ ⵏ ⵜⵓⵔⴰ ⵓ ⴰⴷ ⵜⵉⴼⵙⵓⵙ ⵜⴰⵔⵔⴰⵢⵜ ⵜⴰⴳⵔⴰⵖⵍⴰⵏⵜ ⵏ ⵓⵎⴰⵀⵉⵍ.
ⵉⵜⵜⵡⴰⵕⴶⴰ ⴰⴷ ⴷ-ⵢⵉⵍⵉ ⵍⵃⴻⵔⵙ ⵓⴼⵔⵉⵏ ⵖⴻⴼ ⵡⴰⴷⴷⴰⴷ ⵏ ⵢⵉⵎⴰⵀⵍⴰⵏⴻⵏ ⴷⴻⴳ ⵜⵎⵓⵔⴰ ⵏ ⵡⴰⵄⵔⴰⴱⴻⵏ ⵢⴻⵜⵜⵡⴰⵃⵔⴻⵙⴻⵏ, ⵙ ⵜⵎⵓⵖⵍⵉ ⵖⴻⵔ ⵜⴻⴳⵏⴰⵜⵉⵏ ⵉⵡⴻⵄⵔⴻⵏ ⵉ ⴷⴻⴳ ⵜⵜⵉⴷⵉⵔⴻⵏ ⵢⵉⵎⴰⵀⵍⴰⵏⴻⵏ ⵏ ⴼⴰⵍⴻⵙⵟⵉⵏ ⵙ ⴷⴷⴰⵡ ⵏ ⵓⵄⴻⵏⴼⴰⴹ ⵏ ⵓⵏⴻⴽⵛⵓⵎ ⵓⴷⴰⵢ (ⵚⵚⴰⵀⵢⵓⵏⵉ) ⴷ ⵎⵅⴻⵕⴶⴰⵜ-ⵉⵙ ⵖⴻⴼ ⵢⵉⵣⴻⵔⴼⴰⵏ-ⵏⵙⴻⵏ ⴷ ⵜⴻⴳⵏⴰⵜⵉⵏ ⵏ ⵓⵎⴰⵀⵉⵍ-ⵏⵙⴻⵏ.
ⴰⵏⴻⵖⵍⴰⴼ ⴰⴷ ⴷ-ⵢⴻⴼⴽ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵉ ⴷⴻⴳ ⴰⵔⴰ ⴷ-ⵉⵙⵙⴻⴽⴻⵏ ⵍⵎⴻⴶⵀⵓⴷⴰⵜ ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⴻⵎⵔⴻⵙ ⵏ ⵜⵎⵓⵙⵏⵉ ⵜⴰⵡⵓⵔⵎⴰⵏⵜ (ⵉⵏⵜⴻⵍⵍⵉⴳⴻⵏⵛⴻ ⴰⵔⵜⵉⴼⵉⵛⵉⴻⵍⵍⴻ) ⴷ ⵓⴱⴻⴷⴷⴻⵍ ⴰⵇⵎⵉ ⵉ ⵓⵙⴻⴶⵀⴻⴷ ⵏ ⵓⵎⴰⵀⵉⵍ ⵉⴼⴰⵣⴻⵏ ⴷ ⵜⵜⴰⴳⴷⴰ ⵏ ⵜⵎⴻⵜⵜⵉ , ⵓ ⴰⴷ ⵉⵙⵙⵉⵡⴻⵍ ⵉ ⵢⵉⵡⴻⵏ ⵏ ⵓⵙⴻⴼⵔⴻⴽ ⴰⴳⵔⴻⵖⵍⴰⵏ ⵉⵡⴻⵣⵏⴻⵏ ⵉ ⵜⵉⴽⵏⵓⵍⵓⴶⵉⵜ-ⴰⴳⵉ.
ⴷⴻⴳ ⵡⴰⵎⵓⵔⴰⵢ-ⴰⴳⵉ ⵜⵜⴻⴽⴽⵉⵢⴻⵏⵜ ⵜⴰⵔⴱⴰⵄⵉⵏ ⵏ 187 ⵏ ⵜⵎⵓⵔⴰ ⵢⵉⵎⴰⵙⵍⴰⴷⴻⵏ ⴷⴻⴳ OIT, ⴷ ⴰⵢⴻⵏ ⵉ ⴷ-ⵢⴻⵎⵎⴰⵍⴻⵏ ⴰⵣⴰⵍ ⴰⵎⴻⵇⵇⵔⴰⵏ ⵏ ⵜⴻⴳⴳⴰⵡⵜ-ⴰⴳⵉ ⴷⴻⴳ ⵓⵏⴰⵎⴻⵍ ⵏ ⵜⵎⵓⵖⵍⵉⵡⵉⵏ ⵢⴻⵄⵏⴰⵏ ⴰⵎⴰⵀⵉⵍ ⴷⴻⴳ ⵓⵎⴰⴹⴰⵍ. ⴷⴻⴳ ⵔⵔⵉⴼ ⵏ ⵡⴰⵎⵓⵔⴰⵢ, ⴰⴷ ⴷ-ⵉⵍⵍⵉⵏⵜ ⵜⴻⵎⵍⵉⵍⵉⵢⵉⵏ ⵏ ⵙⵉⵏ ⴳⴰⵔ ⵓⵏⴻⵖⵍⴰⴼ ⴷ ⵓⵏⵉⵍⵖⴰⴼⴻⵏ-ⵉⵙ ⵏ ⵜⵎⵓⵔⴰ ⵏⵏⵉⴹⴻⵏ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷ ⵓⵎⵓⴱⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ.
ⴰⵔⵏⵓ ⵖⴻⵔ
