ⵙⴱⴻⵏⵢⵓⵍ: ⵓⴼⴰⵢ ⵏ ⵓⴼⵓⵇⵇⴰⵙ ⵓⴼⴼⵉⵔ ⵉ ⵡⴰⴽⴽⴻⵏ ⴰⴷ ⴷ-ⵙⵙⵓⴼⵓⵖⴻⵏ ⵍⵃⵛⵉⵛ ⵙⴻⴳ ⵍⵎⴻⵔⵔⵓⴽ

ⵜⴻⵄⵍⴻⵏ-ⴷ ⵍⴱⵓⵍⵉⵙ ⵏ ⵙⴱⴻⵏⵢⵓⵍ (ⵉⵎⵓⵀⴻⵍⵍⴻⵏ ⵏ ⵜⵎⴰⵏⴻⴳⵜ) ⵖⴻⴼ ⵓⴼⴰⵢ ⵏ ⵢⵉⵡⴻⵏ ⵏ ⵓⴼⵓⵇⵇⴰⵙ ⵏ ⵍⵇⴰⵄⴰ ⴰⵎⴻⵇⵇⵔⴰⵏ ⵉ ⵢⴻⵙⵄⴰⵏ ⴰⵟⴰⵙ ⵏ ⵢⴻⵙⵡⵉⵔⴻⵏ, ⵉ ⴷ-ⵉⵀⴻⵢⵢⴰⵏ ⵙ ⵉⵙⴻⵍⴽⵉⵢⴻⵏ ⵏ ⵓⵣⵣⴰⵍ ⴷ ⵜⴽⴰⵔⵔⵓⵚⵉⵡⵉⵏ ⵉ ⵡⴰⴽⴽⴻⵏ ⴰⴷ ⴷ-ⴳⵍⵓⵏ ⵙ ⵢⵉⵙⴰⴼⴰⵔⴻⵏ ⵏ ⵍⵃⵛⵉⵛ ⵙⴻⴳ ⵍⵎⴻⵔⵔⵓⴽ ⵖⴻⵔ ⵙⴱⴻⵏⵢⵓⵍ, ⴷⴻⴳ ⵜⴰⵎⴷⵉⵏⵜ ⵏ ⵙⴻⴱⵜⴰ. ⴰⵢⴰⴳⵉ ⵉ ⴷ-ⵢⵓⵔⴰⵏ ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⴷⴰⵅⴻⵍ ⵏ ⵙⴱⴻⵏⵢⵓⵍ ⴰⵙⵙ-ⴰ ⵏ ⵜⵜⵍⴰⵜⴰ.

ⵜⴻⵙⵙⴻⴼⵀⴻⵎ-ⴷ ⵜⵏⴻⵖⵍⴰⴼⵜ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⵏ ⵜⵎⴰⵏⴻⴳⵜ, ⵉ ⵢⴻⵟⵟⴻⴼⵏ ⵓⴳⴰⵔ ⵏ ⵓⵙⴻⴳⴳⴰⵙ ⵏ ⵓⵏⴰⴷⵉ, ⵜⴻⵙⵙⴰⵡⴻⴹ ⴰⴷ ⴷ-ⵜⴻⵙⴽⴻⵏ ⵢⵉⵡⴻⵏ ⵏ "ⵓⵎⴰⴹⴰⵍ ⵉ ⵉⵛⵓⴱⴰⵏ ⴰⵎⴻⵖⵣⵓ ⵏ ⵓⵣⵣⴰⵍ", ⵉ ⵢⴻⵍⵍⴰⵏ ⴷ ⴰⴱⵔⵉⴷ ⵏ ⵓⵛⴻⴱⴱⴻⵃ ⵏ ⵍⵃⵛⵉⵛ ⵉ ⵙⴱⴻⵏⵢⵓⵍ ⵎⴻⵕⵕⴰ ⴷ ⵜⵓⵔⵓⴼⵜ.

ⵜⵉⴳⴳⴰⵡⵜ-ⴰⴳⵉ ⵜⴻⵙⵙⴰⵡⴻⴹ ⴰⴷ ⴷ-ⵜⴻⴽⵎⴻⵣ 27 ⵏ ⵎⴻⴷⴷⴻⵏ, ⴰⵎ ⴰⴽⴽⴻⵏ ⵉ ⴷ-ⴰⴳⵎⴻⵏ ⵓⴳⴰⵔ ⵏ 17 ⵏ ⵢⵉⵟⵓⵏⵏⵓⵏⴻⵏ ⵏ ⵍⵃⵛⵉⵛ (ⵔéⵙⵉⵏⴻ ⴷⴻ ⵛⴰⵏⵏⴰⴱⵉⵙ) ⵉ ⵢⴻⵜⵜⵡⴰⵃⵙⴰⵔⴻⵏ ⴷ ⵜⵉⵃⵔⵉⵛⵉⵏ.

ⵢⴻⵏⵏⴰ-ⴷ ⵓⵙⵉⵡⴹ ⴱⴻⵍⵍⵉ ⴰⴼⵓⵇⵇⴰⵙ-ⴰⴳⵉ ⵢⴻⵍⵍⴰ ⵢⴻⴼⴼⵔⴻ ⴷⴻⴼⴼⵉⵔ ⵏ ⵢⵉⵡⴻⵜ ⵏ ⵜⴻⵙⵎⵓⵏⵉⵜ (ⴼⵔⵉⴷⴳⴻ) ⵜⴰⵎⴻⵇⵇⵔⴰⵏⵜ ⵉ ⵉⵖⵓⵎⵎⴻⵏ ⵚⵚⵓⵜ, ⵢⴻⵔⵏⴰ ⴷⴻⴳ-ⵙ ⴽⵔⴰⴷ ⵏ ⵢⴻⵙⵡⵉⵔⴻⵏ: ⴰⵍⴱⵉⵢⴻⵔ ⵏ ⵓⵚⵓⴱⴱⵓ, ⵢⵉⵡⴻⵜ ⵏ ⵜⴻⵅⵅⴰⵎⵜ ⵏ ⵡⴰⵎⵎⴰⵙ ⵉ ⵓⵃⵔⴰⵣ ⵏ ⵙⵙⴻⵍⵄⴰ, ⴷ ⵓⴱⵔⵉⴷ ⵓⵙⵔⵉⴷ ⵉ ⵉⵜⴻⴷⴷⵓⵏ ⵖⴻⵔ ⵍⵎⴻⵔⵔⵓⴽ.

ⵍⵇⴻⵡⵡⴰ (ⵒⵔⵓⴼⵓⵏⴷⴻⵓⵔ) ⵏ ⵓⴼⵓⵇⵇⴰⵙ-ⴰⴳⵉ ⵢⴰⵡⴻⴹ 19 ⵏ ⵢⵉⵎⵉⵜⵔⴻⵏ, ⵢⴻⵔⵏⴰ ⵢⵓⵔⴰ ⵙ ⵉⵙⴻⵍⴽⵉⵢⴻⵏ ⴷ ⵜⴽⴰⵔⵔⵓⵚⵉⵡⵉⵏ ⴷ ⵡⴰⵍⵍⴰⵍⴻⵏ ⵏ ⵓⵙⴰⵍⵉ ⵉ ⵓⵙⵓⴼⴼⴻⵖ ⵏ ⵍⵃⵛⵉⵛ. ⵢⴻⵜⵜⵡⴰⴱⵏⴰ ⵙ ⴷⴷⴰⵡ ⵏ ⵢⵉⵡⴻⵏ ⵏ ⵍⵎⴰⵅⵣⴻⵏ ⵏ ⵜⴻⵎⴳⵓⵔⵉ, ⵢⴻⵔⵏⴰ ⵢⴻⵙⵄⴰ ⴰⵏⴰⴳⵔⴰⵡ ⵏ ⵓⵙⵓⴼⴼⵓ ⵏ ⵡⴰⵎⴰⵏ ⴷ ⵓⵃⵔⴰⵣ ⵏ ⵚⵚⵓⵜ ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⵓⵎⴰⵀⵉⵍ ⵎⴻⴱⵍⴰ ⵎⴰ ⵔⵔⴰⵏ-ⴷ ⵜⴰⵎⴰⵡⵜ ⵎⴻⴷⴷⴻⵏ.

ⵉⵎⵏⴰⴷⵉⵢⴻⵏ ⵓⵔ ⵙⵙⵉⵡⴹⴻⵏ ⴰⵔⴰ ⴰⵔⵎⵉ ⴷ ⵜⵓⵔⴰ ⴰⴷ ⴷ-ⴰⴼⴻⵏ ⴰⵛⵃⴰⵍ ⵉ ⵉⵡⴻⵣⴻⵏ ⵓⴼⵓⵇⵇⴰⵙ-ⴰⴳⵉ ⵙ ⵍⴻⴽⵎⴰⵍ-ⵉⵙ, ⵉⵎⵉ ⵉⵛⵛⵓⵔ ⴷ ⴰⵎⴰⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⴰⵏⵜⵓⵏⵉⵓ ⵎⴰⵔⵜⵉⵏⴻⵣ, ⴰⵎⴹⴻⴱⴱⴻⵔ ⵏ ⵜⵉⴳⴳⴰⵡⵜ-ⴰⴳⵉ, ⴷⴻⴳ ⵢⵉⵡⴻⵜ ⵏ ⵜⵏⴻⵖⵎⴰⵙⵜ.

ⵉⵙⵙⴻⴽⵏⴻⴷ ⴱⴻⵍⵍⵉ ⴰⴼⵓⵇⵇⴰⵙ-ⴰⴳⵉ, ⵉ ⵢⴻⵙⵄⴰⵏ 1.20 ⵎ ⴷⴻⴳ ⵍⵄⴰⵍⵉ ⴷ 80 ⵛⵎ ⴷⴻⴳ ⵍⴱⴻⵕⴹ, ⵢⴻⵍⵍⴰ "ⵉⵀⴻⴳⴳⴰ ⴰⴽⴽⴻⵏ ⵉⵡⴰⵜⴰ" ⵢⴻⵔⵏⴰ ⴷ "ⴰⵎⴰⵢⵏⵓⵜ" ⵉ ⴷ-ⵉⵀⴻⴳⴳⴰ ⵢⵉⵡⴻⵜ ⵏ "ⵜⵏⴻⴼⴼⵓⵜ (ⵓⵔⴳⴰⵏⵉⵙⴰⵜⵉⵓⵏ) ⵉⴶⴻⵀⴷⴻⵏ ⵙ ⵍⴶⴻⵀⴷ."

ⵢⴻⵔⵏⴰ-ⴷ ⵢⴻⵏⵏⴰ ⴱⴻⵍⵍⵉ ⴰⵟⴰⵙ ⵏ ⵜⴻⴳⴳⴰⵜⵉⵏ ⵏ ⵓⵃⵙⴰⵔ ⵏ ⵍⵃⵛⵉⵛ ⴷⴻⴳ ⵙⴻⴱⵜⴰ ⴷ ⴰⵏⴷⴰⵍⵓⵣⵢ (ⵓⵏⵥⵓⵍ ⵏ ⵙⴱⴻⵏⵢⵓⵍ) ⵉ ⴷ-ⵢⴻⵡⵡⵉⵏ ⵉⵎⵏⴰⴷⵉⵢⴻⵏ ⵖⴻⵔ ⵓⵣⴻⵟⵟⴰ-ⴰⴳⵉ ⴰⵎⴻⵇⵇⵔⴰⵏ, ⵉ ⵢⴻⵍⵍⴰⵏ ⵉⵀⴻⴷⴷⴻⵔ ⴷⴰⵖⴻⵏ ⴷⴻⴳ ⴳⴰⵍⵉⵉⵙⵢⴰ (ⴰⴳⴰⴼⴰ ⵏ ⵜⵎⵓⵔⵜ).

ⴼⵓⴽⴽⴻⵏⵜ ⵜⴻⴳⴳⴰⵜⵉⵏ ⵏ ⵓⴽⵎⴰⵣ ⵙ ⵓⵟⵟⴰⴼ ⵏ ⵢⵉⵡⴻⵏ ⵏ ⵓⵇⴻⵔⵔⵓ ⵏ ⵓⵣⴻⵟⵟⴰ ⴷⴻⴳ ⵍⵍⵉⴹ ⵏ 26 ⵎⴻⵖⵔⴻⵙ. ⴷⴻⴳ ⵓⵏⴰⴷⵉ, ⵓⴼⴰⵏ 1.4 ⵏ ⵢⵉⵎⴻⵍⵢⴰⵢⴻⵏ ⵏ ⵢⵉⵔⵓ (ⴻⵓⵔⵓ) ⴷ ⵏⵏⴰⵇⴷ, ⴷ 17 ⵏ ⵜⴽⴰⵔⵔⵓⵚⵉⵡⵉⵏ ⵏ ⵍⴼⴻⵕⵃ (ⵠⵓⵉⵜⵓⵔⴻⵙ ⴷⴻ ⵍⵓⵅⴻ).

ⵙⴱⴻⵏⵢⵓⵍ ⴷ ⴰⵎⴽⴰⵏ ⵉⵕⴻⵙⵙⴰⵏ ⵉ ⵓⵏⵉⴳ ⵏ ⵍⵃⵛⵉⵛ ⵖⴻⵔ ⵜⵓⵔⵓⴼⵜ, ⵉⵎⵉ ⵜⴻⵇⵔⴻⴱ ⵖⴻⵔ ⵍⵎⴻⵔⵔⵓⴽ, ⵉ ⵢⴻⵍⵍⴰⵏ ⴷ ⵢⵉⵡⴻⵏ ⵏ ⵢⵉⴼⴰⵔⴰⵙⴻⵏ ⵉⵎⴻⵇⵇⵔⴰⵏⴻⵏ ⵏ ⵇⴻⵏⵏⴻⴱ ⴷⴻⴳ ⵓⵎⴰⴹⴰⵍ.