ⵜⴻⴱⴱⴻⵔⵔⴻⵃ-ⴷ ⵜⴰⵎⴰⵡⴰⵙⵜ ⵏ ⵜⵎⴻⵔⵛⴰ ⴷ ⵜⵎⴻⵔⵛⵉⵡⵉⵏ ⵉ ⴷ-ⵢⴻⵜⵜⴰⵣⵣⴰⵍⴻⵏ ⵙ ⵓⵙⵓⴽⴽⴻⵔ ⵏ ⵜⴽⴻⴱⴱⴰⵏⵉⵜ "ⵙⵓⵏⴻⵍⴳⴰⵣ-ⴰⴳⵔⴻⵖⵍⴰⵏ" (Sonelgaz International). ⴰⵢⴰ ⵢⵓⵙⴰ-ⴷ ⵉⵡⴰⴽⴽⴻⵏ ⴰⴷ ⴷ-ⵢⴻⵙⵙⴻⵏⴼⴻⴷ ⵉⵡⴻⵚⵚⵉⵡⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⴊⵉⴷ ⵜⴻⴱⴱⵓⵏⴻ, ⵉ ⵓⴱⴻⵏⵏⵉ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵢⴻⵎⵅⴰⵍⴰⴼⴻⵏ, ⵢⴻⵍⵍⴰⵏ ⴷ ⵜⴰⵔⵉⵙⵜ ⴷⴻⴳ ⵓⵏⵣⴰⴳⴰⵏ (environnement) ⴰⴳⵔⴻⵖⵍⴰⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵎⴰⵡⴰⵙⵜ.
ⴷⴻⴳ ⵡⴰⵍⵖⵓ-ⴰⴳⵉ, ⵏⵏⴰⵏ-ⴷ: "ⴷⴻⴳ ⵓⵙⴻⵏⴼⴻⴷ ⵏ ⵢⵉⵡⴻⵚⵚⵉⵡⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⵓⵙⴻⴊⵀⴻⴷ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⴷ ⵓⵙⴻⴇⴇⴻⵎ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵣⵣⴰⵢⵔⵉⵢⵉⵏ ⴷⴻⴳ ⵢⵉⵏⵣⴳⴰⵏ ⵏ ⴱⴻⵔⵔⴰ, ⵜⴻⵙⵙⴻⴱⴷⴻⴷ ⵜⴰⵎⴰⵡⴰⵙⵜ ⵏ ⵜⵎⴻⵔⵛⴰ 'ⵙⵓⵏⴻⵍⴳⴰⵣ-ⴰⴳⵔⴻⵖⵍⴰⵏ' ⴰⵎ ⵡⴰⵍⵍⴰⵍ ⴰⵙⵜⵔⴰⵜⵉⴊⵉ ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴻⵏⴼⴻⴷ ⵏ ⵜⵎⵓⵖⵍⵉ-ⵢⴰ".
ⴰⵙⵓⴽⴽⴻⵔ ⵏ ⵜⴽⴻⴱⴱⴰⵏⵉⵜ-ⴰⴳⵉ ⵢⵓⵙⴰ-ⴷ ⴷⴻⴳ ⵢⵉⵡⴻⵜ ⵏ ⵜⵎⵓⵖⵍⵉ ⵜⴰⵎⴰⵢⵏⵓⵜ ⵉ ⵓⵙⵏⴻⵔⵏⵉ ⵏ ⵓⵔⵎⵓⴷ ⵏ ⵓⵃⵔⵉⵛ-ⴰ ⵖⴻⵔ ⴱⴻⵔⵔⴰ, ⵙ ⵓⵙⴻⵍⵍⵓⵏ ⵏ ⵜⵎⵓⵙⵏⵉ (expertise) ⵏ ⵙⵓⵏⴻⵍⴳⴰⵣ ⴷ ⵜⵎⴰⵛⵉⵏⵉⵏ-ⵉⵙ, ⴰⵢⴰ ⴰⴷ ⵢⴻⵔⵔ ⵍⴻⵣⵣⴰⵢⴻⵔ ⴷ ⵜⴰⵛⵔⵉⴽⵜ ⵉ ⴼⴻⵍⵍⴰ-ⵙ ⵢⴻⴱⵏⴰ ⵍⵍⵙⴰⵙ ⴷⴻⴳ ⵓⵎⴰⴹⴰⵍ.
"ⵙⵓⵏⴻⵍⴳⴰⵣ-ⴰⴳⵔⴻⵖⵍⴰⵏ" ⴰⴷ ⵜⴻⵙⵙⵉⵖⴻⵔ ⵉⵔⵎⵓⴷⴻⵏ-ⵉⵙ ⵙⵙⴰ ⵏ ⵜⴻⵍⵉⵙⵜ ⵏ ⵜⵎⵓⵔⵜ, ⵙ ⵓⵏⴰⴷⵉ ⵏ ⵜⴻⴳⵏⴰⵜⵉⵏ ⵏ ⵓⵙⴻⴼⵔⴻⴽ (investissement), ⵍⴰⴷⵖⴰ ⴷⴻⴳ ⵢⵉⵏⵣⴳⴰⵏ ⵏ ⵜⴼⵔⵉⵇⵜ ⴷ ⵢⵉⵍⴻⵍ ⴰⴳⵔⴰⴽⴰⵍ. ⴰⴷ ⵜⴻⵅⴷⴻⵎ ⵜⵉⵣⵔⴰⵡⵉⵏ ⵏ ⵜⴻⴽⵏⵉⴽ (études), ⴰⵙⴻⴼⵔⴻⴽ, ⴰⵃⵔⴰⵣ (maintenance), ⴷ ⵓⵎⵢⴻⵍⵍⵉ ⵏ ⵜⵎⵓⵙⵏⵉ ⴷ ⵓⵙⵉⵍⴻⵖ.
ⵜⴰⵎⴰⵡⴰⵙⵜ ⵏ ⵜⵎⴻⵔⵛⴰ ⵜⴻⵙⵙⴻⴊⵀⴻⴷ ⵍⴻⴱⵖⵉ-ⵙ ⵉ ⵓⵙⴻⵏⴼⴻⴷ ⵏ ⵢⵉⵍⵓⵜⴻⵢ ⵏ ⵓⵙⴻⵍⵡⴰⵢ ⵜⴻⴱⴱⵓⵏⴻ ⵉ ⵓⵙⵏⴻⵔⵏⵉ ⵏ ⵓⵙⴻⵍⵍⵓⵏ ⵏ ⴱⴻⵔⵔⴰ ⵏ ⵍⴱⴻⵟⵔⵓⵍ (hors hydrocarbures), ⵉ ⵓⵙⵏⴻⴼⵍⵉ ⵏ ⵜⵎⵓⵔⵜ ⴷ ⵓⵙⴻⴊⵀⴻⴷ ⵏ ⵡⵓⴷⴻⵎ ⵏ ⵍⴻⵣⵣⴰⵢⴻⵔ ⴷⴻⴳ ⵓⵎⴰⴹⴰⵍ.
ⴰⵔⵏⵓ ⵖⴻⵔ
