ⵢⴻⵅⴷⴻⵎ ⵓⵎⴰⵔⴰⵢ ⵏ ⴷⴷⵓⵍⴰ ⵣⴷⴰⵜ ⵏ ⵓⵏⴻⵖⵍⴰⴼ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵕⵕⴰ, ⵢⴻⵇⵇⵏⴻⵏ ⵖⴻⵔ ⵜⵙⴻⵎⵍⵉⵍⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ, ⵎⴰⵙⵙ ⵙⵓⴼⵉⴰⵏⴻ ⵛⴰⵢⴱ, ⵡⴰⵙⵙ ⵏ ⵙⵙⴻⴱⵜ ⴰⴳⵔⴰⵡ ⵢⴻⵜⵜⵡⴰⵙⴻⵔⵡⴻⵏ ⴰⴽⴽⴻⴷ ⵢⵉⵎⴰⵙⵍⴰⵢⴻⵏ ⵏ ⵜⵙⴻⵎⵍⵉⵍⵜ ⵜⴰⵖⴻⵍⵏⴰⵡⵜ ⴷⴻⴳ ⵜⴳⴻⵍⴷⴰ ⵢⴻⴷⴷⵓⴽⴽⵍⴻⵏ (ⵓⴽ), ⵙ ⵓⵃⴻⵟⵟⴻⵔ ⵏ ⵓⵎⴻⵙⴱⴰⵟⵉ ⵏ ⵍⴻⵣⵣⴰⵢⴻⵔ ⴷ ⵓⵏⵎⴻⴳⴳⴰⴼⵓ ⴰⵎⴰⵜⵓ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵕⵕⴰ.
ⵢⵓⵔⴰ-ⴷ ⴷⴻⴳ ⵓⴷⵢⴰⵏ-ⵏⵏⵉ ⴱⴻⵍⵍⵉ ⴷⴻⴳ ⵜⴰⵣⵡⴰⵔⴰ ⵏ ⵡⴰⵡⴰⵍ-ⵉⵙ, "ⵉⵙⴻⵏⵜⴻⵎ-ⴷ ⵓⵎⴰⵔⴰⵢ ⵏ ⴷⴷⵓⵍⴰ ⴱⴻⵍⵍⵉ ⴰⴳⵔⴰⵡ-ⴰⴳⵉ ⵢⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵍⵉⵏⴰⵢⴰ ⵜⵓⵏⵏⵉⴳⵜ ⵉ ⴷ-ⵜⵜⴰⴽⴻⵏ ⵢⵉⵎⴷⴻⴱⴱⵔⴻⵜ ⵏ ⵜⵎⵓⵔⵜ ⵉ ⵜⵙⴻⵎⵍⵉⵍⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ, ⴷ ⵓⵃⵔⴰⵣ ⵏ ⵓⵏⵢⵓⴷⴷⵓ ⵏ ⴷⴰⵢⴻⵎ ⵢⵉⴷ-ⵙⴻⵏ ⵉⵡⴰⴽⴽⴻⵏ ⴰⴷ ⴷ-ⵙⵍⴻⵏ ⵉ ⵢⵉⵙⵓⵜⵔⴻⵏ-ⵏⵙⴻⵏ ⴷ ⵡⴰⵢⴻⵏ ⵙⵙⴰⵔⴰⵎⴻⵏ, ⴷ ⵓⵞⵀⴻⴷ ⵏ ⵜⵜⴻⴽⴽⵉ-ⵏⵙⴻⵏ ⴷⴻⴳ ⵜⵏⴻⴼⵍⵉ ⵜⴰⵖⴻⵍⵏⴰⵡⵜ".
ⵎⴰⵙⵙ ⵙⵓⴼⵉⴰⵏⴻ ⵛⴰⵢⴱ ⵉⵙⵙⴻⴳⵣⵉ-ⴷ, ⴷⴻⴳ ⵡⴰⵏⵏⴰⵔ-ⴰⴳⵉ, ⵜⴰⵔⵔⴰⵢⵜ ⵏ ⵜⵏⴻⵖⵍⴰⴼⵜ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵕⵕⴰ ⵉ ⵍⵎⴻⵏⴼⴰⵄ ⵏ ⵢⵉⵎⴻⵣⴷⴰⵞ-ⵏⵏⴻⵖ ⴷⴻⴳ ⴱⴻⵕⵕⴰ, ⵍⴰⴷⵖⴰ ⴷⴻⴳ ⵡⴰⵏⵏⴰⵔ ⵏ ⵓⵙⴻⵍⴽⵓⵎ ⵏ ⵓⵎⴻⵣⵍⵓ ⵏ ⵍⵇⵓⵏⵚⵓⵍⵢⴰ ⴷ ⵓⵙⴻⴼⵙⴻⵅ ⵏ ⵉⵯⴻⵯⴰⵏ ⵏ ⵍⴰⴷⴰⵕⴰ, ⴷ ⵓⵃⵔⴰⵣ ⵏ ⵡⵉⴷⴻⵏⴻⴷ ⵢⴻⵇⵇⵏⴻⵏ ⵉⵎⴰⵙⵍⴰⵢⴻⵏ ⵏ ⵜⵙⴻⵎⵍⵉⵍⵜ ⵖⴻⵔ ⵜⵎⵓⵔⵜ-ⵏⵙⴻⵏ ⵜⴰⵏⵚⵍⵉⵜ, ⴷ ⵓⵃⵔⴰⵣ ⵏ ⵜⵉⵎⴰⴳⵉⵜ ⵜⴰⵖⴻⵍⵏⴰⵡⵜ ⴷⴻⴳ ⵢⵉⴳⵓⵔⴷⴰⵏ ⵉ ⴷ-ⵉⵜⴻⴷⴷⵓⵏ.
ⴷⴻⴳ ⵡⴰⵏⵏⴰⵔ-ⴰⴳⵉ, ⴰⵎⴰⵔⴰⵢ ⵏ ⴷⴷⵓⵍⴰ ⵉⴱⴻⵔⵔ-ⴷ ⵖⴻⴼ ⵓⵙⴻⵏⴽⴻⵔ ⵏ "ⵜⵎⴻⵙⵎⵓⵏⵜ ⵏ ⵓⵏⵢⵓⴷⴷⵓ ⵏ ⵢⵉⵖⴻⵔⴱⴰⵣⴻⵏ ⵏ ⵍⴻⵣⵣⴰⵢⴻⵔ ⴷⴻⴳ ⵜⴳⴻⵍⴷⴰ ⵢⴻⴷⴷⵓⴽⴽⵍⴻⵏ". ⴰⵢⴰⴳⵉ ⴷ ⵜⴰⴷⵢⴰⵏⵜ ⵏ ⵏⴼⴰⵄ ⵉ ⵓⵙⵙⴻⴷⴷⵓⴽⴻⵍ ⵏ ⵍⵯⴻⵀⴷ ⴷⴻⴳ ⵓⵙⴻⵍⵎⴻⴷ ⵏ ⵜⵓⵜⵍⴰⵢⵜ ⵜⴰⵄⵔⴰⴱⵜ ⴷ ⵓⵙⴻⴷⴷⴻⵙ ⵏ ⵍⵍⵙⴰⵙ ⴰⵖⴻⵍⵏⴰⵡ ⴷ ⵓⵢⴻⵔⵣⴰⵏ ⵉ ⵡⴰⵔⵔⴰⵡ ⵏ ⵜⵙⴻⵎⵍⵉⵍⵜ, ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵇⵇⴻⵏ ⵙ ⵍⵯⴻⵀⴷ ⵖⴻⵔ ⵜⵎⵓⵔⵜ-ⵏⵙⴻⵏ.
ⴰⴳⵔⴰⵡ-ⴰⴳⵉ ⵢⴻⵍⵍⴰ ⴷⴰⵖⴻⵏ ⴷ ⴰⵎⵓⴽⴰⵏ ⵏ ⵓⴷⵉⵡⴻⵏ ⵢⴻⵍⵍⴷⵉⵏ, ⴷⴰⴳⵉ ⴰⵎⴰⵔⴰⵢ ⵏ ⴷⴷⵓⵍⴰ ⵢⴻⵙⵍⴰ ⵉ ⵢⵉⵙⵓⵜⵔⴻⵏ ⴷ ⵢⵉⵙⵓⵎⵔⴻⵏ ⵏ ⵢⵉⵎⴰⵙⵍⴰⵢⴻⵏ ⵏ ⵜⵙⴻⵎⵍⵉⵍⵜ ⵖⴻⴼ ⵜⴰⵎⵙⴰﻟⵉⵢⵉⵏ ⵉ ⵜⴻⵏ-ⵉⵄⵏⴰⵏ, ⵉⵙⴻⵏⵜⴻⵎ-ⴷ ⴱⴻⵍⵍⵉ ⴷⴷⵓⵍⴰ ⵜⴻⵜⵜⵄⴻⵀⵀⴻⴷ ⴰⴷ ⵜⴻⵙⵙⴻⴼⵔⴰⵣ ⵜⵉⵡⴻⵏⵣⵉⵡⵉⵏ ⵏ ⵓⵇⴰⴱⴻⵍ ⵏ ⵢⵉⵎⴻⵣⴷⴰⵞ-ⵉⵙ ⴷⴻⴳ ⴱⴻⵕⵕⴰ ⴷ ⵓⵞⵀⴻⴷ ⵏ ⵜⵜⴻⴽⴽⵉ-ⵏⵙⴻⵏ ⴷⴻⴳ ⵜⵎⴻⴷⴷⵓⵔⵜ ⵜⴰⵖⴻⵍⵏⴰⵡⵜ.
ⴷⴻⴳ ⵜⴰⴳⴳⴰⵔⴰ, ⴰⵎⴰⵔⴰⵢ ⵏ ⴷⴷⵓⵍⴰ ⵢⴻⵙⵙⴻⵏⴽⴰⴷ ⴰⵣⴰⵍ ⵏ ⵓⵙⵏⴻⵔⵏⵉ ⵏ ⵓⴽⵉ ⵏ ⵜⵙⴻⵎⵍⵉⵍⵜ ⴷⴻⴳ ⵓⵙⴰⵍⵉ ⵏ ⵜⵙⵓⴷⴰ ⴷ ⵓⵙⴻⴷⴷⵓⴽⴻⵍ ⵏ ⵜⵜⴻⴽⴽⵉ-ⵏⵙⴻⵏ ⴷⴻⴳ ⵜⵎⴻⴷⴷⵓⵔⵜ ⵏ ⴱⴰⵢⵍⴻⴽ, ⵢⴻⵙⵙⴰⵡⴻⵍ ⵉ ⵢⵉⵎⴰⵙⵍⴰⵢⴻⵏ ⵏ ⵜⵙⴻⵎⵍⵉⵍⵜ ⵉ ⵡⴰⴽⴽⴻⵏ ⴰⴷ ⴽⴻⵎⵎⵍⴻⵏ ⵜⵜⴻⴽⴽⵉ-ⵏⵙⴻⵏ ⴷⴻⴳ ⵜⴰⵎⵙⴰⵍⵉⵢⵉⵏ ⵏ ⵜⵎⵓⵔⵜ, ⴰⵢⴰⴳⵉ ⵉⵙⴱⴻⴳⴳⴻⵏ-ⴷ ⴰⵎⴻⴽ ⵉ ⴷ-ⵇⵇⵏⴻⵏ ⵖⴻⵔ ⵜⵎⵓⵔⵜ-ⵏⵙⴻⵏ ⴷ ⵜⵜⴻⴽⴽⵉ-ⵏⵙⴻⵏ ⴷⴻⴳ ⵜⵏⴻⴼⵍⵉ-ⵙ.
ⴰⵔⵏⵓ ⵖⴻⵔ
