ⵢⴻⵙⵜⴻⴳ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⵔⵉⴱ, ⵡⴰⵙⵙ-ⴰ ⵏ ⵍⵀⴻⴷ, ⴷⴻⴳ ⵓⴳⴰⴷⵉⵔ ⵏ ⵓⵏⴰⴱⴰⵖ, ⵎⴰⵙⵙ ⵛⵛⵉⵅ ⵏⵉⴰⵏⴳ, ⴰⵏⴻⵖⵍⴰⴼ ⵏ ⵓⴷⵢⴰⴷ (ⵉⵏⵜéⴳⵔⴰⵜⵉⵓⵏ) ⵏ ⵜⴻⴼⵔⵉⵇⵜ ⴷ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ ⴷ ⵉⵙⵉⵏⵉⴳⴰⵍⵉⵢⴻⵏ ⴷⴻⴳ ⴱⴻⵔⵔⴰ ⵏ ⵜⴻⴳⴷⵓⴷⴰ ⵏ ⵙⵉⵏⵉⴳⴰⵍ ⵏ ⵜⴻⴳⵎⴰⵜ, ⵉ ⴷ-ⵢⵓⵣⵍⴻⵏ ⵉ ⵔⵔⴻⵣ ⵓⵙⵙⵍⵉⴼ ⵖⴻⵔ ⵍⴻⵣⵣⴰⵢⴻⵔ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵢⵉⵎⴻⵥⵍⴰ ⵏ ⵜⵏⴻⵖⵍⴰⴼⵜ ⵜⴰⵎⴻⵣⵡⴰⵔⵓⵜ.
ⵉⵙⴻⴳⵣⵉ-ⴷ ⵓⴷⵢⴰⵏ-ⵏⵏⵉ ⴱⴻⵍⵍⵉ ⵉⵎⵙⵉⵡⵍⴻⵏ ⵍⵎⴻⵏⵜ ⵡⵉⴷⴻⵏⴻⴷ ⴷ ⵜⵎⵓⵖⵍⵉⵡⵉⵏ ⵏ ⵓⵏⵢⵓⴷⴷⵓ ⴳⴰⵔ ⵙⵏⴰⵜ ⵏ ⵜⵎⵓⵔⴰ, ⵙ ⵓⵞⵀⴻⴷ ⵏ ⵡⴰⵍⵍⴰⵍⴻⵏ ⵏ ⵓⵏⵢⵓⴷⴷⵓ ⴳⴰⵔ-ⴰⵙⴻⵏⵜ, ⵍⴰⴷⵖⴰ ⵜⴰⵙⴻⵇⵇⵓⵎⵜ ⵢⴻⴷⴷⵓⴽⴽⵍⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵙⵉⵏⵉⴳⴰⵍ ⴷ ⵓⵙⵇⴰⵎⵓ ⵏ ⵢⵉⵔⴳⴰⵣⴻⵏ ⵏ ⵢⵉⵎⴻⵀⵍⴰⵏ ⵍⴻⵣⵣⴰⵢⴻⵔ-ⵙⵉⵏⵉⴳⴰⵍ.
ⴷⴻⴳ ⵜⴻⵎⵍⵉⵍⵉ-ⴰⴳⵉ, ⵎⵢⴻⴱⴷⴰⵍⴻⵏ ⵔⵔⴰⵢⴻⵏ ⵖⴻⴼ ⵜⴰⵎⵙⴰⵍⵉⵢⵉⵏ ⵏ ⵓⵎⴰⴹⴰⵍ ⴷ ⵜⵉⴷ ⵏ ⵜⴻⵎⵏⴰⴹⵜ ⵏ ⵜⵓⵔⴰ. ⵓⵙⴻⵍⵡⴰⵢ ⵏ ⵜⴷⵉⴱⵍⵓⵎⴰⵙⵉⵜ ⵏ ⵙⵉⵏⵉⴳⴰⵍ ⵢⴻⵙⵏⴻⵎⵎⴻⵔ ⴰⵎⴻⵀⵍⴰⵏ ⴰⵎⴻⵇⵇⵔⴰⵏ ⵏ ⵍⴻⵣⵣⴰⵢⴻⵔ ⵉ ⵓⵟⵎⴰⵏ ⵏ ⵍⵀⴻⵏⵏⵉ ⴷ ⵓⴼⵔⴰⴳ ⴷⴻⴳ ⵜⴻⴼⵔⵉⵇⵜ, ⵍⴰⴷⵖⴰ ⴷⴻⴳ ⵜⴻⵎⵏⴰⴹⵜ ⵏ ⵙⴰⵀⴻⵍ.
ⵙⵉⵏ ⵏ ⵢⵉⴳⴰⵓⴷⵉⵢⴻⵏ ⵙⵙⴰⵏⵜⵎⴻⵏ ⵖⴻⴼ ⵏⴼⴰⵄ ⵏ ⵓⵞⵀⴻⴷ ⵏ ⵓⴷⵢⴰⴷ ⵏ ⵜⴻⴱⵜⵉⵛⵜ ⵉ ⵢⴻⵔⵔⴰⵏ ⵍⴱⴰⵍ ⵏ ⵜⵙⵓⵍⵟⴰⵏⵉⵏ ⵜⵓⵏⵏⵉⴳⵜ ⵏ ⵙⵏⴰⵜ ⵏ ⵜⵎⵓⵔⴰ.
ⴰⵔⵏⵓ ⵖⴻⵔ
