ⵎⴰⵙⵙ ⵙⵓⴼⵉⴰⵏⴻ ⵛⴰⵢⴱ, ⴽⴰⵜⵓⴱ ⵏ ⴷⴷⵓⵍⴰ ⵣⴷⴰⵜ ⵏ ⵓⵏⴻⵖⵍⴰⴼ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ, ⵉ ⵢⴻⵜⵜⵡⴰⴽⴻⵍⴼⴼⴻⵏ ⵙ ⵍⴰⵊⴰⵍⵢ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵔⵔⴰ, ⵢⴻⵙⵙⴻⵍⵡⵉ ⵡⴰⵙⵙ-ⴰ ⵏ ⵜⵜⵍⴰⵜⴰ, ⴷⴻⴳ ⵓⴳⴻⵞⴷⵉ ⵏ ⵜⵙⴰⴼⵉⵔⵜ ⵏ ⵍⴻⵣⵣⴰⵢⴻⵔ ⴷⴻⴳ ⴱⵔⵓⵅⴻⵍⵍⴻⵙ, ⴰⴳⵔⴰⵡ ⵏ ⵓⵅⴻⴷⴷⵉⵎ ⴷ ⵓⵏⵢⵓⴷⴷⵓ ⴰⴽⴽⴻⴷ ⵢⵉⵇⴻⵔⵔⴰⵢ ⵏ ⵡⴰⵎⵎⴰⵙⴻⵏ ⵏ ⵓⵇⵓⵏⵚⵓⵍ ⵏ ⵜⴻⵎⵏⴰⴹⵜ ⵏ ⵓⴳⴰⴼⴰ ⵏ ⵜⵓⵔⵓⴼⵜ, ⴰⵢⴰⴳⵉ ⴷⴻⴳ ⵓⴱⵔⵉⴷ ⵏ ⵔⵔⴻⵣ-ⵉⵙ ⵏ ⵓⵅⴻⴷⴷⵉⵎ ⵖⴻⵔ ⵜⴳⴻⵍⴷⴰ ⵏ ⴱⴻⵍⵊⵉⴽⴰ.
ⵉⵍⵎⴻⵏⴷ ⵏ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ, ⴰⴳⵔⴰⵡ-ⴰⴳⵉ "ⵢⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵜⴻⵎⵍⵉⵍⵉⵢⵉⵏ ⵏ ⴷⴰⵢⴻⵎ ⴷ ⵜⴰⵔⵔⴰⵢⵜ ⵉ ⵢⴻⵙⵙⴻⵍⵡⴰⵢ ⵎⴰⵙⵙ ⴽⴰⵜⵓⴱ ⵏ ⴷⴷⵓⵍⴰ ⴰⴽⴽⴻⴷ ⵢⵉⵇⴻⵔⵔⴰⵢ ⵏ ⵡⴰⵎⵎⴰⵙⴻⵏ ⵏ ⵓⵇⵓⵏⵚⵓⵍ ⴷⴻⴳ ⴱⴻⵔⵔⴰ, ⵉ ⵡⴰⴽⴽⴻⵏ ⴰⴷ ⴷ-ⵙⴻⵎⵎⴷⴻⵏ ⵉⵏⴻⵔⵡⴰⵢⴻⵏ ⵏ ⵜⵙⵓⵍⵟⴰⵏⵉⵏ ⵜⵓⵏⵏⵉⴳⵉⵏ ⵏ ⵜⵎⵓⵔⵜ ⵉ ⵢⴻⴱⵖⴰⵏ ⴰⴷ ⵙⵏⴻⵔⵏⵉⵏ ⴰⵙⵡⵉⵔ ⵏ ⵢⵉⵎⴻⵟⵍⴰ ⵉ ⵢⴻⵇⵇⵏⴻⵏ ⵖⴻⵔ ⵍⴰⵊⴰⵍⵢ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵔⵔⴰ, ⴷ ⵓⵟⵎⴰⵏ ⵏ ⵓⵃⵔⴰⵣ ⵏ ⵢⵉⵙⵓⵜⵔⴻⵏ-ⵏⵙⴻⵏ".
ⵡⵓⵏⴰⴱⴰⵖ-ⵏⵏⵉ ⵢⴻⵏⵏⴰ-ⴷ ⴱⴻⵍⵍⵉ ⴰⴳⵔⴰⵡ-ⴰⴳⵉ ⵢⴻⵍⵍⴰ-ⴷ ⵉ ⵓⵙⴻⴽⴼⴻⵍ ⵏ ⵓⵎⴻⵀⵍⴰⵏ ⵏ ⵓⵇⵓⵏⵚⵓⵍ, ⴷ ⵓⵟⴼⴰⵔ ⵏ ⵜⵉⴷⴷⵉ ⵏ ⵡⴰⵀⵉⵍⴻⵏ ⵏ ⵓⵙⴻⵍⴽⵓⵎ (ⵏⵓⵎéⵔⵉⵙⴰⵜⵉⵓⵏ) ⴷ ⵓⵚⴻⵔⵔⵉ ⵏ ⵢⵉⵎⴻⵀⵍⴰⵏ ⵏ ⵍⴰⴷⴰⵕⴰ ⴷ ⵓⵚⴻⴳⴳⴻⵎ ⵏ ⵜⴻⴳⵏⴰⵜⵉⵏ ⵏ ⵓⵇⴰⴱⴻⵍ ⵏ ⵢⵉⵎⴻⵔⵣⵉⵢⴻⵏ.
ⵜⴻⵎⵍⵉⵍⵉ-ⴰⴳⵉ ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵓⵙⴻⴽⴼⴻⵍ ⵏ ⵢⵉⵙⵡⵉⵔⴻⵏ ⵉ ⴷ-ⵢⴻⵜⵜⵡⴰⵇⵇⵔⴻⵏ ⵉ ⵍⴰⵊⴰⵍⵢ ⵏ ⵓⴳⴰⴼⴰ ⵏ ⵜⵓⵔⵓⴼⵜ, ⵍⴰⴷⵖⴰ ⴷⴻⴳ ⵡⴰⵏⵏⴰⵔ ⵏ ⵓⵞⵀⴻⴷ ⵏ ⵓⵎⴻⵀⵍⴰⵏ ⵏ ⵍⵯⵉⵔⴰⵏ ⴷ ⵓⵙⵏⴻⵔⵏⵉ ⵏ ⵓⵏⵢⵓⴷⴷⵓ, ⵉ ⵡⴰⴽⴽⴻⵏ ⴰⴷ ⵢⴻⵞⵀⴻⴷ ⵓⵇⵇⴻⵏ ⴳⴰⵔ ⵢⵉⵎⴰⵙⵍⴰⵢⴻⵏ ⵏ ⵍⴰⵊⴰⵍⵢ ⴷ ⵜⵎⵓⵔⵜ-ⵏⵙⴻⵏ ⵜⴰⵢⴻⵎⵎⴰⵜ.
ⴷⴰⵖⴻⵏ, ⵙⵇⴻⵔⴷⵛⴻⵏ ⵓⵀⴻⴳⴳⵉ ⵏ ⵜⴰⵍⵍⵉⵜ ⵏ ⵓⵏⴻⴱⴷⵓ, ⴷⴰⴳⵉ ⵎⴰⵙⵙ ⴽⴰⵜⵓⴱ ⵏ ⴷⴷⵓⵍⴰ ⵢⴻⴼⴽⴰ-ⴷ ⵉⵏⴻⵔⵡⴰⵢⴻⵏ ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴼⵓⵙ ⵏ ⵢⵉⵙⴰⵍⵍⴻⵏ ⴷ ⵓⵏⵢⵓⴷⴷⵓ ⵉ ⵢⵉⵎⴰⵙⵍⴰⵢⴻⵏ ⵏ ⵍⴰⵊⴰⵍⵢ, ⵉ ⵓⵟⵎⴰⵏ ⵏ ⵓⵇⴰⴱⴻⵍ-ⵏⵙⴻⵏ ⴷⴻⴳ ⵜⴻⴳⵏⴰⵜⵉⵏ ⵢⴻⵍⵀⴰⵏ ⵢⴰⵍ ⵜⵉⴽⴽⴻⵍⵜ ⴰⵔⴰ ⴷ-ⵔⵣⵓⵏ ⵖⴻⵔ ⵜⵎⵓⵔⵜ.
ⴷⴻⴳ ⵜⴰⴳⴳⴰⵔⴰ, ⵎⴰⵙⵙ ⴽⴰⵜⵓﺏ ⵏ ⴷⴷⵓⵍⴰ ⵢⴻⵙⵙⴻⵏⵎⵎⴻⵔ ⵍⵯⴻⵀⴷ ⵉ ⴷ-ⴼⴽⴰⵏ ⵢⵉⵇⴻⵔⵔⴰⵢ ⴷ ⵢⵉⵎⴻⵀⵍⴰⵏⴻⵏ ⵏ ⵡⴰⵎⵎⴰⵙⴻⵏ ⵏ ⵓⵇⵓⵏⵚⵓⵍ, ⵢⴻⵙⵙⵓⵜⵔⴻⴷ-ⴰⵙⴻⵏ ⵉ ⵡⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴰⵅⴻⴷⴷⵉⵎ ⵙ ⵜⵎⴰⵙⵉⵜ ⴷ ⵍⵎⴻⵇⵙⵓⴷ, ⵉ ⵓⵟⵎⴰⵏ ⵏ ⵓⵎⴻⵣⵍⵓ ⵢⴻⵍⵀⴰⵏ ⵉ ⵍⴰⵊⴰⵍⵢ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵔⵔⴰ.
ⴰⵔⵏⵓ ⵖⴻⵔ
