ⴰⵎⴰⵔⵉ ⵏ ⵓⵡⴰⵏⴰⴽ ⵖⴻⵔ ⵓⵏⴻⵖⵍⴰⴼ ⵏ ⵜⵎⴻⵇⵇⵔⴰⵏⵉⵏ ⵏ ⴱⴻⵔⵔⴰ, ⵉⵟⴻⴱⴱⵔⴻⵏ ⵖⴻⴼ ⵜⵎⴻⵣⴷⵉⵜ ⵜⴰⵖⴻⵍⵏⵉⵜ ⴷⴻⴳ ⴱⴻⵔⵔⴰ, ⵎⴰⵙⵙ ⵙⵓⴼⵢⴰⵏ ⵛⴰⵢⴻⴱ, ⵢⴻⵜⵜⴻⴽⴽⵉ ⵙ ⵜⴻⵇⵏⵉⵜⵉ ⵏ ⵓⵏⴰⵍⵉ ⵏ ⵓⴼⵉⴷⴻⵓ, ⴷⴻⴳ ⵍⴻⴼⵜⵓⵔ ⵏ ⵔⴻⵎⴹⴰⵏ ⵉ ⴷ-ⵒⴻⴳⴳⴰⵏⵜ ⵜⵎⴻⵜⵜⴰⵏⵉⵏ-ⵏⵏⴻⵖ ⵜⵉⵇⴻⵏⵙⵓⵍⵉⵢⵉⵏ ⴷⴻⴳ ⴱⴰⵔⵉⵙ. ⵍⴻⵇⴷⵉⵛ-ⴰⴳⵉ ⵢⴻⵍⵍⴰ-ⴷ ⵉ ⵢⵉⵏⴻⵍⵎⴰⴷⴻⵏ ⵏ ⵜⵎⴻⵣⴷⵉⵜ-ⵏⵏⴻⵖ ⵢⴻⵣⴷⵖⴻⵏ ⴷⴻⴳ ⵅⴻⵎⵙⴰ ⵏ ⵜⴰⵎⵉⵡⵉⵏ ⵜⵉⵇⴻⵏⵙⵓⵍⵉⵢⵉⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴻⵍ ⵏ ⵓⵏⴻⵖⵍⴰⴼ.
ⵛⴰⵢⴻⴱ ⵉⵡⴻⴽⴽⴻⴷ-ⴷ ⴱⴻⵍⵍⵉ ⵍⴻⵇⴷⵉⵛ-ⴰⴳⵉ ⴷ ⴰⵎⵓⵔ ⵙⴻⴳ ⵡⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⵉ ⴷ-ⵢⴻⵜⵜⵡⴰⵒⴻⴳⴳⴰⵏ ⵉ ⵢⵉⵎⵉⵏⵉⴳⴻⵏ-ⵏⵏⴻⵖ ⴷⴻⴳ ⵡⴰⴳⴳⵓⵔ ⵏ ⵔⴻⵎⴹⴰⵏ. ⴰⵢⴰⴳⵉ ⵢⴻⵜⵜⵏⴻⵔⵏⵉ ⵜⵓⵇⵇⵏⴰ ⵖⴻⵔ ⵜⵎⵓⵔⵜ ⴷ ⵓⵒⵔⴰⵣ ⵏ ⵜⵎⴰⴳⵉⵜ ⵜⴰⵖⴻⵍⵏⵉⵜ ⴷ ⵍⴻⵛⵡⴰⵢⴻⴷ-ⵏⵏⴻⵖ.
ⵜⴰⴳⵏⵉⵜ-ⴰⴳⵉ ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⴷ-ⵏⴻⴽⴽ ⵉ ⵜⵎⵓⵖⵍⵉ ⵉ ⴷ-ⵢⴻⵜⵜⵎⵓⴷⴷ ⵓⵡⴰⵏⴰⴽ ⵉ ⵢⵉⵎⵉⵏⵉⴳⴻⵏ-ⵉⵙ, ⵙ ⵓⵥⴰⵢⴻⵔ ⵉⵏⴻⵍⵎⴰⴷⴻⵏ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴻⵍⵃⵓ ⵏ ⵢⵉⵎⵓⵕⴻⵏ ⵏ ⵜⵉⵏⴼⵓⵔⴰ ⵜⵉⵏⴻⴼⵍⴰⵢⵉⵏ ⵏ ⵜⵎⵓⵔⵜ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵒⵔⴰⵣ ⵏ ⵜⵎⴻⵣⴷⵉⵜ ⵜⴰⵖⴻⵍⵏⵉⵜ ⴷⴻⴳ ⴱⴻⵔⵔⴰ.
ⴰⵔⵏⵓ ⵖⴻⵔ
