ⵜⴻⴱⴷⴰ ⵜⵙⵏⵓⵔⴻⴼⵜ ⵜⴰⵣⵣⴰⵢⵔⵉⵜ-ⵜⴰⵇⴰⵔⵉⵜ ⵉ ⵓⵚⴻⵍⴱⵉ ⴷⴻⴳ ⵊⵉⵊⴻⵍ ⴰⵀⴻⴳⴳⵉ ⵉ ⵓⵍⴷⴰⵢ ⵏ ⵓⵃⵔⵉⵛ ⵡⵉⵙ ⵙⵉⵏ ⵏ ⵓⵙⴻⵏⴼⴰⵔ ⵏ ⵓⵙⵏⴻⵔⵏⵉ ⵏ ⵓⵎⵓⵍⵍⵉ ⵏ ⴱⴻⵍⵍⴰⵔⴰ (ⴻⵍ ⵎⵉⵍⵉⴰ) ⵉ ⵢⴻⵟⵟⴰⴼⴰⵔⴻⵏ ⵜⴰⵎⵓⵙⵏⵉ-ⴰⴳⵉ. ⴰⵢⴰⴳⵉ ⴰⴷ ⵢⴻⴶⴶ ⴰⵙⴱⴻⴷⴷⵉ ⵏ ⵢⵉⴼⴰⵔⴰⵙⴻⵏ ⵉⵎⴰⵢⵏⵓⵜⴻⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⴰⵙⵙ-ⴰ ⵏ ⵜⵜⵍⴰⵜⴰ ⵓⵎⵙⴻⴳⵍⴰⵡⴰⵢ ⵡⵉⵙ ⵙⵉⵏ ⵏ ⵜⵙⵏⵓⵔⴻⴼⵜ.
ⵉⵙⵙⴻⴼⵀⴻⵎ-ⴷ ⵎⴰⵙⵙ ⵙⵓⴼⵢⴰⵏⴻ ⵛⴰⵢⴻⴱ ⴷⴻⴳ ⵔⵔⵉⴼ ⵏ ⵡⴰⵙⵙ ⵏ ⵜⴻⵣⵔⴰⵡⵜ ⵉ ⴷ-ⵜⴻⵙⵙⵓⴷⴷⴻⵙ ⵜⵙⵏⵓⵔⴻⴼⵜ ⵖⴻⴼ "ⵜⵎⴰⵏⴻⴳⵜ ⴷⴻⴳ ⴷⴰⵅⴻⵍ ⵏ ⵜⵎⵓⵙⵏⵉⵡⵉⵏ ⴷ ⵓⵎⴰⵀⵉⵍ-ⵉⵙ ⴰⵙⵔⴰⵜⵉⴷⵊⵉ ⵉ ⵓⵃⵔⴰⵣ ⵏ ⵜⴷⴰⵎⵙⴰ", ⴱⴻⵍⵍⵉ "ⴱⴷⴰⵏ ⵢⵉⵎⴰⵀⵉⵍⴻⵏ ⵏ ⵓⵀⴻⴳⴳⵉ ⵉ ⵓⵃⵔⵉⵛ ⵡⵉⵙ ⵙⵉⵏ ⵏ ⵓⵙⵏⴻⵔⵏⵉ ⵏ ⵓⵎⵓⵍⵍⵉ ⵏ ⴱⴻⵍⵍⴰⵔⴰ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴼⴰⵔⵉⵙ ⵏ ⵢⵉⴼⴰⵔⴰⵙⴻⵏ ⵉⵎⴰⵢⵏⵓⵜⴻⵏ ⵓ ⴰⴷ ⴷ-ⵓⵡⵡⵉⵏ ⵉ ⵡⴰⵢⴻⵏ ⵉⵙⵓⵜⵜⵓⵔ ⵓⴳⴻⴷⴻⵣ (ⵙⵙⵓⵇ) ⴰⵖⴻⵍⵏⴰⵡ ⴷ ⵡⵉⵏ ⴰⴳⵔⴻⵖⵍⴰⵏ".
ⵢⴻⵔⵏⴰ-ⴷ ⴱⴻⵍⵍⵉ ⵜⵉⵄⵍⴻⵏⵜ ⵜⵓⵏⵚⵉⴱⵜ ⵖⴻⴼ ⵜⴰⵣⵡⴰⵔⴰ ⵏ ⵓⵃⵔⵉⵛ-ⴰⴳⵉ ⴰⴷ ⴷ-ⵜⵉⵍⵉ ⴷⴻⴳ ⵡⴰⴽⵓⴷ ⵉ ⴷ-ⵉⵜⵜⴻⴷⴷⵓⵏ. ⵉⵙⵙⴻⴽⵜⵉ-ⴷ ⴷⴰⵖⴻⵏ ⴱⴻⵍⵍⵉ ⵜⴰⵎⵓⵙⵏⵉ ⵜⵜⴻⴷⴷⵓ ⴷⴻⴳ ⵓⵙⵏⴻⴼⵍⵉ ⴷⴻⴳ ⵓⴼⴰⵔⵉⵙ ⴷ ⵓⵙⵓⴼⴼⴻⵖ , ⵉⵎⵉ ⵢⵉⴼⴰⵔⴰⵙⴻⵏ-ⵉⵙ ⵓⵡⵢⴻⵏ ⵖⴻⵔ ⵢⵉⴳⴻⴷⴻⵣⴻⵏ ⵏ 45 ⵏ ⵜⵎⵓⵔⴰ, ⵓ ⵙⵙⴰⵔⴰⵎⴻⵏ ⴰⴷ ⴰⵡⴹⴻⵏ ⵖⴻⵔ ⵜⵎⵓⵔⵜ ⵜⵉⵙ 46 "ⴷⴻⴳ ⴷⴷⵓⵕⵜ-ⴰⴳⵉ".
ⴷⴻⴳ ⵓⵏⵏⴰⵔ ⵏ ⵡⴰⵙⵙ ⵏ ⵜⴻⵣⵔⴰⵡⵜ, ⴰⵎⴻⵙⵍⴰⵢ ⵉⵙⵙⴻⴽⵏⴻⴷ ⴱⴻⵍⵍⵉ ⵉⵙⵡⵉ ⵏ ⵓⴷⵉⵡⴻⵏⵏⵉ-ⴰⴳⵉ ⴷ "ⵓⵙⴻⴽⵏⴻⴷ ⵏ ⵡⴰⵣⴰⵍ ⵏ ⵜⵎⴰⵏⴻⴳⵜ ⵏ ⵜⵎⵓⵙⵏⵉ ⴷ ⵓⵎⴰⵀⵉⵍ-ⵉⵙ ⴷⴻⴳ ⵓⴷⴻⴳⴳⴻⵔ ⴷ ⵓⵃⵔⴰⵣ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵙ ⵓⵎⵓⴱⴱⴰⴷⴷⴻⵍ ⵏ ⵢⵉⵔⵎⵉⵜⴻⵏ ⴳⴰⵔ ⵢⵉⵎⵓⵣⵣⴰⴳⴻⵏ ⴷ ⵢⵉⵙⴻⵍⵎⴰⴷⴻⵏ ⵏ ⵜⴻⵙⴷⴰⵡⵉⵜ, ⴷ ⵓⵙⴰⵎⵙⵉ ⵏ ⵓⵎⴰⵀⵉⵍ ⴷ ⵡⴰⵍⵍⴰⵍⴻⵏ ⵉⵎⴰⵢⵏⵓⵜⴻⵏ, ⵍⴰⴷⵖⴰ ⴰⵢⴻⵏ ⵢⴻⵄⵏⴰⵏ ⵜⴰⵎⵓⵙⵏⵉ ⵜⴰⵡⵓⵔⵎⴰⵏⵜ ⴷ ⵜⴰⵔⵔⴰⵢⵉⵏ-ⵉⵙ".
ⴰⵔⵏⵓ ⵖⴻⵔ
