ⴰⵏⴻⵖⵍⴰⴼ ⵏ ⵓⵙⵉⵡⴻⵍ, ⵎⴰⵙ ⵎⵓⵀⴰⵎⴻⴷ ⵣⵓⵀⵉⵔ ⴱⵓⵄⴰⵎⴰⵎⴰ, ⵜⵛⴻⵢⵢⴻⵄ-ⴷ ⵜⴰⵣⵉⵜ ⵙⴻⴳ ⵡⵓⵍ ⵉ ⵜⵡⴰⵛⵓⵍⵜ ⵏ ⵍⴼⴰⵇⵉⴷ, ⴰⵎⴼⴻⵙⵙⴻⵔ ⵏ ⵡⴰⴷⴷⴰⵍ ⵏ ⵣⵉⴽ ⴷⵉ ⵜⵉⵍⵉⵡⵉⵣⵢⵓ ⵏ ⵍⵣⵣⴰⵢⴻⵔ, ⵄⴰⴱⴷⴻⵍⵔⴻⵣⵣⴰⵇ ⵣⵓⴰⵡⵉ, ⵉ ⵢⴻⵎⵎⵓⵜⴻⵏ ⴷⴻⴳ ⵍⵄⴻⵎⵔ-ⵉⵙ ⵏ 90 ⵏ ⵢⵉⵙⴻⴳⴳⴰⵙⴻⵏ.
ⵍⴼⴰⵇⵉⴷ ⵢⴻⵍⵍⴰ ⴷ ⵢⵉⵡⴻⵏ ⵙⴻⴳ ⵉⵙⵓⵍⴰⵙ ⵏ ⵓⵙⵉⵡⴻⵍ ⵏ ⵡⴰⴷⴷⴰⵍ ⴷⵉ ⵍⵣⵣⴰⵢⴻⵔ ⴷⴻⴳ ⵢⵉⵙⴻⴳⴳⴰⵙⴻⵏ ⵏ ⵙⴻⴱⵄⵉⵏ (70). ⵜⴰⵖⴻⵛⵜ-ⵉⵙ ⵜⵓⵔⴰ ⴷⴻⴳ ⵓⵎⴻⵣⵔⵓⵢ ⵏ ⵜⴻⵎⵍⵉⵍⵉⵢⴻⵏ ⵏ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⴷ ⵡⵓⵔⴰⵔⴻⵏ ⵉⵎⴻⵇⵇⵔⴰⵏⴻⵏ ⵉ ⴷ-ⵢⴻⵍⵍⴰⵏ ⴷⵉ ⵜⵎⵓⵔⵜ, ⴰⵎ ⵡⵓⵔⴰⵔⴻⵏ ⵏ ⵢⵉⵍⵍⴻⵍ ⴰⴳⵔⴰⴽⴰⵍ ⵏ 1975 ⴷ ⵡⵓⵔⴰⵔⴻⵏ ⵏ ⵜⴻⴼⵔⵉⵇⵜ ⵏ 1978, ⵔⵏⵓ ⵖⴻⵔ ⵡⴰⵢⴰ ⵜⵓⵔⵔⵓⴼⴰⵜ-ⵉⵙ ⵢⴻⵍⵀⴰⵏ ⴷⴻⴳ ⵜⴼⴰⵙⴽⵉⵡⵉⵏ ⵏ ⴷⴷⴰⴱⴻⵅ ⵏ ⵓⴹⴰⵔ ⵏ ⵓⵎⴻⵣⵔⵓⵢ ⵏ ⵍⵣⵣⴰⵢⴻⵔ.
ⴷⴻⴳ ⵓⴱⵔⵉⴷ-ⵉⵙ ⵏ ⵓⵅⴻⴷⴷⵉⵎ, ⵢⴻⵅⴷⴻⵎ ⴷⴰⵖⴻⵏ ⴷ ⴰⵎⵛⵓⵔ (conseiller) ⴷⴻⴳ ⵜⵎⴰⵡⴰⵙⵜ ⵏ ⵢⵉⵍⴻⵎⵣⵉⵢⴻⵏ ⴷ ⵡⴰⴷⴷⴰⵍ, ⵙⵢⵉⵏ ⵢⴻⵔⵔⴰ ⵖⴻⵔ ⵜⵓⵏⴻⵙ ⴰⴽⴽⴻⵏ ⴰⴷ ⵢⴻⵅⴷⴻⵎ ⴷⴻⴳ "ⵜⴰⴷⵓⴽⵍⵉ ⵏ ⵜⵎⵓⵔⴰ ⵜⴰⵄⵔⴰⴱⵉⵏ" ⴰⵎ ⵓⵎⴻⵏⴷⵓⴱ ⵉ ⴷ-ⵢⴻⵍⵀⴰⵏ ⴷ ⵢⵉⵍⴻⵎⵣⵉⵢⴻⵏ ⴷ ⵡⴰⴷⴷⴰⵍ ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ.
ⴷⴻⴳ ⵜⴻⴳⵏⵉⵜ-ⴰⴳⵉ ⵉⵇⴻⵔⵃⴻⵏ, ⴰⵏⴻⵖⵍⴰⴼ ⵏ ⵓⵙⵉⵡⴻⵍ ⵜⵛⴻⵢⵢⴻⵄ-ⴷ ⵜⴰⵣⵉⵜ ⵙⴻⴳ ⵡⵓⵍ ⵉ ⵜⵡⴰⵛⵓⵍⵜ ⵏ ⵍⴼⴰⵇⵉⴷ ⴷ ⵜⴻⵣⵔⵉⴳⵜ ⵏ ⵢⵉⵙⴰⵍⵍⴻⵏ ⵎⴻⵕⵕⴰ ⴷ ⵢⵉⵎⴷⴷⵓⴽⴽⴰⵍ-ⵉⵙ ⴷⵉ ⵜⵉⵍⵉⵡⵉⵣⵢⵓ ⵏ ⵍⵣⵣⴰⵢⴻⵔ. ⴰⴷ ⴰⵙ-ⵢⴻⴳ ⵔⴻⴱ ⵔⵔⴻⵃⵎⴰ ⴷ ⵍⵊⴻⵏⵏⴻⵜ, ⵢⴻⵔⵏⴰ ⴰⴷ ⴷ-ⵢⴻⴼⴽ ⵚⵚⴱⴻⵔ ⵉ ⵡⵉⴷ-ⵉⵙ. ⵙⴻⴳ ⵔⴻⴱ ⵉ ⴷ-ⵏⴻⴽⴽⴰ, ⵖⵓⵔ-ⵙ ⴰⵔⴰ ⵏⴻⵔⵔ.
ⴰⵔⵏⵓ ⵖⴻⵔ
