ⵉⵙⵙⴻⴳⵔⴰ ⵓⵙⴻⵍⵡⴰⵢ ⴰⵎⴰⵜⵓ ⵏ ⵡⴻⴳⵔⴰⵡ "ⵙⴰⵉⴷⴰⵍ", ⵎⴰⵙⵙ ⵎⵓⵓⵔⴰⴷ ⴱⴻⵍⴽⵀⴰⵍⴼⴰ, ⴰⵙⵙ-ⴰ ⵏ ⵍⴻⵜⵏⵉ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵡⴻⵏ ⵏ ⵓⵀⴻⵢⵢⵓⵍ ⵏ ⵢⵉⵔⴳⴰⵣⴻⵏ ⵏ ⵢⵉⵎⴻⵀⵍⴻⵔ ⵏ ⵜⵛⴰⴷ ⵉ ⵉⵅⴻⴷⴷⵎⴻⵏ ⴷⴻⴳ ⵡⴰⵏⵏⴰⵔ ⵏ ⵙⵚⴻⵏⴰⵄⴰ ⵜⴰⵙⴰⵢⴷⵍⴰⵏⵜ, ⵉⵡⴰⴽⴽⴻⵏ ⴰⴷ ⵙⵇⴻⵔⴷⵛⴻⵏ ⵉⵙⴻⵏⴼⴰⵔⴻⵏ ⵏ ⵓⵙⵏⴻⵔⵏⵉ ⵏ ⵡⴰⵙⵙⴰⵢⴻⵏ ⵏ ⵜⴰⵍⵍⴻⵍⵜ ⴷ ⵜⴷⵓⴽⵍⵉ ⴳⴰⵔ ⵜⵎⵓⵔⴰ ⵏ ⵙⵏⴰⵜ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵡⴻⴳⵔⴰⵡ ⵏ ⴱⴰⵢⵍⴻⴽ.
ⵉⵍⵎⴻⵏⴷ ⵏ ⵡⵓⵏⴰⴱⴰⵖ-ⵏⵏⵉ, ⴷⴻⴳ ⵜⴻⵎⵍⵉⵍⵉⵢⵉⵏ-ⴰⴳⵉ ⵉ ⴷ-ⵢⴻⵍⵍⴰⵏ ⴷⴻⴳ ⵡⴰⵎⵎⴰⵙ ⵏ ⵓⴼⴰⵔⵉⵙ ⵏ ⵍⵃⴻⵔⵔⴰⵛ, ⵙⵇⴻⵔⴷⵛⴻⵏ ⵉⵙⴻⵏⴼⴰⵔⴻⵏ ⵏ ⵜⴷⵓⴽⵍⵉ ⴷ ⵢⵉⴱⴻⵔⴷⴰⵏ ⵏ ⵓⵙⵓⴼⴼⴻⵀ ⵏ ⴷⴷⵡⴰ ⵏ ⵡⴻⴳⵔⴰⵡ ⵖⴻⵔ ⵙⵙⵓⵇ ⵏ ⵜⵛⴰⴷ. ⴱⴻⵇⵇⵙⴻⵏ-ⴷ ⴷⴰⵖⴻⵏ ⵙⵚⵉⴼⴰ ⵏ ⴷⴷⵡⴰ ⵏ ⵍⴻⵣⵣⴰⵢⴻⵔ ⵉ ⵢⴻⵜⵜⵡⴰⵙⵙⵏⴻⵏ ⵙ ⵍ ⴻⵀⴷ-ⵉⵙ ⴷ ⵙⵙⵓⵎⴰ-ⵉⵙ ⵢⴻⵍⵀⴰⵏ, ⵔⵏⵓ ⵖⴻⵔ ⵡⴰⵏⵏⴻⵛⵜ-ⴰ ⴰⵏⴰⴷⵉ ⵏ ⵢⵉⵙⵓⵜⵔⴻⵏ ⵏ ⵙⵙⵓⵇ ⵏ ⵜⴰⵎⵏⴰⴹⵜ.
ⴷⴻⴳ ⵡⴰⵏⵏⴰⵔ-ⴰⴳⵉ, ⵎⴰⵙⵙ ⴱⴻⵍⴽⵀⴰⵍⴼⴰ ⵢⴻⵏⵏⴰ-ⴷ ⴱⴻⵍⵍⵉ ⴰⴳⵔⴰⵡ "ⵙⴰⵉⴷⴰⵍ" ⵢⴻⴱⵖⴰ ⴰⴷ ⵢⴻⵙⵏⴻⵔⵏⵉ ⴰⵎⴽⴰⵏ-ⵉⵙ ⴷⴻⴳ ⴷⴷⵓⵏⵉⵜ ⴷ ⵓⵙⴰⵍⵉ ⵏ ⵜⴰⵍⵍⴻⵍⵜ ⵏ ⵍⵃⴻⵇⵇ ⴰⴽⴽⴻⴷ ⵢⵉⵜⵛⴰⴷⵉⵢⴻⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⴷⴷⵡⴰ ⵢⴰⵍ ⵜⴰⵍⵍⵉⵜ, ⵍⴰⴷⵖⴰ ⴷⴷⵡⴰ ⵉ ⵖⴻⴼ ⵢⴻⵍⵍⴰ ⵓⵙⵓⵜⵓⵔ ⴰⵎⴻⵇⵇⵔⴰⵏ.
ⵜⵉⵔⵣⴰ-ⴰⴳⵉ ⵜⵓⵙⴰ-ⴷ ⴷⴻⴳ ⵓⵏⴰⴳⵔⴰⵡ ⵏ ⵜⴰⵔⵔⴰⵢⵜ ⵏ ⵓⵏⵏⵓⵔⵣⴻⵎ ⵏ ⵡⴻⴳⵔⴰⵡ "ⵙⴰⵉⴷⴰⵍ" ⵖⴻⵔ ⵙⵙⵓⵇ ⵏ ⵜⴻⴼⵔⵉⵇⵜ ⴷ ⵓⴹⵎⴰⵏ ⵏ ⵜⵖⴻⵍⵍⵉⵙⵜ ⵏ ⵜⵣⴰⵖⵜ ⴷⴻⴳ ⵜⴰⵎⵏⴰⴹⵜ-ⴰⴳⵉ, ⵉ ⴷ-ⵢⴻⵔⵏⴰ ⵡⵓⵏⴰⴱⴰⵖ-ⵏⵏⵉ.
ⴰⵔⵏⵓ ⵖⴻⵔ
