ⵜⴻⴳⴳⵓⵍ ⵜⵏⴻⵖⵍⴰⴼ ⵏ ⵜⴻⵣⵎⴻⵔⵜ ⴱⴻⵍⵍⵉ ⴷⴷⵓⴽⴽⵍⴻⵏ ⵢⵉⵙⵓⵔⴼⴰⵏ ⵏ ⵜⴻⵔⴱⴰⵄⵉⵏ ⵏ ⵢⵉⴹⴱⵉⴱⴻⵏ ⴷ ⵢⵉⵎⵙⴰⵊⵢⴻⵏ, ⵙ ⵓⵙⴻⵇⴷⴻⵛ ⵏ ⵡⴰⵍⵍⴰⵍⴻⵏ ⵏ ⵜⴰⵍⵙⴰ ⴷ ⵜⵏⴻⵣⵣⵓⵜ (ⵍⵓⴳⵉⵙⵜⵉⵇⵓⴻ) ⵉ ⴷ-ⵢⴻⵡⴽⴰⵏ, ⵔⵏⵓ ⵖⴻⵔ ⵡⴰⵢⴰ ⴰⵎⵢⴻⵣⴳ ⴷ ⵢⵉⵎⴹⴻⴱⴱⵔⴻⵏ ⵏ ⵜⵎⴰⵏⴰⴹⵉⵏ, ⵉⵡⴰⴽⴽⴻⵏ ⴰⴷ ⵜⴻⴷⵉ ⵙ ⵍⵉⵙⴻⵔ ⵜⴻⵙⴼⵉⴼⵜ ⵜⴰⵏⴻⴳⴳⴰⵔⵓⵜ ⵏ ⵜⵜⴰⴱⴱⵓⵔⵜ ⵏ ⵓⵙⴻⵎⵎⴻⴹ ⵎⴳⴰⵍ ⴰⵛⴻⵍⵍⴰⵍ ⵏ ⴷⴷⴻⵔⵢⴰ ⴷⴻⴳ ⵜⴻⴳⵏⴰⵜⵉⵏ ⵏ ⵜⵓⴷⴷⵙⴰ ⴷ ⵜⴻⵣⵎⴻⵔⵜ ⵢⴻⵍⵀⴰⵏ.
ⵜⴰⵏⴻⵖⵍⴰⴼ ⵜⴱⴻⵔⵔⴻⵃ-ⴷ ⴷⴻⴳ ⵢⵉⵡⴻⵏ ⵓⵙⵉⵡⴻⵍ, ⴰⵙⵙ-ⴰ ⵏ ⵍⵐⴻⴷ, ⵖⴻⴼ ⵓⵏⴰⴷⵉ ⵏ ⵜⴻⵙⴼⵉⴼⵜ ⵜⵉⵙ ⵜⵍⴰⵜⴰ ⵏ ⵜⵜⴰⴱⴱⵓⵔⵜ ⵏ ⵓⵙⴻⵎⵎⴻⴹ ⴰⵖⴻⵍⵏⴰⵡ ⵎⴳⴰⵍ ⴰⵛⴻⵍⵍⴰⵍ ⵏ ⴷⴷⴻⵔⵢⴰ, ⵙⴻⴳ 25 ⴰⵔ 31 ⵏ ⵢⴻⵏⵏⴰⵢⴻⵔ. ⴷⴻⴳ ⵜⴻⵙⴼⵉⴼⵜ-ⴰⴳⵉ, ⴰⴷ ⴷ-ⵜⵉⵍⵉ ⵜⵊⴻⵔⵄⴻⵜ ⵏ ⵓⴽⵎⴻⵍ ⵙ ⵓⵙⴻⵎⵎⴻⴹ ⵏ ⵜⵎⴰⵙⵎⵉ (VPI), ⵉⵡⴰⴽⴽⴻⵏ ⴰⴷ ⵉⴽⴻⵎⵎⴻⵍ ⵍⴱⴰⵔⵏⴰⵎⴻⵊ ⴰⵖⴻⵍⵏⴰⵡ ⵏ ⵓⵃⵓⴷⴷⵓ ⵏ ⵜⴻⵣⵎⴻⵔⵜ ⴷ ⵓⵙⴻⵊⵀⴻⴷ ⵏ ⵜⵃⵓⴷⴷⵉ (ⵉⵎⵎⵓⵏⵉⵜé) ⵏ ⵢⴰⵍ ⴰⵎⴷⴰⵏ ⴷ ⵜⵉⵏ ⵏ ⵜⴻⵊⵎⴰⵄⵜ ⵖⴻⵔ ⴷⴷⴻⵔⵢⴰ.
ⵜⴻⵙⵙⴻⴼⵀⴻⵎ-ⴷ ⵜⵏⴻⵖⵍⴰⴼ ⴱⴻⵍⵍⵉ ⵜⴰⵙⴼⵉⴼⵜ-ⴰⴳⵉ "ⵜⵓⵙⴰ-ⴷ ⵉⵡⴰⴽⴽⴻⵏ ⴰⴷ ⵉⴽⴻⵎⵎⴻⵍ ⵓⵙⴻⵍⵀⵓ ⵏ ⵓⵃⵓⴷⴷⵓ ⵉ ⴷ-ⵢⴻⵍⵍⴰⵏ ⵢⴰⴽⴰⵏ ⵙ ⵓⵙⴻⵎⵎⴻⴹ ⵏ ⵢⵉⵎⵉ, ⴷ ⵓⵃⴰⴷⴻⵔ ⵎⴳⴰⵍ ⵍⴻⵀⵍⴰⴽⴰⵜ ⵉⵡⴻⵄⵔⴻⵏ ⵏ ⵓⵛⴻⵍⵍⴰⵍ ⵏ ⴷⴷⴻⵔⵢⴰ, ⴰⴽⴽⴻⵏ ⵉ ⴷ-ⵢⵓⵙⴰ ⴷⴻⴳ ⵢⵉⵙⵡⵉⵔⴻⵏ ⵏ ⵍⴻⵣⵣⴰⵢⴻⵔ ⴷⴻⴳ ⵓⵃⴰⴷⴻⵔ ⵏ ⵜⴻⵣⵎⴻⵔⵜ ⵜⴰⴱⴰⵖⵔⵉⵜ".
ⴰⵙⴻⵎⵎⴻⴹ ⵏ ⵜⵎⴰⵙⵎⵉ (VPI) ⵢⴻⵍⵍⴰ ⴷⴻⴳ ⵍⴱⴰⵔⵏⴰⵎⴻⵊ ⴰⵖⴻⵍⵏⴰⵡ ⵏ ⵓⵙⴻⵎⵎⴻⴹ ⵙⴻⴳ ⵓⵙⴻⴳⴳⴰⵙ ⵏ 2015, ⵢⴻⵔⵏⴰ ⵢⴻⵙⵄⴰ ⵍⵇⴻⴷⴷ ⴰⵎⴻⵇⵇⵔⴰⵏ ⵏ ⵍⴰⵎⴰⵏ ⴷ ⵜⵏⴻⴽⵎⴰⵔ, ⵍⴰⴷⵖⴰ ⵉⵎⵉ ⵓⵔ ⵢⴻⵙⵄⵉ ⴰⵔⴰ ⴰⵟⴰⵙ ⵏ ⵓⴹⴻⵔⵔⵓ ⵏ ⵔⵔⵉⴼ.
ⵜⴰⵏⴻⵖⵍⴰⴼ ⵏ ⵜⴻⵣⵎⴻⵔⵜ ⵜⵄⴰⵡⴻⴷ ⵜⴻⵙⵙⵓⵜⵓⵔ ⵉ ⵢⵉⵎⴰⵡⵍⴰⵏ ⴰⴷ ⴰⵡⵡⵉⵏ ⴷⴷⴻⵔⵢⴰ-ⵏⵙⴻⵏ ⵖⴻⵔ ⵜⵎⴻⵔⵙⴰⵍ ⵏ ⵜⴻⵣⵎⴻⵔⵜ ⵉⵡⴰⴽⴽⴻⵏ ⴰⴷ ⴷ-ⵙⴻⵎⵎⴹⴻⵏ ⴷⴻⴳ ⵍⵡⴻⵇⵜ ⵉ ⴷ-ⵢⴻⵜⵜⵓⵏⴻⴼⴽⴻⵏ, ⵉⵡⴰⴽⴽⴻⵏ ⴰⴷ ⵃⴰⴷⵔⴻⵏ ⵜⴻⵣⵎⴻⵔ ⵏ ⴷⴷⴻⵔⵢⴰ-ⵏⵙⴻⵏ, ⴰⴷ ⵙⵊⴻⵀⴷⴻⵏ ⵜⴰⵃⵓⴷⴷⵉ ⵏ ⵜⴻⵊⵎⴰⵄⵜ, ⴷ ⵓⵃⴰⴷⴻⵔ ⵏ ⵜⵎⴻⵜⵜⵉ ⵎⴳⴰⵍ ⴰⵟⵟⴰⵏ-ⴰⴳⵉ.
ⴰⵔⵏⵓ ⵖⴻⵔ
