ⵡⴻⵀⵔⴰⵏ – ⵢⴻⵙⵙⴻⴽⵏ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ, ⴰⵙⵙ-ⴰ ⵏ ⵜⵜⵍⴰⵜⴰ, ⴰⵢⴻⵏ ⵜⴻⵡⵡⵉ ⵍⵣⵣⴰⵢⴻⵔ ⵏ ⵓⵏⴻⴼⵍⵓ ⴷⴻⴳ ⵢⵉⵙⴻⴳⴳⴰⵙⴻⵏ-ⴰⴳⵉ ⵉⵏⴻⴳⴳⵓⵔⴰ ⴷⴻⴳ ⵎⴰⵕⵕⴰ ⵢⵉⵃⵔⵉⵛⴻⵏ. ⴰⵢⴰ ⵢⴻⵍⵍⴰ-ⴷ ⴷ ⴰⵙⴻⴷⵎⴻⵔ ⵏ ⵜⵖⴻⵔⵜ ⵜⴰⴷⴰⵎⵙⴰⵏⵜ ⴷ ⵜⴰⵎⴻⵜⵜⵉⵜ ⵉ ⴷ-ⵢⴻⵜⵜⴰⴽⴽⴻⵏ ⴰⴽⴽⴻⵏ ⵍⵍⴰⵏⵜ ⵜⵎⵓⵔⴰ ⵏ ⵍⵣⵣⴰⵢⴻⵔ, ⵢⴻⵔⵏⴰ ⵢⴻⴱⵢⴻⵏ-ⴷ ⴰⴼⵔⴰⵃ-ⵉⵙ ⵉⵎⵉ ⴰⴳⴷⵓⴷ ⴰⵣⵣⴰⵢⵔⵉ ⵢⴻⵇⴱⴻⵍ ⵙ ⵡⵓⵍ ⵢⴻⵍⴷⴰⵏ ⵉⵙⴻⵏⴼⴰⵔⴻⵏ-ⴰⴳⵉ ⵉⵎⴰⵢⵏⵓⵜⴻⵏ.
ⴷⴻⴳ ⵢⵉⵡⴻⵜ ⵏ ⵜⴰⴱⵔⴰⵜ ⵉ ⵢⴻⵛⵛⴻⵢⵢⴻⵄ ⵖⴻⴼ ⵓⵙⵎⴻⴽⵜⵉ ⵡⵉⵙ 70 ⵏ ⵓⵙⴱⴻⴷⴷ ⵏ ⵜⴷⵓⴽⴽⵍⵉ ⵜⴰⵎⴰⵜⵓⵜ ⵏ ⵢⵉⴻⴷⴷⴰⵎⴻⵏ ⵉⵣⵣⴰⵢⵔⵉⵢⴻⵏ ⴷ ⵓⵙⵎⴻⴽⵜⵉ ⵡⵉⵙ 55 ⵏ ⵓⵙⵓⵖⴰⵍ ⵏ ⵓⵥⴰⵔⵓ ⵖⴻⵔ ⵓⵡⴰⵏⴰⴽ, ⵢⴻⵖⵔⴰ-ⵜⵜ ⵓⵎⴻⵣⵡⴰⵔⵓ ⵏ ⵢⵉⴻⵖⵍⴰⴼⴻⵏ ⵎⴰⵙⵙ ⵙⵉⴼⵉ ⵖⵔⵉⴱ ⴷⴻⴳ ⵡⴻⵀⵔⴰⵏ, ⵓⵙⴻⵍⵡⴰⵢ ⵢⴻⴼⴽⴰ ⴰⵣⴰⵍ ⵉⵊⴻⵀⴷⴻⵏ ⵉ ⵎⴰⵕⵕⴰ ⵜⵍⴰⵡⵉⵏ ⴷ ⵢⵉⵔⴳⴰⵣⴻⵏ ⵉⵇⴷⴻⵛⴻⵏ ⵙ ⵡⵓⵍ ⵉ ⵓⵙⴻⴷⵎⴻⵔ ⵏ ⵢⵉⵙⴻⵏⴼⴰⵔⴻⵏ ⵉⵎⴻⵇⵇⵔⴰⵏⴻⵏ. ⵢⴻⵏⵏⴰ-ⴷ ⴱⴻⵍⵍⵉ ⴰⵢⴻⵏ ⵢⴻⵜⵜⵓⵅⴷⴻⵎⴻⵏ ⴷ ⵜⵓⴳⴳⴰ ⵖⴻⴼ ⵜⴼⴻⵍⵙⵜ ⵏ ⵢⵉⵎⴻⵣⴷⴰⵖ ⴷⴻⴳ ⵓⴱⵔⵉⴷ ⵏ ⵍⵣⵣⴰⵢⴻⵔ ⵜⴰⵎⴰⵢⵏⵓⵜ.
ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ ⵢⴻⵏⵏⴰ-ⴷ ⴱⴻⵍⵍⵉ ⵢⴻⴼⵔⴻⵃ ⴰⵟⴰⵙ ⵙ ⵡⴰⵎⴻⴽ ⵉ ⴷ-ⵎⵎⴰⴳⵔⴻⵏ ⵢⵉⵖⴻⵔⴼⴰⵏ ⵉⵙⴻⵏⴼⴰⵔⴻⵏ ⵉⵎⴰⵢⵏⵓⵜⴻⵏ, ⵍⴰⴷⵯⴰ ⴰⵍⴷⴰⵢ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⵏ ⵡⵓⵥⴰⵔⵓ ⵏ ⵓⵜⵔⴰⵎ. ⵢⴻⵏⵏⴰ-ⴷ ⴱⴻⵍⵍⵉ ⴰⵙⵓⵔ-ⴰⴳⵉ, ⴷ ⵢⵉⵙⴻⵏⴼⴰⵔⴻⵏ ⵏⵏⵉⴹⴻⵏ, ⵙⵙⴻⴽⵏⴻⵏ-ⴷ ⴱⴻⵍⵍⵉ ⵜⵉⵡⵏⴻⴳⵉⵡⵉⵏ ⵏ ⵓⵡⴰⵏⴰⴽ ⵢⴻⴱⵏⴰⵏ ⵖⴻⴼ ⵜⵉⴷⴻⵜ ⴷ ⵍⵎⴻⵏⵜⴻⵇ ⴷ ⵜⵖⵜⴻⵙⵜ ⵏ ⵜⴷⵓⴳⴰⵎⵜ ⵜⵓⵏⵚⵉⴱⵜ.
ⵢⴻⵙⴼⴻⵔⵔⴻⵯ-ⴷ ⵓⵙⴻⵍⵡⴰⵢ ⴱⴻⵍⵍⵉ ⴰⴱⵔⵉⴷ-ⴰⴳⵉ ⵢⴻⵙⴽⴰⵏⴰⵢ-ⴷ ⵜⴰⵢⴻⵙⵙⴰ ⵏ ⵍⵣⵣⴰⵢⴻⵔ ⵜⴰⵎⴰⵢⵏⵓⵜ ⵢⴻⵇⵇⵏⴻⵏ ⵖⴻⵔ ⵜⵓⴽⴽⵉⵡⵉⵏ ⵏ ⵏⵓⵡⴰⵎⴱⴻⵔ ⴷ ⵜⴳⵔⴰⵡⵍⴰ ⵜⵓⵇⴷⵉⵙⵜ, ⵢⴻⵔⵏⴰ ⴷ ⵜⴰⵎⵓⵖⵍⵉ ⵢⴻⵚⴼⴰⵏ ⵉ ⵓⵎⵢⴻⵍⵍⴻⵍ ⴷ ⵓⵎⵢⴰⵡⴰⵙ ⴷ ⵎⴰⵕⵕⴰ ⵜⵎⵓⵔⴰ ⵏ ⵓⵎⴰⴹⴰⵍ ⵖⴻⴼ ⵍⴼⴰⵢⴷⴰ ⵢⴻⴷⴷⵓⴽⴽⵍⴻⵏ.
ⵖⴻⴼ ⵡⴰⵢⴻⵏ ⵢⴻⵔⵣⴰⵏ ⵓⵙⵓⵖⴰⵍ ⵏ ⵓⵥⴰⵔⵓ ⵖⴻⵔ ⵓⵡⴰⵏⴰⴽ, ⵓⵙⴻⵍⵡⴰⵢ ⵢⴻⵙⵙⴻⵊⴷⴻⴷ ⴰⵣⴰⵍ ⵏ ⵜⴽⴰⵔⴹⴰ-ⴰⴳⵉ ⵏ ⵜⴷⵓⴳⴰⵎⵜ ⵉⵊⴻⵀⴷⴻⵏ. ⵢⴻⵏⵏⴰ-ⴷ ⴱⴻⵍⵍⵉ ⵙ ⵜⵣⵎⴰⵔ ⵏ ⵢⵉⵣⵣⴰⵢⵔⵉⵢⴻⵏ, ⵍⵣⵣⴰⵢⴻⵔ ⵜⴻⵔⵔⴰ ⴷ ⵜⴰⵎⵓⵔⵜ ⵜⵉⵙ ⵙⴰ (07) ⴷⴻⴳ ⵓⵣⴻⵏⵣⵉ ⵏ ⵓⴳⴰⵣ ⴷⴻⴳ ⵓⵎⴰⴹⴰⵍ, ⴷ ⵜⴰⵎⵓⵔⵜ ⵜⵉⵙ ⴽⵔⴰⴹⵜ (03) ⵉ ⵢⴻⵜⵜⴰⴽⴽⴻⵏ ⴰⴳⴰⵣ ⵉ ⵜⵓⵔⵓⴼⵜ, ⵢⴻⵔⵏⴰ ⵏⴻⵙⵄⴰ ⵜⵔⴻⵣⵡⴰ ⵜⵉⵙ ⴽⵔⴰⴹⵜ ⵏ ⵍⴱⴻⵟⵔⵓⵍ ⴷⴻⴳ ⵜⴼⵔⵉⵇⵜ.
ⵓⵙⴻⵍⵡⴰⵢ ⵢⴻⴼⴽⴰ ⴰⵣⵓⵍ ⵉ ⵢⵉⵅⴻⴷⴷⴰⵎⴻⵏ ⴷ ⵢⵉⵎⴻⵇⵇⵔⴰⵏⴻⵏ ⵖⴻⴼ ⵜⵣⵎⴻⵔⵜ-ⵏⵙⴻⵏ ⵉⵊⴻⵀⴷⴻⵏ, ⵢⴻⵔⵏⴰ ⵢⴻⵙⵙⵓⵜⴻⵔ ⴰⴷ ⵊⵊⴻⵀⴷⴻⵏ ⵢⵉⵍⵎⴻⵣⵢⴻⵏ ⴷⴻⴳ ⵓⵃⵔⵉⵛ ⵏ ⵜⵜⴻⴽⵏⵓⵍⵓⵊⵢⴰ ⵏ ⵜⵓⵔⴰ. ⵜⴰⴳⴳⴰⵔⴰ, ⵢⴻⵙⵙⴻⵊⴷⴻⴷ ⴰⵣⵓⵍ-ⵉⵙ ⵉ ⵎⴰⵕⵕⴰ ⵢⵉⵅⴻⴷⴷⴰⵎⴻⵏ ⵏ ⵜⴷⵓⴽⴽⵍⵉ ⵜⴰⵎⴰⵜⵓⵜ ⴷ ⵡⵉⴷ ⵏ ⵓⵃⵔⵉⵛ ⵏ ⵓⵥⴰⵔⵓ ⴷ ⵓⴳⴰⵣ, ⵉ ⵢⴻⵜⵜⴽⴻⵎⵎⵉⵍⴻⵏ ⴰⴱⵔⵉⴷ ⵏ ⵢⵉⵎⵣⵡⵓⵔⴰ ⵉ ⵡⴰⴽⴽⴻⵏ ⴰⴷ ⵙⵏⴻⴼⵍⴰⵢⴻⵏ ⵜⴰⵣⵎⴻⵔⵜ ⵏ ⵜⵎⵓⵔⵜ ⵢⴻⵔⵏⴰ ⴰⴷ ⵜⴻⵟⵟⴻⴼ ⵍⵣⵣⴰⵢⴻⵔ ⴰⵎⴽⴰⵏ-ⵉⵙ ⵓⵏⵚⵉⴱ ⴷⴻⴳ ⵓⵎⴰⴹⴰⵍ.
