ⴰⴷ ⵜⵉⵍⵉ ⵜⴰⵥⵔⵉⴳⵜ ⵜⵉⵙ 4 ⵏ ⵓⵙⴰⵍⴰⵢ ⴰⴳⵔⴻⵖⵍⴰⵏ ⵏ ⵓⵣⵣⴰⵍ, ⵡⴰⵎⵉⵙ (acier) ⴷ ⵢⵉⴼⴻⵔⴷⵉⵙⴻⵏ ⵏ ⵢⵉⵎⴰⵖⵉⵍⴻⵏ ⵙⴻⴳ 30 ⵎⴻⵖⵔⴻⵙ ⴰⵔ 1 ⵢⴻⴱⵔⵉⵔ, ⴷⴻⴳ ⵓⵅⵅⴰⵎ ⵏ ⵜⵎⴻⵙⴽⴰⵏⵉⵏ (Safex) ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵢⵉⵎⵙⵓⴷⴷⵙⴻⵏ.
ⵉⵎⵙⵓⴷⴷⵙⴻⵏ ⴰⵔⵊⵓⵏ ⴰⴷ ⴷ-ⴽⴽⴻⵏ 250 ⵏ ⵢⵉⵎⴻⵙⴽⴰⵏⵜⴻⵏ, ⴳⴰⵔ-ⴰⵙⴻⵏ 150 ⵏ ⵍⴱⴻⵔⵔⴰⵏⵉⵢⴻⵏ ⵉ ⴷ-ⵢⵓⵙⴰⵏ ⵙⴻⴳ ⵓⵟⴰⵙ ⵏ ⵜⵎⵓⵔⴰ ⴰⵎ: ⵛⵛⵉⵏⴰ, ⵟⵟⴰⵍⵢⴰⵏ, ⵜⵜⵓⵔⴽ, ⵍⵀⴻⵏⴷ, ⵏⵏⵉⴶⴻⵔ, ⵜⵓⵏⴻⵙ ⴷ ⵍⵉⴱⵢⴰ. ⴷⴰⵖⴻⵏ ⴰⴷ ⴷ-ⵉⵍⵉⵏ ⵢⵉⵙⵓⴷⵓⵜⴻⵏ ⵉⴳⵔⴻⵖⵍⴰⵏⴻⵏ ⵉⵅⴻⴷⴷⵎⴻⵏ ⴷⴻⴳ ⵓⵃⵔⵉⵛ-ⴰⴳⵉ, ⴰⵎ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵓⵣⵣⴰⵍ ⴷ ⵡⴰⵎⵉⵙ.
ⴷⴻⴳ ⵜⴰⵎⴰ ⵏⵏⵉⴹⴻⵏ, ⵜⴰⵥⵔⵉⴳⵜ-ⴰⴳⵉ ⴰⴷ ⵜⴻⵥⵔ ⵜⵉⴽⴽⵉ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵇⵇⵔⴰⵏⵉⵏ ⴰⵎ "SONAREM" ⴷ ⵜⴽⴻⴱⴱⴰⵏⵉⵜ ⵏ ⵍⵉⴱⵢⴰ ⵏ ⵓⵣⵣⴰⵍ ⴷ ⵡⴰⵎⵉⵙ, ⴷ ⵜⵉⵢⴰⴹ ⵏ ⵍⴱⴻⵔⵔⴰⵏⵉ ⵢⴻⴱⵖⴰⵏ ⴰⴷ ⵙⴻⵔⵙⴻⵏ ⵉⵙⴻⵏⴼⴰⵔⴻⵏ ⵏ ⵓⵙⴻⴼⵔⴻⴽ (investissement) ⴷⵉ ⵍⴻⵣⵣⴰⵢⴻⵔ.
ⴰⵀⵉⵍ ⵏ ⵓⵙⴰⵍⴰⵢ-ⴰⴳⵉ ⵢⴻⴱⵏⴰ ⵖⴻⴼ ⵜⵉⵔⵎⵉⵙⵉⵏ ⴷ ⵜⵎⴻⵙⵍⴰⵢⵉⵏ ⵖⴻⴼ ⵡⴰⵢⴻⵏ ⵏ ⵜⵜⴻⴽⵏⵓⵍⵓⵊⵢⴰ, ⵍⴰⴷⵖⴰ ⵜⵓⴽⴽⵙⴰ ⵏ ⵍⴽⴰⵔⴱⵓⵏ (décarbonation) ⴷⴻⴳ ⵜⴻⵎⴳⵓⵔⵉ ⵏ ⵢⵉⴼⴻⵔⴷⵉⵙⴻⵏ, ⴷ ⵜⵏⴻⴽⵔⴰ ⵏ ⵢⵉⵎⴰⵖⵉⵍⴻⵏ ⵙ ⵢⵉⵍⵓⴳⴰⵏ ⵉⴳⵔⴻⵖⵍⴰⵏⴻⵏ.
ⵢⴻⵏⵏⴰ-ⴷ ⵡⴰⵍⵖⵓ ⴱⴻⵍⵍⵉ ⵜⴰⵎⴻⵙⴽⴰⵏⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵜⴳⵏⵉⵜ ⵏ ⵓⴱⴻⴷⴷⴻⵍ ⵏ ⵜⴰⴷⴰⵎⵙⴰ ⵏ ⵍⴻⵣⵣⴰⵢⴻⵔ, ⵍⴰⴷⵖⴰ ⵙⴻⴳ ⵎⵉ ⵢⴻⴱⴷⴰ ⵓⵙⴻⵅⴷⴻⵎ ⵏ ⵓⵎⴰⵖⵉⵍ ⵏ ⵓⵣⵣⴰⵍ ⵏ ⴳⴰⵔⴰ ⴷⴊⴻⴱⵉⵍⴻⵜ. ⴰⵙⴰⵍⴰⵢ-ⴰⴳⵉ ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⵉⵍⵉ ⵓⵏⵢⴻⵍⵍⵉ ⵏ ⵜⵎⵓⵙⵏⵉ ⴷ ⵓⵙⴻⴽⵔⴻⵙ ⵏ ⵍⴻⵄⵇⵓⴷ ⴳⴰⵔ ⵜⴽⴻⴱⴱⴰⵏⵉⵢⵉⵏ.
ⵉⵙⵡⵉ ⵏ ⵓⵙⴰⵍⴰⵢ-ⴰⴳⵉ ⴷ ⵓⵙⵏⴻⵔⵏⵉ ⵏ ⵍⵔⴻⵣⵇ ⵏ ⵢⵉⵎⴰⵖⵉⵍⴻⵏ ⵏ ⵜⵎⵓⵔⵜ ⵉⵡⴰⴽⴽⴻⵏ ⴰⴷ ⵏⵣⴰⴷ ⴷⴻⴳ ⵓⵙⴻⵍⵍⵓⵏ (exportation) ⵏ ⵜⵢⴰⴹ ⵏ ⵙⵙⴻⵍⵄⴰ ⵉ ⵓⵔ ⵏⴻⴱⵏⵉ ⴰⵔⴰ ⵖⴻⴼ ⵍⴱⴻⵟⵔⵓⵍ.
ⴰⵔⵏⵓ ⵖⴻⵔ
