ⴰⵏⵎⴰⵀⴰⵍ ⴰⵎⴰⵜⵓ ⵏ ⵜⴰⵙⵏⵓⵔⴰⵢⵜ ⵜⴰⵣⵣⴰⵢⵔⵉⵜ ⵏ ⵓⵙⵏⴻⵔⵏⵉ ⵏ ⵓⵙⴻⴼⵔⴻⴷ , ⵎⴰⵙ ⵄⵓⵎⴰⵔ ⵔⴻⴽⴽⴰⵛ, ⵢⴻⵙⵇⴻⴷⵔⴻⵖ ⵜⴰⵎⴻⴷⴷⵉⵜ-ⴰ ⵏ ⵓⵙⵉⵏⴰⵙ ⴷⵉ ⵡⴻⵀⵔⴰⵏ ⵜⴰⴼⵓⴳⵍⵉ ⵏ ⵓⴼⵔⴰⵇ ⵏ ⵓⴽⴽⵓⵥ ⵏ ⵢⵉⴳⵉⵎⴰⵏ ⵏ ⵜⵎⴻⵙⴼⵓⵜ (contrats d'exploitation) ⵉ ⵢⵉⵎⴻⵙⴼⴻⵔⴷⴻⵏ ⵉ ⵢⴻⵙⵜⴰⴼⴹⴻⵏ ⵙⴻⴳ ⵡⴰⴽⴽⴰⵍ ⵏ ⵜⵎⴻⵙⵏⵉ ⵉⵡⴰⴽⴽⴻⵏ ⴰⴷ ⵅⴻⴷⵎⴻⵏ ⵢⵉⵙⴻⵏⴼⴰⵔⴻⵏ-ⵏⵙⴻⵏ.
ⵜⴰⴼⵓⴳⵍⵉ-ⴰ ⵜⴻⵍⵍⴰ-ⴷ ⵔⵔⵉⴼ ⵏ ⵢⵉⵡⴻⵏ ⵡⴰⵙⵙ ⵏ ⵓⵖⵓⵔⵉ ⵖⴻⴼ ⵓⵏⴰⵡⴻⵍ (sous-traitance) ⵉ ⴷ-ⵜⴻⵙⵙⵓⴷⴷⴻⵙ ⵜⴰⵙⵏⵓⵔⴰⵢⵜ-ⴰ ⴷⴰⵅⴻⵍ ⵏ ⵙⵙⴰⵍⵓⵏ "ⵎⵉⴽⴰⵏⵉⴽⴰ ⵏ ⵍⴻⵣⵣⴰⵢⴻⵔ", ⵙ ⵜⵉⵍⵉⵏ ⵏ ⵓⵏⵎⴰⵀⴰⵍ ⴰⵎⴰⵜⵓ ⵏ ⵜⵉⵔⵎⴰⴷ ⵜⵉⵎⴻⵥⵢⴰⵏⵉⵏ ⴷ ⵜⴰⵍⴰⵎⵎⴰⵙⵉⵏ ⵏ ⵜⵏⴻⵖⵍⴰⴼⵜ ⵏ ⵜⵎⴻⵙⵏⵉ, ⵄⴰⴱⴷⴻⵍⵄⴰⵣⵉⵣ ⵔⴻⴱⵉⵄⵉ, ⴷ ⵓⵏⵎⴰⵀⴰⵍ ⴰⵎⴰⵜⵓ ⵏ "ⵙⵜⴻⵍⵍⴰⵏⵜⵉⵙ ⵍⴻⵣⵣⴰⵢⴻⵔ" ⵉ ⵓⴼⴰⵔⴻⵙ ⵏ ⵜⴽⴻⵔⵔⵓⵙⵉⵏ "ⴼⵢⴰⵜ", ⵔⴰⵡⵉ ⴱⴰⵊⵉ, ⴷ ⵓⵎⴰⵙⵡⴰⵢ ⵏ ⵡⴻⴳⵔⵉⴼ ⵏ ⵡⴻⵙⵇⴰⵎⵓ ⵏ ⵓⵙⵎⴰⵢⵏⵓ ⴰⴷⴰⵎⵙⴰⵏ ⴰⵣⵣⴰⵢⵔⵉ, ⵜⴰⵣⵉ ⵎⵓⵃⴰⵎⴻⴷ ⴰⵎⵉⵏ.
ⵢⴻⵙⵜⴰⴼⴹⴻⵏ ⵢⵉⵎⴻⵙⴼⴻⵔⴷⴻⵏ-ⴰ ⵙⴻⴳ ⵢⵉⴳⵉⵎⴰⵏ-ⴰ ⵙ ⵜⵜⴰⵡⵉⵍ ⵏ ⵜⵙⵎⴻⵍⴼⵉⴼⵜ ⵜⴰⵔⴻⴽⵎⴰⵏⵜ ⵏ ⵓⵎⴻⵙⴼⴻⵔⴷ ⵉ ⴷ-ⵜⴻⵙⵙⵓⴼⴻⵖ ⵜⴰⵙⵏⵓⵔⴰⵢⵜ ⵉⵡⴰⴽⴽⴻⵏ ⴰⴷ ⵜⴻⵙⵙⵉⵡⵣ ⴰⴽⵛⵓⵎ ⵖⴻⵔ ⵡⴰⴽⴽⴰⵍ ⴰⴷⴰⵎⵙⴰⵏ. ⵉⵙⴻⵏⴼⴰⵔⴻⵏ-ⴰ ⴷ ⵡⵉ:
- ⵜⴰⵎⴰⵔⵉⴽⵜ "ⵃⴰⵎⵓⴷ ⴱⴰⵔⵜⵙ": ⴰⴼⴰⵔⴻⵙ ⵏ ⵢⵉⵛⵓⴱⴰⵏⴻⵏ ⴷ ⵢⵉⵛⴻⵔⵢⴰⵏⴻⵏ ⵏ ⵜⴽⴻⵔⵔⵓⵙⵉⵏ (ⵡⴻⵀⵔⴰⵏ).
- "ⵉⴷⵉⵏⴰⵜ ⵓⵔ": ⵉ ⵜⵃⴻⴷⴷⵎⵉⵏ ⵏ ⵜⵎⴻⵙⵏⵉ ⴷⵉ ⵄⵉⵏ ⵜⴻⵎⵓⵛⴻⵏⵜ (ⵙⵉⵏ ⵢⵉⴳⵉⵎⴰⵏ).
- "ⵉⴷⵉⵏⴰⵜ ⵊⵢⵓⵍⵓⴽⴰⵍⵉⵣⴰⵙⵢⵓⵏ": ⵉ ⵓⴼⴰⵔⴻⵙ ⵏ ⵡⴰⵍⵍⴰⵍⴻⵏ ⵏ ⵜⵣⴻⵎⴻⵔⵜ ⵏ ⵢⵉⵟⵉⵊ ⴷ ⵜⵎⴰⴳⴰⵏⵜ ⴷⵉ ⵄⵉⵏ ⵜⴻⵎⵓⵛⴻⵏⵜ.
ⵎⴰⵙ ⵔⴻⴽⴽⴰⵛ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵙⵏⵓⵔⴰⵢⵜ ⴰⴷ ⵜⴻⵇⵇⵉⵎ ⴷⴰⵢⴻⵎ ⵔⵔⵉⴼ ⵏ ⵡⵉⴷ ⵢⴻⵙⵄⴰⵏ ⵉⵙⴻⵏⴼⴰⵔⴻⵏ, ⵍⴰⴷⵖⴰ ⵜⵉⵔⵎⴰⴷ ⵜⵉⵎⴻⵥⵢⴰⵏⵉⵏ ⴷ ⵜⴰⵍⴰⵎⵎⴰⵙⵉⵏ ⴷ ⵜⵉⵔⵎⴰⴷ ⵜⵉⵎⴰⵢⵏⵓⵜⵉⵏ (startups). ⵢⴻⵏⵏⴰ-ⴷ ⴱⴻⵍⵍⵉ ⵜⴰⵙⵏⵓⵔⴰⵢⵜ ⵜⴻⵜⵜⴻⴽⴽⴻⴷ ⴷⴰⴽⴽⴻⴷ ⴰⴽⴽ ⵢⵉⵏⴻⵖⵍⴰⴼⴻⵏ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵍⵇⵉⵔⴰ ⵏ ⵓⵏⴻⴽⵛⵓⵎ (taux d'intégration) ⵢⴻⵔⵏⴰ ⴰⴷ ⵙⴱⴻⴷⴷⴻⵏ ⵜⵉⴳⵏⴰⵜⵉⵏ ⵢⴻⵍⵀⴰⵏ ⵉ ⵢⵉⵙⴻⵏⴼⴰⵔⴻⵏ-ⴰ.
ⵔⵔⵉⴼ ⵏ ⵙⵙⴰⵍⵓⵏ-ⴰ, ⵣⵎⴻⵎⴻⵏ (signés) ⵙⴷⵉⵙ (6) ⵏ ⵜⵎⵢⵉⵇⵇⴰⵏⵉⵏ ⵏ ⵜⴰⴷⵓⴽⵍⵉ ⵏ ⵜⵎⴻⵙⵏي, ⴳⴰⵏⵙⴻⵏⵜ ⵅⴻⵎⵙⴰ (5) ⴷⴷⴰⵡⴻⵢ ⵏ ⵓⴳⵔⵉⴼ "ⵙⵜⴻⵍⵍⴰⵏⵜⵉⵙ", ⵎⴰ ⴷ ⵜⵉⵙ ⵙⴷⵉⵙ (6) ⵜⴻⵄⵏⴰ ⵙⵏⴰⵜ ⵏ ⵜⵉⵔⵎⴰⴷ ⴷⵉ ⵍⵎⴰⵄⵓⵏ ⵏ ⵢⵉⵛⴻⵔⵢⴰⵏⴻⵏ ⵏ ⵜⵎⵓⵜⵓⵔⵉⵏ.
ⴰⵔⵏⵓ ⵖⴻⵔ
