ⵉⵙⴻⵍⵍⴻⵎ ⵓⵎⵙⴻⴳⵍⴰⵡⴰⵢ ⵏ ⵓⵡⴰⵏⴰⴽ ⵏ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ, ⵢⴻⵄⵏⴰⵏ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ (ⴶⵊⴰⵍⵢⴰ) ⴷⴻⴳ ⴱⴻⵕⵕⴰ, ⵎⴰⵙⵙ ⵙⵓⴼⵢⴰⵏ ⵛⴰⵢⴻⴱ, ⴰⵙⵙ-ⴰ ⵉ ⵢⵉⵡⴻⵏ ⵏ ⵓⵔⴻⴱⴱⴰⵄ ⵏ ⵍⴻⵣⵣⴰⵢⵔⵉⵢⴻⵏ ⵉⵕⴻⵙⵙⴰⵏ ⴷⴻⴳ ⵜⵎⴻⵏⵏⴰⵟ ⵏ ⵜⵇⵓⵏⵙⵓⵍⵜ ⵏ ⵜⴰⵎⴰⵙⵓⵏⵜ ⵏ ⵍⴻⵣⵣⴰⵢⴻⵔ ⴷⴻⴳ ⵓⵜⵜⴰⵡⴰ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵡⴻⵙⵙⵉⵄⴻⵏ ⴷⴻⴳ ⵓⴱⵉⵕⵓ ⵏ ⵜⴰⵎⴰⵙⵓⵏⵜ ⴷⴻⴳ ⵜⴰⵎⴰⵏⴰⵖⵜ ⵏ ⴽⴰⵏⴰⴷⴰ, ⴷⴻⴳ ⵓⵣⴻⵏⵣⵉⵖ ⵏ ⵓⴽⴻⵎⵎⴻⵍ ⵏ ⵡⴰⵀⵉⵍ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⵉ ⵉⵅⴻⴷⴷⴻⵎ ⵖⴻⵔ ⴷⵉⵏⵏⴰ.
ⴷⴻⴳ ⵜⴰⵍⵍⵉⵜ-ⴰⴳⵉ, ⵓⵎⵙⴻⴳⵍⴰⵡⴰⵢ ⵏ ⵓⵡⴰⵏⴰⴽ ⵉⵙⵙⴻⴽⵏⴻⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵜⵜⴰⴽ ⴰⵣⴰⵍ ⴰⵎⴻⵇⵇⵔⴰⵏ ⵉ ⵓⵖⵔⵉⴼ-ⵉⵙ ⴷⴻⴳ ⴱⴻⵕⵕⴰ, ⵉⵎⵉ ⴷ ⴰⵃⵔⵉⵛ ⵓⵔ ⵏⴻⵣⵎⵉⵔ ⴰⴷ ⵏⴻⵜⵜⵓ ⵙⴻⴳ ⵓⵣⴻⵟⵟⴰ ⴰⵖⴻⵍⵏⴰⵡ. ⵉⵙⵙⴻⵃⵔⴻⵙ ⵖⴻⴼ ⵍⴻⴱⵖⵉ ⵏ ⵢⵉⵎⴹⴻⴱⴱⵔⴻⵏ ⵉⵄⵍⴰⵢⴻⵏ ⵏ ⵜⵎⵓⵔⵜ ⵉ ⵓⵃⵔⴰⵣ-ⵏⵙⴻⵏ, ⵓ ⵉ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ-ⵏⵙⴻⵏ ⴷ ⵜⵎⵓⵔⵜ-ⵢⴻⵎⵎⴰ, ⴷ ⵓⵙⵏⴻⵔⵏⵉ ⵏ ⵓⵜⴻⴽⴽⵉ-ⵏⵙⴻⵏ ⴷⴻⴳ ⵓⴱⵔⵉⴷ ⵏ ⵓⵙⵏⴻⴼⵍⵉ ⴰⵖⴻⵍⵏⴰⵡ. ⴷⴰⵖⴻⵏ, ⵛⵀⴰⵢⴻⴱ ⵉⵙⵍⴻⵎ-ⴷ ⵙ ⵜⵣⴻⵎⵎⴰⵔ ⴷ ⵜⵎⵓⵖⵍⵉⵡⵉⵏ ⵓⴼⵔⵉⵏⴻⵏ ⵉ ⵙⵄⴰⵏ ⵍⴻⵣⵣⴰⵢⵔⵉⵢⴻⵏ ⵏ ⴽⴰⵏⴰⴷⴰ, ⵉⵙⵙⴻⴽⵏⴻⴷ ⴱⴻⵍⵍⵉ ⴰⵙⴻⴶⵀⴻⴷ ⵏ ⵓⵜⴻⴽⴽⵉ ⵏ ⵜⵣⴻⵎⵎⴰⵔ-ⴰⴳⵉ ⴷⴻⴳ ⵢⵉⵏⵏⴰⵔⴻⵏ ⵏ ⵓⵙⵏⴻⴼⵍⵉ ⴷ ⵢⵉⵡⴻⵏ ⵏ ⵢⵉⵙⵡⵉⵢⴻⵏ ⵏ ⵡⴰⵀⵉⵍ ⵏ ⵓⵎⴰⵀⵉⵍ ⵏ ⵜⵏⴻⵖⵍⴰⴼⵜ ⵏ ⵜⴻⵎⵙⴰⵍ ⵏ ⴱⴻⵕⵕⴰ.
ⵓⵎⵙⴻⴳⵍⴰⵡⴰⵢ ⵏ ⵓⵡⴰⵏⴰⴽ ⵉⵀⴻⴷⴷⴻⵔ-ⴷ ⴷⴰⵖⴻⵏ ⵖⴻⴼ ⵡⴰⵣⴰⵍ ⴰⵎⴻⵇⵇⵔⴰⵏ ⵉ ⵜⴻⵜⵜⴰⴽ ⵜⵏⴻⵖⵍⴰⴼⵜ ⵉ ⵓⵙⵏⴻⵔⵏⵉ ⵏ ⵓⵃⵔⴰⵣ ⵏ ⵓⵖⵔⵉⵎ ⴰⵣⵣⴰⵢⵔⵉ ⴷⴻⴳ ⴱⴻⵕⵕⴰ, ⵙ ⵓⵙⴻⵍⴽⴻⵎ ⵏ ⵜⵓⵔⴰⴹ ⵏ ⵢⵉⵎⴹⴻⴱⴱⵔⴻⵏ ⵉ ⵓⵙⴻⴶⵀⴻⴷ ⵏ ⵜⵖⴰⵔⴰ ⵏ ⵢⵉⵎⴻⵥⵍⴰ (ⵙⴻⵔⵠⵉⵛⴻⵙ) ⵉ ⴷ-ⵉⵜⵜⵓⵏⴻⴼⴽⴻⵏ ⵉ ⵢⵉⴷ-ⵙⴻⵏ. ⵉⵙⵙⴻⴼⵀⴻⵎ-ⴷ ⵍⵎⴻⴶⵀⵓⴷⴰⵜ ⵉ ⵉⵜⴻⴷⴷⵓⵏ ⵉ ⵓⵙⵏⴻⴼⵍⵉ ⵏ ⵓⵏⴰⴳⵔⴰⵡ ⵏ ⵜⵇⵓⵏⵙⵓⵍⵜ ⴷ ⵓⴼⵙⵉⵙ ⵏ ⵓⴱⴻⴷⴷⴻⵍ ⴰⵇⵎⵉ (ⵜⵔⴰⵏⵙⴼⵓⵔⵎⴰⵜⵉⵓⵏ ⵏⵓⵎéⵔⵉⵇⵓⴻ), ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴱⴻⴷⴷⴻⵍ ⵓⴼⵔⵉⵏ ⴷⴻⴳ ⵢⵉⵎⴻⵥⵍⴰ ⵏ ⵜⵇⵓⵏⵙⵓⵍⵜ, ⵓⵍⴰ ⴷⴻⴳ ⵓⴼⵓⵔⴽ ⵏ ⵜⵇⵓⵏⵙⵓⵍⵜ ⵏ ⵜⴰⵎⴰⵙⵓⵏⵜ ⵏ ⵍⴻⵣⵣⴰⵢⴻⵔ ⴷⴻⴳ ⵓⵜⵜⴰⵡⴰ.
ⴷⴰⵖⴻⵏ, ⵉⵙⵔⴻⵚ-ⴷ ⵓⵎⵙⴻⴳⵍⴰⵡⴰⵢ ⵖⴻⴼ ⵍⵎⴻⴶⵀⵓⴷⴰⵜ ⵉ ⵢⴻⴱⵖⴰⵏ ⴰⴷ ⵙⴻⴶⵀⴷⴻⵏ ⵜⵓⵇⵇⵏⴰ ⵏ ⵢⵉⵎⴰⵙⵍⴰⴷⴻⵏ ⵏ ⵜⵓⴽⴽⵉⵙⵜ ⴷ ⵜⵎⵓⵔⵜ-ⵏⵙⴻⵏ, ⵍⴰⴷⵖⴰ ⵙ ⵓⵙⵓⴷⴷⴻⵙ ⵏ ⵜⴻⴳⴳⴰⵜⵉⵏ ⴷ ⵜⵉⵔⵣⵉⵡⵉⵏ ⵖⴻⵔ ⵍⴻⵣⵣⴰⵢⴻⵔ ⵉ ⵏⴼⴰⵄ ⵏ ⵢⵉⵍⴻⵎⵣⵢⴻⵏ ⴷ ⵢⵉⵏⴻⵍⵎⴰⴷⴻⵏ. ⵉⵙⵍⴻⵎ-ⴷ ⵙ ⵜⴰⵔⵔⴰⵢⵜ ⵏ ⵓⵙⴻⴶⵀⴻⴷ ⵏ ⵓⵣⴻⵟⵟⴰ ⵏ ⵜⴷⵓⴽⵍⵉⵡⵉⵏ ⵙ ⵜⵎⵓⵖⵍⵉ ⵏ ⵜⴰⵎⴰⵙⵓⵏⵜ, ⴷ ⴰⵢⴻⵏ ⵉ ⴷ-ⵢⴻⴳⵍⴰⵏ ⵙ ⵓⵙⴱⴻⴷⴷⵉ ⵏ ⵜⵜⵉⴷⵉⵔⴰⵍⵉⵜ ⵏ ⵢⵉⵏⴻⵍⵎⴰⴷⴻⵏ ⵍⴻⵣⵣⴰⵢⵔⵉⵢⴻⵏ ⴷⴻⴳ ⴽⴰⵏⴰⴷⴰ.
ⴷⴻⴳ ⵜⴰⴳⴳⴰⵔⴰ, ⵉⵙⵙⴻⴽⵜⵉ-ⴷ ⴰⵀⴻⴳⴳⵉ ⵉ ⵓⵍⴷⴰⵢ ⵏ ⵓⴼⵓⵔⴽ ⴰⴷⴻⵍⵙⴰⵏ ⴰⵣⵣⴰⵢⵔⵉ ⴷⴻⴳ ⵎⵓⵏⵜⵔⵉⴰⵍ, ⴰⵔⴰ ⵢⵉⵍⵉⵏ ⴷ ⴰⵎⵔⴰⵃ ⵉ ⵓⵙⴻⴶⵀⴻⴷ ⵏ ⵢⵉⴷⵍⴻⵙ ⴷ ⵜⵖⴻⵔⵎⴰ ⵏ ⵍⴻⵣⵣⴰⵢⴻⵔ ⴷⴻⴳ ⴽⴰⵏⴰⴷⴰ.
ⴰⵔⵏⵓ ⵖⴻⵔ
