ⴰⵏⵖⵍⴰⴼ ⵏ ⴷⴷⵓⵍⴰ, ⴰⵏⵖⵍⴰⴼ ⵏ ⵜⴻⵎⵙⴰⵍ ⵏ ⵍⴱⴻⵕⵕⴰ, ⵜⴳⴻⵎⵎⵉ ⵜⴰⵖⴻⵍⵏⴰⵡⵜ ⴷⵉ ⴱⴻⵔⵔⴰ ⴷ ⵜⴻⵎⵙⴰⵍ ⵜⵉⵏⴼⵔⵉⵢⵉⵏ, ⵎⴰⵙⵙ ⴰⵃⵎⴻⴷ ⵄⴰⵜⵜⴰⴼ, ⵢⴻⵡⵡⴻⴹ ⴰⵙⵙ-ⴰ ⵏ ⵜⵍⴰⵜⵉⵏ ⵖⴻⵔ ⴰⴷⴷⵉⵙ ⴰⴱⴰⴱⴰ, ⵉⵡⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵎⴰⵀⵉⵍ ⵏ ⵓⵙⵇⴰⵎⵓ ⵏ ⵓⵙⴻⵍⵎⴻⴷ ⵏ ⵜⴷⵓⴽⵍⴰ ⵜⴰⴼⵔⵉⵜ ⴷⴻⴳ ⵜⵓⵣⵣⵢⴰ-ⵙ ⵡⵉⵙ 48 ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ 11 ⴷ 12 ⴼⵓⵔⴰⵔ 2026. ⴰⵢⴰⴳⵉ ⵢⵓⵙⴰ-ⴷ ⵙ ⵓⵛⴻⴽⴽⴻⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴱⵓⵏ, ⴰⵎ ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵜⵏⴻⵖⵍⴰⴼⵜ.
ⵜⵉⵎⵍⵉⵍⵉⵜ-ⴰⴳⵉ ⵏ ⵢⵉⵏⴻⵖⵍⴰⴼⵏ ⵜⵓⵙⴰ-ⴷ ⵉ ⵓⵀⴻⴳⴳⵉ ⵏ ⵜⴻⵎⵍⵉⵍⵉⵜ ⵜⴰⵎⴻⵇⵇⵔⴰⵏⵜ (ⵙⵓⵎⵎⴻⵜ) ⵏ ⵜⴷⵓⴽⵍⴰ ⵜⴰⴼⵔⵉⵜ ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ 14 ⴷ 15 ⴼⵓⵔⴰⵔ 2026. "ⴷⴻⴳ-ⵙ ⴰⴷ ⵎⵎⴻⵙⵍⴰⵢⴻⵏ ⵖⴻⴼ ⵡⴰⵟⴰⵙ ⵏ ⵜⴻⵎⵙⴰⵍ ⵢⴻⵄⵏⴰⵏ ⴰⵎⵄⵉⵡⴻⵏ ⴰⴼⵔⵉⵇⵉ ⵉⵡⴰⴽⴽⴻⵏ ⴰⴷ ⴼⴼⵓⵏ ⵜⵉⴼⵔⴰⵜ ⵉ ⵢⵉⵄⴻⵡⵡⵉⵇⴻⵏ ⵏ ⵜⵙⴻⵔⵜⵉⵜ, ⵍⴰⵎⴰⵏ ⴷ ⵜⵏⴻⴼⵍⵉ ⵉ ⴷ-ⵉⵎⵓⴳⴳⴻⵔ ⵎⴻⵏⵏⴰⴹ-ⵏⵏⴻⵖ", ⵙ ⵔⵔⴰⵢ ⵏ ⵡⵓⵍⵖⵓ-ⵏⵏⵉ.
ⴷⴻⴳ ⵔⵔⵉⴼ ⵏ ⵓⵎⴰⵀⵉⵍ ⵏ ⵓⵙⵇⴰⵎⵓ ⵏ ⵓⵙⴻⵍⵎⴻⴷ, ⴰⵏⵖⵍⴰⴼ ⵏ ⴷⴷⵓⵍⴰ ⴰⴷ ⵉⵇⴻⴷⴷⵛ ⵜⵉⵎⵍⵉⵍⵉⵢⵉⵏ ⵏ ⵙⵏⴰⵜ ⵏ ⵜⴰⵎⵉⵡⵉⵏ ⵢⵉⴷ ⵏ ⵡⴰⵟⴰⵙ ⵏ ⵢⵉⵏⴻⵖⵍⴰⴼⵏ ⵏ ⵍⴱⴻⵕⵕⴰ ⵏ ⵜⵎⵓⵔⴰ ⵏ ⵜⴻⴼⵔⵉⵇⵜ ⵏ ⵜⴻⴳⵎⴰⵜ.
ⴰⵔⵏⵓ ⵖⴻⵔ
