ⵜⴻⵙⵙⴻⵏⴽⴰⴷ (ⵉⵙⵍⴻⵎ-ⴷ) ⵜⵙⴻⵍⵡⴰⵢⵜ ⵏ ⵜⴷⵓⴽⵍⴰ ⴼⵔⴰⵏⵙⴰ-ⵍⴻⵣⵣⴰⵢⴻⵔ, ⵎⴰⵙⵙⴰ ⵙéⴳⵓⵍèⵏⴻ ⵔⵓⵢⴰⵍ, ⴰⵙⵙ-ⴰ ⵏ ⵜⵜⵍⴰⵜⴰ, ⵜⵉⵔⵣⵉ ⵏ ⵓⵎⴻⵣⵔⵓⵢ ⴰⵔⴰ ⴷ-ⵢⴻⵅⴷⴻⵎ ⵍⵒⴰⵒⴰ ⵍⵢⵓⵏ ⵡⵉⵙ ⵎⵔⴰⵡ ⴷ ⴽⵓⵣ (14) ⵖⴻⵔ ⵍⴻⵣⵣⴰⵢⴻⵔ ⵉⵎⴰⵍⴰⵙ ⵉ ⴷ-ⵉⵜⵜⴻⴷⴷⵓⵏ. ⵜⵡⴰⵍⴰ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⴷ "ⵜⴰⴱⵔⴰⵜⵜ ⵜⴰⵎⴰⴹⵍⴰⵏⵜ" ⵉ ⵏⴼⴰⵄ ⵏ ⵓⴷⵉⵡⴻⵏⵏⵉ ⴳⴰⵔ ⵜⵉⵏⴻⴷⵊⵉⵏ (interfaith dialogue) ⴷ ⵓⵣⴻⴶⴶⴻⴷ ⵏ ⵍⴻⵀⵏⴰ ⴳⴰⵔ ⵢⵉⴳⵓⵔⴻⴼ.
ⵔⵓⵢⴰⵍ ⵜⴻⵙⵙⴻⴽⵏⴻⴷ-ⴷ ⴷⴻⴳ ⵢⵉⵡⴻⵏ ⵏ ⵓⵙⵓⴼⴼⴻⵖ ⴷⴻⴳ ⵓⵣⴻⵟⵟⴰ ⵏ ⵜⵎⴻⵜⵜⵉ, ⴰⵣⴰⵍ ⵏ ⵓⵣⴰⵎⵓⵍ ⴰⵎⴻⵇⵇⵔⴰⵏ ⵏ ⵜⵉⵔⵣⵉ-ⴰⴳⵉ ⵏ ⵍⵒⴰⵒⴰ, "ⵉ ⴷ-ⵢⵓⵙⴰⵏ ⵙⴻⵍⴷ ⴰⵙⴼⴻⴳⴳⴻⵔ ⵏ ⵜⴼⴰⵙⴽⴰ ⵏ ⵜⵏⴻⴽⵔⴰ (ⵒâⵇⵓⴻⵙ), ⵉ ⴷ ⵍⵄⵉⴷ ⵓⴼⵔⵉⵏ ⴰⵎⴻⵇⵇⵔⴰⵏ ⵣⴷⴰⵜ ⵏ ⵢⵉⵎⴰⵙⵉⵃⵉⵢⴻⵏ". ⵜⵓⵔⴰ-ⴷ: "ⴰⵣⴰⵎⵓⵍ ⵏ ⵓⴷⵉⵡⴻⵏⵏⵉ ⴳⴰⵔ ⵜⵉⵏⴻⴷⵊⵉⵏ, ⵉⵕⴻⵙⵙⴰⵏ ⵖⴻⴼ ⵓⵇⴰⴷⴻⵔ ⴷ ⵜⴻⴳⵎⴰⵜ, ⴷ ⴰⵢⴻⵏ ⵉ ⴷ-ⵢⴻⵔⵔⴰⵏ ⵜⴰⵎⴰⵡⵜ, ⵉⵎⵉ ⵇⵉⴷⴰⵙⴻⵜ ⵍⵒⴰⵒⴰ, ⵙⴻⵍⴷ ⵍⵄⵉⴷ ⵏ ⵜⵏⴻⴽⵔⴰ, ⵢⴻⵔⵣⴰ ⵖⴻⵔ ⵍⴻⵣⵣⴰⵢⴻⵔ, ⵜⴰⵎⵓⵔⵜ ⵏ ⵢⵉⵏⵙⴻⵍⵎⴻⵏ, ⵙ ⵓⵙⵉⵡⴻⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ".
ⵜⴻⵙⵙⴻⴽⵜⵉ-ⴷ ⴷⴰⵖⴻⵏ ⵜⵙⴻⵍⵡⴰⵢⵜ ⵏ ⵜⴷⵓⴽⵍⴰ ⴼⵔⴰⵏⵙⴰ-ⵍⴻⵣⵣⴰⵢⴻⵔ ⴱⴻⵍⵍⵉ "ⵍⵒⴰⵒⴰ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵙⴰⵏⴼⵓⵙⵜⵉ (ⵙⴰⵉⵏⵜ ⴰⵓⴳⵓⵙⵜⵉⵏ), ⴰⵣⵣⴰⵢⵔⵉ ⵉ ⴷ-ⵉⵍⵓⵍⴻⵏ ⴷⴻⴳ ⵜⴰⵖⴰⵙⵜ (ⵙⵓⵇ ⴰⵀⵔⴰⵙ) ⵓ ⵢⴻⵍⵍⴰ ⴷ ⴰⵎⵖⴰⵔ ⵏ ⵀⵉⴱⵓⵏ (ⵄⴻⵏⵏⴰⴱⴰ)". ⵙⴰⵏⴼⵓⵙⵜⵉ ⴰⵢⴻⵏ ⵉ ⴷ-ⵢⵓⵔⴰ ⵢⴻⵙⵄⴰ ⴰⵣⴰⵍ ⴰⵎⴻⵇⵇⵔⴰⵏ ⴷⴻⴳ ⵜⵉⴽⵜⵉ ⵜⴰⵎⴰⵙⵉⵃⵜ, ⵍⴰⴷⵖⴰ ⴷⴻⴳ ⴼⵔⴰⵏⵙⴰ ⴰⵏⵉⴷⴰ ⵎⴰⵣⴰⵍ ⵙⵙⴻⵍⵎⴰⴷⴻⵏ ⵢⵉⴷⵍⵉⵙⴻⵏ-ⵉⵙ ⴷⴻⴳ ⵜⴻⵙⴷⴰⵡⵉⵢⵉⵏ ⵙⴻⴳ ⵜⴰⵍⵍⵉⵜ ⵏ ⵜⵍⴻⵎⵎⴰⵙⵜ (Moyen Âge).
ⴷⴻⴳ ⵜⴰⴳⴳⴰⵔⴰ, ⵜⴻⵙⵙⴻⵃⵔⴻⵙ ⵔⵓⵢⴰⵍ ⵖⴻⴼ ⵜⵎⵓⵖⵍⵉ ⵜⴰⵎⴰⴹⵍⴰⵏⵜ ⵏ ⵡⴰⵀⵉⵍ ⵏ ⵍⵒⴰⵒⴰ ⵙ ⵜⵉⵔⵣⵉ-ⵉⵙ ⵖⴻⵔ ⵢⵉⵎⵓⴽⴰⵏ ⵏ ⵓⵣⴰⵎⵓⵍ ⴰⵎ ⵎⴰⵇⴰⵎ ⴻⵛ-ⵛⵀⴰⵀⵉⴷ (ⴰⵙⴱⴷⴰⴷ ⵏ ⵓⵎⵖⴰⵔⴰⵙ), ⵍⴶⴰⵎⴻⵄ ⵏ ⵍⴻⵣⵣⴰⵢⴻⵔ, ⵜⴰⵎⴰⵣⴰⴷⴰⵢⵜ ⵏ ⵜⵎⴰⵙⵉⵃⵜ ⵏ ⵜⴻⴼⵔⵉⵇⵜ (Notre-Dame d'Afrique), ⵓ ⵙⴻⵍⴷ ⴰⵏⵏⴻⵛⵜ-ⴰ ⵖⴻⵔ ⵜⴻⵎⴷⵉⵏⵜ ⵏ ⵄⴻⵏⵏⴰⴱⴰ, ⴰⵏⵉⴷⴰ ⵢⴻⵍⵍⴰ ⵡⴻⵎⴽⴰⵏ ⵏ ⵓⵎⴻⵣⵔⵓⵢ ⵏ ⵀⵉⴱⵓⵏ ⴷ ⵜⵎⴰⵣⴰⴷⴰⵢⵜ ⵏ ⵙⴰⵏⴼⵓⵙⵜⵉ.
ⵜⴻⵏⵏⴰ-ⴷ: "ⴷ ⵜⴰⴱⵔⴰⵜⵜ ⵉ ⵓⵎⴰⴹⴰⵍ ⵎⴻⵕⵕⴰ ⵉ ⴷ-ⵢⴻⵎⵎⴰⵍⴻⵏ ⴱⴻⵍⵍⵉ ⴰⴷⵉⵡⴻⵏⵏⵉ ⴷ ⵓⴼⵓⵙ ⴷⴻⴳ ⵓⴼⵓⵙ (réconciliation) ⴷ ⴰⵢⴻⵏ ⵉ ⵉⵣⴻⵎⵔⴻⵏ ⴰⴷ ⴷ-ⵢⵉⵍⵉ ⵉ ⵏⴼⴰⵄ ⵏ ⵢⵉⴳⵓⵔⴻⴼ, ⵓⵍⴰ ⵎⴰ ⵍⵇⴻⵕⵃ ⵏ ⵓⵎⴻⵣⵔⵓⵢ ⵍⵇⴰⵢ ⵙ ⵍⴶⴻⵀⴷ".
ⴰⵔⵏⵓ ⵖⴻⵔ
