ⴰⴷ ⵜⵇⴰⴱⴻⵍ ⵜⴰⵔⴱⴰⵄⵜ ⵜⴰⵣⵣⴰⵢⵔⵉⵜ (ⴰ') ⵏ ⴷⴷⴰⴱⴻⵅ ⵓⴹⴰⵔ, ⵡⵉⵏ ⵢⴻⵟⵟⴼⴻⵏ ⴰⵇⴻⵔⵔⵓⵢ ⴰⵄⵔⴰⴱ, ⵜⴰⵔⴱⴰɛⵜ ⵏ ⵙⵓⴷⴰⵏ ⴰⵣⴻⴽⴽⴰ ⵏ ⵍⴰⵔⴻⴱⵄⴰ ⴷⴻⴳ ⵓⵏⵏⴰⵔ "ⴰⵃⵎⴻⴷ ⴱⴻⵏ ɛⴰⵍⵉ" ⴷⵉ ⴷⵓⵃⴰ (13:00 ⵙ ⵡⴰⴽⵓⴷ ⵏ ⵍⴻⵣⵣⴰⵢⴻⵔ), ⵙ ⵢⵉⵙⵡⵉ ⵏ ⵜⴻⵣⵡⴰⵔⴰ ⵢⴻⵍⵀⴰⵏ ⴷⴻⴳ ⵜⴻⵇⴱⵓⵛⵜ ⵏ ⵡⴰɛⵔⴰⴱⴻⵏ "ⴼⵉⴼⴰ-2025" (1-18 ⴷⵓⵊⴻⵎⴱⴻⵔ), ⴷⴻⴳ ⵜⵓⵍⵍⴰ ⵏ ⵜⴷⴰⵢⵔⴰ ⵜⴰⵎⴻⵣⵡⴰⵔⵓⵜ ⵏ ⵜⵔⴻⴳⵡⴰ ⵜⵉⵙ 4.
ⵜⴰⵔⴱⴰⵄⵜ ⵜⴰⵖⴻⵍⵏⴰⵡⵜ, ⵢⴻⵜⵜⵓⵙⴻǧⵀⴻⴷⴻⵏ ⵙ ⵢⵉⵎⵓⵔⴰⵔⴻⵏ ⵢⴻⵙⵄⴰⵏ ⵜⵉⵔⵎⵉⵜ ⴰⵎ ⵓⵎⴰⵔⴽⴰⵔ ⴰⵎⴰⵣⵔⴰⵢ ⵏ "ⵉⵣⴻⴳⵣⴰⵡⴻⵏ" ⵉⵙⵍⴰⵎ ⵙⵍⵉⵎⴰⵏⵉ (ⴽⵍⵓⵊ/ⵔⵓⵎⴰⵏⵢⴰ), ⴰⴷⴰⵎ ⵓⵏⴰⵙ (ⵙⵙⴰⵢⵍⵉⵢⴰ/ⵇⴰⵟⴻⵔ) ⴰⴽⴽⴻⴷ ⵢⴰⵙⵉⵏ ⴱⵔⴰⵀⵉⵎⵉ (ⵍⵖⴰⵔⵔⴰⴼⴰ/ⵇⴰⵟⴻⵔ), ⵉⵍⴰⵇ ⴼⴻⵍⵍ-ⴰⵙ ⴰⴷ ⵢⴻⵔⴱⴻⵃ ⴷⴻⴳ ⵜⵏⴻⴼⴼⵓⵖⵜ-ⵉⵙ ⵜⴰⵎⴻⵣⵡⴰⵔⵓⵜ ⵉⵡⴰⴽⴽⴻⵏ ⴰⴷ ⵉⴹⵎⴻⵏ ⵜⴰⵣⵡⴰⵔⴰ ⵉǧⴻⵀⴷⴻⵏ, ⵇⴱⴻⵍ ⴰⴷ ⵉⵇⴰⴱⴻⵍ ⴱⴰⵃⵔⴰⵢⵏ ⴰⵙⵙ ⵏ ⵙⵙⴻⴱⵜ, ⵙⵢⵉⵏ ⵉⵔⴰⵇ ⴰⵙⵙ ⵏ ⵡⴰⵙⵉⵏ ⵉ ⴷ-ⵉⵜⴻⴷⴷⵓⵏ, ⵉ ⵢⴻⵍⵍⴰⵏ ⴷ ⴰⵎⵏⴰⴼⴻⵃ ⴰⴳⴻⵊⴷⴰⵏ ⵖⴻⴼ ⵜⴽⴰⵕⴹⴰ ⵜⴰⵎⴻⵣⵡⴰⵔⵓⵜ ⵏ ⵓⵙɛⴻⴷⴷⵉ ⵖⴻⵔ ⵜⵔⴻⴳⵡⴰ ⵏ ⵔⵔⵓⴱⵓⵄ ⵏ ⴷⴷⵓⵕ ⵏ ⵜⴻⵣⵣⵔⵉⴳⵜ ⵜⵉⵙ 11 ⵏ ⵓⵖⵍⴰⵍ ⴰɛⵔⴰⴱ.
ⵢⴻⵏⵏⴰ-ⴷ ⵓⵙⵍⴻⵖⵎⴰⵢ ⴰⵖⴻⵍⵏⴰⵡ ⵎⴰⵊⵉⴷ ⴱⵓⴳⴻⵔⵔⴰ: "ⴰⴷ ⵏⵓⵔⴰⵔ ⵉⵡⴰⴽⴽⴻⵏ ⴰⴷ ⵏⵃⴰⵔⴻⴱ ⵖⴻⴼ ⵓⵇⴻⵔⵔⵓⵢ-ⵏⵏⴻⵖ ⴰɛⵔⴰⴱ, ⴰⵢⴰ ⵉⴱⵉⵏ. ⵉⵙⵡⵉ-ⵏⵏⴻⵖ ⴰⵎⴻⵣⵡⴰⵔⵓ ⴷ ⴰⵡⵡⴰⴹ ⵖⴻⵔ ⴷⴷⵓⵕ ⵡⵉⵙ ⵙⵉⵏ, ⵎⴰⵛⴰ ⵏⴻⵟⵎⴻɛ ⴷⴰⵖⴻⵏ ⴰⴷ ⵏⵃⴰⵔⴻⵣ ⵜⴰⵇⴱⵓⵛⵜ ⵉ ⵏⴻⵡⵡⵉ ⴷⴻⴳ ⵜⴻⵣⵣⵔⵉⴳⵜ ⵢⴻⵣⵔⵉⵏ. ⴰⴷ ⵏⴻⵍⵀⵓ ⴷ ⵢⴰⵍ ⵜⴻⵎⵍⵉⵍⵉⵜ ⵉⵎⴰⵏ-ⵉⵙ".
ⵖⴻⴼ ⵡⴰⵢⴻⵏ ⵢⴻɛⵏⴰⵏ ⵉⵎⵓⵔⴰⵔⴻⵏ, ⴰⴳⵔⴰⵡ ⴰⵇⴷⵉⵎ ⵏ "ⵉⵣⴻⴳⵣⴰⵡⴻⵏ" ⴰⴷ ⵢⵉⵍⵉ ⴷⴻⴳ ⵜⴻⴳⵏⵉⵜ ⵉ ⴷⴻⴳ ⵉⵍⴰⵇ ⴰⴷ ⵢⴻⵅⴷⴻⵎ ⴱⵍⴰ ⴽⵔⴰ ⵏ ⵢⵉⵎⵓⵔⴰⵔⴻⵏ ⵉⵅⵓⵚⵚⴻⵏ, ⴰⵏⴷⴰ ⴰⵎⵓⵔⴰⵢ ⵏ ⵜⵍⴻⵎⵎⴰⵙⵜ ⵃⵓⵙⴰⵎ ⴷⴷⵉⵏ ⵎⵉⵔⵉⵣⴰⵇ (ⴷⵉⵏⴰⵎⵓ ⵎⴰⵅⴰⵜⵛⴽⴰⵍⴰ/ⵔⵓⵙⵢⴰ) ⵓⵔ ⵉⵣⴻⵎⵉⵔ ⴰⵔⴰ ⴰⴷ ⵢⵉⵍⵃⴻⵇ ⵙ ⴰⴳⵔⴰⵡ ⴷⵉ ⴷⵓⵃⴰ ⵇⴱⴻⵍ 8 ⴷⵓǧⴻⵎⴱⴻⵔ, ⵎⴰ ⴷ ⴰⵎⵙⴰⵖ ⴰⵢⵓⴱ ⵖⴰⵣⴰⵍⴰ (ⵎⵓⵍⵓⴷⴻⵢⵢⴰ ⵏ ⵍⴻⵣⵣⴰⵢⴻⵔ) ⴰⴽⴽⴻⴷ ⵎⵓⵃⴻⵎⵎⴻⴷ ɛⴰⵣⵣⵉ (ⴷⵉⵏⴰⵎⵓ ⵎⴰⵅⴰⵜⵛⴽⴰⵍⴰ) ⵅⴻⴱⵔⴻⵏ-ⴷ ⴱⴻⵍⵍⵉ ⴰⴷ ⵖⵉⴱⴻⵏ ⵖⴻⴼ ⵙⵙⴻⴱⴱⴰ ⵢⴻⵎⵅⴰⵍⴰⴼⴻⵏ.
ⵢⴻⵔⵏⴰ-ⴷ ⵓⵎⵓⴷⵔⵉⴱ ⴰⵖⴻⵍⵏⴰⵡ ⵢⴻⵏⵏⴰ: "ⴰⴽⴽ ⵜⵉⵎⵍⵉⵍⵉⵢⵉⵏ ⴰⴷ ⵉⵍⵉⵏⵜ ⵇⴻⵔⵔⵉⵃⵉⵜ, ⵉⵎⵉ ⵍⵍⴰⵏⵜ ⴷ ⵜⵉⴷ ⵏ ⵍǧⵉⵔⴰⵏ (ⴷⴰⵔⴱⵢ) ⵉ ⴷⴻⴳ ⵢⴻⵜⵜⵉⵍⵉ ⵍⵃⴰⵎⴰⵙ ⴷ ⵓⵎⴻⵏⵏⵓⵖ. ⴰⴽⴽ ⵉⵎⵏⴰⵢⴻⵏ ⴰⴷ ⴽⴻⵛⵎⴻⵏ ⵙ ⵟⵟⵎⴻⵄ ⵏ ⵔⵔⴻⴱⵃ, ⴰⵢⴻⵏ ⴰⵔⴰ ⵖ-ⵢⴻⵙⵙⵉⵡⴹⴻⵏ ⴰⴷ ⵏⵀⴻⵢⵢⵉ ⵉⵎⴰⵏ-ⵏⵏⴻⵖ ⴰⴽⴽⴻⵏ ⵉⵍⴰⵇ, ⵍⴰⴷⵖⴰ ⵙⴻⴳ ⵜⴰⵎⴰ ⵏ ⵍⵎⵓⵔⴰⵍⵍ".
ⵙⴻⴳ ⵜⴰⵎⴰ-ⵙ, ⴰⵎⵏⴰⵢⵉ ⵏ ⵙⵓⴷⴰⵏ, ⵉ ⴷ-ⵉɛⴻⴷⴷⴰⵏ ⵖⴻⵔ ⵜⴻⵇⴱⵓⵛⵜ ⵜⴰɛⵔⴰⴱⵜ ⵎⵉ ⵢⴻⵔⴱⴻⵃ ⵍⵓⴱⵏⴰⵏ (2-1), ⵢⴻⵙⵙⴰⵡⴻⴹ ⴰⴷ ⵢⴻⴳ ⵃⴻⴷⴷ ⵉ ⵢⵉⵡⴻⵜ ⵏ ⵙⵙⵉⵍⴰⵍⴰ ⵏ 8 ⵜⴻⵎⵍⵉⵍⵉⵢⵉⵏ ⴱⵍⴰ ⵔⵔⴻⴱⵃ ⴷⴻⴳ ⵢⵉⵎⵉⵣⵣⵡⴰⵔⴻⵏ ⵢⴻⵎⵅⴰⵍⴰⴼⴻⵏ.
ⴰⴷ ⴷ-ⵜⵓⵖⴰⵍ ⵜⴻⴳⵏⵉⵜ ⵏ ⵓⵎⵇⴰⴱⴰⵍ ⴳⴰⵔ ⵍⴻⵣⵣⴰⵢⴻⵔ ⴷ ⵙⵓⴷⴰⵏ, ⵎⵉ ⵎⵍⴰⵍⴻⵏ ⵙⵉⵏ ⵢⵉⵎⵏⴰⵢⴻⵏ ⴷⴻⴳ ⵜⴷⴰⵢⵔⴰ ⵜⴰⵎⴻⵣⵡⴰⵔⵓⵜ ⵏ ⵜⴻⵣⵣⵔⵉⴳⵜ ⵢⴻⵣⵔⵉⵏ ⵏ ⵜⴻⵇⴱⵓⵛⵜ ⵏ ⵡⴰɛⵔⴰⴱⴻⵏ 2021, ⴷⴻⴳ ⵜⴻⵎⵍⵉⵍⵉⵜ ⵉ ⴷⵉ ⵔⴻⴱⵃⴻⵏ "ⵉⵣⴻⴳⵣⴰⵡⴻⵏ" ⵙ 4-0.
ⴰⴽⴽⴻⵏ ⵉ ⴷ-ⵜⵓⵖⴰⵍ ⵜⴻⵎⵍⵉⵍⵉⵜ ⵜⴰⵏⴻⴳⴳⴰⵔⵓⵜ ⴳⴰⵔ-ⴰⵙⴻⵏ ⵖⴻⵔ ⵖⵓⵛⵜ ⵢⴻⵣⵔⵉⵏ, ⴷⴻⴳ ⵔⵔⵓⴱⵓɛ ⵏ ⴷⴷⵓⵕ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵎⵓⵔⴰⵔⴻⵏ ⵏ ⴷⴰⵅⴻⵍ "ⵛⵀⴰⵏ 2024" (ⵉ ⵢⴻⵜⵜⵓⵡⵡⴻⵅⵔⴻⵏ ⵖⴻⵔ 2025) ⴷⴻⴳ ⵜⴳⴻⵣⵉⵔⵜ ⵏ ⵣⴰⵏⵣⵉⴱⴰⵔ, ⴰⵏⴷⴰ ⵉ ⴷ-ⵢⴻⵙⵙⵓⴼⴻⵖ ⵙⵓⴷⴰⵏ ⴰⵎⵏⴰⵢⵉ ⴰⵖⴻⵍⵏⴰⵡ ⵙ ⵜⵢⵜⵉⵡⵉⵏ ⵏ ⵜⵏⴻⵣⵣⵉⵜ (4-2) ⵎⵉ ⴼⵓⴽⴽ ⵜⴻⵎⵍⵉⵍⵉⵜ ⵙ ⵓⵎⵛⴰⴷⴰⵍ (1-1).
ⴷⴻⴳ ⵜⴻⵎⵍⵉⵍⵉⵜ ⵜⵉⵙ ⵙⵏⴰⵜ ⵏ ⵜⵔⴻⴳⵡⴰ-ⵢⴰ, ⴰⵎⵏⴰⵢⵉ ⵏ ɛⵉⵔⴰⵇ ⵢⴻⵜⵜⵡⴰⵔⵓⵃ ⴰⴷ ⵉɛⴻⴷⴷⵉ ⴰⵎⵏⴰⵢⵉ ⵏ ⴱⴰⵃⵔⴰⵢⵏ ⴷⴻⴳ ⵓⵏⵏⴰⵔ "974" ⵙⵉ 15:30 (ⵙ ⵡⴰⴽⵓⴷ ⵏ ⵍⴻⵣⵣⴰⵢⴻⵔ).
ⴰⴷ ⴷ-ⵏⴻⵙⵎⴻⴽⵜⵉ ⴱⴻⵍⵍⵉ ⵡⵉⴷ ⴰⵔⴰ ⵢⴻⵟⵟⴼⴻⵏ ⵉⵎⵓⴽⴰⵏ ⵉⵎⴻⵣⵡⵓⵔⴰ ⴷ ⵡⵉⵙ ⵙⵉⵏ ⵏ ⵢⴰⵍ ⵜⵔⴻⴳⵡⴰ ⴰⴷ ɛⴻⴷⴷⵉⵏ ⵖⴻⵔ ⵔⵔⵓⴱⵓⵄ ⵏ ⴷⴷⵓⵕ ⴰⵔⴰ ⵢⵉⵍⵉⵏ ⴷⴻⴳ 11 ⴷ 12 ⴷⵓǧⴻⵎⴱⴻⵔ. ⵡⵉⵏ ⴰⵔⴰ ⵢⴰⵡⵉⵏ ⵜⴰⵇⴱⵓⵛⵜ ⴰⴷ ⵢⴰⵡⵉ ⴰⵔⵔⴰⵣ ⵏ ⵜⴻⴷⵔⵉⵎⵜ ⵢⵓⴳⴰⵔⴻⵏ 7 ⵢⵉⵎⴻⵍⵢⴰⵏ ⵏ ⴷⵓⵍⴰⵔ, ⵎⴰ ⴷ ⵡⵉⵏ ⴰⵔⴰ ⵢⵉⵍⵉⵏ ⴷ ⵡⵉⵙ ⵙⵉⵏ ⴰⴷ ⵢⴰⵡⵉ ⵓⴳⴰⵔ ⵏ 4 ⵢⵉⵎⴻⵍⵢⴰⵏ ⵏ ⴷⵓⵍⴰⵔ.
ⴰⵔⵏⵓ ⵖⴻⵔ
