ⵜⴰⵊⵉⵎⵏⴰⵙⵜⵉⴽⵜ ⵏ ⵜⵥⵓⵔⵉ ⵜⴰⵣⵣⴰⵢⵔⵉⵜ ⵜⵓⵍⵍⵉ ⵖⴻⵔ ⵓⴳⴻⵍⴷⵓ ⵏ ⵜⴻⴼⵔⵉⵇⵜ

ⵜⴰⵊⵉⵎⵏⴰⵙⵜⵉⴽⵜ ⵏ ⵜⵥⵓⵔⵉ ⵜⴰⵣⵣⴰⵢⵔⵉⵜ ⵜⵓⵍⵍⵉ ⵖⴻⵔ ⵓⴳⴻⵍⴷⵓ ⵏ ⵜⴻⴼⵔⵉⵇⵜ ⵙ ⵏⴼⴰⵄ ⵏ ⵜⵎⵓⵖⵍⵉ ⵏ ⵙⵏⴰⵜ ⵏ ⵜⴻⵔⴱⴰⵄⵉⵏ ⵜⴰⵖⴻⵍⵏⴰⵡⵉⵏ ⵏ ⵢⵉⵎⴻⵇⵇⵔⴰⵏⴻⵏ (ⵉⵔⴳⴰⵣⴻⵏ ⴷ ⵜⵉⵙⴻⴷⵏⴰⵏ) ⴷⴻⴳ ⵜⵙⴻⵎⵎⵓⵏⵜ ⵜⵉⵙ ⵎⵔⴰⵡ ⴷ ⵜⵥⴰⵜ (19) ⵏ ⵜⵉⵍⵖⵓⵖⴰ ⵏ ⵜⴻⴼⵔⵉⵇⵜ 2026 ⵉ ⵉⴼⵓⴽⴽⴻⵏ ⵉⴹⴻⵍⵍⵉ ⴷⴻⴳ ⵢⴰⵓⵓⵏⴷé (ⴽⴰⵎⵉⵔⵓⵏ). ⵍⴻⵣⵣⴰⵢⴻⵔ ⵜⴻⵡⵡⵉ ⴰⵣⴰⵍ ⵏ 16 ⵏ ⵜⵎⴻⴷⴷⴰⵍⵜⵉⵏ (6 ⵏ ⴷⴷⵀⴻⴱ, 6 ⵏ ⵍⴼⴻⵟⵟⴰ ⴷ 4 ⵏ ⵏⵏⴻⵃⴰⵙ).

ⵙⴻⴳ ⵜⴰⵣⵡⴰⵔⴰ ⵏ ⵓⵎⵣⵉⵣⵡⴻⵔ, ⵉⵎⵊⵓⵎⵏⴰⵙⵜⴻⵏ ⵍⴻⵣⵣⴰⵢⵔⵉⵢⴻⵏ, ⵙ ⵜⵎⵓⵖⵍⵉ ⵏ ⵜⴰⴱⵓⵖⴰⵍⵜ ⵜⵓⵍⴰⵓⵎⵒⵉⵜ ⴽⴰⵢⵍⵉⴰ ⵏⴻⵎⵓⵓⵔ, ⵙⴱⴻⴷⴷⴻⵏ ⵢⵉⵡⴻⵏ ⵏ ⵓⵏⴰⴳⵔⴰⵡ ⵉⴶⴻⵀⴷⴻⵏ ⵉ ⵢⴻⵙⴷⵓⴽⴽⵓⵍⴻⵏ ⵍⵃⴻⵔⵙ ⴷ ⵓⵕⵚⵓ. ⴰⵢⴰⴳⵉ ⵢⴻⴶⴶⴰ-ⵜⴻⵏ ⴰⴷ ⴷ-ⴰⵡⵉⵏ ⴰⵎⴽⴰⵏ ⴰⵎⴻⵏⵣⵓ ⴷⴻⴳ ⵓⵕⴰⵜⵜⵉ ⵏ ⵜⴰⵔⴱⴰⵄⵜ ⵓ ⴰⴷ ⴷ-ⵜⴻⴽⴽⵉⵏ ⴷⴻⴳ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ ⵉ ⵜⵉⴽⴽⴻⵍⵜ ⵜⴰⵎⴻⵏⵣⵡⵓⵜ ⴷⴻⴳ ⵓⵎⴻⵣⵔⵓⵢ.

ⴷⴻⴳ ⵓⵙⵡⵉⵔ ⵏ ⵜⵉⵙⴻⴷⵏⴰⵏ, "ⵜⵉⴼⴻⵔⴼⴻⵜⵜⵉⵏ ⵏ ⵢⵉⵣⵉⵏⵣⴰⵡⴻⵏ" ⵙⵄⴰⵏⵜ ⵜⴰⵣⵎⴻⵔⵜ ⵓⴳⴰⵔ ⵏ ⵜⵏⴻⴼⵔⴰⵢⵉⵏ ⵏ ⵜⴻⴼⵔⵉⵇⵜ ⵏ ⵓⵏⵥⵓⵍ ⴷ ⵎⴰⵚⴻⵔ. ⴰⵢⴰⴳⵉ ⴷ ⴰⵙⵏⴻⴼⵍⵉ ⵉ ⵉⵜⴻⴷⴷⵓⵏ ⵉ ⵍⴻⵣⵣⴰⵢⴻⵔ ⴷⴻⴳ ⵜⴻⴼⵔⵉⵇⵜ ⵙ ⵏⴼⴰⵄ ⵏ ⵙⵉⵏ ⵏ ⵢⵉⵜⵔⵉⵢⴻⵏ: ⴽⴰⵢⵍⵉⴰ ⵏⴻⵎⵓⵓⵔ ⴷ ⵊⴻⵏⵏⴰ ⴰⵍ-ⵍⴰⵔⵓⵓⵉ, ⵉ ⴷ-ⵢⴻⵡⵡⵉⵏ ⴳⴰⵔ-ⴰⵙⴻⵏⵜ 9 ⵏ ⵜⵎⴻⴷⴷⴰⵍⵜⵉⵏ, ⴷⴻⴳ-ⵙⴻⵏⵜ 5 ⵏ ⴷⴷⵀⴻⴱ.

ⴷⴻⴳ ⵡⴰⵙⵙ ⵡⵉⵙ ⴽⵓⵣ ⴷ ⵓⵏⴻⴳⴳⴰⵔⵓ, ⴽⴰⵢⵍⵉⴰ ⵏⴻⵎⵓⵓⵔ ⵜⴻⵔⵏⴰ ⵙⵏⴰⵜ ⵏ ⵜⵎⴻⴷⴷⴰⵍⵜⵉⵏ ⵏ ⴷⴷⵀⴻⴱ ⴷⴻⴳ ⵡⴰⵍⵍⴰⵍ ⵏ ⵓⵛⵓⵇⵇⴻⵔ ⵏ ⵓⵎⵎⵉⵣⵉ ⴷ ⵜⵉⴳⴳⴰⵜⵉⵏ ⵏ ⵍⵇⴰⵄⴰ. ⵜⴻⵡⵡⵉ ⴰⵎⴽⴰⵏ ⴰⵎⴻⵏⵣⵓ ⴷⴻⴳ ⵓⵛⵓⵇⵇⴻⵔ ⵏ ⵓⵎⵎⵉⵣⵉ ⵙ 14.166 ⵏ ⵜⵉⵣⵉ (points), ⵜⵓⴳⴰⵔ ⵜⴰⵎⵓⵔⵜ-ⵉⵙ ⵊⴻⵏⵏⴰ ⴰⵍ-ⵍⴰⵔⵓⵓⵉ ⵉ ⴷ-ⵢⴻⵡⵡⵉⵏ ⵍⴼⴻⵟⵟⴰ ⵙ 12.233 ⵏ ⵜⵉⵣⵉ. ⵙⴻⵍⴷ ⴰⵏⵏⴻⵛⵜ-ⴰ, ⵜⴻⵡ  ⴷⴷⵀⴻⴱ ⵏⵏⵉⴹⴻⵏ ⴷⴻⴳ ⵜⵉⴳⴳⴰⵜⵉⵏ ⵏ ⵍⵇⴰⵄⴰ ⵙ 13.100 ⵏ ⵜⵉⵣⵉ.

ⴽⴰⵢⵍⵉⴰ ⵏⴻⵎⵓⵓⵔ... ⵜⴻⵙⵙⴻⵡⵡⴰⵢ ⵜⴰⵊⵉⵎⵏⴰⵙⵜⵉⴽⵜ ⵜⴰⵣⵣⴰⵢⵔⵉⵜ ⵖⴻⵔ ⵜⵉⵣⵉ ⵏ ⵓⵏⵉⴳ

ⵓⴼⴼⵉⵔ ⵏ ⵜⴰⵎⴰ ⵜⴰⵜⵉⴽⵏⵉⴽⵜ, ⵜⵉⵍⵖⵓⵖⴰ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⴽⴰⵢⵍⵉⴰ ⵏⴻⵎⵓⵓⵔ ⵉⵡⴰⴽⴽⴻⵏ ⴰⴷ ⴷ-ⵜⴻⵙⴽⴻⵏ ⵜⴰⵣⵎⴻⵔⵜ-ⵉⵙ ⵉ ⵜⵜ-ⵢⴻⵔⵔⴰⵏ ⴷ ⵉⵜ  ⴰⵎⴻⵏⵣⵓ ⴷⴻⴳ ⵜⵊⴻⵎⵏⴰⵙⵜⵉⴽⵜ ⵜⴰⵣⵣⴰⵢⵔⵉⵜ ⴷ ⵜⵉⵏ ⵏ ⵜⴻⴼⵔⵉⵇⵜ. ⵜⴻⵡⵡⵉ ⴰⵎⴽⴰⵏ ⴰⵎⴻⵏⵣⵓ ⴷⴻⴳ ⵓⵎⵣⵉⵣⵡⴻⵔ ⵏ ⵢⵉⵡⴻⵏ ⵙ 56.498 ⵏ ⵜⵉⵣⵉ, ⵓ ⵜⴻⵔⵏⴰ ⴰⵙⴻⵍⴽⴻⵏ ⵏ ⵜⴻⴼⵔⵉⵇⵜ ⴷⴻⴳ ⵜⵎⵓⵀⴰⵍ-ⴰⴳⵉ. ⴷⴰⵖⴻⵏ, ⵜⴱⴰⵏ-ⴷ ⴷⴻⴳ ⵢⴰⴽⴽ ⵡⴰⵍⵍⴰⵍⴻⵏ, ⵍⴰⴷⵖⴰ ⵢⵉⵙⵓⴽⴰ ⵓⵔ ⵏⴻⵎⵎⵉⵣⵉⵍ  , ⴰⵏⵉⴷⴰ ⵉ ⵜⴻⵙⵙⴰⵡⴻⴹ ⴰⴷ ⴷ-ⵜⴻⵙⴽⴻⵏ ⵜⵎⵓⵖⵍⵉ-ⵉⵙ ⵜⴰⴼⴰⵣⴰⵏⵜ ⵣⴷⴰⵜ ⵏ ⵜⵏⴻⴼⵔⴰⵢⵉⵏ ⵏⵏⵉⴹⴻⵏ.

ⵙⴻⴳ ⵜⴰⵎⴰ-ⵙ, ⵊⴻⵏⵏⴰ ⴰⵍ-ⵍⴰⵔⵓⵓⵉ ⵜⴻⵜⵜⴻⴽⴽⵉ ⴷⴻⴳ ⵓⵙⴰⵍⵉ ⵏ ⵡⴰⵣⴰⵍ ⵏ ⵜⵊⴻⵎⵏⴰⵙⵜⵉⴽⵜ ⵜⴰⵣⵣⴰⵢⵔⵉⵜ ⴷⴻⴳ ⵜⴻⴼⵔⵉⵇⵜ. ⵜⴻⵡⵡⵉ 5 ⵏ ⵜⵎⴻⴷⴷⴰⵍⵜⵉⵏ: ⵙⵏⴰⵜ ⵏ ⴷⴷⵀⴻⴱ (ⴷⴻⴳ ⵓⵎⵣⵉⵣⵡⴻⵔ ⵏ ⵜⴰⵔⴱⴰⵄⵜ ⴷ ⵜⴰⵟⴰⴱⵍⴰ ⵏ ⵓⵏⴻⴳⴳⴻⵣ), ⵢⵉⵡⴻⵜ ⵏ ⵍⴼⴻⵟⵟⴰ (ⴰⵛⵓⵇⵇⴻⵔ ⵏ ⵓⵎⵎⵉⵣⵉ) ⴷ ⵙⵏⴰⵜ ⵏ ⵏⵏⴻⵃⴰⵙ (individual ⴷ ⵢⵉⵙⵓⴽⴰ ⵓⵔ ⵏⴻⵎⵎⵉⵣⵉⵍ).

ⴷⴻⴳ ⵓⵙⵡⵉⵔ ⵏ ⵢⵉⵙⵉⴳⴳⵉⵔⴻⵏ , ⵍⴻⵣⵣⴰⵢⴻⵔ ⵜⴻⵡⵡⵉ ⴰⵎⴽⴰⵏ ⵡⵉⵙ ⵙⵉⵏ ⵙ 4 ⵏ ⵜⵎⴻⴷⴷⴰⵍⵜⵉⵏ. ⴷⴷⵀⴻⴱ ⵏ ⵎⴻⵍⵉⵙⵙⴰ ⴷⵊⴰⴷⵉ ⴷⴻⴳ ⵜⴰⵟⴰⴱⵍⴰ ⵏ ⵓⵏⴻⴳⴳⴻⵣ, ⴷ 3 ⵏ ⵏⵏⴻⵃⴰⵙ ⵉ ⵜⴻⵔⴱⴰⵄⵜ ⵏ ⵢⵉⵔⴳⴰⵣⴻⵏ ⴷ ⵜⵉⵏ ⵏ ⵜⵉⵙⴻⴷⵏⴰⵏ.

ⵜⴰⵙⴻⵎⵎⵓⵏⵜ-ⴰⴳⵉ ⵜⵉⵙ 19 ⵏ ⵜⵉⵍⵖⵓⵖⴰ ⵏ ⵜⴻⴼⵔⵉⵇⵜ ⵜⴻⵙⵙⴻⴽⵏⴻⴷ ⴰⴱⴻⴷⴷⴻⵍ ⵉ ⵉⵜⴻⴷⴷⵓⵏ ⵏ ⵡⴰⴷⴷⴰⵍ ⵏ ⵜⵊⴻⵎⵏⴰⵙⵜⵉⴽⵜ ⴷⴻⴳ ⵍⴻⵣⵣⴰⵢⴻⵔ. ⵜⴰⵍⵍⵉⵜ ⵏ ⵢⴰⵓⵓⵏⴷ  ⴰⴷ ⴷ-ⵜⴻⵇⵇⵉⵎ ⴷ ⵜⴰⴳⵏⵉⵜ ⵜⴰⵎⴻⵍⵍⴰⵍⵜ ⴷⴻⴳ ⵓⴱⵔⵉⴷ ⵏ ⵡⴰⴷⴷⴰⵍ ⴰⵣⵣⴰⵢⵔⵉ.