ⵉⵙⴻⵍⵍⴻⵎ ⵓⴱⵉⵕⵓ ⵏ ⵜⴻⵙⵇⴰⵎⵓⵜ ⵏ ⵓⵙⵓⴷⴷⴻⵙ ⵏ ⵜⵎⵓⵀⴰⵍ ⵏ ⵍⴱⵓⵕⵚⴰ ⴷ ⵓⵣⴻⵟⵟⴻⴹ-ⵉⵙ (COSOB), ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉ ⵜⵎⴰⵜⴻⵍⵜ ⵉⵕⴻⵙⵙⴰⵏ (représentante résidente) ⵏ ⵜⴻⴳⵔⵓⵎⵎⴰ ⵏ ⵍⴱⴰⵏⴽⴰ ⵜⴰⵎⴰⴹⵍⴰⵏⵜ ⴷⴻⴳ ⵍⴻⵣⵣⴰⵢⴻⵔ, ⵎⴰⵙⵙⴰ ⵛⴰⵎⵉⵍⵉⴰ ⵀⴰⵊⴱⴰⵢ ⵓⴳⵍⵓ ⴳⴻⵔⵉⵏ. ⵙⵉⵏ ⵏ ⵢⵉⴽⵓⴱⴰⵔ-ⴰⴳⵉ ⵇⴻⵔⴷⵛⴻⵏ ⵜⴰⵔⵔⴰⵢⵉⵏ ⵏ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⵏ ⵙⵉⵏ, ⵍⴰⴷⵖⴰ ⴷⴻⴳ ⵓⵙⵎⴰⵢⵏⵓⵜ ⵏ ⵓⴳⴻⴷⴻⵣ ⵏ ⵜⴻⴷⵔⵉⵎⵜⴷ ⵓⵙⵏⴻⴼⵍⵉ ⵏ ⵡⴰⵍⵍⴰⵍⴻⵏ ⵏ ⵓⵙⵔⵉⵎ ⵉⵎⴰⵢⵏⵓⵜⴻⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⴻⵙⵇⴰⵎⵓⵜ.
ⴷⴻⴳ ⵜⴰⵍⵍⵉⵜ ⵏ ⵜⴻⵎⵍⵉⵍⵉⵜ-ⴰⴳⵉ, ⴰⵙⴻⵍⵡⴰⵢ ⵏ ⵜⴻⵙⵇⴰⵎⵓⵜ, ⵎⴰⵙⵙ ⵢⵓⵓⵛⴻⴼ ⴱⵓⵓⵣⵏⴰⴷⴰ, ⵢⴻⴼⴽⴰ-ⴷ ⵜⴰⵎⵓⵖⵍⵉ ⵍⵇⴰⵢⴻⵏ ⵖⴻⴼ ⵢⵉⵙⵏⵉⵢⴰⵍⴻⵏ ⵏ ⵓⵙⵓⴷⴷⴻⵙ ⵉ ⴷ-ⵢⵉⵍⵍⴰⵏ ⵙⴻⴳ ⵓⵙⴻⴳⴳⴰⵙ ⵏ 2023 ⵉ ⵢⴻⴱⵖⴰⵏ ⴰⴷ ⴷ-ⵢⴻⵔⵔ ⴰⵎⴰⵢⵏⵓⵜ ⵉ ⵓⴳⴻⴷⴻⵣ ⵏ ⵜⴻⴷⵔⵉⵎⵜ, ⴷ ⴰⵢⴻⵏ ⵉ ⴷ-ⵢⴻⴳⵍⴰⵏ ⵙ "ⵓⵙⵏⴻⵔⵏⵉ ⵏ ⵓⵎⴰⵀⵉⵍ ⴷⴻⴳ ⵓⴳⴻⴷⴻⵣ ⴰⵣⵣⴰⵢⵔⵉ ⵙ ⵜⵎⵓⵖⵍⵉ ⵖⴻⵔ ⵢⵉⵙⴻⴳⴳⴰⵙⴻⵏ ⵉⵄⴻⴷⴷⴰⵏ". ⵉⵙⵙⴻⴽⵜⵉ-ⴷ ⴷⴰⵖⴻⵏ ⵉⵏⴳⵔⴰⵡⴻⵏ ⵉⵎⴰⵢⵏⵓⵜⴻⵏ ⴷ ⵜⴰⵔⵔⴰⵢⵉⵏ ⵏ ⵓⴷⴻⴳⴳⴻⵔ ⵉ ⵏⴼⴰⵄ ⵏ ⵜⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ (startups) ⵉⵡⴰⴽⴽⴻⵏ ⴰⴷ ⴽⵛⵛⵎⴻⵏⵜ ⵖⴻⵔ ⵍⴱⵓⵕⵚⴰ, ⵍⴰⴷⵖⴰ ⵙ ⵓⴱⴻⵟⵟⴻⵍ ⵏ ⵜⴻⴱⵣⴻⵔⵜ (taxes) ⵏ ⵓⵏⴻⴽⵛⵓⵎ ⴷ ⵓⴼⵙⵉⵙ ⵏ ⵜⵉⴳⴳⴰⵜⵉⵏ ⵜⵓⴷⴱⴻⵍⵉⵏ.
ⵙⴻⴳ ⵜⴰⵎⴰ-ⵙ, ⵎⴰⵙⵙⴰ ⵀⴰⵊⴱⴰⵢ ⵓⴳⵍⵓ ⴳⴻⵔⵉⵏ ⵜⴻⵙⵙⴻⴽⵏⴻⴷ-ⴷ ⵜⵉⴳⴳⴰⵜⵉⵏ ⵉⴳⵔⴰⵖⵍⴰⵏⴻⵏ ⵉ ⵜⴻⵙⵙⴻⵍⵡⴰⵢ ⵍⴱⴰⵏⴽⴰ ⵜⴰⵎⴰⴹⵍⴰⵏⵜ ⵉ ⵓⵙⵏⴻⴼⵍⵉ ⵏ ⵢⵉⴳⴻⴷⴻⵣⴻⵏ ⵏ ⵜⴻⴷⵔⵉⵎⵜ ⴷ ⵓⵙⴻⴶⵀⴻⴷ ⵏ ⵓⵙⴻⴼⵔⴻⴽ (ⴳⵓⵓⵠⴻⵔⵏⴰⵏⵛⴻ) ⵏ ⵜⵎⵓⵙⵏⵉⵡⵉⵏ, ⵜⴻⵙⵙⴻⴽⵏⴻⴷ ⴷⴰⵖⴻⵏ ⵍⴻⴱⵖⵉ ⵏ ⵜⴻⴳⵔⵓⵎⵎⴰ ⵉ ⵓⵃⵔⵉⵛ ⵏ ⵓⴳⴻⴷⴻⵣ ⵏ ⵜⴻⴷⵔⵉⵎⵜ ⴷⴻⴳ ⵍⴻⵣⵣⴰⵢⴻⵔ.
ⵉⵙⵍⴻⵎ-ⴷ ⵙ ⵢⵉⴱⴻⴷⴷⵉⵍⴻⵏ ⵉⵕⴻⵙⵙⴰⵏⴻⵏ ⵏ ⵓⵏⵏⴰⵔ-ⴰⴳⵉ, ⵜⴻⵙⵙⴻⴽⵏⴻⴷ ⴱⴻⵍⵍⵉ ⵍⴱⴰⵏⴽⴰ ⵜⴻⵡⵊⴻⴷ ⵉ ⵓⴷⴻⴳⴳⴻⵔ ⵏ ⵍⵎⴻⴶⵀⵓⴷⴰⵜ ⵏ ⵓⵙⵏⴻⴼⵍⵉ ⵏ ⵓⴳⴻⴷⴻⵣ ⵏ ⵜⴻⴷⵔⵉⵎⵜ ⴷ ⵓⵙⴻⴶⵀⴻⴷ ⵏ ⵜⵎⵓⵖⵍⵉⵡⵉⵏ ⵏ ⵓⵎⵢⴻⵛⵛⴻⵔ. ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⴷⴻⴳ ⵓⴱⵉⵕⵓ ⵏ ⵜⴻⵙⵇⴰⵎⵓⵜ, ⴰⵎ ⵜⴰⵙⴻⴽⴽⴰ ⵉ ⴷ-ⵢⴻⵡⵡⵉⵏ ⵜⴰⵎⴰⵙⵉⵜ ⵏ ⵓⵙⵓⴷⴷⴻⵙ ⴷ ⵓⵣⴻⵟⵟⴻⴹ ⵏ ⵓⴳⴻⴷⴻⵣ ⵏ ⵜⴻⴷⵔⵉⵎⵜ ⴷⴻⴳ ⵍⴻⵣⵣⴰⵢⴻⵔ, ⵙ ⵜⵉⵍⵉⵜ ⵏ ⵓⵎⴰⵙⴰⵢ ⵏ ⵓⵙⴻⴼⵔⴻⴽ ⵉ ⵜⴻⴼⵔⵉⵇⵜ, ⵎⴰⵙⵙ ⵎⵓⵉⵣ ⵎⵉⴰⵓⵓⵉ, ⴷ ⵢⵉⵎⴹⴻⴱⴱⵔⴻⵏ ⵏ ⵜⴻⵙⵇⴰⵎⵓⵜ.
ⴰⵔⵏⵓ ⵖⴻⵔ
