ⵢⵓⵔⴰ-ⴷ ⴷⴻⴳ ⵓⵙⵉⵡⴹ: "ⵙ ⵓⵇⴰⴷⴻⵔ ⵏ ⵜⴰⵔⵔⴰⵢⵉⵏ ⵏ ⵓⵎⴰⴳⵔⴰⴷ 19 ⵏ ⵓⵙⴰⴷⵓⴼ ⵏ ⵜⵉⴳⴳⴰⵜⵉⵏ ⵜⵉⴽⴻⵔⵔⵉⵢⵉⵏ, ⴰⵎⴻⵍⵍⴰⵍ ⵏ ⵜⴻⴳⴷⵓⴷⴰ ⴷⴻⴳ ⵜⵏⴻⴼⵔⵓⵜ ⵏ ⵛⴻⵔⴰⴳⴰ ⵢⴻⵄⵍⴻⵎ-ⴷ ⵍⵖⴰⵛⵉ ⴱⴻⵍⵍⵉ ⴷⴻⴳ ⵓⴱⵔⵉⴷ ⵏ ⵓⵎⴻⵏⵏⵓⵖ ⵎⴳⴰⵍ ⵜⵉⴽⴻⵔⵔⵉⵛⵉⵏ ⵏ ⵓⵃⵓⵟⵟⵓ ⵏ ⵜⵏⴻⵣⵣⵉⵜ ⵏ ⵢⵉⴽⴽⴰⵢⴰⴷⴻⵏ, ⴰⵙⵙ ⵏ 07 ⵢⵓⵏⵢⵓ 2026, ⵜⴰⵙⴻⴷⴷⴰⵔⵜ ⵏ ⵜⵎⴻⵏⵏⴰⵟ ⵏ ⴷⴷⴰⵔⴽ ⴰⵖⴻⵍⵏⴰⵡ ⵏ 'ⵎⴰⵏⵣⴰⵔ ⵊⴰⵎⵉⵍ' ⵜⴳⴻⵔ-ⴷ ⴰⵙⴰⵍⴰⵏ ⵖⴻⴼ ⵓⵛⴻⵛⵔⴻⴽ ⴷⴻⴳ ⵓⴽⴰⵢⴰⴷ ⵏ ⴱⴰⴽⴰⵍⵓⵔⵢⴰ. ⴰⵢⴰⴳⵉ ⵙⴻⵍⴷ ⵎⵉ ⵜⴻⵜⵜⵡⴰⵟⵟⴻⴼ ⵢⵉⵡⴻⵜ ⵏ ⵜⴰⴳⵏⵉⵜ ⵏ ⵓⵛⴻⵛⵔⴻⴽ ⵏ ⵜⵉⴷⴻⵜ ⵙ ⵜⴰⵎⴰ ⵏ ⵓⵙⴻⵍⵡⴰⵢ ⴰⵃⴻⵔⵔⵉ (ⵎ. ⵊ. ⵙ) ⵙ ⵜⴰⵎⴰ ⵏ ⵢⵉⵡⴻⵜ ⵏ ⵜⵙⴻⵍⵎⴰⴷⵜ ⵏ ⵓⵣⴻⵟⵟⴻⴹ ⴷⴻⴳ ⵡⴰⵎⵎⴰⵙ ⵏ 'ⴰⴱⵓ ⴱⴰⴽⵔ ⴱⴻⵏ ⵣⵉⵏⵉ' ⴷⴻⴳ ⵄⵉⵏ ⵍⴱⴻⵏⵢⴰⵏ. ⴰⵎⵛⴻⴽⴽⴰⵢ-ⴰⴳⵉ ⵢⴻⵍⵍⴰ ⵢⴻⵜⵜⴻⴳⴳⴻⵏ ⵜⵉⵛⵓⵇⴰⴼⵉⵏ ⵉ ⵢⵉⵙⵜⴻⵇⵙⵉⵢⴻⵏ ⵙ ⵓⵙⴰⵜⴻⵍ-ⵉⵙ (ⵜéⵍéⵒⵀⵓⵏⴻ) ⵉⵡⴰⴽⴽⴻⵏ ⴰⴷ ⵜⴻⵏ-ⵢⴰⵣⴻⵏ ⵉ ⵡⴻⵍⵜⵎⴰ-ⵙ (ⵎ. ⵙ) ⵙ ⵜⵜⴰⵡⵉⵍ ⵏ ⵡⴰⵀⵉⵍ 'WⵀⴰⵜⵙAⵒⵒ'. ⵜⴰⵎⴻⴳⴳⴰⵔⵉ-ⴰⴳⵉ ⵜⴻⵜⵜⴰⵔⵔⴰ-ⴷ ⴼⴻⵍⵍ-ⴰⵙⴻⵏ ⵙ ⵜⴰⵍⵍⴻⵍⵜ ⵏ ⵜⵎⵓⵙⵏⵉ ⵜⴰⵡⵓⵔⵎⴰⵏⵜ 'ⵛⵀⴰⵜ ⴳⵒⵜ' ⵓ ⵜⴻⵜⵜⴰⵔⴰ-ⴰⵙ-ⴷ ⵜⵓⵔⴰⴹ ⵙ 'WⵀⴰⵜⵙAⵒⵒ' ".
ⵙ ⵓⵏⴰⵎⴻⴽ ⵏ ⵓⵖⴱⴰⵍⵓ-ⵏⵏⵉ ⴽⴰⵏ, "ⴰⵙⵙ-ⴰ ⵏ 09 ⵢⵓⵏⵢⵓ 2026, ⵜⵜⵓⵏⴻⵎⵍⴻⵏ ⵢⵉⵎⵛⴻⴽⴽⴰⵢⴻⵏ ⵣⴷⴰⵜ ⵏ ⵓⵎⴻⵍⵍⴰⵍ ⵏ ⵜⴻⴳⴷⵓⴷⴰ, ⵉ ⵢⴻⵍⵍⴰⵏ ⵢⴻⴼⴽⴰ ⵜⵓⵔⴰⴹ ⵙⴻⵍⴷ ⵓⵙⵜⴻⵇⵙⵉ-ⵏⵙⴻⵏ ⵉⵡⴰⴽⴽⴻⵏ ⴰⴷ ⵄⴻⴷⴷⵉⵏ ⵣⴷⴰⵜ ⵏ ⵓⵃⵔⵉⵛ ⵏ ⵜⴽⴻⵔⵔⵉⵛⵉⵏ ⵙ ⵜⴰⵔⵔⴰⵢⵜ ⵏ 'ⵓⵥⴻⵔⵔⴻⴱ ⵏ ⵡⴰⵏⵏⴰⵔ' ⵖⴻⴼ ⵜⴽⴻⵔⵔⵉⵛⵜ ⵏ ⵓⴼⵔⴰⵇ ⴷ ⵓⵙⵓⴼⴼⴻⵖ ⵏ ⵢⵉⵙⴻⵏⵜⴰⵍ ⴷ ⵢⵉⴳⴻⵎⵎⴰⴹ ⵏ ⵢⵉⴽⴽⴰⵢⴰⴷⴻⵏ ⵏ ⵜⴰⴳⴳⴰⵔⴰ ⵏ ⵓⵙⴻⵍⵎⴻⴷ ⵏ ⵜⴻⵙⵏⴰⵡⵉⵜ ⵙ ⵡⴰⵍⵍⴰⵍⴻⵏ ⵏ ⵜⴻⵢⵡⴰⵍⵜ ⵏ ⵍⴻⴱⵄⵉⴷ, ⵙ ⵓⵇⴰⴷⴻⵔ ⵏ ⵓⵎⴰⴳⵔⴰⴷ 253 ⵎⴽⴻⵔⵔⴻⵔ 6 ⴷ 7 ⵏ ⵓⵙⴰⴷⵓⴼ ⵏ ⵓⵄⴻⵇⵇⴻⴱ".
ⵙⴻⵍⴷ ⵎⵉ ⴷ-ⵔⵙⴻⵏ ⵢⵉⵎⵛⴻⴽⴽⴰⵢⴻⵏ ⵣⴷⴰⵜ ⵏ ⵜⵏⴻⴼⵔⵓⵜ, ⵢⴻⵔⵏⴰ-ⴷ ⵓⵙⵉⵡⴹ, "ⵜⵜⵡⴰⵢⴻⵣⴻⵏ ⵙ ⵜⴽⴻⵔⵔⵉⵛⵉⵏ-ⵏⵏⵉ ⵓ ⴼⴽⴰⵏ-ⴰⵙ ⵉ ⵢⴰⵍ ⵢⵉⵡⴻⵏ ⴷⴻⴳ-ⵙⴻⵏ ⴽⵓⵣ (04) ⵏ ⵢⵉⵙⴻⴳⴳⴰⵙⴻⵏ ⵏ ⵍⵃⴻⴱⵙ ⵉⵕⴻⵙⵙⴰⵏⴻⵏ ⴷ ⵙⵏⴰⵜ ⵏ ⵜⵎⴻⵔⵡⵉⵏ ⵏ ⵡⴰⴳⵉⵎⴰⵏ ⵏ ⴷⵊⵉⵏⴰⵔⴻⵏ (200.000 ⴷⴰ) ⵏ ⵜⵅⴻⵟⵟⵉⵜ, ⵙ ⵓⵕⵓⵚⵓ-ⵏⵙⴻⵏ ⴷⴻⴳ ⵍⵃⴻⴱⵙ ⵉⵎⵉⵔⴻⵏ ⴽⴰⵏ ⴷⴻⴳ ⵜⵖⵉⵎⵉⵜ, ⵓ ⵜⵜⵡⴰⵃⵙⴰⵔⴻⵏ ⵢⴰⴽⴽ ⵡⴰⵍⵍⴰⵍⴻⵏ ⵉ ⴷ-ⵢⴻⵜⵜⵡⴰⵟⵟⴼⴻⵏ".
ⴰⵔⵏⵓ ⵖⴻⵔ
