ⵢⴻⵎⵍⴰⵍ ⵓⵎⴰⵡⴰⵙ ⵏ ⵜⴼⴻⵍⵍⴰⵃⵜ ⴷ ⵓⵏⴻⴼⵍⵉ ⵏ ⵜⵓⴷⴷⴰⵔⵜ ⴷ ⵜⴳⴻⵍⵎⴻⵣⵜ, ⵢⴰⵙⵉⵏ ⵡⴰⵍⵉⴷ, ⴰⵙⵙ ⵏ ⵍⴰⵔⴱⵄⴰ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⵓⵎⴰⵙⴰⵢ ⵏ ⵓⵙⵍⵡⴰⵢ ⴰⴳⵔⴰⵖⵍⴰⵏ ⵏ ⵓⵏⴻⴼⵍⵉ ⴰⵣⴻⴳⵣⴰⵡ, ⵎⴰⵙⵙ ⵙⴰⵏⴳ-ⵀⵢⵓⴱ ⴽⵉⵎ, ⵉ ⵓⵙⴽⴰⵙⵉ ⵖⴻⴼ ⵜⵉⴳⵏⴰⵜⵉⵏ ⵏ ⵓⵙⵊⴻⵀⴻⴷ ⵏ ⵓⵎⵢⴰⵡⴰⵙ ⴷⴻⴳ ⵓⵃⵔⵉⵛ ⵏ ⵜⴼⴻⵍⵍⴰⵃⵜ ⴷ ⵜⴳⴻⵍⵎⴻⵣⵜ, ⵙ ⵓⴱⴻⴷⴷⴻⵍ ⵏ ⵜⴻⵔⵎⵉⵡⵉⵏ ⴷ ⵜⵎⵓⵙⵏⵉⵡⵉⵏ ⵜⵉⵎⴰⵢⵏⵓⵜⵉⵏ.
ⴷⴻⴳ ⵓⵏⴻⵊⵎⵓⵄ-ⴰ, ⵙⴰⵡⵍⴻⵏ ⵙ ⵍⵊⴻⵀⴷ ⵖⴻⴼ ⵓⵏⴻⴼⵍⵉ ⴰⵎⴰⴳⴰⵍ ⴷ ⵓⵃⴰⴷⴻⵔ ⵎⴳⴰⵍ ⵜⵉⴽⵏⴰⵜⵉⵏ ⵏ ⵓⵏⴻⵣⵡⵓ ⵉ ⵢⴻⵜⵜⴻⴳⴳⴻⵏ ⴰⵟⵟⴰⵙ ⵏ ⵡⵓⴳⵓⵔⴻⵏ ⵉ ⵜⴼⴻⵍⵍⴰⵃⵜ. ⵍⵣⵣⴰⵢⴻⵔ ⵜⴻⵙⵙⴻⴽⵏ-ⴷ ⵜⴻⵔⵎⵉⵜ-ⵉⵙ ⴷⴻⴳ ⵜⴼⴻⵍⵍⴰⵃⵜ ⵏ ⵜⵏⴻⵣⵔⵓⴼⵜ ⴷ ⵓⵙⴻⵏⴼⴰⵔ ⵏ "ⵓⵙⴻⴷⴷ ⴰⵣⴻⴳⵣⴰⵡ", ⵉ ⵢⴻⵜⵜⵡⴰⵙⴻⴳⵎⴰⵏ ⵉ ⵓⵇⴰⴱⴻⵍ ⵏ ⵓⵣⵓⵖⴻⵔ ⴷ ⵓⵃⴰⴷⴻⵔ ⵏ ⵜⴷⴰⵎⵙⴰ ⴷⴻⴳ ⵜⴻⵎⵏⴰⴹⵉⵏ ⵏ ⵡⴰⵙⵉⴼⴻⵏ ⵢⴻⵍⴰⵏ.
ⴷⴰⵖⴻⵏ, ⵢⴻⵜⵜⵡⴰⵙⵙⴻⴽⵏ-ⴷ ⵡⴰⵀⵉⵍ ⴰⵖⴻⵍⵏⴰⵡ ⵏ ⵓⵥⵓⵥⵓ ⴷ ⵓⵙⵉⴷⴻⵔ ⵏ ⵜⴳⴰⵏⵉⵏ ⵉ ⵢⴻⵔⵖⴰⵏ, ⴰⵏⵉⴷⴰ ⵥⵥⴰⵏ ⵎⴻⵍⵢⵓⵏ ⵏ ⵜⵙⴻⴽⵍⴰ ⴷⴻⴳ 24 ⵏ ⵜⵙⵔⴰⴳⵉⵏ ⴰⵙⵙ ⵏ 26 ⵓⴽⵜⵓⴱⴻⵔ 2025, ⵢⴻⵔⵏⴰ ⴰⴷ ⵜⴻⴹⴼⴻⵔ ⵜⵎⴻⵀⴰⵍⵜ ⵏⵏⵉⴹⴻⵏ ⵏ ⵓⵥⵓ ⵏ ⵅⴻⵎⵙⴰ ⵎⴻⵍⵢⵓⵏ ⵏ ⵜⵙⴻⴽⵍⴰ ⴰⵙⵙ ⵏ 14 ⴼⵓⵔⴰⵔ ⵉⴷ-ⵢⴻⵜⵜⴻⴷⴷⵓⵏ.
ⵖⴻⵔ ⵜⴳⴰⵔⴰ, ⵎⵙⴰⴷⴰⵏ ⵙⵏⴰⵜ ⵜⵎⵉⵡⵉⵏ-ⴰ ⵖⴻⴼ ⵓⵙⴱⴻⴷⴷⵉ ⵏ ⵢⴰⵏ ⵓⵎⵎⴰⵙ ⵏ ⵜⴻⴼⵙⴻⵔ ⵉ ⵜⴼⴻⵍⵍⴰⵃⵜ ⴷⴻⴳ ⵜⴻⵎⵏⴰⴹⵉⵏ ⵜⵉⵇⵓⵔⴰⵏⵉⵏ, ⴷ ⵓⵙⴻⴽⴷⴻⵎ ⵏ ⵜⴻⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ ⴷ ⵜⵉⴼⴰⵡⵜ ⵜⴰⵎⵢⵓⵏⵜ ⵉ ⵓⵙⵊⴻⵀⴻⴷ ⵏ ⵓⵏⴻⴼⵍⵉ ⴰⵣⴻⴳⵣⴰⵡ ⴷ ⵓⴼⵉⵏⴰⵙ ⵏ ⵢⵉⵙⴻⵏⴼⴰⵔⴻⵏ ⵉⴼⵓⵣⵏ ⵉ ⵜⵡⴻⵏⵏⴰⵜ. ⵢⴻⵔⵏⴰ ⵍⵣⵣⴰⵢⴻⵔ, ⵉ ⵢⴻⴽⵛⴻⵎⵏ ⵖⴻⵔ ⵓⵙⵍⵡⴰⵢ-ⴰ ⴷⴻⴳ ⵢⵓⵏⵢⵓ 2025, ⵜⴻⵜⵜⴻⴳ ⵍⵊⴻⵀⴷ ⵉ ⵓⵙⴻⵏⴼⴻⴷ ⵏ ⵓⵎⵓⴷⴻⵍ ⴰⵎⴰⵢⵏⵓ ⵏ ⵓⵏⴻⴼⵍⵉ ⴰⴷⴰⵎⵙⴰⵏ.
ⴰⵔⵏⵓ ⵖⴻⵔ
