ⵜⴻⴱⴷⴰ-ⴷ ⴰⵙⵙ-ⴰ ⵏ ⵍⵃⴻⴷ, ⴷⵉ ⵍⵣⵣⴰⵢⵔ ⵜⴰⵎⴰⵏⴻⵖⵜ, ⵢⵉⵡⴻⵏ ⵓⵏⵏⴰⵔ ⵏ ⵓⵅⴻⴷⴷⵉⵎ ⵉ ⴷ-ⵜⴻⵙⵓⴷⴷⴻⵙ ⵜⴰⵏⴻⵖⵍⴰⴼⵜ ⵏ ⵜⴻⵎⵀⴻⴳⴰⵏⵜ ⵏ ⵢⵉⵙⴰⴼⴰⵔⴻⵏ ⵙ ⵜⴰⵍⵍⴰⵍⵜ ⵏ ⵜⵎⵓⴷⴷⴻⵙⵜ ⵏ ⵜⴷⵓⵙⵉ ⵜⴰⵎⴰⴷⵍⴰⵏⵜ . ⵜⵉⵎⵍⵉⵍⵉⵜ-ⴰ ⵜⴻⵄⵏⴰ ⴰⵙⴻⵍⵙⵉ ⵉⵎⴰⵏ-ⵉⵙ ⵏ ⵓⵏⴰⴳⵔⴰⵡ ⴰⵏⴰⵎⵓⵔ ⵏ ⵓⴼⴰⵔⵉⵙ ⵏ ⵢⵉⵙⴰⴼⴰⵔⴻⵏ ⴷ ⵢⵉⴳⴳⵓⵣⴻⵏ.
ⵜⵜⴻⴽⴽⵉⵏ ⴷⴻⴳ ⵓⴱⴰⴷⵓ-ⴰⴳⵉ, ⵉⵡⴰⴽⴽⴻⵏ ⴰⴷ ⴷ-ⴰⵡⵉⵏ ⴰⴳⴻⵔⴷⴰⵙ ⵏ ⵓⵏⴻⴳⵎⵓ ⵏ ⵓⵙⵡⵉⵔ ⵡⵉⵙ 3 , ⵉⵄⴻⴳⴳⴰⵍⴻⵏ ⵏ ⵜⴰⵏⴻⵖⵍⴰⴼⵜ ⵏ ⵜⴻⵎⵀⴻⴳⴰⵏⵜ ⵏ ⵢⵉⵙⴰⴼⴰⵔⴻⵏ, ⴷ ⵜⴰⵏⴻⵖⵍⴰⴼⵜ ⵏ ⵜⴷⵓⵙⵉ, ⴰⴽⴽⴻⴷ ⵢⵉⵎⴰⵙⴰⵢⴻⵏ ⵏ ⵜⴻⵙⵏⵓⵔⵜ ⵜⴰⵏⴰⵎⵓⵔⵜ ⵏ ⵢⵉⵙⴰⴼⴰⵔⴻⵏ ⴷ ⵡⴰⵎⵎⴰⵙ ⴰⵏⴰⵎⵓⵔ ⵏ ⵓⵃⴰⴷⴻⵔ ⵏ ⵢⵉⵙⴰⴼⴰⵔⴻⵏ.
ⴷⴻⴳ ⵓⵏⵏⴰⵔ-ⴰⴳⵉ, ⵍⵍⴰⵏ ⴷⴰⵖⴻⵏ ⵉⵎⵓⵙⵏⴰⵡⴻⵏ ⵏ ⵜⵎⵓⴷⴷⴻⵙⵜ ⵏ ⵜⴷⵓⵙⵉ ⵜⴰⵎⴰⴷⵍⴰⵏⵜ ⵉⵡⴰⴽⴽⴻⵏ ⴰⴷ ⵜⴰⴱⵄⴻⵏ ⴰⵙⴻⴳⴳⵉ ⵏ ⵍⵣⵣⴰⵢⵔ ⵉ ⵓⵙⵡⵉⵔ ⵏ ⵓⵏⴻⴳⵎⵓ. ⴷ ⵢⵉⵙⵡⵉ ⴰⵙⵜⵔⴰⵜⵉⵊⵉ ⴰⵔⴰ ⵢⴻⵙⵊⴻⵀⴷⴻⵏ ⵍⴰⵎⴰⵏ ⵏ ⵓⵏⴰⴳⵔⴰⵡ ⴰⵏⴰⵎⵓⵔ, ⴰⵔⴰ ⵢⴻⴼⴽⴻⵏ ⵍⵊⴻⵀⴷ ⵉ ⵜⴻⵎⵀⴻⴳⴰⵏⵜ ⵏ ⵢⵉⵙⴰⴼⴰⵔⴻⵏ, ⵢⴻⵔⵏⴰ ⴰⴷ ⵢⴻⵙⵀⴻⵍ ⵜⵓⴼⴼⵖⴰ ⵏ ⵢⵉⵙⴰⴼⴰⵔⴻⵏ ⵏ ⵜⵎⵓⵔⵜ ⵖⴻⵔ ⵙⵙⵓⵇ ⴰⵎⴰⴷⵍⴰⵏ.
ⴷⴻⴳ ⵓⵏⴻⵔⵏⵉ ⵏ ⵡⴰⵡⴰⵍ, ⵉ ⴷ-ⵢⴻⴼⴽⴰ ⵓⵏⵎⴰⵀⴰⵍ ⴰⵎⴰⵜⵓ ⵏ ⵜⴰⵏⴻⵖⵍⴰⴼⵜ ⴷⴻⴳ ⵡⴻⵎⴽⴰⵏ ⵏ ⵓⵏⴻⵖⵍⴰⴼ ⵎⴰⵙ ⵡⴰⵙⵙⵉⵎ ⵇⵡⵉⴷⵔⵉ, ⵢⴻⵙⵙⴻⴽⵏ-ⵉⴷ ⴰⵣⴰⵍ ⵏ ⵜⴻⵎⵍⵉⵍⵉⵜ-ⴰⴳⵉ ⵉ ⵢⴻⴷⴷⴰⵏ ⴷ ⵓⴱⵔⵉⴷ ⵏ ⵜⵎⵓⵔⵜ ⵉ ⵓⵙⴻⵊⵀⴻⴷ ⵏ ⵜⴻⵎⵀⴻⴳⴰⵏⵜ ⵏ ⵢⵉⵙⴰⴼⴰⵔⴻⵏ ⴷ ⵓⵙⵏⴻⵔⵏⵉ ⵏ ⵍⵇⵉⵎⴰ ⵏ ⵓⴼⴰⵔⵉⵙ ⵙ ⵢⵉⴽⴰⵜⴰⵔⴻⵏ ⵉⵎⴰⴷⵍⴰⵏⴻⵏ ⵏ ⵜⵎⵓⴷⴷⴻⵙⵜ ⵏ ⵜⴷⵓⵙⵉ ⵜⴰⵎⴰⴷⵍⴰⵏⵜ.
ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⴱⴻⴷⴷⴻⵍ ⵏ ⵜⵎⴻⵙⴽⵉⵡⵜ ⵉ ⴷ-ⵜⴻⵡⵡⵉ ⵜⴰⵏⴻⵖⵍⴰⴼⵜ, ⴷ ⵍⵇⴰⵏⵓⵏ ⵉ ⵢⴻⵜⵜⵏⴻⵔⵏⵉⵏ ⴷⴰⵢⴻⵎ, ⴼⴽⴰⵏ ⵍⵊⴻⵀⴷ ⴰⵎⴰⵢⵏⵓ ⵉ ⵢⵉⵃⵔⵉⵇ-ⴰ, ⵙⵙⴻⵊⵀⴰⴷⴻⵏ ⴰⵙⴻⴼⴻⵔⴷⴻⴷ ⵢⴻⵔⵏⴰ ⵙⵙⴻⴽⵛⵎⴻⵏ ⴷⵉⵎⴰ ⵜⵉⵜⵉⴽⵏⵓⵍⵓⵊⵉⵢⵉⵏ ⵜⵉⵎⴰⵢⵏⵓⵜⵉⵏ ⵏ ⵜⴷⵓⵙⵉ.
ⴰⵔⵏⵓ ⵖⴻⵔ
