ⵙ ⵜⵎⴰⵍ ⴷ ⵓⵛⴻⴳⴳⴻⵄ ⵏ ⵓⵙⴻⵍⵡⴰⵢ ⵏ ⵜⵣⴻⴳⴷⵓⴳⵜ, ⴰⵎⴰⵡⴰⵙ ⵏ ⴷⴷⵓⴽⴰ, ⴰⵎⴰⵡⴰⵙ ⵏ ⵡⴰⵙⵙⴰⵖⴻⵏ ⵏ ⴱⴻⵔⵔⴰ ⴷ ⵍⵊⴰⵍⵢⴰ ⵜⴰⵖⴻⵍⵏⴰⵡⵜ ⴷⵉ ⴱⴻⵔⵔⴰ ⴷ ⵜⵖⴰⵡⵙⵉⵡⵉⵏ ⵏ ⵜⴻⴼⵔⵉⵇⵜ, ⴰⵃⵎⴻⴷ ⵄⴰⵟⵟⴰⴼ, ⵢⴻⵔⵣⴰ-ⴷ ⴰⵙⵙ-ⴰ ⵏ ⵍⵃⴻⴷⴷ ⵖⴻⵔ ⵙⵉⵢⵓⵍ , ⵜⴰⵎⴰⵏⴻⵖⵜ ⵏ ⵜⵣⴻⴳⴷⵓⴳⵜ ⵏ ⴽⵓⵔⵢⴰ. ⴰⴷ ⵉⵃⴷⴻⵔ ⵙⴻⴳ ⴰⵣⴻⴽⴽⴰ ⴷⴻⴳ ⵓⴳⵔⴰⵡ ⴰⵎⴰⵡⴰⵙ ⵏ ⵓⵎⵢⴰⵡⴰⵙ ⴳⴰⵔ ⵜⴻⴼⵔⵉⵇⵜ ⴷ ⴽⵓⵔⵢⴰ, ⴰⵔⴰ ⵢⵉⵍⵉⵏ ⴰⵙⵙ ⵏ 1 ⴷ 2 ⵏ ⵢⵓⵏⵢⵓ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵍⴱⴰⵢⴰⵏ ⵏ ⵜⵎⴰⵡⴰⵙⵜ.
ⵍⴱⴰⵢⴰⵏ ⵢⴻⵙⵙⴻⴳⵣⴰ-ⴷ ⴱⴻⵍⵍⵉ ⴰⴳⵔⴰⵡ-ⴰⴳⵉ, ⵉ ⴷⴻⴳ ⴰⵔⴰ ⴷⴷⵓⴽⵍⴻⵏ ⵢⵉⵎⴰⵡⴰⵙⴻⵏ ⵏ ⵜⴻⴼⵔⵉⵇⵜ ⴷ ⵓⵎⴷⵉⴽ-ⵏⵙⴻⵏ ⵏ ⴽⵓⵔⵢⴰ, ⴰⴷ ⵢⴻⵣⵔⴰⵡ ⴰⵢⴻⵏ ⵉ ⴷ-ⵢⴻⵍⵍⴰⵏ ⵙⴻⴳ ⵡⴰⴳⵔⴰⵡ ⴰⵎⴻⵇⵇⵔⴰⵏ ⴰⵎⴻⵏⵣⵓ ⵏ ⵢⵓⵏⵢⵓ 2024. ⴰⴷ ⴷ-ⴱⴻⴷⵔⴻⵏ ⴷⴰⵖⴻⵏ ⴰⴱⵔⵉⴷ ⵏ ⵓⵙⵏⴻⵔⵏⵉ ⵏ ⵓⵎⵢⴰⵡⴰⵙ-ⴰⴳⵉ ⴷ ⵓⵀⴻⴳⴳⵉ ⵏ ⵢⵉⴳⵔⴰⵡⴻⵏ ⵏ ⵡⴰⵣⵣⴻⴽⴽⴰ.
ⴷⴻⴳ ⵜⴰⴳⴰⵔⴰ, ⵍⴱⴰⵢⴰⵏ ⵢⴻⵏⵏⴰ-ⴷ ⴱⴻⵍⵍⵉ ⴽⴽⵉ ⵏ ⵍⴻⵣⵣⴰⵢⴻⵔ ⴷⴻⴳ ⵡⵓⴷⵎⵉⵔ-ⴰⴳⵉ ⵢⴻⵜⵜⴰⴽ-ⵉⴷ ⵜⵉⴷⴻⵜ ⵏ ⵍⴻⴱⵖⵉ-ⵙ ⵉⵡⴰⴽⴽⴻⵏ ⴰⴷ ⵜⴻⵙⵙⴻⵊⵀⵉⴷ ⴰⵙⵙⴰⵖ ⴰⵙⵜⵔⴰⵜⵉⵊⵉ ⵉ ⵜⴻⵙⵄⴰ ⴷ ⵜⵣⴻⴳⴷⵓⴳⵜ ⵏ ⴽⵓⵔⵢⴰ, ⵢⴻⵔⵏⴰ ⴰⴷ ⵜⴻⴼⴽ ⵜⴰⵍⵍⴻⵍⵜ ⵉ ⵢⵉⵙⵡⵉⵢⴻⵏ ⵏ ⵓⵙⵏⴻⴼⵍⵉ ⵏ ⵜⴻⴼⵔⵉⵇⵜ
ⴰⵔⵏⵓ ⵖⴻⵔ
