ⵜⴻⵙⵙⴻⴼⵔⴰⵣ-ⴷ ⵜⴻⵎⵍⵉⵍⵉ ⴷⴻⴳ ⵜⵎⴷⵉⵏⵜ ⵏ ⴱⵉⵍⴱⴰⵓ ⴷⴻⴳ ⵙⴱⴰⵏⵢⴰ ⴰⵢⴻⵏ ⵉ ⴷ-ⵉⵛⵓⴱⴰⵏ ⴳⴰⵔ ⵙⵏⴰⵜ ⵏ ⵜⵎⵓⵖⵍⵉⵡⵉⵏ ⵏ ⵓⵎⴻⵏⵏⵓⵖ ⴰⵚⴻⵃⵔⴰⵡي ⴷ ⵓⴼⵉⵍⵉⵙⵟⵉⵏⵉ, ⴰⵢⴰⴳⵉ ⴷⴻⴳ ⵓⵏⴰⴳⵔⴰⵡ ⵏ ⵡⴰⵀⵉⵍ ⵏ "ⵜⴰⵙⴷⴰⵡⵉⵜ ⵏ ⵓⵏⴻⴱⴷⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ" ⵉ ⴷ-ⵜⴻⵙⵙⵓⴷⴷⴻⵙ ⵜⵉⴷⴷⵓⴽⵍⴰ "ⵜⴰⵢⴻⵔⵣⴰ, ⴰⵎⵢⵉⴷⵉ ⴷ ⵜⵏⴻⴼⵍⵉ" ⵙ ⵓⵏⵢⵓⴷⴷⵓ ⴰⴽⴽⴻⴷ ⵜⴰⵙⴷⴰⵡⵉⵜ ⵏ ⵜⵎⵓⵔⵜ ⵏ ⵍⴱⴰⵙⴽ ⴷ ⴽⵔⴰ ⵏ ⵜⵙⵓⴷⴰ ⵏ ⵜⴻⵎⵏⴰⴹⵜ-ⵏⵏⵉ.
ⵍⴻⵇⴷⵉⵛ-ⴰⴳⵉ ⵏ ⵓⵏⴻⴱⴷⵓ ⵢⴻⴱⴷⴰ ⵡⴰⵙⵙ ⵏ ⵍⴻⵜⵏⴰⵢⴻⵏ ⵙ ⴷⴷⴰⵡ ⵏ ⵓⵣⵡⴻⵍ "ⵉⵙⴻⴽⴽⵉⵔⴻⵏ ⴷ ⵜⴰⵔⵔⴰⵢⵉⵏ ⵏ ⵓⵃⵔⴰⵣ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵜⴰⵍⵍⵉⵜ ⵏ ⵓⵇⴻⵀⵀⴻⵔ ⴷ ⵓⵄⴰⵇⴻⴱ". ⵜⵉⵎⵍⵉⵍⵉ-ⴰⴳⵉ ⵉ ⴷ-ⵢⴻⵍⵍⴰⵏ ⵙ ⵓⵣⵡⴻⵍ "ⴰⴽⴻⵏⵏⵓ ⵏ ⵢⵉⵖⵔⴻⴼⴰⵏ ⴷⴻⴳ ⵡⴰⵏⵏⴰⵔ ⵏ ⵜⵓⴽⴽⵙⵉⵡⵉⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ: ⴼⵉⵍⵉⵙⵟⵉⵏ ⴷ ⵜⵏⴻⵥⵔⵓⴼⵜ ⵜⵓⵜⵔⵉⵎⵜ", ⵜⴻⵡⵡⵉ-ⴷ ⵓⴷⵉⵡⴻⵏ ⵉ ⴷ-ⵢⴻⵙⵙⴻⵎⵍⴰⵍⴻⵏ ⴳⴰⵔ ⵙⵏⴰⵜ ⵏ ⵜⴰⵎⵙⴰⵍⵉⵢⵉⵏ-ⴰⴳⵉ.
ⴷⴻⴳ ⵡⴰⵏⵏⴰⵔ-ⴰⴳⵉ, ⵜⴰⵎⴰⵙⵡⴰⵢⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵜⴰⵚⴻⵃⵔⴰⵡⵉⵜ ⵢⴻⵔⵏⴰ ⴷ ⴰⵎⴰⵙⵍⴰⵢ ⵏ ⵜⵓⴷⴷⵙⴰ "ⵉⵙⴰⵛⵓⵎ", ⵎⴰⵙⵙⴰ ⵖⴰⵍⵉⴰ ⴰⴱⴷⴰⵍⵍⴰⵀ ⴷⵊⵉⵎⵉ, ⴰⴽⴽⴻⴷ ⵜⵏⴻⵖⵍⴰⴼⵜ ⵏ ⴼⵉⵍⵉⵙⵟⵉⵏ, ⵎⴰⵙⵙⴰ ⵛⵀⴰⵀⴷ ⴰⴱⵓⵙⴰⵍⴰⵎⴰ, ⴼⴽⴰⵏⵜ-ⴷ ⵉⵙⴰⵍⵉⵢⴻⵏ ⵖⴻⴼ ⵜⵓⴽⴽⵙⵉⵡⵉⵏ ⵉ ⴷ-ⵢⴻⵜⵜⵉⵍⵉⵏ ⵉ ⵙⵉⵏ ⵏ ⵢⵉⵖⵔⴻⴼⴰⵏ-ⴰⴳⵉ, ⴷ ⵓⴱⴻⴳⴳⴻⵏ ⵏ ⵜⴰⵔⵔⴰⵢⵉⵏ ⵉ ⴷ-ⵉⵛⵓⴱⴰⵏ ⴷⴻⴳ ⵓⵎⴻⵏⵏⵓⵖ ⵉ ⵓⵃⵔⴰⵣ ⵏ ⵢⵉⵣⴻⵔⴼⴰⵏ ⵏ ⵍⵃⴻⵇⵇ ⵎⴳⴰⵍ ⵜⴰⵙⴻⵔⵜⵉⵜ ⵏ ⵓⵇⴻⵀⵀⴻⵔ ⵢⴻⵙⵙⵓⴷⴷⵙⴻⵏ.
ⵜⴰⵇⵇⵓⵎⵜ-ⴰⴳⵉ ⵉ ⴷ-ⵉⵡⵡⵉⵏ ⵍⴱⴰⵍ ⵏ ⵡⴰⵟⴰⵙ ⵏ ⵍⵖⴰⵛⵉ, ⵜⴻⵙⵙⴻⵍⵡⵉ-ⵜⵜ ⵜⵏⴻⵖⵍⴰⴼⵜ ⵏ ⵙⴱⴰⵏⵢⴰ, ⵎⴰⵙⵙⴰ ⴱⴰⵔⴱⴰⵔⴰ ⵔⵓⵉⵣ ⴱⴰⵍⵣⵓⵍⴰ, ⵜⴰⵎⴰⵙⵡⴰⵢⵜ ⵏ ⵓⴳⴻⵞⴷⵉ ⵏ "ⵓⵏⵔⵡⴰ" ⴷⴻⴳ ⴱⵉⵍⴱⴰⵓ.
ⴷⴰⵖⴻⵏ, ⵢⴻⵍⵍⴰ-ⴷ ⵓⵃⴻⵟⵟⴻⵔ ⵓⵙⵙⵍⵉⴼ ⵏ ⵎⴰⵙⵙⴰ ⴼⴰⵜⵎⴰ ⵎⵓⵀⴰⵎⴻⴷ ⵙⴰⵍⴻⵎ ⵍⴰⴱⵉⴷ, ⵜⴰⵎⵓⵍⴰⵙ ⵏ ⵊⴱⴻⵀⵜ ⵏ ⴱⵓⵍⵉⵙⴰⵔⵉⵓ ⴷⴻⴳ ⵜⵎⵓⵔⵜ ⵏ ⵍⴱⴰⵙⴽ, ⴰⴽⴽⴻⴷ ⵡⴰⵟⴰⵙ ⵏ ⵢⵉⵎⵓⵍⴰⵙ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵉⵏⴰⴷⵉⵢⴻⵏ ⴷ ⵢⵉⵎⴻⵥⵍⴰ ⵏ ⵢⵉⵙⴰⵍⵍⴻⵏ ⵉ ⵢⴻⴱⵖⴰⵏ ⵜⵉⵍⴻⵍⵍⵉ ⵏ ⵢⵉⵖⵔⴻⴼⴰⵏ.
ⵉⵎⴻⵀⵍⴰⵏ ⵏ ⵜⴰⵙⴷⴰⵡⵉⵜ-ⴰⴳⵉ ⴰⴷ ⴽⴻⵎⵎⵍⴻⵏ ⴷⴻⴳ ⵡⵓⵙⵙⴰⵏ ⵉ ⴷ-ⵉⵜⴻⴷⴷⵓⵏ ⵙ ⵜⵜⴻⵞⵎⵓⵢⴰ ⴷ ⵢⵉⵙⵓⵢⴰⵙ ⵏ ⵓⵅⴻⴷⴷⵉⵎ ⵉⵡⴰⴽⴽⴻⵏ ⴰⴷ ⴷ-ⵅⴻⴷⵎⴻⵏ ⵜⴰⵔⵔⴰⵢⵉⵏ ⵜⵉⴳⵔⴰⵖⵍⴰⵏⵜ ⵉⵎⴰⵢⵏⵓⵜⴻⵏ ⵉ ⵓⵃⵔⴰⵣ ⵏ ⵡⵉⴷ ⵉⵅⴻⴷⴷⵎⴻⵏ ⴷⴻⴳ ⵡⴰⵏⵏⴰⵔ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ.
