ⴰⵏⴻⵖⵍⴰⴼ ⵏ ⵜⴻⵎⴳⵓⵔⵉ, ⵢⴰⵃⵢⴰ ⴱⴻⵛⵉⵔ, ⵉⵅⴷⴻⵎ ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵏⴶⴰⵎⵉⵏⴰ, ⵢⵉⵡⴻⵜ ⵏ ⵜⵜⵉⵖⵔⵉ ⵏ ⵓⵎⴰⵀⵉⵍ ⴷ ⵓⵏⴻⵖⵍⴰⴼ ⵏ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ ⵏ ⵜⵛⴰⴷ, ⵎⴰⵜⵉⵢⵓ ⴳⵉⴱⵓⵍⵓ ⴼⴰⵏⴳⴰ. ⵎⴻⵙⵍⴰⵢⴻⵏ ⵖⴻⴼ ⵡⴰⵎⴻⴽ ⴰⵔⴰ ⵙⵏⴻⵔⵏⵉⵏ ⵓⵎⵢⴰⵍⵍⴻⵏ ⴳⴰⵔ-ⴰⵙⴻⵏ ⴷⴻⴳ ⵓⵙⴼⴰⵔⵓ ⵏ ⵙⵙⵉⵎⵓ, ⴰⵢⴰⴳⵉ ⵢⴻⵍⵍⴰ-ⴷ ⵔⵔⵉⴼ ⵏ ⵜⵎⴻⵖⵔⴰ ⵜⴰⵎⴰⴳⵏⵓⵜ ⵏ ⵍⵎⵉⵏⴰ ⴷ ⵍⴱⴻⵜⵔⵓⵍ "ⵙⴻⵎⵉⴽⴰ ⵜⵛⴰⴷ 2026" ⵉ ⴷ-ⵢⴻⵍⵍⴰⵏ ⵙⴻⴳ 21 ⴰⵔ 23 ⵢⴻⵏⵏⴰⵢⴻⵔ ⴷⴻⴳ ⵜⵎⴰⵏⴰⵖⵜ ⵏ ⵜⵛⴰⴷ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵍⴱⵉⵢⴰⵏ ⵏ ⵜⵏⴻⵖⵍⴰⴼⵜ.
ⴰⵏⴻⵖⵎⵉⵙ ⵢⴻⵏⵏⴰ-ⴷ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ, ⵉ ⴷⴻⴳ ⵍⵍⴰⵏ ⵓⵍⴰ ⴷ ⴰⵎⵙⴰⴼⵉⵔ ⵏ ⵍⴻⵣⵣⴰⵢⴻⵔ ⴷⴻⴳ ⵜⵛⴰⴷ, ⴼⴰⵢⵚⴰⵍ ⴶⴰⵡⵜⵉ, ⴷ ⵓⵏⴰⴱⴰⴹ ⵏ ⵓⵡⴻⵅⵅⴰⵎ ⵏ ⵙⵙⵉⵎⵓ ⵏ ⵍⴻⵣⵣⴰⵢⴻⵔ (ⴳⵉⴽⴰ), ⵔⴰⴱⴰⵃ ⴳⴻⵙⵙⵓⵎ, ⵜⵓⵙⴰ-ⴷ ⵉⵡⴰⴽⴽⴻⵏ ⴰⴷ ⴽⴻⵎⵎⵍⴻⵏ ⵜⵉⴽⵍⵉ ⵉ ⴷ-ⵢⴻⴱⴷⴰⵏ ⴷⴻⴳ ⵍⴻⵣⵣⴰⵢⴻⵔ ⴷⴻⴳ 18 ⴷⵓⴶⴰⵏⴱⴻⵔ ⵉ ⵄⴻⴷⴷⴰⵏ, ⵖⴻⴼ ⵓⵙⵏⴻⵔⵏⵉ ⵏ ⵓⵎⵢⴰⵍⵍⴻⵏ ⴷⴻⴳ ⵜⴻⵎⴳⵓⵔⵉ ⵏ ⵙⵙⵉⵎⵓ.
ⴷⴻⴳ ⵜⵜⵉⵖⵔⵉ-ⴰⴳⵉ, ⵡⴰⵍⴰⵏ ⴰⵎⴻⴽ ⴰⵔⴰ ⵙⵏⴻⵔⵏⵉⵏ ⵜⴰⵎⴳⵓⵔⵉ ⵏ ⵙⵙⵉⵎⵓ ⴷⴻⴳ ⵜⵛⴰⴷ. ⴱⴻⴷⵔⴻⵏ-ⴷ ⵙⵏⴰⵜ ⵏ ⵜⵜⴰⵡⵉⵍⴰⵜ: ⴰⵎⴰ ⴷ ⵉⵙⴻⵏⴼⴰⵔⴻⵏ ⵉⵎⴻⵇⵇⵔⴰⵏⴻⵏ ⵏ ⵜⴻⵎⴳⵓⵔⵉ ⴰⵔ ⵍⵎⴻⴷⴷⴰ ⵢⴻⵍⵍⴰⵏ ⴷⴻⴳ ⵡⴰⵎⵎⴰⵙ, ⵏⴻⵖ ⴷ ⵜⵜⴰⵡⵉⵍⴰⵜ ⵉⵔⴻⴱⵃⴻⵏ ⵉⵡⴰⴽⴽⴻⵏ ⴰⴷ ⴶⴰⵡⴱⴻⵏ ⵖⴻⴼ ⵓⵃⵡⴰⴶ ⵏ ⵙⵙⵉⵎⵓ ⵉ ⴷ-ⵢⴻⵍⵍⴰⵏ ⵜⵓⵔⴰ ⴷⴻⴳ ⵜⵎⵓⵔⵜ-ⴰⴳⵉ ⴷ ⵓⵙⵏⴻⵔⵏⵉ ⵏ ⵍⴻⴱⵏⵉ.
ⵎⴻⵙⵍⴰⵢⴻⵏ ⵓⵍⴰ ⵖⴻⴼ ⵓⵙⴱⴻⴷⴷⵉ ⵏ ⵜⵃⵓⵏⴰ ⵏ ⵓⵥⴰⴷ ⵏ "ⴽⵍⵉⵏⴽⴻⵔ", ⵙ ⵓⵄⵉⵡⴻⵏ ⵏ ⵜⵎⵓⵙⵏⵉ ⵏ ⵍⴻⵣⵣⴰⵢⴻⵔ ⴷ ⵓⵙⵓⴼⴼⴻⵖ ⵏ ⵙⵙⴻⵍⵄⴰ ⵙⴻⴳ ⵍⴻⵣⵣⴰⵢⴻⵔ ⵉⵡⴰⴽⴽⴻⵏ ⴰⴷ ⴶⴰⵡⴱⴻⵏ ⵖⴻⴼ ⵓⵃⵡⴰⴶ ⵏ ⵙⵙⵓⵇ ⵏ ⵜⵛⴰⴷ ⴷ ⵓⵙⵏⴻⵔⵏⵉ ⵏ ⵜⴻⵎⴳⵓⵔⵉ ⵏ ⵙⵙⵉⵎⵓ ⴷⴻⴳ ⵜⵎⵓⵔⵜ-ⴰⴳⵉ.
ⴷⴻⴳ ⵜⵙⵓⵜⵍⵉⵜ-ⴰⴳⵉ, ⴷⴷⴻⵇⵇⴻⵏ ⵖⴻⴼ ⵡⴰⵣⴰⵍ ⵏ ⵓⵙⴼⴰⵢⴷⵉ ⵙⴻⴳ ⵜⵎⵓⵙⵏⵉ ⵏ ⵍⴻⵣⵣⴰⵢⴻⵔ ⴷⴻⴳ ⵜⴻⵎⴳⵓⵔⵉ ⵏ ⵙⵙⵉⵎⵓ ⴷ ⵡⴰⵍⵍⴰⵍⴻⵏ ⵏ ⵍⴻⴱⵏⵉ, ⵍⴰⴷⵖⴰ ⵙ ⵓⵡⴻⵅⵅⴰⵎ ⵏ "ⴳⵉⴽⴰ" ⵉ ⵢⴻⵙⵄⴰⵏ ⵜⵎⵓⵙⵏⵉ ⴷ ⵡⴰⵍⵍⴰⵍⴻⵏ ⵉⵎⴻⵇⵇⵔⴰⵏⴻⵏ ⴷⴻⴳ ⵓⵙⴼⴰⵔⵓ-ⴰⴳⵉ.
ⴷⴻⴳ ⵓⵏⴻⴳⴳⴰⵔⵓ, ⵎⵙⴻⴼⵀⴰⵎⴻⵏ ⴰⴷ ⴷ-ⵙⵙⵓⴼⴼⵖⴻⵏ ⵢⵉⵡⴻⵏ ⵏ "ⴱⵔⵓⵜⵓⴽⵓⵍ" ⵏ ⵓⵎⵢⴰⵍⵍⴻⵎ ⵉⵡⴰⴽⴽⴻⵏ ⴰⴷ ⵙⴱⴻⴷⴷⴻⵏ ⵉⵙⴻⵏⴼⴰⵔⴻⵏ ⵏ ⵜⵛⴰⵔⴰⴽⵜ ⴰⵔⴰ ⵢⴻⵏⴼⴰⵄⴻⵏ ⵜⵉⵎⵓⵔⴰ-ⵏⵙⴻⵏ ⴷⵉ ⵙⵏⴰⵜ ⴷ ⵓⵙⵏⴻⵔⵏⵉ ⵏ ⵜⴻⵎⴳⵓⵔⵉ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵍⴱⵉⵢⴰⵏ ⵏ ⵜⵏⴻⵖⵍⴰⴼⵜ.
ⴰⵔⵏⵓ ⵖⴻⵔ
