ⵙ ⵓⵙⴻⵎⵙⵓ ⵏ ⵢⵉⵍⴻⵎⵇⵓⵏⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵉⵙⵙⴻⴼⵇⴻⴷ ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⵙⵉⴼⵉ ⵖⴰⵔⵉⴱ, ⴰⵙⵙ-ⴰ ⵏ ⵙⴻⴱⵜ, ⴰⵚⴱⴻⴷⴷ ⵏ ⵜⴻⵙⵎⵉⵍⵜ ⵜⴰⵎⴻⵣⴷⴰⵢⵜ ⵉ ⵓⴹⴼⴰⵔ ⴷ ⵓⵙⵙⴻⴳⴳⴻⵎ ⵏ ⵢⵉⵙⵓⵜⴰⵔⴻⵏ ⵏ ⵓⵙⵜⴻⵔⵔⴻⴷ, ⴰⵎ ⴰⴽⴽⴻⵏ ⵉ ⴷ-ⵉⵢⵡⵡⵉ ⵓⵍⵖⵓ ⵏ ⵢⵉⵙⵡⵉⵔⴻⵏ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ.
ⴰⵚⴱⴻⴷⴷ-ⴰ ⵢⴻⵜⵜⴰⵙ-ⴷ ⵙ ⵓⴱⴰⴷⵓ ⵏ ⵓⵙⴰⴹⵓⴼ ⴰⵏⴰⴼⵔⴰⵡ 26-327 ⵏ 13 ⴽⵜⵓⴱⴻⵔ 2026 ⵉ ⴷ-ⵢⴻⵙⴽⴰⵏⴰⵢⴻⵏ ⴰⵚⴱⴻⴷⴷ ⵏ ⵜⴻⵙⵎⵉⵍⵜ ⵜⴰⵎⴻⵣⴷⴰⵢⵜ ⵉ ⵓⴹⴼⴰⵔ ⴷ ⵓⵙⵙⴻⴳⴳⴻⵎ ⵏ ⵢⵉⵙⵓⵜⴰⵔⴻⵏ ⵏ ⵓⵙⵜⴻⵔⵔⴻⴷ.
ⵥⵔⵉⵏ ⵢⵉⵔⵎⴰⴷ ⵏ ⴰⵚⴱⴻⴷⴷ ⵏ ⵜⴻⵙⵎⵉⵍⵜ ⵙ ⵜⵉⵏⵏⴰⴳⵍⴰ ⵏ ⵓⵙⴻⵍⵡⴰⵢ-ⵉⵙ ⴷ ⵢɛⴻⴳⴳⴰⵍⴻⵏ-ⵉⵙ ⵉ ⵢⴻⵍⵍⴰⵏ ⴷ ⵉⵎⴰⵙⵍⴰⵖⴻⵏ: ⴰⵏⴻⵖⵍⴰⴼ ⵏ ⵜⵏⴻⵣⵣⵓⵜ ⵜⴰⴳⵔⴰⵖⵍⴰⵏⵜ ⴷ ⵓⵙⵏⴻⵔⵏⵉ ⵏ ⵓⵙⵉⵡⴻⴹ, ⴰⵏⴻⵖⵍⴰⴼ ⵏ ⵜⴻⴷⵔⵉⵎⵜ, ⴰⵎⵛⵉⵛ ⵏ ⵓⵏⴻⵎⵀⴰⵍ ⵏ ⵍⴱⴰⵏⴽ ⵏ ⵍⴻⵣⵣⴰⵢⴻⵔ, ⵓⵙⴻⵍⵡⴰⵢ ⵏ ⵜⴷⵓⴽⵍⵉ ⵜⴰⵎⵓⵙⵙⵏⴰⵏⵜ ⵏ ⵍⴱⴰⵏⴽⴰⵜ ⴷ ⵢⵉⵙⵡⵉⵔⴻⵏ ⵉⴷⴰⵎⵙⴰⵏⴻⵏ ⴰⴽⴽⴻⴷ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵙⵏⵓⵍⴼⵓ ⴰⴷⴰⵎⵙⴰⵏ ⴰⵣⵣⴰⵢⵔⵉ, ⵙ ⵓⵏⵢⴰ ⵏ ⵡⵓⵏⴰⵎⴻⴽ-ⴰ.
ⴷⴻⴳ ⵜⴰⴳⵏⵉⵜ-ⴰ, ⵉⵙⴻⴳⵣⴰ-ⴷ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴱⴻⵍⵍⵉ ⵜⴻⵙⵎⵉⵍⵜ ⴰ ⴷ-ⵜⴻⵟⵟⴻⴼ "ⵜⵉⵣⵡⵉⵢⵉⵏ ⵏ ⵓⴼⴻⵇⵇⵓⴻⴷ ⵏ ⵢⵉⵙⵓⵜⴰⵔⴻⵏ ⵏ ⵢⴰⵍ ⴰⵎⵓⴷ ⵏ ⵓⵙⵜⴻⵔⵔⴻⴷ ⴷ ⵓⵙⵙⴻⴳⴳⴻⵎ ⴰⵎⵓⵔⵓⴼ ⵏ ⵜⵖⴰⵡⵙⵉⵡⵉⵏ ⵜⵉⵃⵔⴰⵙⴰⵏⵉⵏ ⵏⴻⵖ ⵜⵉⵡⵉⵏ ⵉ ⵢⴻⵙⵄⴰⵏ ⴰⵣⴰⵍ ⴰⵎⴻⵇⵇⵔⴰⵏ ⴷⴻⴳ ⵓⵙⴻⴳⴳⵉ ⵏ ⵜⵎⴰⵔⴰⵢⵜ ⵜⴰⵖⴻⵍⵏⴰⵡⵜ ⴷ ⵓⵔⵢⴰⵣ ⵏ ⵓⴼⴰⵔⴻⵙ, ⵙ ⵓⴱⴰⵖⵓⵔ ⵏ ⵓⵙⵏⴻⵔⵏⵉ ⵏ ⵢⵉⵔⵎⴰⴷ ⵉⴷⴰⵎⵙⴰⵏⴻⵏ ⴷ ⵢⵉⵙⴻⵏⴼⴰⵔⴻⵏ ⵏ ⵓⵙⴼⵓⴽⵜⵉ ⴷ ⵓⵃⵔⴰⵣ ⵏ ⵜⵏⴻⴼⵍⴻⵙⵜ ⵏ ⵜⵖⴰⵡⵙⵉⵡⵉⵏ ⴷ ⵢⵉⵙⴻⴼⴽⴰ ⵉ ⵉⵖⴻⵔⵎⴰⵏⴻⵏ".
ⴰⵔⵏⵓ ⵖⴻⵔ
