ⴰⴷⵉⵙ ⴰⴱⴰⴱⴰ (ⵉⵜⵢⵓⴱⵢⴰ) – ⵜⴻⵇⴱⴻⵍ ⵜⴰⴷⵓⴽⴽⵍⵉ ⵜⴰⴼⵔⵉⵇⵉⵜ, ⴷⴻⴳ ⵜⵉⵎⵍⵉⵍⵉⵜ-ⵉⵙ ⵜⵓⵏⵏⵉⴳⵜ ⵜⵉⵙ 39 ⵉ ⴷ-ⵢⴻⵍⵍⴰⵏ ⴰⵙⵙ-ⴰ ⵏ ⵍⵃⴻⴷ ⴷⴻⴳ ⴰⴷⵉⵙ ⴰⴱⴰⴱⴰ, "ⴰⵍⵖⵓ ⵏ ⵍⵣⵣⴰⵢⴻⵔ" ⵢⴻⵔⵣⴰⵏ ⵍⴱⴰⵟⴻⵍ ⴷ ⵍⵎⵓⴽⵔⵉⵢⴰⵜ ⵏ ⵡⴰⵃⴻⵜⵜⴻⵍ ⴷⴻⴳ ⵜⴼⵔⵉⵇⵜ. ⴰⵢⴰ ⴷ ⴰⵙⵓⵔ ⵉⵊⴻⵀⴷⴻⵏ ⵉ ⵡⴰⴽⴽⴻⵏ ⴰⴷ ⵔⵔⴻⵏ ⴰⵃⴻⵜⵜⴻⵍ ⴷ ⵍⵎⵓⴽⵔⵉⵢⴰ ⵢⴻⵔⵏⴰ ⴰⴷ ⵙⵓⵜⵔⴻⵏ ⵜⴰⵄⵡⴹⵉⵜ ⵏ ⵡⴻⴷⵔⵉⵎ ⴷ ⵍ lⵃⴻⵔⵎⴰ. ⵜⴰⴷⵓⴽⴽⵍⵉ ⵜⴻⴼⴽⴰ ⴰⵣⴰⵍ ⴰⵎⴻⵇⵇⵔⴰⵏ ⵢⴻⵔⵏⴰ ⵜⴻⵛⴽⴻⵔ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵣⵣⴰⵢⵔⵉ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ, ⵖⴻⴼ ⵓⵙⵓⵔ-ⴰⴳⵉ ⴰⵙⵜⵔⴰⵜⵉⵊⵉ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⴹⵔⵉⵙ, ⵔⵔⴰⵏ ⴰⵙⵙ ⵏ 30 ⵏⵓⵡⴰⵎⴱⴻⵔ ⴷ ⴰⵙⵙ ⴰⴼⵔⵉⵇⵉ ⵓⵏⵚⵉⴱ ⵉ ⵡⴰⴽⴽⴻⵏ ⴰⴷ ⵙⵙⴻⴽⵜⵉⵏ ⵉⵎⴳⴰⵔⵓⵜⴻⵏ (ⵉⵛⵎⵉⵔⴻⵏ) ⵏ ⵜⴼⵔⵉⵇⵜ ⴷ ⵡⵉⴷ ⵎⴰⵕⵕⴰ ⵢⴻⵜⵜⵓⵜⵢⴻⵏ ⵙ ⵡⴰⵃⴻⵜⵜⴻⵍ, ⴰⴼⵔⴰⵇ ⵏ ⵢⵉⵖⴻⵔⴼⴰⵏ (ⴰⴱⴰⵔⵜⵉⴷ) ⴷ ⵓⵣⵏⵓⵣⵉ ⵏ ⵢⵉⵎⴷⴰⵏⴻⵏ ⵏ ⵣⵉⴽ. ⴰⵢⴰ ⵢⴻⵍⵍⴰ-ⴷ ⵉ ⵡⴰⴽⴽⴻⵏ ⴰⴷ ⵃⴰⴷⵔⴻⵏ ⵜⴰⴽⵜⵉⵜ ⵢⴻⴷⴷⵓⴽⴽⵍⴻⵏ ⵏ ⵢⵉⴼⵔⵉⵇⵉⵢⴻⵏ ⵢⴻⵔⵏⴰ ⴰⴷ ⴹⵎⴻⵏⵏ ⴱⴻⵍⵍⵉ ⵍⴱⴰⵟⴻⵍ-ⴰⴳⵉ ⵓⵔ ⵢⴻⵜⵜⵓⵖⴰⵍ ⴰⵔⴰ ⴷⴻⴳ ⵢⵉⵎⴰⵍ.
"ⴰⵍⵖⵓ ⵏ ⵍⵣⵣⴰⵢⴻⵔ" ⵢⴻⴼⴼⴻⵖ-ⴷ ⵎⴱⴰⵄⴻⴷ ⵜⵉⵎⵍⵉⵍⵉⵜ ⴰⴳⵔⴰⵖⵍⴰⵏ ⵉ ⴷ-ⵢⴻⵍⵍⴰⵏ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴻⴳ ⵜⴰⴳⴳⴰⵔⴰ ⵏ ⵓⵙⴻⴳⴳⴰⵙ 2025. ⵉⵙⵡⵉ-ⵙ ⴷ ⴰⵙⴻⴷⵎⴻⵔ ⵏ ⵢⵉⵏⴰⴹⴻⵏ ⵏ ⵜⴰⴷⵓⴽⴽⵍⵉ ⵜⴰⴼⵔⵉⵇⵉⵜ ⵢⴻⵔⵣⴰⵏ "ⵍⵃⴻⵇⵇ ⵉ ⵢⵉⴼⵔⵉⵇⵉⵢⴻⵏ ⵙ ⵜⴰⵄⵡⴹⵉⵜ".
ⴷⴻⴳ ⵜⴰⴳⴳⴰⵔⴰ, ⴰⵍⵖⵓ-ⴰⴳⵉ ⵢⴻⵙⵙⵓⵜⵓⵔ ⵙⴻⴳ ⵜⵎⵓⵔⴰ ⵉ ⵢⴻⵃⵜⴻⵍⵍⴻⵏ ⵜⴼⵔⵉⵇⵜ ⵣⵉⴽ ⴰⴷ ⴷ-ⴰⵡⵢⴻⵏⵜ ⵜⴰⵎⴰⵙⵉⵜ-ⵏⵙⴻⵏⵜ ⵜⴰⵎⴻⵇⵇⵔⴰⵏⵜ, ⴰⴷ ⵇⴻⴱⵍⴻⵏⵜ ⵍⴱⴰⵟⴻⵍ ⵉ ⴳⴳⴰⵏⵜ ⵢⴻⵔⵏⴰ ⴰⴷ ⴼⵔⴰⵢⴻⵏⵜ ⵜⴰⵄⵡⴹⵉⵜ ⵉ ⵢⵉⵖⴻⵔⴼⴰⵏ. ⴱⵯⴰⵏ ⴷⴰⵖⴻⵏ ⴰⴷ ⵙⴱⴻⴷⴷⴻⵏ ⵢⵉⵡⴻⵏ ⵡⴰⵍⴰⵍ ⴰⴼⵔⵉⵇⵉ ⵉ ⵍⵃⴻⵇⵇ ⵏ ⵜⴰⵡⴻⵏⵏⴰⴹⵜ ⵉ ⵡⴰⴽⴽⴻⵏ ⴰⴷ ⵡⴰⵍⵉⵏ ⵜⵉⵎⴻⵏⵏⴰⴹⵉⵏ ⵢⴻⵅⵍⴰ ⵡⴰⵃⴻⵜⵜⴻⵍ ⵢⴻⵔⵏⴰ ⴰⴷ ⴷ-ⴰⵡⵢⴻⵏ ⵜⵉⴼⵔⴰⵜⵉⵏ ⵉ ⵓⵙⴻⴳⴳⴻⵎ-ⵏⵙⴻⵏⵜ.
ⴰⵔⵏⵓ ⵖⴻⵔ
