ⵢⴻⵙⵏⴻⴱⴳ-ⴻⴷ ⵡⴰⵙⵙ-ⴰ ⵏ ⵍⵃⴻⴷ, ⴷⴻⴳ ⵜⴻⵎⵏⵓⵔⵜ ⵏ ⵜⵏⴻⵖⵍⴰⴼⵜ, ⴰⵎⴰⵙⵡⴰⵢ ⵏ ⴷⴷⵓⵍⴰ ⵖⴻⵔ ⵓⵏⴻⵖⵍⴰⴼ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ, ⵉⴹⴻⴱⴱⵔⴻⵏ ⵜⴰⴳⵔⴰⵡⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ, ⵎⴰⵙⵙ ⵙⵓⴼⵉⴰⵏⴻ ⵛⵀⴰⵉⴱ, ⴰⵎⵙⵢⴰⵙ ⴰⵎⴰⵜⵓ ⵏ ⵜⵏⴻⵖⵍⴰⴼⵜ ⵏ ⵡⴰⵙⵙⴰⵖⴻⵏ ⵏ ⴱⴻⵔⵔⴰ ⵏ ⵜⴻⴳⴷⵓⴷⴰ ⵏ ⴱⵉⵔⵓ, ⵎⴰⵙⵙ ⴻⵔⵉⵛ ⴰⵏⴷⴻⵔⵙⵓⵏ ⵎⴰⵛⵀⴰⴷⵓ. ⴰⵢⴰⴳⵉ ⵢⴻⵍⵍⴰ-ⴷ ⵉⵍⵎⴻⵏⴷ ⵏ ⵜⵙⴻⴷⵎⵉⵔⵜ ⵜⵉⵙ 5 ⵏ ⵓⵎⵢⴻⵣⵣⵡⴻⵔ ⴰⵙⴻⵔⵜⴰⵏ ⵉ ⵢⴻⵙⵙⴻⵍⵡⵉ ⵓⵏⵎⴻⵀⴰⵍ ⴰⵎⴰⵜⵓ ⵏ ⵜⵏⴻⵖⵍⴰⴼⵜ ⵏ ⵙⵏⴰⵜ ⵏ ⵜⵎⵓⵔⴰ-ⴰⴳⵉ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⵡⴰⵍⵉⵏ ⴰⵢⴻⵏ ⵉ ⴷ-ⵢⵓⴼⴰ ⵓⵎⵢⴻⵣⵣⵡⴻⵔ-ⴰⴳⵉ ⴰⵙⴻⵔⵜⴰⵏ ⴷ ⵜⴰⵔⵔⴰⵢⵜ ⵉ ⵓⵔⴻⵇⵇⴻⵔ ⵏ ⵓⵏⵢⵓⴷⴷⵓ ⵏ ⵜⴰⵜⵓⵙⵏⴰⵏⵜ ⴷⴻⴳ ⵡⴰⵏⵏⴰⵔⴻⵏ ⵉ ⴷ-ⵉⵙⴻⴳⵔⴰⵡⴻⵏ ⵙⵏⴰⵜ ⵏ ⵜⵎⵓⵔⴰ-ⴰⴳⵉ. ⴰⵢⴰⴳⵉ ⵢⵓⵙⴰ-ⴷ ⴷⴻⴳ ⵜⴰⵍⵍⵉⵜ ⵉ ⴷⴻⴳ ⴷ-ⵢⴻⵍⵍⴰ ⵡⴻⵙⵎⴻⴽⵜⴰⵢ ⵡⵉⵙ 54 ⵏ ⵓⵙⴱⴻⴷⴷ ⵏ ⵡⴰⵙⵙⴰⵖⴻⵏ ⵉⴷⵉⴱⵍⵓⵎⴰⵙⵉⵜⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⴱⵉⵔⵓ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⴷⵢⴰⵏ-ⵏⵏⵉ.
ⴷⴰⵖⴻⵏ, ⵙⵏⴰⵜ ⵏ ⵜⴰⵎⵉⵡⵉⵏ-ⴰⴳⵉ ⵎⵎⴻⵙⵍⴰⵢⴻⵏⵜ ⵖⴻⴼ ⵡⴰⵢⴻⵏ ⵉ ⴷ-ⵢⴻⵍⵍⴰⵏ ⴷⴻⴳ ⵓⵃⵔⴰⵣ ⵏ ⵢⵉⵙⵓⵜⵔⴻⵏ ⵏ ⵜⴻⴳⵔⴰⵡⵉⵏ-ⵏⵙⴻⵏ ⴷⴻⴳ ⴱⴻⵕⵕⴰ ⴷ ⵓⵎⵢⴻⵣⵣⵡⴻⵔ ⵏ ⵜⴰⵔⵔⴰⵢⵉⵏ ⴰⵎⵓⴼⵉⵏ ⴷⴻⴳ ⵡⴰⵏⵏⴰⵔ-ⴰⴳⵉ.
ⴰⵔⵏⵓ ⵖⴻⵔ
