ⵢⴻⵍⵍⴷⵉ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏ ⵏ ⵓⴷⵍⵉⵙ ⴷⴻⴳ ⴷⵣⴰⵢⴻⵔ ⴷⴻⴳ ⵜⴰⵣⵡⴰⵔⵜ-ⵉⵙ ⵜⵉⵙ 29 ⵜⵉⵡⵡⵓⵔⴰ-ⵉⵏⴻⵙ ⵣⴷⴰⵜ ⵏ ⴳⵏⴻⵜ, ⴰⵙⵙ-ⴰ ⵏ ⵅⵎⵉⵙ ⴷⴻⴳ ⵓⵙⴰⴳⵓⵔ ⵏ ⵢⵉⴼⵙⴰⵔⴻⵏ ⵏ Pⵉⵏⴻ Mⴰⵔⵉⵜⵉⵎⴻ ⴷⴻⴳ ⴷⵣⴰⵢⴻⵔ ⵜⴰⵎⴰⵏⴰⵖⵜ, ⴷⴻⴳ ⵡⵓⵍ ⵏ ⵓⵏⴻⴽⴼⵓⵎ ⵏ ⵡⴰⵟⴰⵙ ⵏ ⵢⵉⵎⵓⵔⴰⵢⴻⵏ, ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ ⵏ ⵓⵎⵓⵍⵍⵉ-ⴰ ⴰⵙⴻⴽⵍⴰⵏ ⴷ ⵓⴷⴻⵍⵙⴰⵏ ⴰⵎⴻⵙⵙⵉⴽⴰⵏ ⴷⴻⴳ ⴷⵣⴰⵢⴻⵔ.
ⵙⴻⵍⴷ ⵎⵉ ⵉ ⴷ-ⵢⴻⵍⵜⴻⵍ ⵓⵙⵙⴻⴱⴷⵓⴷ ⵏ ⵓⵙⵇⴰⵎⵓ, ⵔⵔⴰⵏ ⵢⵉⵎⵓⵔⴰⵢⴻⵏ ⵙⴻⴳ ⵢⴻⵎⴳⴰⵔⴰⴷⴻⵏ ⵢⵉⵙⵡⵉⵔⴻⵏ ⵏ ⵢⵉⵙⴻⴳⴳⴰⵙⴻⵏ ⵖⴻⵔ ⵓⴳⴰⵣ ⴰⵎⴰⵢⵏⵓⵜ ⵏ « ⴼⵉⵍⴰⵙⵟⵉⵏ » ⵉ ⵢⴻⵙⵙⴽⴻⵏ ⴷ ⴰⵎⵎⴰⵙ ⵉ ⴷ-ⵉⵙⵙⴰⵍⴰⵢⴻⵏ ⵓⴳⴰⵔ ⵏ ⴳⵏⴻⵜ ⴷⴻⴳ ⵓⵙⴰⴳⵓⵔ ⵏ ⵢⵉⴼⵙⴰⵔⴻⵏ ⵉ ⵉⵙⵙⴻⴱⵔⵓⵔⴻⵏ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⵜⵉⵡⵓⵔⵉⵡⵉⵏ ⵏ ⵓⵙⵇⴰⵎⵓ, ⴰⵏⴷⴰ ⵉ ⵜⵜⵡⴰⵙⴻⴱⴷⴻⵏ ⵡⴰⵟⴰⵙ ⵏ ⵢⵉⵅⵅⴰⵎⴻⵏ ⵏ ⵓⵙⵙⴻⴼⴻⵖ ⵉⴷⵣⴰⵢⵔⵉⵢⴻⵏ, ⵉⵄⵔⴰⴱⵔⴻⵏ ⴷ ⵉⴳⵔⴰⵖⵍⴰⵏⴻⵏ ⵓⵣⵣⵉⴳⴻⵏ ⴷⴻⴳ ⵜⵙⴻⴱⵍⴰ, ⴷ ⵢⵉⵙⵙⴻⴼⴻⵖⴻⵏ ⵉⴼⴻⴽⵔⵉⵢⴻⵏ, ⵉⵎⴰⵙⵙⴰⵏⴻⵏ, ⵉⴷⵍⵉⵙⴻⵏ ⵏ ⵓⵖⴻⵔⴱⴰⵣ, ⵉⵙⴻⴳⵣⴰⵏⴻⵏ, ⴷ ⵢⵉⴷⵍⵉⵙⴻⵏ ⵏ ⵓⵙⴳⴻⴷ ⴷ ⵓⴷⵍⴻⵙ ⵏⵏⵉⴹⴻⵏ.
ⴰⵎ ⴰⴽⴽⴻⵏ ⵉ ⴷ-ⵉⵢⴻⵡⵡⵉ ⵓⴳⴰⵣ ⵏ ⵡⴰⵏⴻⴽ ⴰⵄⵔⴰⴱ ⴰⵙⴰⵄⵓⴷⵉ, ⴰⵏⴻⴱⴳⵉ ⵏ ⵓⵙⵙⴻⵙⵖ ⵏ ⵜⴰⵣⵡⴰⵔⵜ-ⴰ, ⵉⵎⵓⵔⴰⵢⴻⵏ ⵉ ⵉⵃⵓⵣⴻⴷ ⵉⴷⵍⴻⵙ, ⴰⴳⴻⵔⵔⵓ ⴷ ⵜⵙⴻⴱⵍⴰ ⵏ ⵜⵎⵓⵔⵜ-ⴰ ⵜⴰⵄⵔⴰⴱⵜ, ⴰⵏⴷⴰ ⵉ ⴷ-ⵢⴻⵜⵜⴰⴽ ⵓⴳⴰⵣ-ⴰ ⵡⴰⵟⴰⵙ ⵏ ⵢⵉⴷⵍⵉⵙⴻⵏ ⵖⴻⴼ ⴰⵎⵣⵔⵓⵢ ⵏ ⵡⴰⵏⴻⴽ, ⵉⴷⵍⴻⵙ-ⵉⵙ, ⴰⴳⴻⵔⵔⵓ-ⵉⵏⴻⵙ ⴷ ⵢⵉⵙⴻⴼⵔⴰⵙ-ⵉⵙ ⴷ ⵜⵙⴻⴱⵍⴰ-ⵉⵏⴻⵙ, ⵖⴻⵔ ⵢⵉⴷⵉⵙ ⵏ ⵢⵉⴽⴰⵔⴰⵎⴻⵏ ⵉ ⵉⵞⵓⴷⴷⴻⵏ ⵖⴻⵔ ⵓⵙⴳⴻⴷ, ⵜⴰⵙⴻⴼⵔⴰ, ⵜⴰⴼⴻⵍⵙⴰⴼⵜ ⴷ ⵢⵉⵙⴻⴼⵔⴰⵙ ⵏⵏⵉⴹⴻⵏ, ⵖⴻⵔ ⵢⵉⴷⵉⵙ ⵏ ⵢⵉⵡⵍⴰⵀⴻⵏ ⵏ ⵢⵉⵙⵓⵔⴰ ⵉⵙⴰⵄⵓⴷⵉⵢⴻⵏ, ⴷ ⵓⴼⵙⵙⴰⵔ ⴰⵎⴻⵞⵟⵓⵃ ⵉ ⴷ-ⵉⵙⵙⵙⴽⴻⵏ ⴰⵔⵔⵓⵣ ⴰⵜⴻⵏⵙⴰⵢ, ⵉⴼⴻⵞⵞⵓⵢⴻⵏ ⵏ ⵓⵥⴰⵡⴰⵏ ⴷ ⵢⵉⵙⴻⴼⵔⴰⵙ ⵏ ⵓⴼⴻⵅⵅⴰⵔ ⵉⵙⴰⵄⵓⴷⵉⵢⴻⵏ.
ⴰⴷ ⵉⵣⵎⵉⵔⴻⵏ ⵢⵉⵎⵓⵔⴰⵢⴻⵏ, ⴷⴻⴳ ⵎⵔⴰⵡ (10) ⵏ ⵢⵉⵙⵙⴰⵏ, ⴰⴷ ⵎⵍⵉⵍⴻⵏⴳ ⴷ ⵡⴰⵟⴰⵙ ⵏ ⵢⵉⵎⵓⵔⴰⵙ ⵉⴷⵣⴰⵢⵔⵉⵢⴻⵏ ⴷ ⵢⵉⴱⴰⵔⵉⵢⵏ ⵉ ⴷ-ⵉⵙⵙⵓⴼⵖⴻⵏ ⵉⴷⵍⵉⵙⴻⵏ-ⵏⵙⴻⵏ ⵉⵎⴰⵢⵏⵓⵜⴻⵏ ⴷ ⵓⵜⵜⴻⴽⴽⵉ ⴷⴻⴳ ⵡⴰⵟⴰⵙ ⵏ ⵢⵉⴷⵉⵡⴰⵍⴻⵏ ⴷ ⵢⵉⵏⴰⵎⵓⴳⴳⴰⵔⴻⵏ ⴷⴻⴳ ⵓⴽⴰⵜⴰⵕ ⵏ ⵓⵙⴰⴳⵓⵔ ⴰⴷⴻⵍⵙⴰⵏ ⵏ ⵓⵙⵇⴰⵎⵓ, ⴳⴰⵔ-ⴰⵙⴻⵏ ⵉⵎⵓⵔⴰⵙ, ⵉⵙⴻⴼⵔⴰ ⴷ ⵢⵉⵎⵓⵙⵙⴰⵏⴻⵏ ⵉⵙⴰⵄⵓⴷⵉⵢⴻⵏ ⵉ ⴰⴷ ⵉⵙⵙⴰⵍⴻⵏ ⵜⴰⴼⴰⵜ ⵖⴻⴼ ⵢⵉⵙⴰⴳⵓⵔⴻⵏ ⴰⵎ ⵉⴷⵍⴻⵙ ⵏ ⵚⴰⵄⵓⴷⵉⵢⴰ, ⴰⴳⴻⵔⵔⵓ-ⵉⵏⴻⵙ, ⴷ ⵢⵉⵙⵙⴰⵖⴻⵏ ⵉⴷⴻⵍⵙⴰⵏⴻⵏ ⴳⴰⵔ ⴷⵣⴰⵢⴻⵔ ⴷ ⵡⴰⵏⴻⴽ.
ⵜⴻⵜⵜⵡⴰⵙⵙⴻⵡⵙⴻⵢ ⵜⴰⵣⵡⴰⵔⵜ ⵜⵉⵙ 29 ⵏ ⵓⵙⵇⴰⵎⵓ ⵉⴳⵔⴰⵖⵍⴰⵏ ⵏ ⵓⴷⵍⵉⵙ ⴷⴻⴳ ⴷⵣⴰⵢⴻⵔ (ⵙⴻⴳ 28 ⴽⵟⵓⴱⵓⵔ ⵖⴻⵔ 7 ⵡⴰⵎⴱⴻⵔ), ⴷⴷⴰⵡ ⵏ ⵓⵎⴻⵏⵣⴰⵢ « ⴰⵣⴻⴽⴽⴰ ⴳⴰⵔ ⵙⵏⴰⵜ ⵏ ⵜⴼⴻⵔⵡⵉⵏ ⵏ ⵓⴷⵍⵉⵙ », ⵙ ⵓⵜⵜⴻⴽⴽⵉ ⵏ 1567 ⵏ ⵢⵉⵅⵅⴰⵎⴻⵏ ⵏ ⵓⵙⵙⴻⴼⴻⵖ ⵙⴻⴳ 51 ⵏ ⵜⵎⵓⵔⴰ, ⴳⴰⵔ-ⴰⵙⴻⵏ 350 ⵏ ⵢⵉⵅⵅⴰⵎⴻⵏ ⵏ ⵓⵙⵙⴻⴼⴻⵖ ⵉⴷⵣⴰⵢⵔⵉⵢⴻⵏ, ⵉ ⴷ-ⵢⴻⵙⵙⴼⵙⴻⵔⴻⵏ ⴰⵣⴰⵖⴰⵍ ⵏ 300 ⵏ ⵡⴰⴳⵉⵎ ⵏ ⵓⵣⵡⴻⵍ ⵏ ⵢⵉⴷⵍⵉⵙⴻⵏ.
ⴰⵔⵏⵓ ⵖⴻⵔ
